1. King so ka mokana ga rune re tshwaneleng re se make?

MO O tikwa o lwala kela o tinnwe, ayitsano o ka nyaka go taboga ga motabogo wa gore wa di tšiba tsa gore a wo lula? Nnete ke gore o ka sa ro leketsa. Mara Pawulo wa lepostola o yitseri, Makreste ya mannete ka mokana ga wona maa taboga. (Maheb. 12:1) Byalo ka mokana ga rune, ye mogolo le ye monyana, wa gore o na le matšato kela wa gore o tinnwe, ka mokana ga rune di nyaka re tiyisele go segela mafelelong, mo nkare re nyaka gore Jehova a re neye patela yo a re tshepisiyeng yona.—Mat. 24:13.

2. Thimothi wa Bobedi 4:7, 8 yi re ke ntaba Pawulo ne a kgona go bolabola a sa tšhabe selo?

² Pawulo ke mo a kgona go bolabola a sa tšhabe selo ka taba la gore o yye a “taboga go segela mafelelong.” (Bala 2 Thimothi 4:7, 8.) Mara gabutšibutši motabogo wo Pawulo ne a bolabola ka wona king?

3. Motabogo wo Pawulo a bolabodiyeng ka wona king?

³ Ka dinako tse dingwana Pawulo mo a tšhutisa dilo tso a nyakang gore batho ba di tseyele hlogong ke mo a berekisa tso di makegang mo go kganiwa mekgano ya ku Gerika ya botala. (1 Makor. 9:25-27; 2 Thim. 2:5) Ga go tlala o tshwanisiye motabogo wa mawoto le lephelo la Mokreste. (1 Makor. 9:24; Magal. 2:2; Mafil. 2:16) Motho o thoma go taboga “motabogo” wowa mo a tineyela ga Jehova ke mokane a kolobetsiwa. (1 Pet. 3:21) O fetsa go taboga mo Jehova a mo neya patela yage ya lephelo la go ya go yye.—Mat. 25:31-34, 46; 2 Thim. 4:8.

4. Re nyoko bolabola ka ying ga hlogotaba yowa?

⁴ Ke dilo difeng tso go taboga motabogo wa go lefa le lephelo la Mokreste di tshwanang ka tsona? Di tshwana ka dilo tsa go tlalanyana. Tla re bolaboleneng ka ditharo. Sa mathomo, re tshwanele  re latelele melawo; sa bobedi, di nyaka re dule re lebelele ka matla ku mahlong fote sa boraro di nyaka re teye re feta ga tso di re ghulang mo re kene re taboga.

5. Re tshwanele re latelele melawo yifeng fote ke ntaba?

⁵ Ga motabogo wa mannete, gore o thogo kraya patela di nyaka gore o latelele melawo ya bo ba makiyeng gore go be le motabogo wone. Byalo, mo re nyaka go kraya patela ya lephelo la go ya go yye di nyaka gore re make tso Makreste ma tshwaneleng ma di make kela lephelo la rune le šupetse gore re Makreste. (Meber. 20:24; 1 Pet. 2:21) Mara, Sathane le bo ba mo latelelang ba nyaka gore re hlawole tsa gore a yi tsona; ba nyaka re “ye mahlong re taboga nabo.” (1 Pet. 4:4) Ba kwera ka mokgo re phelang ka gona ba boya ba bolabola gore bona ba phela kawone fote ba lokologiye. Mara tso ba di bolabolang ke mong matsaka ya mafelelo.—2 Pet. 2:19.

6. O tšhuta ying ga mošupetso wa Brian?

⁶ Ye mongwana le ye mongwana wa gore o taboga le bo ba gore ba kutšetsele ke lefase la Sathane, ka nthagonyana baa di bona gore tsela yo ba yi hlawodiyeng a yi ba make gore ba lokologe; mara yi ba maka gore go be mabhantiti. (Mrm. 6:16) Tseya ka mošupetsa wa Brian. Babelegi bage ba yye ba mo hlohletsela gore a phele lephelo la go ba Mokreste. Mara mo a šele golagudiye o yye a tiputsisa gore ayitsano tsela yone yi nyoko mo maka gore a jabole. Brian o yye a hlawola go taboga le bo ba go phela ka melawo ya Sathane. O re: “A sanka ka nagana gore selo so ne ke tseya go le go lokologa ne se nyoko maka gore ke feleletse ke topele ka dilo tse dingwana. Mo go ya go ya, ne ke kgokga didraksi, ke nwa mokgete ka matla ke maka bonghwahla. Mo mengwaga yi kene yi ya, ke yye ka leketsa le didraksi tsa go teya ka matla ke mokane ka feleletsa ke le lebhantiti la tsona. . . . Ke yye ka thoma go rekisa didraksi gore ke kraye tšheleta gore ke thogo phela ka mokgo ke nyakang.” Mo go ya go ya, Brian o yye a hlawola go phela ka melawo ya Jehova. O yye a tšhentšha maphelelo yage ke mokane a kolobetsiwa ka 2001. Gana byalo o jabodiye tsa mannete gore o phela lephelo la go šupetsa gore ke Mokreste. *

7. Matewu 7:13, 14 yi re go na le dipata ka dikaye?

⁷ Di gabutši ka matla gore re hlawole go sepela ga pata ya gore ke yona! Sathane o nyaka gore ka mokana ga rune re lesetse go sepela ga pata ye nyana ya gore yi ‘yisa motho lephelong’ ke mokane re sepele ga pata ya gore yi bulegiye fote batho ba go tlala ho lefaseng ba sepela ga yona. Pata yowa ba go tlala ba yi tšiba fote di lula go sepela ga yona. Mara yi ‘maka motho gore a sa sa kraya lephelo la go ya go yye.’ (Bala Matewu 7:13, 14.) Gore re dule re le ga pata ya gabutši fote  re sa fokole ke selo, di nyaka gore re tshepele ga Jehova fote re mo theetsele.

8. Mo ye a tabogang a ka wa, o maka ying?

⁸ Batho ba go phadisana ka go taboga ga motabogo wa go lefa ba dula ba lebelele pata ya mo ba tabogang gona gore ba sa ghule ke selo. Mara, go ka makega phošo, ba phika ke ye ba tabogang naye kela sekoti. Mo ba ka wa, baa tsoga ke mokane ba ya mahlong ka motabogo. A ba dule ba nagana ka so se ba makiyeng gore ba we, mara ba dula ba naganne ka go fetsa go taboga le ka patela yo ba nyoko yi krayang.

9. Mo di re ghula, re tshwanele re make ying?

⁹ Mo re kene re taboga, ga go tlala re ka ghula ke tse dingwana, wa kraya re maka diphošo ka tso re di bolabolang kela tso re di makang. Kela bo re tabogang nabo ba ka maka diphošo tsa gore di ka re kwaletsa. Tsone a di ya tshwanela gore makatsa. Ka mokana ga rune a ra yenela fote ka mokana ga rune re taboga ga yona pata yo ye nyana ya gore yi re yisa lephelong la go ya go yye. Byalo go ka sa kgonege gore re sa “tšhayisi” ba bangwana ka dinako tse dingwana. Pawulo o di bonne tsa gore ka dinako tse dingwana re ko fela re “maka ba bangwana gore ba kokole ka taba la rune.” (Makol. 3:13) Mara di nyaka re dule re naganne ka patela yo yi leng ku mahlong, re lesetse go fo dula re naganne ka so se re makiyeng gore re we. Mo di ka fo re phika, tla re hlawoleneng go yemelela fote, ke mokane re ye mahlong ka motabogo wa rune. Mo re ka fo kwatakwata, ra tshwara ba bangwana ka pelo ke mokane ra gana go tsoga gore re ye mahlong re taboga, re ka sa di kgone go segela mafelelong gore re kraye patela. Go tokegela gana hone, re ka tikraya re šele re phika le ba bangwana mo ba kene ba re ba tabogela lephelong mo ga pata ya gore ke ye nyana.

10. Re ka maka byang gore re sa “phiki” ba bangwana?

¹⁰ Se sengwana so re ka se makang gore re sa “phiki” ba bangwana mo re kene re taboga ke gore re ba lesetse ba make tso bona ba di nyakang, re sa ba gapeletse go maka tso di nyakang ke rune. (Mrm. 14:13, 19-21; 1 Makor. 8:9, 13) Mo re maka ka mokgonone, a re taboge go tshwana le bo ba go taboga ga motabogo wa mannete. Ba phadisana le ba bangwana fote ye mongwana le ye mongwana o tabogela gore go be yene a krayang patela. Batho bone ba go taboga gabutšibutši ba fo ba ba naganne ka tso bona ba di nyakang.  Byalo ba ka fo leketsa ka matla gore ba šinye ba fete ba bangwana ka moka. Mara rune a re tshwane nabo, a re phadisane. (Magal. 5:26; 6:4) So re nyakang go se segelela ke go gelepa batho ba go tlala ka mokgo re ka kgonang gore ba fetse motabogo wa bona le rune ke mokane re kraye patela ya lephelo la go ya go yye. Pawulo o yye a hlohletsela ke moya wa go hlawolega gore a ngwale gore “le nyakane le tso di ka jabodisang ba bangwana, le sa nyake tso di jabodisang lune le ntoši.”—Mafil. 2:4.

11. King tso ye a tabogang a dulang a naganne ka tsona fote ke ntaba?

¹¹ Go tokegela ga taba ya go lebelela mo ba tabogang gona, bo ba tabogang ga motabogo wa mannete ba dula ba naganne ka go segela mafelelong. Le mo ba sa kgone go bona mo ba yang gona, mara ba kgona go tipona ba šele ba segele mafelelong ke mokane ba kraya patela ya bona. A ba lesetse selo se ba fokola ke mokane se maka gore ba šitege go kraya patela ya bona.

12. King so Jehova a re neyyeng sona?

¹² Mo ga motabogo wo re wo tabogang, Jehova o tshepisiye batho bage gore mo ba ka fo segela mafelelong o nyoko ba neya lephelo la go ya go yye ku legedimong kela pharadeyiseng ya ho lefaseng. Mangwalo ma re gelepa gore re thogo bona patela ya rune ya ku mahlong, gore re thogo di bona gore lephelo la rune le nyoko jabodisa go segela kaye ku mahlong. Mo menagano le dipelo tsa rune di dula di lebelele tso Modimo a re tshepisiyeng tsona, re ka sa ro lesetsa selo se re phika ke mokane ra šitega go tsoga.

13. King so re phalang bo ba go taboga tsa mannete ka sona?

¹³ Ga mekgano ya Magerika batho ba go taboga ke mo ba tshwanele ba hlule dilo tsa go ba lelemetsa tsa go tshwana le go tinwa le go kwa go baba. Mara ke mo ba tshwanele ba tshepele ga mokgwa wo ba titlwayetsiyeng wona wa go jima le ga matšhika ya bona beng. Go fo tshwana le bo ba go taboga le rune di nyaka re tšhute ka mokgo re tshwaneleng re taboge ka gona. Mara rune re ba phala kgole bo ba go taboga tsa mannete. Re ka kraya matšhika ga mong wa matšhika. Jehova o re tshepisa gore o nyoko re tšhutisa a boya a maka gore re tiyelele mo ra ka fo tshepela gage!—1 Pet. 5:10.

14. Makorente wa Bobedi 12:9, 10 yi re gelepa ka mokgo mang mo re hlakana le tsa go re ghula?

¹⁴ Pawulo o yye a hlakana le tsa go mo ghula tsa go sa fele. Go tokegela gana hone o yye a poyidiwa a boya a hIorisiwa la go šinya ka dinako tse dingwana a kwa a lelemela fote di nyaka a tiyisela selo sa gore o se bitsa gore ke “motlwa nameng.” (2 Makor. 12:7) Mara a sanka a lesetsa dilo tsa go mo phiriketsa tso ne a gahlana natso di maka gore a šepise, o yye a tseya dilo tsone go le lešuba la gore a tshepele ga Jehova. (Bala 2 Makorente 12:9, 10.) Ka taba la gore Pawulo o yye a fo yamogela seyemo ka mokgo se leng ka gona, Jehova o yye a mo gelepa ga dintshitshiri ka mokana ga tsona tso ne hlakana natso.

15. Re nyoko hlakana le tsa mošaga mang mo re ka fo yekisela Pawulo?

¹⁵ Le rune re ka fo poyidiwa kela ra hlorisiwa ka taba la so re se dumelang. Fote di ka nyaka re tiyisela go sa titsose gabutši kela go fo tikwa re lelemela. Mara, mo re ka fo yekisela Pawulo, ka mokana ga tsona tsa go re phiriketsa tso re hakanang natso re nyoko di tseya go le lešuba la go bona ka mokgo Jehova a re thegang ka gona.

16. O ka maka ying mo o le sekoka?

¹⁶ Ayitsano o phela o le mpetong kela o le gedimo ga wheelchair? Ayitsano matolo yago maa lelemela kela maahlo yago aa bone gabutši? Mo nkare go ka mokgonone, ayitsano o ka kgona go taboga le bo ba gore ba sa tiyelele fote ba philegiye? Nnete o ka kgona! Ba go tlala ba gore ba šele ba gudiye fote a ba titsosenyana gabutši ba kene ba taboga ga pata ya lephelo. Mmereko  wone ba ka sa wo kgone ka matšhika ya bona beng. Mara, ba kraya matšhika ya go tšwa ga Jehova gore ba thogo tiyelela ka go theetsela megahlano ya Sekreste difowunung tsa bona kela ba lebelela vidiyo ya megahlano ya beke ye nngwana le ye nngwana. Fote ba kgona le go bereka mmereko wa go maka batho malata ka go tšhomayelela ditogotela, dinese le mašaga.

17. Jehova o tikwa byang ka bo ba go sa philega gabutši?

¹⁷ O sa kgongwetsi ke go sa philega gabutši kela go kwa o lelemela la go šinya o tseya nkare o ka sa di kgone go taboga ga pata ya lephelo. Jehova o go nyaka ka matla ka taba la gore o tišupetsiye o dumela gage fote o boya o tiyisela. Gana byalo di nyaka a go gelepe ka matla fote a ka sa tsoge a go lahliye. (Pis. 9:10) O nyoko šutela thina ka matla gago. Lebelela taba yo yi hlayyeng ke mogageru wa mosadi wa gore o yye a hlakana le tsa go sa philega gabutši mo a re: “Ka taba la gore tsaka tsa go sa philega gabutši di fo ya di ya, le taba ya go tšhomayelela ba bangwana ke mo yi fo ya yi pomega. Mara ke ya di tšiba gore sosone se se nyana ke se makang se jabodisa Jehova ka matla fote le nna ke ya jabola.” Mo o kwa o kgahleletsegiye, o sa lebale gore a o ntoši. Nagana ka mošupetso wa Pawulo ke mokane o ghayele ka mantsu yage ya go kgomoletsa ya gore: “Ke ya jabola mo ke lelemela, . . . Ka gore mo ke lelemela, ke napa ke ro tiyelela.”—2 Makor. 12:10.

18. Ke dilo tsa mošaga mang tsa go thathafa tso ba bangwana ba gahlanang natso?

¹⁸ Ba bangwana ba gore ba taboga ga pata ya lephelo le bona ba hlakana le tse dingwana tsa go ba ghula. Ba lebana le seyemo sa bonabeng sa gore batho ba bangwana ba ka sa kgone go se bona kela go se kwisisa. Mo re beyisa, ba ka fo ba ba kgahleletsegiye kela ba hlupa ke mešekelo ya go sa fele. Ke ntaba malata ya Jehova ya gore o ma nyaka ka matla ma gahlana le tsa thathafa? Ka taba la gore mo motho a robegiye letsogo kela a duli gedimo ga wheelchair, motho ye mongwana le ye mongwana a ka kgona go bona gore go na le bothatha ke mokane tsa mo tšhofa gore a mo gelepe. Mara bo ba gore ba kwa go baba ka ku tengteng kela ba lwala monaganong di ka sa nape di tišupetsa gore ba tshwaraganne le bothatha. Ba kwa go baba go tshwana mara a ba kwediwe go baba go tshwana.

19. Re tšhuta ying ga mošupetso wa Mefibhošethe?

¹⁹ Mo nkare go na le tsa go go kgerela fote o kwa nkare a wo kwisisi ke motho, mošupetso wa Mefibhošethe o ka go tiyisa. (2 Sam. 4:4) Le mo a kene a le sekoka, Dafita le yene a sanka a mo yahlula gabutši. Mefibhošethe di f’lo mo tlela a sa sinya selo. Nnete ke gore, a sanka a kwata o yye a fo ya mahlong a jabolela tsa gabutši tso di makegang mo a kene a phela. Ke mo a jabolela tsa gabutši tso Dafita a yyeng a mo makela tsona ku botala. (2 Sam. 9:6-10) Byalo, ka nakwela Dafita a sa mo yahlule tsona Mefibhošethe o yye a fo kwisisa seyemo. A sanka a kwatisa ke tsa go kekema tso Dafita a di makiyeng. Fote a sanka a sola Jehova ka tso Dafita a di makiyeng. Mefibhošethe  o yye a fo lebelela so a ka se makang gore a thege kgoši yone ya gore yi kgetiye ke Jehova. (2 Sam. 16:1-4; 19:24-30) Jehova o makiye gore mošupetso wa gabutši wa Mefibhošethe wo ngwadiwe ka Baebeleng gore wo thogo tšhutisa rune.—Mrm. 15:4.

20. Ba bangwana ba ka kgwata ke mošekelo ka mokgo mang mara king sa gore a ba kamake ka sona?

²⁰ Ka taba la mošekelo wa go sa fele magageru ya mangwana ma ka kwa ma titšhoga kela ma sa titshepe mo ma tshwanele ma be le batho ba bangwana. Ma ka kwa di roba go gahlana le batho ba go tlala mara a ma lofe megahlano, megahlano ye megolonyana le ga ye megolo. Ma kwa di thathafa go bolabola le batho ba gore a ba ba tšibi mara tšhomong maa bolabola. Mo nkare le gago go ka mokgonone, di tšibe gore a o ntoši. Ba go hlakana le tsa mošaga wonone ba tlele ka matla. O sa lebale gore mo o kene o karakara ka matla tsotsone di jabodisa Jehova. Taba yago ya go sa šepisi yi šupetsa gabutši gore o kene wa go rufa fote o go neya matšhika ya gore wa ma hloka. * (Mafil. 4:6, 7; 1 Pet. 5:7) Mo nkare le wene o berekela Jehova o kene tshwaraganne le bokoka kela o kgahleletsegiye ka ku tengteng, o sa kamake gore o jabodisa Jehova.

21. King so re ka kgonang go se maka mo re gelepa ke Jehova?

²¹ Di jabodisa ka matla go tšiba gore motabogo wa mannete a wo tshwane le wo Pawulo a bolabodiyeng ka wona. Ku botala, mo go tabogiwa tsa mannete ke mo go patediwa motho ka wwoši ye a hludiyeng. Mara ka mokana ga bona bo ba tiyiselang ga motabogo wa Sekreste ba nyoko kraya patela ya lephelo la go ya go yye. (Joh. 3:16) Fote ga motabogo wa mannete, ka mokana ga bona bo ba tabogang di nyaka ba philegiye mmeleng; ka taba la gore ba ka sa hlule ka mohlolo. Le mo ba go tlala ba rune ga motabogo wa Sekreste re le dikoka mara re ya tiyisela. (2 Makor. 4:16) Mo Jehova a na le rune, re nyoko taboga go segela mafelelong!