1-2. King so se ka bang se makiye Jeso gore a bolabole mantsu ya ma leng mo ga Johane 4:35, 36?

JESO, ke mo a kene a sepela mašemong ya korong ya go phephela. (Joh. 4:3-6) Gana hala ga 4 ya dikgwedi, korong yowa yi ko ba yi šele yi buniwa. Jeso o yye a bolabola se sengwana sa gore ne se kwagala se sa tlwayelega: “Tsosaneng dihlogo tsa lune ke mokane le lebelele mašemo, gore ma šele ma le gabutši gore ma ka buniwa.” (Bala Johane 4:35, 36.) Gabutšibutši ke mo a ra gore king?

² Jeso o yye a tshwanisa go buniwa ga korong le go buniwa ga batho. Lebelela so se makegiyeng. Le mo nkare Majuda ne ma sa kwane le Masamariya, mara Jeso o yye a tšhomayelela mosadi wa Mosamariya, fote mosadi yene o yye a mo theetsela! Gabutšibutši, mo Jeso a kene a bolabola ka mašemo “gore ma šele ma le gabutši gore ma ka buniwa,” mogoba wa Masamariya wa gore ke mo wo kwelele ditaba ka Jeso ga mosadi yene, ke mo wo kene wo le tseleng ya go ya ga Jeso gore a wo tšhutise tsa go tlala. (Joh. 4:9, 39-42) Ye mongwana wa go kwana le go bolabola ka tso tsa Baebele, o re: ‘Ka mokgo batho bone ne ba wonngwe ditaba tsowa . . . ke mo ba šupetsa gore ba tshwana le korong ya gore yi šele yi lukiye gore yi ka buniwa.’

3. Matšhomayelelo yago ma nyoko lokotšega ka mokgo mang mo o ka tseya batho ka mokgo Jeso ne a ba tseya ka gona?

³ Wene, o ba tseya byang batho bo o ba tšhomayelelang ditaba tso tsa go bafala? Ayitsano o ba bona ba tshwana le korong ya gore yi šele yi nyaka go buniwa? Mo nkare go sone, go nyoko makega dilo tsowa ka ditharo. Sa mathomo, o nyoko berekisa nako ye nngwana le ye nngwana yo o yi krayang gore o tšhomayele. Nako ya go buna ke ye nyana ka matla, a di nyake re yi sinya. Sa bobedi, di nyoko go jabodisa ka matla mo o bona batho ba maka tso Baebele yi di tšhutisang. Baebele yi re: “Mo go segela nako ya go buna, batho baa jabola.”  (Jes. 9:3) Sa boraro, o ko tseya motho ye mongwana le ye mongwana gore a ka di kgona go ba lelata la Jeso, byalo o ko maka gore o tšhentšhatšhentšhe matšhomayelelo yago gore ma tshwanele motho ye o bolabolang naye.

4. Ga hlogotaba yowa, king so re nyoko se tšhutang ga Pawulo wa lepostola?

⁴ Bo ba go latelela Jeso ke mo ba ngalele Masamariya, mara yene ke mo a sa ma ngalela. Byalo, ke mo a ma tseya gore ma ka di kgona gore ma be malata yage. Le rune, di nyaka re tseye batho ba tšhomo yo re yi berekang gore ba ka di kgona go ba malata ya Kreste. Pawulo wa lepostola o re beyele mošupetso wa gabutši wa gore di nyaka re wo tseyele hlogong. King so re ka se tšhutang gage? Ga hlogotaba yowa, re nyoko bolabola ka dilo ke tsowa, (1) ka mokgo a kgonneng go tšiba dilo tso di dumelang ke bo a ba tšhomayelelang, (2) ka mokgo a kgonneng go lemoga tso batho ba di jabolelang, le (3) go tseya gore ba ka di kgona go ba malata ya Jeso.

5. Ke ntaba Pawulo a kgonne go bolabola le batho ba ku senagogeng?

⁵ Pawulo ke mo a dula a tšhomayela disenagogeng tsa Majuda. Mo re beyisa, ku senagogeng sa Mathesalonika, “ka disabatha ka ditharo, o yye a bolabodisana le [Majuda] ka Mangwalo.” (Meber. 17:1, 2) Pawulo ke mo a sa kokone ke selo mo a le senagogeng. Ke mo a gudisiwwe ka mokgwa wa Majuda. (Meber. 26:4, 5) Pawulo ke mo a tšiba Majuda gabutši, byalo ke mo a ma tšhomayelela a sa tšhabe selo.—Mafil. 3:4, 5.

6. Batho ba ku go rekisiwang gona ku Athene, ne ba sa tshwane le bo Pawulo ne a ba tšhomayelela ku senagogeng ka mokgo mang?

⁶ Pawulo o yye a ya Athena ka nthago ga gore a tšhabe bo ba go mo hlorisa ku Thesalonika le Bheriya. Fotefote, “o yye a thomisa go bolabodisana le Majuda ku sinagogeng le batho ba bangwana ba gore ke mo ba rapela Modimo.” (Meber. 17:17) Byalo, Pawulo mo a kene a tšhomayela ku go rekisiwang gona, ke mo a tšhomayelela batho ba gore a ba tshwane le ba ku senagogeng. Ba bangwana bo ne ba mo theetsele ne go le bo ba go tšhutisa dilo tsa go tikhandela le ba gore ne ba sa dumele ga Modimo fote ba tseya dilo tso Pawulo a di tšhutisang go le “tsa nyuwane.” Ba yye ba re gage: “O re botsa dilo tsa gore ditsebe tsa rune di ro thoma go di kwa.”—Meber. 17:18-20.

7. Mebereko 17:22, 23 yi re Pawulo o yye a tšhentšhatšhentšha matšhomayelelo yage ka mokgo mang gore ma tshwanele bo a bolabolang nabo?

⁷ Bala Mebereko 17:22, 23. Pawulo mo a bolabola le bala ba go sa dumele ga Modimo ba ku Athene, a sanka a bolabola nabo go tshwana le mo a bolabola le Majuda ya ku senagogeng. Di ka makega gore Pawulo o yye a tiputsisa gore, ‘Gabutšibutši Ma-athene yawa ma dumela ga ying?’ O yye a lebeledisisa gabutši dilo tsa mo ne a le gona, gore a thogo tšiba tso batho ba di dumelang. Byalo, Pawulo  o yye a lebelela gabutši tso ba di dumelang gore di yelana kaye le nnete yo yi leng ka ho Baebeleng. Ye mongwana wa go kwana le go bolabola ka Baebele o yitseri: “Ka taba la gore ne go le Mokreste wa Lejuda, o di bonne tsa gore Magerika yawa ya go sa dumele ke mo ma sa rapele Modimo wa ‘mannete’ wa Majuda le wa Makreste, mara o yye a leketsa go šupetsa Ma-athene gore Modimo ye a tšhomayelang ka yene, a yi gore a ba mo tšibi.” Byalo, Pawulo ke mo a tikemisele gore a tšhentšhatšhentšhe matšhomayelelo yage gore ma tshwanele bo a ba tšhomayelelang. O butsiye Ma-athene gore molayetsa wo ne a ba botsa wona ne wo tšwa ga “Modimo wa go sa Tšibiwi” yenene wa gore ne ba kene ba leketsa go rapela yene. Le mo yi le gore bo ba go sa dumele ga Modimo ke mo ba sa tlwayela Mangwalo, Pawulo a sanka a ba ngalela. Mara, o yye a ba tseya go le korong ya gore yi šele yi lukiye gore yi ka buniwa ke mokane a tšhentšhatšhantšha ka mokgo ne a bolabola ditaba tsowa tsa go bafala.

8. (a) O ka di tšiba byang gore batho ba tšhomo yo le yi berekang ba dumela ga ying? (b) O ka re king ga motho wa gore o re, o na le kereke yage?

⁸ Go fo tshwana le Pawulo, ntsha mahlo dikwakweng. Lebelela dilo tso batho ba tšhomo yo le yi berekang ba dumelang ga tsona. Mong wa mutši o kgabisiye byang mutši wage kela koloyi yage? Ayitsano lebitso lage, tso a di yapereng, ka mokgo a tilukisang kela ka mokgo a bolabolang di šupetsa gore o kena kereke yifeng? Kela o go botsa a sa jikajike gore yene o na le kereke yo a yi kenang. Mo tsotsone di makegela Flutura, wa gore ke mošupatsela wa go hlawolega o fetola ka gore, “A ka tlela go tl’le maka gore o dumele so ke se dumelang ka tšhinghi, mara gore ke bolabole nago ka taba yowa . . . ”

9. Ke dilo difeng tso o ka krayang le tshwana ka tsona le motho wa gore o kena kereke?

⁹ Ke dilo difeng tso re ka bolabolang ka tsona le motho wa gore o kena kereke? Leketsa go kraya tso le tshwanang ka tsona. A ka fo ba a rapela Modimo ka yyeši, a tseya Jeso go le yene ye a phonisang batho kela a dumela gore re phela ga dinako tsa go befa ka matla tsa gore go se botala di nyoko fela. Ka taba la gore go na le tso le tshwanang ka tsona, byalo bolabola molayetsa wa Baebele ka mokgwa wa gore o nyoko nabela go wo theetsela.

10. Di nyaka re leketse go maka ying fote ke ntaba?

¹⁰ O sa lebale gore batho ba bangwana ba ka fo ba ba sa dumele selo se sengwana le se sengwana so kereke ya bona yi se tšhutisang. Byalo, le mo o šele o tšiba gore motho yene o kena kereke yifeng, leketsa go tšiba gore yene gabutšibutši king so a se dumelang. David wa gore ke mošupatsela wa ku Australia o re“ Batho ba go tlala matšatši ya, ba pana kereke le dilo tsa go tikhandela tso batho ba di tšhutisang.” Donalta wa ku Albania o re, “Ba bangwana bo re hlakanang nabo ba re ba kena kereke, mara ka nthagonyana ba re a ba nape ba dumela ga Modimo.” Mogageru ye mongwana wa morumiwa ku Argentina o bolabola gore batho ba  bangwana ba re ba dumela ga taba ya mabitso ka mararo, mara ba ka fo ba ba sa dumele gore Papa, Morwayi le moya wa go hlawolega ke selo ka ssoši. Morumiwa yene mo a ya mahlong o re “ Mo o maka tsotsone di nyoko ba lula gore o tšibe tso le tshwanang ka tsona.” Byalo, leketsa ka matla go tšiba gore gabutšibutši batho ba dumela ga ying. Ke mokane go fo tshwana le Pawulo, o ko di kgoneng “go ba dilo ka mokana ga tsona, ga batho ba mehlobohlobo.”—1 Makor. 9:19-23.

11. Mebereko 14:14-17 yi re Pawulo o yye a bolabola molayetsa ka mokgo mang gore batho ba ku Lisitara ba nyake go theetsela?

¹¹ Bala Mebereko 14:14-17. Pawulo o yye a leketsa ka matla gore a tšibe dilo tso di jabodisang batho bo a bolabolang nabo, ke mokane a maka gore matšhomayelelo yage ma tshwanele batho bone. Mo re beyisa, mogoba wo ne a bolabola nawo ku Listara ke mo wo tšiba ka go nyana kela wo sa tšibi selo ka Mangwalo. Byalo Pawulo o yye a bolabola le bona ka dilo tso ba di tšibang. O bolabodiye nabo ka taba ya gore mo di ba sepelela gabutši ku mašemong le go kgona go maka gore lephelo le jabodise. O berekisiye mantsu kela mešupetso ya gore bo ba mo theetseleng, di ka ba lula gore ba ma kwisise.

12. O ka kgona go di tšiba byang gore motho o tlalele ka kaye, ke mokane wa tšhentšha tso o nyakang go di bolabola?

¹² Leketsa ka matla go nyaka go tšiba dilo tso batho ba tšhomo yo le yi berekang ba di jabolelang ke mokane o tšhentšhatšhentšhe matšhomayelelo yago. O ka kgona go di tšiba byang gore motho o jabolela ying mo o kene o ya hala gage kela mutšing wage? Fotefote, o sa lebale go ntsha maahlo dikwakweng. A ka fo ba a bereka n’ghati yage, a bala puku, a lukisa koloyi kela a maka se sengwana. Mo nkare o ko ba o sa sinyi selo, ke ntaba o sa berekisi tsotsone gore o thome polabodisano? (Joh. 4:7) Phela tso motho a di yapereng, di ka go botsa se sengwana ka yene—di ka go botsa gore o tšwa kaye, o bereka ying kela o kwana le mekgano ya mošaga mang. Gustavo o re, “Ke kgonne go bolabola le mosogana wa 19 ya mengwaga wa gore ke mo a yapere sekipa sa go šupetsa sethombhe sa motho wa go yepelela wa go tuma ka matla. Ke yye ka mmutsisa ka sekipa sone, ke mokane a mpotsa gore ke ntaba a kwana le motho yene wa go yepelela. Taba yone yi makiye gore mosogana yene a nyake go tšhuta Baebele, re bolabola re yitsa, ke mogageru.”

13. O ka maka byang gore motho a nabele go tšhuta Baebele?

 ¹³ Mo o nyaka go tšhutisa motho ye mongwana Baebele, maka gore a nabele go yi tšhuta; mo šupetse gore tsotsone di ka mmerekela ka mokgo mang. (Joh. 4:13-15) Mo re beyisa, mogageru ye mongwana wa mosadi ye ba reng ke Poppy, o yye a kgopela ke mosadi ye mongwana wa gore o jabolela ditaba tsowa, gore a kene ka ntlong. Mo Poppy a bona sitifikeyiti lepharong sa go šupetsa gore mosadi yene ke phrofesa ya gore yi tšhutele tsa bothitšere, o yye a šihlela taba ya gore le rune re tšhutisa batho re berekisa Baebele le megahlano. Mosadi yene o yye a dumela gore ba tšhute naye Baebele, ka motshwana wa gona a ya mogahlanong, ke mokane go se botalanyana a ya mogahlanong wo mogolonyana. Ka nthago ga mongwaga, o yye a kolobetsiwa. Tiputsise gore: ‘Batho bo ke boyelang ga bona, ba ka jabolela go kwa ying? Ayitsano nka maka gore motho a nabele go tšhuta Baebele mo ke mo hlalosela tso re di makang mo re tšhutisa batho?’

14. Nka lukiselela byang gore tso ke nyoko di bolabolang, di tshwanele ye ke balang naye?

¹⁴ Mo o šele o thomisiye go tšhuta le batho, di nyaka o lukiselele tso o nyoko tšhutang le ye mongwana le ye mongwana, o kene o naganne ka tso ba gahlannego natso mo lephelong, le tso di ba jabodisang . Mo o kene o lukiselela, kgeta mangwalo ya o nyakang go ma bala, dividiyo tso o nyoko di kganang le mešupetso yo o nyoko yi berekisang gore o thogo hlalosa dinnete tsa Baebele. Tiputsise gore, ‘king so a ka jabolelang go se kwa, ke mokane sa segelela pelo yage?’ (Diy. 16:23) Mosadi ye mongwana wa ku Albania, wa gore ke mo a bala le mošupatsela ye ba reng ke Flora o bolabodiye a sa thogathoge gore, “taba yo ya gore batho ba nyoko tsusiwa, nka sa ro yi dumela.” Fote Flora, aa n’gapeletsa gore ke yi dumele. Flora mo a ya mahlong o re, “Ke di bonne tsa gore mosadi yewa, di nyaka gore a thome ka go tšhuta ka Modimo ye a tshepisiyeng gore bakgu ba nyoko tsusiwa.” Go tlugisela ka nako yonone, mo ba kene ba bala, Flora ke mo a šihlela taba ya ka mokgo Jehova a re nyakang ka gona, tso a di makang go šupetsa gore o hlalifiye le matšhika ya a nang nawo. Mosadi yene o yye a thoma go dumela taba ya go tsusiwa ga bakgu. Re bolabola re yitsa, ke Hlatse ya Jehova ya go ba le matšato.

15. Mebereko 17:16-18 yi re ke dilo difeng tsa gore ne di makega ku Gerika ya botala tsa gore di yye dya hlupa Pawulo, mara ke ntaba a sa ngalela Ma-Athene?

¹⁵ Bala Mebereko 17:16-18. Pawulo a sanka a ngalela Ma-Athene, le mo yi le gore ne ma dula ga poleke ya gore yi tlele ka medimo ya dithombhe, bonghwahla, batho ba go tšhutisa dilo tsa go tikhandela kela le mong go kweriwa, di maka gore a šepise kela a kgongwele. Pawulo o yye a ba Mokreste le mo yi le gore ku botala ke mo “a rogelelanya le go hlupegisa batho fote a na le tšhinghi.” (1 Thim. 1:13) Go fo tshwana le mo Jeso a yye a di bona tsa gore Pawulo a ka di kgona tsa go tšhentšha, Pawulo le yene o di bonne tsa gore Ma-Athene ma ka di kgona go tšhentšha. Nnete ke gore ke mo a sa pumutsa wa tšiba.—Meber. 9:13-15; 17:34.

16-17. King so se šupetsang gore batho ka mokana ga bona ba ka di kgona go ba malata ya Kreste? Beyisa.

¹⁶ Ka dinako tsa mapostola, batho ba mehlobohlobo ba yye ba ba malata ya Kreste. Mo Pawulo a ngwalela Makreste ya gore ma dula ku toropong ya Korente ya Gerika, o yitseri ba bangwana mone ga phutego yone, ke mo go le dikgohlane kela ba phela lephelo la go sa hlamatsega. O yye a tokegela ka gore: “Ba bangwana ba lune ne le le ka mokgonone. Mara le hlatswiwwe, fote le yediye.” (1 Makor. 6:9-11) Ayitsano wene nke o yye wa di bona gore batho bone ba ka di kgona go tšhentšha ke mokane ba ba malata ya Jeso?

¹⁷ Lekgono lowa, ba go tlala ba di nyaka ka matla go tšhentšha maphelelo ya bona gore ba be malata ya Jeso. Mo re beyisa, ku Australia, mošupatsela ye mongwana wa go hlawolega ye ba reng ke Yukina o yye a di bona tsa gore batho ba mehlobohlobo ba ka di kgona go tšhentšha maphelelo ya bona ka taba la molayetsa wa Baebele. Letšatši le lengwana a le diofising tsa batho ba go rekisa dintlo,  o yye a bona mosadi ye mongwana wa gore o tingwalangwadiye ho mmeleng, a yapere dikobo tsa go ngheša. Yukina o re,“Ke thomme ke jikajika, mara ka feleletsa ke bolabodiye naye. Ke yye ka di bona tsa gore o kwana ka matla le Baebele, ka taba la gore tse dingwana tsa dilo tso ne a di ngwadiye mo mmeleng wage, ne go le ditemanyana tsa puku ya Dipisalema!” Mosadi yene, o yye a thoma go tšhuta Baebele, ke mokane a tla le megahlanong. *

18. Ke ntaba di sa nyake re yahlula batho?

¹⁸ Ayitsano Jeso ke mo a tseya mašemo ma šele ma le gabutši gore ma ka buniwa, ka taba la gore ke mo a yemele gore batho ba go tlala go be malata yage? Le ka go nyana. Mangwalo ma hlayye botala gore a yi ka mokana ga bona ba gore ba nyoko šupetsa gore ba na le tumelo ga Jeso. (Joh. 12:37, 38) Nnete ke gore Jeso ke mo a di kgona go bona so se leng ka ho pelong. (Mat. 9:4) Ka matlamatla ke mo a lebelele bo ba gore ba ka dumela, fote a kene a tšhomayelela batho ka mokana ga bona ka matšato. Byalo, mo go le rune di nyaka re kganele kgole le mokgwa wa go yahlula tšhomo yo re yi berekang kela motho ye mongwana le ye mongwana ye re gahlanang naye, ka taba la gore rune a re di kgone go bona so se leng ka pelong yage! Mara, tseyela hlogong tso batho ba ka kgonang go di maka. Marc, wa gore ke morumiwa ku Burkina Faso, o beya ditaba tsage ka mokgwa wo: “Ga go tlala, batho bo ke naganang gore ba nyoko ya mahlong ba kene ba tšhuta, baa lesetsa. Mara batho ba gore ne ke nagana gore ba ka sa ye felo, ke bona bo ba ya mahlong. Byalo, ke tšhutiye taba ya gore di kawone ka matla gore re lesetse moya wa Jehova go be wona wo re yetetsang.”

19. Re tshwanele re tseye batho ba tšhomo ya rune ka mokgo mang?

¹⁹ Mo re ka fo wokola tšhomo ya rune ka gedimo, re ka fo tseya gore a baa tlala batho ba gore ba tshwana le korong ya gore yi šele yi nyaka go buniwa. Mara o sa lebale tso Jeso a di butsiyeng malata yage. Mašemo ma šele ma le gabutši gore ma ka buniwa. Batho ba ka di kgona go tšhentšha, ke mokane baa ba malata ya Kreste. Jehova o tseya batho bo ba gore ba ka di kgona go ba malata go le “dilo tsa go tseyediwa gedimo.” (Hag. 2:7) Mo re tseya batho ka mokgo Jehova le Jeso ba ba tseyang ka gona, re ko nyaka go tšiba tsa go tlala ka bona le tso ba di jabolelang. Re ka sa ba tseye go le batho nje, mara re ko ba tseya go le magageru ya ka motshwana.