1. Baebele yi re wunyullela nnete yifeng ya gore ya kgomoletsana mo yi bolabola ka Jehova?

AYITSANO o ka jabola mo batho ba go kala go ya ka gore o ye mo byang ka khala, sefahlego sago se yemegiye byang kela gore mmele wago ke wo mokayekaye ka bogolo? Tsone, di ka sa ro go jabodisa. Byalo, re kwa di re kgomoletsa ka matla tsa go tšiba gore Jehova aa yi ka gore batho ba re tseya byang! Mo re beyisa, nakwela Samuwele a lebelele barwayi ba Jese, ke mo a sa bone so Jehova a se bonang. Jehova ke mo a butsiye Samuwele gore morwayi ye mongwana wa Jese ke mo go nyoko ba kgoši ya Israyele. Mara wofeng wa gona phela? Mo Samuwele a bona morwayi ye mogolo wa gona wa Jese ye ba reng ke Eliyabo, o yitseri: “Ka nnete yewa wa gore o yemme ho mahlong ga Jehova ke yene wa gore o mo tlotsiye.” Mo Eliyabo o mo lebelele, ke mo o ka tseya nkare ke yene kgoši. “Mara Jehova o yye a botsa Samuwele a re: ‘O sa yi ka gore o yemegiye byang le gore o lefiye go segela kaye, ka taba la gore nna ke mo ganne.’” Re tšhuta ying ga taba yowa? Jehova o tokegele se sengwana gana hone ke mokane a re: “Motho o bona so se bonang ke maahlo, mara Jehova yene o bona sa ka ku pelong.”—1 Sam. 16:1, 6, 7.

2. Johane 7:24 yi re ke ntaba di sa nyake re kala motho go ya le ka gore ka ho tawong o yemegiye byang? Re beyisele.

² Ka taba la gore a ra yenela, ka mokana ga rune re fela re kala motho go ya ka mokgo a yemegiyeng ka gona. (Bala Johane 7:24.) Mara a re nape re tšhuta tsa go tlala mo re fo kala motho go ya ka so maahlo ya rune ma se bonang. Mo re beyisa, le mong togotela ya gore ga tsa go yalafa yi fo teya yi tshwarelele, yi ka sa nape yi tšiba gabutši gore motho o bolaya king mo yi ka fo mo lebelela nje ka ho tawong. Di nyaka yi mo theetsele gabutši gore yi thogo bona gore motho yene o thomisiye go lwala leng, o fela a tikwa byang, kela dilo tse dingwana tso a ka fo bang a le natso. Togotela yone, yi ka fo kgopela gore motho yene ba mo make eksreyi gore ba thogo mmona  gore o byang ka ku teng. Mo togotela yi ka sa make tsotsone, o ka kraya yi neyye motho maphilisi ya gore a ma yalafe bolwele byo a nang nabyo. Le rune re ka sa nape re hlaya gore re kwisisa magageru mo re fo ma bona ka ho tawong. Di nyaka re ba tšibe mong tšibi—gore ka ku tengteng ke batho ba mošaga mang. Nnete ke gore re ka sa di kgone go tšiba so se leng ka ho pelong ya motho, byalo re ka sa nape re kwisisa batho ba bangwana gabutši go tshwana le Jehova. Mara re ka maka so re ka se kgonang gore re mo yekisele. Ka mokgo mang?

3. Ditaba tsa go tšwa ka ho Baebeleng tso re nyoko bolabolang ka tsona ga hlogotaba yowa, di nyoko re gelepa byang gore re thogo yekisela Jehova?

³ Jehova o ba tshwara ka mokgo mang bo ba mo rapelang? Wa ba theetsela. O tšiba tso ba fitiyeng ga tsona lephelong le seyemo so ba leng ga sona gana byalo. Fote wa ba kwela. Mo re kene re bolabola ka taba ya ka mokgo Jehova a yyeng a tshwara Jona, Eliya, Haghara le Llota ka gona, di nyaka re bone ka mokgo re ka yekiselang Jehova mo re kene re berekisana le magageru.

4. King so se ka makang gore re sa tseye Jona gabutši?

⁴ Ka taba la gore a re tšibi dilo ka moka, byalo re ka fo tseya Jona go le motho wa go sa tshepege. Jehova o mmutsiye gore a ye a sabalatse taba ya gore Ninive yi nyoko yahludiwa. Mara Jona a sanka a theetsela o yye a maka tsa go tšiba ke yene, a kalama sekepe sa go ya mo ba sa mo romang gona, “kgole le Jehova.” (Jona 1:1-3) Mola go le wene, nje nke o yitseri a ghobolle mo a kekemisiyeng? Di ka makega gore nke o yitseri a nape a lese. Mara ke mo go na le tso di makiyeng Jehova gore a lesetse Jona a lukise ga tso a sa di makang gabutši.—Jona 3:1, 2.

5. Mantsu ya ma hlayyeng ke Jona ho ga Jona 2:1, 2, 9 ma go tšhutisa ying?

⁵ Mo Jona a rapela, o yye a maka gore di nape di ro bonala gore ke yene motho wa mohlobo mang. (Bala Jona 2:1, 2, 9.) Thapelo yone, ya gore ke mo yi le ye nngwana ya merapelo ya go tlala yo Jona a yyeng a yi rapela, yi re gelepa gore re sa fo tseya gore ke le ghwala fote o tšhaba mmereko wo ba mo neyyeng wona. Tso a di bolabodiyeng di šupetsiye gore ke mo a tinyanafatsiye, a leboga fote a tikemisele go theetsela Jehova. Di napa di ro ba lekgwaying gore Jehova o makiye king gore a sa fo lebelela tso Jona a di makiyeng, a mo fetole mo a mo rapela, a boya a ro mmerekisa go le moporofeta!

6. Ke ntaba di nyoko re berekela ka matla mo re tšhuta go theetsela gabutši?

⁶ Gore re thogo theetsela batho ba bangwana gabutši, di nyaka re tinyanafatse fote re lefise pelo. Mo re maka ka mokgonone tsotsone di nyoko re gelepa ga dilo ka ditharo, ke tsowa. Sa mathomo, re ka sa di make tsa go kraya re fo naganela batho dilo tsa go sa yi ka tsela. Sa bobedi, re ka yakgoswa re di bona gore mogageru o tikwa byang ke mokane ra thogo mo kwela go baba. Sa boraro, re ka gelepa  motho yene gore a tšhute se sengwana ka yene mong. Ka dinako tse dingwana, le rune beng o kraya re sa kwisisi gore re tikwa byang, go segela mo re botsa ye mongwana ka mokgo re tikwang. (Diy. 20:5) Mogolo ye mongwana wa Asia o re: “Go na le nako yo ke yyeng ka fo bolabola ke soko bane ke theetsela. Ke yye ka botsa mogageru ye mongwana wa mosadi gore a leketse go bolabola ditaba tsa go kwagalanyana mo a fetola megahlanong. Ke yye ka tla ka di kwelela ka nthago gore tsa go bala aa di kgone gabutši le gore go ro ba mong letogo ho gage gore a fetole megahlanong.” Di gabutši ka matla wa tšiba, gore mogolo ye mongwana le ye mongwana a “theetsele gore ditaba di ya le lefeng” mo a soko bane a wolola motho!—Diy. 18:13.

7. Ka mokgo Jehova a yyeng a mo tshwara ka gona ga Eliya di go tšhutisa ying?

⁷ Magageru ya mangwana ma kwa di roba go botsa motho gore ma tikwa byang, tsotsone di maka ke ka mokgo ma gudisiweng ka gona, setšo kela le so ma leng sona. Re ka maka byang gore ba kwe di le lula go re botsa tso di leng ka ku pelong? O sa lebale gore Jehova o yye a mo tshwara byang ga Eliya nakwela a tšhabelela Jezebele. Go ro tseya mong matšatši ya go tlala gore Eliya a nape a ro hlaya ditaba ka mokana ga tsona a botsa Papage wa ku legedimong. Jehova o yye a mo theetsela gabutši. Ke mokane o yye a tiyisa Eliya a boya a mo neya mmereko wo mogolo gore a wo make. (1 Mag. 19:1-18) Di ka fo tseya nako gore magageru ma thomise go lokologa go bolabola le rune, mara mo ma thomisa go re botsa so se leng ka ku tengteng, o ka kraya re kgona go kwisisa gabutši ka mokgo ma tikwang. Mo re ka fo lefisa pelo go tshwana le Jehova, ba ka kwa ba lokologa go re botsa tso di ba robang. Ke mokane mo re di bona gore ba thina le go re botsa ka mokgo ba tikwang, di nyaka le rune re be re le gabutši gore re thogo theetsela.

8. Genesi 16:7-13 yi šupetsa gore Jehova o yye a mo gelepa byang ga Haghara?

⁸ Haghara ke mo go le sebereki sa Sarayi, mara o yye a maka tsa bophokophoko nakwela ba mo makiye mosadi wa Abhrama. Haghara o yye a yima ke mokane a thomisa go tseyela Sarayi fase ka taba la gore ke mo a se na le mong ngwana ka wwoši. Taba yone ke mo go le ye kgolo ka matla la go šinya Sarayi a mo raka. (Gen. 16:4-6) Ka taba la gore re šitega go bona dilo gabutši, re ka fo tseya nkare Haghara o layegiye fote o krayye tso ne a di nyaka. Mara Jehova ke mo a sa mo tseye ka mokgonone ga Haghara. O yye a romela lengeloyi lage gore le ye le mo gelepe. Mo lengeloyi lone le segela gage, le yye la mo gelepa gore a tseye dilo gabutši ke mokane la mo rufa. Haghara le yene o yye a di bona gore Jehova ke mo a kene a mo lebelele fote a tšiba se sengwana le se sengwana so a fitiyeng ga sona. O yye a kwa di mo tšhofa gore a hlaye gore ke “Modimo wa go bona, . . . wa gore wa mpona.”—Bala Genesi 16:7-13.

9. Modimo o makiye king gore a tshware Haghara ka mokgo a yyeng a mo tshwara ka gona?

⁹ Jehova o bonne ying ga Haghara? Ke mo a mo tšiba gabutši le dilo ka mokana ga tsona tso a fitiyeng ga tsona. (Diy. 15:3) Haghara ke mo a tšwa Egepita, a dula mutšing wa Leheberu. Ayitsano di ka makega gore ke mo a fela a kwa nkare baa mo nyenya? Ayitsano ke mo a fela a hlologela mašaga yage le gagabo? Phela ke mo go se yene a ntoši mosadi wa Abhrama. Go tlugisela ku botala, le banna ba gore ke mo ba tshepega ke mo ba tseya basadi ba go tlala. Mara mathomisong Jehova ke mo a sa beya gore go be ka mokgonone. (Mat. 19:4-6) A di makatse mo taba yowa yi feleletsa ka gore batho ba jelaselane fote ba boye ba hloyane. Taba yowa ya Haghara ya go delela Sarayi Jehova a sanka a yi tseya ka go nyana, mara tso Haghara a yyeng a gahlana natso le seyemo so ne a le ga sona o yye a sa di takisi maahlo.

10. Re ka maka byang gore re thogo tšiba magageru gabutši?

¹⁰ Re ka yekisela Jehova ka go leketsa go kwisisa magageru. Tšiba magageru gabutši. Bolabola nawo mo go soko thomisa megahlano le mo megahlano yi fediye, sepela nawo tšhomong, ke mokane mo nkare wa di kgona, mema magageru yane o  tle o je nawo tsa go ja. Mo o maka ka mokgonone, o ka kraya gore mogageru wa mosadi wa gore o šupa nkare aa kwane le batho o fo ba a hlupa ke dihlong, mogageru wa monna wa gore ke mo o tseya nkare o kwana le dilo tsa majabajaba, o kwana le go yamogela divakaši kela ba mutši wa gore ga go tlala ba segela megahlano yi šele yi thomme ba ka fo ba ba maka ke gore baa phigisiwa. (Job. 6:29) Nnete ke gore a di nyake re ‘kenakena ditaba tsa batho.’ (1 Thim. 5:13) Mara di gabutši go tšiba se sengwana ka magageru le seyemo so ba yyeng ba feta ga sona mo ba kene ba phela.

11. Ke ntaba di le gabutši ka matla gore bagolo ba tšibe nku ye nngwana le ye nngwana gabutši?

¹¹ Bagolo ka matlamatla ke bona ba tshwaneleng ba tšibe dilo tso magageru ka ho phutegong ma yyeng ma feta ga tsona. Yema re fo beyisa ka mogageru ye mongwana ye ba reng ke Artur wa gore ke mo go le mopotulugi. Yene le mogolo ye mongwana ba yye ba vakašela mogageru wa mosadi wa gore ke mo a šupa a na le dihlong fote a sa kwane le go ba gare ga batho. Artur o re: “Ke mo yi le gona re di kwa gore monnage o hlokofele go se botala ba šadiye. Le mo a kene a gahlana le tsa go mo phika, o di kgonne go gudisa barwediya bage ka babedi gore ba tlalele ka matla ga tso tsa Modimo. Gana byalo lowa, maahlo yage a ma sa bona gabutši fote o na le bolwele bya go kgahleletsega monagano. Mara o sa na a ya mahlong a šupetsa gore ga Jehova o sa na a mo nyaka ka matla fote le tumelo yage yi sa tsikiye. Re yye ya di bona gore re ka tšhuta dilo tsa go tlala tsa go bafala ga mogageru yewa wa mosadi.” (Mafil. 2:3) Mopotulugi yewa ke mo a yekisela Jehova. Jehova o tšiba dinku tsage le dilo tso di di kwisang go baba. (Ek. 3:7) Bagolo ba gore ba tšiba dinku gabutši ba kgona go di gelepa.

12. Mogageru wa mosadi ye ba reng ke Yip Yee, tsa gore a tšibane le mogageru ye mongwana wa mosadi ka ho phutegong, di mmerekele byang?

¹² Mo go ka fo ba go na le mogageru wa gore wa go tshwatisa mara wa leketsa go tšiba gore o gudiye byang, ga go tlala o nyoko thomisa go mo kwela go baba. Theetsela mošupetso wo mongwana ke wowa. Mogageru wa mosadi ye ba reng ke Yip Yee wa go tšwa Asia o re: “Go na le mogageru ye mongwana wa mosadi ga phutego yo ke leng ga yona wa gore mo a bolabola ke mo a rasa. Ke mo ke tseya gore aa na mekgwa. Mara mo ke bereka naye tšhomong, ke yye ka kwa gore ke mo a gelepa babelegi bage ka go rekisa hlapi mmakete. Ke mo a tshwanele a rase gore batho ba tle ba reke.” Yip Yee o tokegela gana hone ka gore: “Ke yye ka tšhuta gore di nyaka ke kwisise seyemo so magageru ma yyeng ma feta ga sona gore ke thogo ma tšiba gabutši.” Di nyaka o ro ganya dikobo gore o thogo tšiba magageru gabutši. Fote, mo o ka fo maka tso Baebele yi di bolabolang, tsa gore o bule pelo yago ka matla, o ko ba o yekisela Jehova wa gore ‘batho ba mehlobo ka mokana ga yona’ o kwana nabo ka matla.—1 Thim. 2:3, 4; 2 Makor. 6:11-13.

13. Ho ga Genesi 19:15, 16, go šupetsa mangeloyi ma yye ma maka ying mo Llota a kene a jikajika, fote ke ntaba ma makiye tsotsone?

¹³ Ka nako ya mo lephelo la Llota ne le le kotsing, o yye a fo jikajika go maka tso Jehova a mmotsang. Mangeloyi ka mabedi ma yye ma ya ga Llota ke mokane ma mmotsa gore a tloge Sodoma le ba mutši wage. Ke ntaba? Ma yitseri: “Re nyoko sinyanya poleke yowa.” (Gen. 19:12, 13) Ka motshwana wa gona, Llota le ba mutši wage ke mo ba sa le ka ntlong. Ke mokane mangeloyi yala ma boyela ga Llota ma ye mo pasopiseng. Mara ‘a fo jikajika.’ Re ka fo tseya gore Llota ke mo a na le tšhinghi, fote a womme hlogo. Mara, Jehova o yye a mo lefisela pelo. Mangeloyi ma yye ma tshwara Llota le ba mutši wage ka matsogo ma ba ntshela ka tawong ga mutši “ka taba la gore Jehova ke mo a mo kwela go baba.”—Bala Genesi 19:15, 16.

14. Jehova a ka fo ba a makiye king gore a mo kwele ga Llota?

¹⁴ Di ka makega gore go na le dilo tso di tšhofiyeng Jehova gore a kwele Llota. Mo Llota a šinya a jikajika mo ba re a tloge mutšing wage, a ka fo ba a makiye ke gore ke mo a tšhaba batho bo ba leng ka ku tawong ga mutši. Ke mo go na le dikotsi tse dingwana fote. Di šupa nkare Llota ke mo a yi kwelele taba ya magoši ka mabedi ya ma yyeng ma bošediwa ka teng ga mokoti wa go ba le sekontiri kela leraga senokaneng sa gana hone thina. (Gen. 14:8-12) Llota ke mo a na le mosadi le bana, byalo di šupa nkare ke mo a šekela ka ba mutši wage. Se sengwana fote ke gore Llota ke mo a ghannye, byalo di ka makega gore ntlo yage ya hala Sodoma ke mo yi bafele ka matla. (Gen. 13:5, 6) Ke nnete gore ne go ko ba go le go wutama ka lehlokwa mo nkare Llota o yye a nagana gore dilo tsone ke tsona di makiyeng gore a šitege go yakgoswa a theetsela Jehova. Mara Jehova ke mo a kwisisa gabutši tso Llota a gahlanneng natso ke mokane a mo tseya go le “monna wa go loka.”—2 Pet. 2:7, 8.

15. Di nyaka re maka ying gore re lesetse go solasola tso motho a di makang?

¹⁵ Lesetsa go solasola tso motho ye mongwana a di makang, mara o karakare gore o leketse go mo kwisisa gore o tikwa byang. Mogageru wa mosadi ye ba reng ke Veronica wa go tšwa Yuropo o leketsiye go di maka tsotsone. O re: “Go na le mogageru ye mongwana wa mosadi wa gore mo nna ke mo lebelele ke mo ke bona nkare o fo dula a kwatiye. Ke mo a sa kwane natso tsa go ba gare ga batho. Ke mo ke fela ke tšhaba le mong go mmolabodisa.  Mara ke yye ka nagana gore, ‘Mola go le nna yene, ne nka di jabolela tsa gore ke be le monghane.’ Byalo ka tipotsa gore ke nyoko mmutsisa gore o tikwa byang. Ke mokane a thomisa go tantologa wa tšiba! Gana byalo ke mo kwisisa ka matla.”

16. Ke ntaba taba yowa ya go tšhuta go kwelana di nyaka re yi rapelela?

¹⁶ Jehova ke yene a ntoši wa gore o re kwisisa gabutši. (Diy. 15:11) Byalo mo kgopele gore a go gelepe o thogo bona dilo tso a di bonang ga ba bangwana le go bona tso o ka ga di maka gore o thogo ba kwela go baba. Go rapela go mo gelepiye ka matla ga mogageru wa mosadi ye ba reng ke Anzhela gore a thogo kwelana go baba. Mogageru ye mongwana wa mosadi ga phutego yo a leng ga yona ke mo go le motho wa gore aa kenege lula. Anzhela o re: “Ke mo di ka sa hlupi gore le nna ke tanye ke molabo wa go thomisa go mo solasola ke mokane ‘ka tšwa’ gage. Mara ke yye ka kgopela Jehova gore a n’gelepe ke mo kwele go baba ga mogageru yewa wa mosadi.” Ayitsano Jehova o yye a di fetola tso Anzhela a yyeng a di rapelela? Mo a tokegela gana hone, o re: “Ke mo re ya tšhomong re le ka babedi ke mokane ka nthago ga mone ke mo re fetsa diawara tsa go tlala re tipolabolela ka tse dingwana. Ke yye ka mo theetsela nkene ke mo kwela go baba. Gana byalo ke mo nyaka tsa nkare ke moka, fote nko fo ya mahlong nkene ke mo gelepa.”

17. Di nyaka re tikemisele go maka ying?

¹⁷ O ka sa tšibi gore ke magageru mafeng ya di nyakang o ma kwele go baba. Ka mokana ga wona ma yye ma hlakana le dintshitshiri go fo tshwana le Jona, Eliya, Haghara le Llota. Ga go tlala, ba yye ba tileyela dintshitshiri ka bo bona beng. Nnete ke gore, ka dinako tse dingwana le rune re fela re di maka tsotsone, re boya re tiputsisa gore anthe ke mo re ro kena king. Byalo, di kwala gabutši mo Jehova a re kgopela gore re šupetsane gore re kwelana go baba. (1 Pet. 3:8) Mo re theetsela Jehova, re maka gore mutši wo re leng ga wona wa go jabodisa wa lefaseng ka mokana ga lona wo nape wo ro mamarelana. Byalo, mo re na re phela, tla re tipotseneng gore re nyoko theetsela batho ba bangwana, ra ba tšiba ke mokane ra thogo ba kwela go baba.