1. Ke bomang bo ba yyeng ba tšhela letsogo gore go be le phutego ya Filipi?

MO PAWULO wa lepostola, Siliyase, Luka le Thimothi ba segela Filipi ya gore ke mo yi lawola ke Maroma, ba yye ba hlakana le batho ba go tlala ba go jabolela ditaba tsa go bafala tsa Mmušo. Magageru yawa ka mane ya go ba le matšato ma gelepiye gore go be le phutego, ke mokane magageru ka mokana ga wona ma thomisa go ba le mogahlano mutšing wa Lidiya wa gore ke mo a yamogela bayeng fote a dumela ga Modimo.—Meber. 16:40.

2. Phutego yone yi yye ya hlakana le dintshetshere tsa mošaga mang di sa tloga?

² Di soko ya kaye, phutego yone le bonyana bya yona yi yye ya hlakana le dintshetshere. Sathane o yye a maka gore batho ba go sa nyake nnete ba thomise go phigisa mmereko wa go tšhomayela wo Pawulo ne a wo maka le bo ne a le nabo. Pawulo le Siliyase ba yye ba tshwariwa, ba teyiwa ka dikgati fote ba kwalediwa jele. Ka nthago ga gore ba ba ntshe jele, ba yye ba vakašela bo ba gore ne go se botala go le Makreste, fote ba boya ba ba tiyisa. Pawulo, Siliyase le Thimothi ba yye ba tloga hone polekeng, di šupetsa nkare Luka yene a šala gana hone. Byalo magageru yawa ya gore ke mo go se botala go le Makreste ke mo ma tshwanele ma make ying? Jehova o yye a ma gelepa ka moya wage wa go hlawolega gore ma ye mahlong ma mmerekela ka matšato. (Mafil. 2:12) Di kwagala ka matla mo Pawulo a yye a titeya sekguba ka bona!

3. Mafilipi 1:9-11, yi re Pawulo o yye a rapelela ying?

³ Ka nthago ga lesome la mengwaga, Pawulo o yye a ngwalela phutego ya Filipi borifi. Mo o kene o bala lengwalo lone, o thogo di bona gabutši gore Pawulo ke mo a ma nyaka ka matla ga magagabo. O ngwadiye gore: “Ka mokana ga lune ke le gupudiye ka  taba la gore ke le nyaka ka matla go fo tshwana le ka mokgo Kreste Jeso ne a le nyaka ka gona.” (Mafil. 1:8) Fote o ba ngwalele le gore o ba rapelele. Ke mokane a kgopela Jehova gore a ba gelepe gore ba nape ba nyakanana ka matla, gore ba yetise tsa gabutši mahlong, ba sa be le sa go sodisa, ba sa kwatisi ba bangwana fote ba ye mahlong ba yengwa diyengwa tsa go loka. Le lekgono, re ka tšhuta dilo tsa go tlala ga mantsu ya Pawulo ya go kwelana go baba. Byalo tla re baleneng ka so Pawulo a se ngwaleleng Mafilipi. (Bala Mafilipi 1:9-11.) Ka nthago, re ko petapeta ka ditaba tso a di hlayyeng le ka mokgo re ka di kopiselang.

4. (a) Johane wa Mathomo 4:9, 10 yi re Jehova o šupetsiye ka ying gore wa re nyaka? (b) Ga Modimo re tshwanele re mo nyake go segela kaye?

⁴ Jehova o šupetsiye gore o re nyaka ka matla mo a šinya a romela Morwayi wage ho lefaseng gore a tle a re kgwele. (Bala 1 Johane 4: 9, 10.) Modimo o re nyaka ka matla, tsotsone di re tšhofa gore le rune re mo nyake ka matla. (Maroma 5:8) Ga Modimo re tshwanele re mo nyake go segela kaye? Jeso o fetodiye putsiso yone nako tsela a botsa Mafaraseyi gore: “O tshwanele o nyake Jehova Modimo wago ka pelo yago ka mokana ga yona, ka bowene byago ka mokana ga byona le ka monagano wago ka mokana ga wona.” (Mat. 22:36, 37) Re nyaka go šupetsa gore ga Modimo re mo nyaka ka matla. Fote go mo nyaka ga rune go be ga ka moka matšatši. Pawulo o butsiye Mafilipi gore go nyakanana ga bona “go ye mahlong ka matla.” Re ka maka ying gore go nyaka ga rune Modimo go sa šepe?

5. Go nyakana ga rune le go nyaka Modimo go ka ya mahlong byang go gola?

⁵ Gore ga Modimo re nape re mo nyaka ka matlamatla, di nyaka re thomise ka go mo tšiba. Baebele yi re: “Ye a sa nyakeng ba bangwana aa mo tšibi ga Modimo, ka taba la gore Modimo wa nyakanana.” (1 Joh. 4:8) Pawulo wa lepostola o šupetsiye gabutši gore re nyoko mo nyaka ka matla ga Modimo mo re kene re kraya “nnete ya go yela le go kwisisa dilo gabutši go tshwana” Naye. (Mafil. 1:9) Nakwela re sa thomisa go tšhuta Baebele, re yye ra mo nyaka ka matla ga Modimo le mo re soko tšiba tsa go tlala ka yene. Byalo mo re kene re tšhuta ka Jehova, re yye ra napa re kwa re mo nyaka ka matla. Ke taba lo re sa lesetseng go tšhuta Baebele ka moka matšatši re boya re ghayela ka tso re di tšhutang!—Mafil. 2:16.

6. Johane wa Mathomo 4:11, 20, 21 yi re re ka maka byang gore go nyakanana ga rune go ye mahlong?

⁶ Mo re di bona tsa gore Modimo o re nyaka ka matla, tsotsone di nyoko re tšhofa gore le rune re nyake magageru. (Bala 1 Johane 4:11, 20, 21.) Re ka fo tseya nkare tsa go nyaka magageru di nyoko fo timakegela ka mohlolo. Mara gabutšibutši di maka ke gore re rapela Jehova fote re leketsa ka matla go ba le mekgwa ya go tshwana le yage. Re yekisela Jeso, yene wa gore o yye a šinya a kgwela batho ka taba la gore o ba nyaka ka matla. Mara ka dinako tse dingwana re ka fo kwa di roba go theetsela molawo wa gore re nyakanane. Tseya ka phutego ya ku Filipi.

7. Re tšhuta ying ga mantsu ya Pawulo a ma butsiyeng Ebhodiya le Sintike?

⁷ Ebhodiya le Sintike ke mo go le magageru ya basadi ya go ba le matšato ga tso tsa Modimo fote ba berekiye “thina ka matla” le Pawulo wa lepostola. Mara di ka fo makega gore ba yye ba yikela dilo tse dingwana di sinya senghana sa bona. Ga borifi byo Pawulo ke mo a bo ngwalele phutego yo Ebhodiya le Sintike ke mo ba le ga yona, o ba hlayye ka mabitso ke mokane a ba yeletsa gore ‘ba nagane go tshwana.’ (Mafil. 4:2, 3) Pawulo o f’lo kwa di mo tšhofa gore a botse phutego ka mokana ga yona gore: “Ariyeneng mahlong le makela batho ba bangwana dilo le sa kokole fote le sa lakatse.” (Mafil. 2:14) Di fo ba lekgwaying gore taba yo Pawulo a ba butsiyeng  yona yi gelepiye basadi bone, ya boya ya gelepa le phutego ka mokana ga yona gore yi nyakanane tsa mannete.

8. King so se ka makang gore go nyakanana le magageru go šehle, fote taba yone re ka yi hlula byang?

⁸ Le rune re ka hlakana le dilo tsa go maka gore re sa be le senghana sa gabutši le ba bangwana, go tshwana le Ebhodiya le Sintike, wa kraya re šele re lebelele tsa go kekema tso ba di makang. Ka mokana ga rune re ya di maka dilo tsa go kekema ka moka matšatši. Mo re ka fo dula re lebelele tsa go kekema tso ba bangwana ba di makang, re nyoko thomisa go sa sa ba nyaka tsona. Mo re beyisa, re ka fo silikisa ke mo mogageru a ka fo ba a lebele go re gelepa go yedisa Holo ya Mmušo. Mo re ka fo thomisa go balela gore magageru ma re sinyele ga kaye, re nyoko fo kwa ba re tshwatisa fote le tsa go ba nyaka di nyoko šehla. Le wene mo o ka fo tikraya o le ga seyemo sa mošaga wonone, di nyaka o gopole taba ke yowa ya gore: Jehova wa di bona tsa gore rune le magageru a ra yenela. Mara le mo re sa yenela, aa lesetse go fo ya mahlong a kene a re nyaka. Byalo, di nyaka re yekisele Jehova ka mokgo a nyakang batho ka gona, ke mokane le rune re ye mahlong re kene re lebelele mekgwa ya gabutši ga magageru. Mo re leketsa ka matla gore re nyakanane le magageru, re nyoko maka gore ngata ya rune ya go ba selo ka ssoši yi sa šehle.—Mafil. 2:1, 2.

9. “Mong tsona tsa gabutši” tso Pawulo a di butsiyeng Makreste ya ku Filipi ke difeng?

⁹ Moya wa go hlawolega wo butšwelele Pawulo gore a botse bo ne ba le ku Filipi le Makreste ka mokana ga wona gore ma “tšibe dilo tso di tshwaneleng go yeta mahlong.” (Mafil. 1:10) Ga dilo tso di tshwaneleng go yeta mahlong, go na le go gadimisa lebitso la Jehova, tso a nyakang go di makela batho ku mahlong, go beba le go ba selo ka ssoši ka ho phutegong. (Mat. 6:9, 10; Joh. 13:35) Mo lephelo la rune le tlalele ga dilo tsowa, re šupetsa gore ga Jehova re mo nyaka ka matla.

10. King so re tshwaneleng go se maka gore re šupetse re se na selabi?

¹⁰ Fote Pawulo o yitseri a di nyake “re ba le selabi.” Sone a se rele gore re tshwanele re felegelele. Re ka sa nape re hloka selabi go fo tshwana le ka mokgo Jehova Modimo a se nang selabi. Mara Jehova o nyoko re bona re se na selabi mo re ka fo leketsa ka matla gore re nyakanane le go yetisa dilo tsa gabutši mahlong. Se sengwana so re ka šupetsang ka sona gore re ya nyakanana ke gore re sa tšhoge re makiye gore ba bangwana ba tobele Jehova.

11. Ke ntaba re sa tshwanela go maka gore ba bangwana ba tobe?

¹¹ Taba ya gore re sa tšhoge re makiye ba bangwana gore ba tobe, ke ye kgolo ka matla. Re ka tubisa ye mongwana byang? Ba bangwana ba ka tubisa ke tso re kgetang go tijabodisa ka tsona, dikobo tso re di yaparang kela mmereko wo re wo berekang. Tso re di makang di ka fo ba di sa tšwa pateng. Mara mo o ka kraya gore tso o di makang a di tshware ba bangwana gabutši, go nyoko ba taba ye kgolo. Jeso o yitseri mo re ka tšhoga re makiye gore ba bangwana ba tobele Jehova, di kawone ba make mogwabetso ga tšhilo ya ho molaleng ga rune ke mokane re bošediwe ka teng ga lewatle!—Mat. 18:6.

12. Re tšhuta ying ga monna ye mongwana le mosadi wage ba gore ke mašupatsela?

¹² Lebelela ka mokgo monna ye mongwana le mosadi wage ba gore ke mašupatsela ba yyeng ba tseyela mantsu ya Jeso hlogong. Ba yye ba bereka ga phutego ye nngwana ya gore ke mo yi na le monna ye mongwana le mosadi wage ba gore ke mo go se botala ba kolobetsiwwe, fote ba gudisiye ke babelegi ba gore ke mo ba ba rakela ga dilo tsa go tlala. Ba gudiye ba tšiba gore Makreste a maa tshwanela go ya dimuving—le mong go lebelela dimuvi tsa gore a di na bothatha. Mo ba kwa gore monna ye mongwana le mosadi wage ba mašupatsela ke mo ba lebelele  muvi, sone se yye sa ba makatsa ka matla. Ka nthago, mašupatsela yala ya gore ke monna le mosadi ma yye ma sa sa ya go ye bhukhela dimuvi go segela mo bala ba gore a yi botala ba kolobetsiwwe ba wolodiye makwalo ya bona. (Maheb. 5:14) Ka mokgonone, mašupatsela yane ma šupetsiye gabutši gore magageru yawa ma ba nyaka ka matla fote a ma timakisi.—Maroma 14:19-21; 1 Joh. 3:18.

13. Re ka phiriketsa ye mongwana byang ka go mo kutšetsela gore a sinye?

¹³ Mokgwa wo mongwana wo re ka tšhogang re phiriketsiye ye mongwana ka wona, ke wa go mo kutšetsela gore a sinye. Mara re ka di maka byang tsotsone? Nagana ka taba ye nngwana ke yowa. Motho ke yewa wa gore o tšhuta Baebele fote di mo tsere nako a kene a lwa le go lesetsa go nwa mokgete ke mokane o feleletsa a kgona go wo lesetsa. Ke mokane o di bona gabutši gore o tshwanele a lesetse go nwa mokgete. O yye a tšhentšha ke mokane a kolobetsiwa. Ka nthago, mogageru ye mongwana o mo mema gore a tle phathing ke mokane o mo neya mokgete, o re gage: “Gana byalo ke wene Mokreste, fote moya wa Jehova wo nago. Se sengwana so moya wa Modimo o se makang mo mothong ke gore a kgone go titshwara. Mo motho a kgona go titshwara, le mo a nwa mokgete o nyoko kgona go meta.” O fo nagana nje gore ke mo go nyoko ba byang hala mogageru yewa a f’lo theetsela mantsu yane ya go sa yi ka tsela!

14. Megahlano ya Sekreste yi re gelepa byang gore re berekise melawo ya mo ga Mafilipi 1:10?

¹⁴ Megahlano ya rune ya Sekreste yi re gelepa gore re thogo berekisa melawo ya mo ga Mafilipi 1:10 ka mekgwa ya go tlala. Sa mathomo ke gore dilo tso re di tšhutang megahlanong di re šupetsa gore ke difeng tso Jehova a di tseyang go  le mong tsona tsa gabutši. Sa bobedi ke gore re tšhuta ka mokgo re ka di berekisang gore re thogo ba batho ba go hloka selabi. Sa boraro ke gore re kwa di re tšhofa gore “re nyakanane fote re make tsa gabutši.” (Maheb. 10:24, 25) Mo magageru ma re tiyisa, di napa di maka gore ga Modimo le magageru re ba nyake ka matla. Mo re nyaka Modimo le magageru di tšwa pelong, re nyoko karakara ka matla gore re sa phiriketse magageru.

15. Anthe ‘go tlala ka diyengwa tsa go loka’ di ra gore king?

¹⁵ Pawulo o rapelele Mafilipi gore ‘ma tlale ka diyengwa tsa go loka.’ (Mafil. 1:11) Di fo ba lekgwaying gore mo go bolabodiwa ka ‘diyengwa tsa go loka,’ tsotsone di rela gore ga Jehova le batho bage re ba nyaka ka matla. Gana mone go kena le taba ya go botsa batho ka go dumela ga Jeso le ka tso di nyoko makegang ku mahlong. Mafilipi 2:15 yi bolabola ka mantsu ya mangwana ya gore, “go khanya go tshwana le malampa ho lefaseng.” Taba yone yi fo re kwatla, ka taba la gore Jeso o re malata yage ke “malampa ya lefase.” (Mat. 5:14-16) Fote o butsiye bo ba mo latelelang gore ba “make batho malata,” a boya a re ba nyoko ba “dihlatse . . . go segela dipolekeng tsa kgole tsa lefase.” (Mat. 28:18-20; Meber. 1:8) Re ba le “diyengwa tsa go loka” mo re karakara ka matla ga mmereko wo wa go tšhomayela.

16. Mafilipi 1:12-14 yi šupetsa gore re ka khanya byang go tshwana le malampa le mo seyemo se thathafa? (Lebelela sethombhe sa ka tawong.)

¹⁶ Le mo go ka fo ba go le byang, re nyoko khanya go tshwana le malampa. Ka dinako tse dingwana dilo tso di šupetsang nkare di nyoko re phiriketsa gore re sa tšhomayele ditaba tsa go bafala, go ka ba tsona di re thulelang mašuba ya go tšhomayela. Mo re beyisa, di ka fo makega gore Pawulo wa lepostola mo a šinya a ngwalela Mafilipi lengwalo, ke mo ba mo tshwere ba mo kwalele ka ntlong hala Roma. Le mo a kene a le  jele, a sanka a lesetsa go tšhomayelela bo matšinghilane le bo ne ba mo vakašela. Pawulo o yye a tšhomayela ka matšato ga seyemo sa mohlobo wonone, ke mokane sosone sa tiyisa ba phutego ya ku Filipi “gore ba bolabole ka lentsu la Modimo ba sa hlagasele.”—Bala Mafilipi 1:12-14; 4:22.

17. Magageru ya mangwana ma yye ma di kgona byang go ya mahlong ma tšhomayela le mo go thathafa?

¹⁷ Magageru ya go tlala ma maka dilo ka lešiši go fo tshwana le Pawulo. Ma dula ga dipoleke tsa gore a ma fo lla go tšhomayela go gongwana le go gongwana, kela go ya ka mutši ka mutši, byalo ma berekisa mokgwa wo mongwana gore ma tšhomayele ditaba tsa go bafala. (Mat. 10:16-20) Ga poleke ya mošaga wonone, mopotulugi o bolabodiye gore motšhomayedi ye mongwana le ye mongwana a yenetse tšhomo yage ka go tšhomayelela mašaga, bayagelani, bo a kenang nabo sekolo, bo a berekang nabo le bo a ba tlwayeleng. Ka nthago ga mengwaga ka mmedi, diphutego tsa poleke yone di yye tsa thomisa go hlohlotela. Re ka fo ba re dula ga poleke ya gore go tšhomayela a yi bothatha. Mara re ka tšhuta se sengwana ga magageru ya gore ma butšuwe ga tso tsa Modimo, ya gore ke mo ma fo dula ma nyakana le mašuba ya go tšhomayela, ma tshepiye gore le mo di baba, Jehova o nyoko ma neya matšhika ya go ya mahlong ma kene ma tšhomayela.—Mafil. 2:13.

18. Di nyaka re karakarele gore re make ying?

¹⁸ Barena, nkare re ka fo ba re kene re ya mahlong re berekisa mantsu ya Pawulo a ma ngwaleleng Mafilipi. Wa tšiba, nkare re ka yetisa dilo tsa gabutši mahlong, ra sa be le selabi, re sa tubisi ba bangwana fote re be le diyengwa tsa go loka. Ka mokgonone re nyoko nyakanana ka matla fote sone sa maka le gore Papa wa rune Jehova, a thanakiwe.