AYITSANO go na le so o nabelang go se maka ka ho phutegong mara o šitega? Di ka makega gore ye mongwana o fo teya a beyelele ga selo sone. Nakwenngwana ke mmereko wa tšhomo kela mmereko wo o yyeng wa kgona go wo maka botala. Le mo go le sone, go gola, go sa philega gabutši, go hloka le mong peni ya lešidi kela go pasopa mutši go ka go kgerela ga tso o nyakang go di maka. Kela ka taba la gore go tšhentšhiye se sengwana mokgahlong, sosone se ka maka gore o tšwe o yemisiye ka mmereko wo ne o tlwayele go wo maka. Ga dilo tsone ka mokana ga tsona, nnete o ko fo kwa nkare ga Modimo a o sa mmerekela tsona. Fote ga seyemo sa mošaga wonone, di ya kwala mo ka dinako tse dingwana o ka fo tikwa o kgongwele. Le mo go le sone, o ka gelepa king gore o sa duli o kgongwele, o sa jabodisi ke selo kela o phela o kukumusiye dikana? Mara o ka maka byang gore o dule o jabodiye?

Gore re dule re jabodiye, re ka tšhuta ga mošupetso wa Johane wa go Kolobetsa. Johane ke mo a jabolela mmereko wage wa go berekela Jehova a sa duli a nagana ka so se nyoko makegang ka yene. Ke mo a sa nagane gore nako yo a yi tsereng a le jele yi nyoko feta yo a yi tsereng a tšhomayela. Mara, Johane o yye a fo dula a jabodiye lephelo lage ka mokana ga lona. O gelepiye king? Rune re ka maka byang gore re dule re jabodiye le mo re gahlana le tsa go re phiriketsa?

Ka 29 C.E., Johane o yye a thomisa mmereko wo Jehova a mo neyyeng wona wa go botsa batho gore ba yemele Mesiya mo a tla, o yitseri: “Sokologaneng ka taba la gore Mmušo wa legedimo wo šutele.” (Mat. 3:2; Luka 1:12-17) Ba go tlala ba yye ba theetsela. Gabutšibutši, re ka re mogoba wa batho ba go tšwa kgole ba yye ba tla ba nyaka go kwa molayetsa wage, ke mokane ba go tlala ba gona ba yye ba sokologa ba boya ba kolobetsiwa. Johane o yye a lakatsa bo ba go yeta sedumedi mahlong, ba go timaka nkare ba lukiye, a ba botsa gore mo ba ka sa tšhentšhi maphelelo ya bona, ba nyoko yahludiwa go baba ka matla. (Mat. 3:5-12) Ka 29 C.E. mo Johane a kolobetsa Jeso, ke gona a napiyeng a di bona gabutši gore mmereko wage a yi wa go kgana. Go tlugisela gana hone, Johane o yye a šupetsa ba bangwana gore ba latelele Jeso, ka taba la gore ke yene Mesiya ye a tshepisiwweng.—Joh. 1:32-37.

Ga taba ye kgolo ye Johane a yi makiyeng, Jeso o feleletsiye a re: “Ga basadi ka mokana ga bona bo ba belegiyeng, a go na le ka wweši ye a gudisiyeng ngwana wa go feta Johane wa go Kolobetsa.” (Mat. 11:11) Sosone se maka gore re tshepe gore Johane o yye a jabolela ka mokgo a yyeng a rufiwa ka matla ka  gona. Go fo tshwana le Johane, ba bangwana le bona ba yye ba rufiwa la go sa hlayisege. O fo tseya ka mogageru ye mongwana wa monna ye ba reng ke Terry. Yene le mosadi wage ye bareng ke Sandra, ba gore ba šele ba na le mengwaga ya go teya ka ku ga 50 ba bereka mmereko wa nako ka moka. Terry o re: “Ke yye ka tikwisa ka go bereka mmereko wa go tlala wa gabutši. Ke berekiye ke le mošupatsela wa nako ka moka, ka bereka Bethele, ka bereka ke le mošupatsela wa go hlawolega, mopotulugi, mowokamedi wa mogahlano, fote gana byalo ke boyele ke mošupatsela wa go hlawolega.” Di jabodisa ka matla mo re thulegela ke mašuba ya go berekela Jehova, mara di nyaka re karakare ka matla gore re dule re jabodiye le mo seyemo se tšhentšha go fo tshwana le Johane.

So ne se maka gore Johane wa go Kolobetsa a dule a jabodiye, ke gore ke mo a sa lesetse go leboga mmereko wo mogolo wo a yyeng a kgona go wo maka. Bona mošupetso ke wowa. Ka nthago ga mo Jeso a kolobetsiwwe, bo ba latelelang Johane ba yye ba pomega ke mokane gwa tlala bo ba latelelang Jeso. Bo ba latelelang Johane ba yye ba šukunya ke taba yone ke mokane ba re: “Bona, wa ba kolobetsa fote ka mokana ga bona ba latelela yene.” (Joh. 3:26) Byalo Johane a re: “Ye a nang le wa go nyadiwa ke ye a nyalang. Mara monghana wa ye a nyalang mo a yemme thina gage fote a mo theetsele, o jabola ka matla ka taba la lentsu la ye a nyalang. Byalo go jabola gaka go makiwwe gore go yenele.” (Joh. 3:29) Johane ke mo a sa phadisane le Jeso, fote ke mo a sa nagane gore mmereko wage a yi wa selo, ka taba la gore mmereko wa Jeso ke wona wo mogologolo. Mara Johane o yye a fo dula a jabodiye fote a ya mahlong a kene a tseyela hlogong so ne a se maka sa go ba “monghana wa ye a nyalang.”

Le mo yi le gore mmereko wa Johane ne wo se lula, o yye a fo dula a jabodiye ka taba la ka mokgo ne a lebelela dilo ka gona. Mo re beyisa, go tlugisela hala Johane a belegiwa go le Lenazari, ke mo a sa tshwanela go nwa wayine. (Luka 1:15) Mo Jeso a bolabola ka lephelo la lula la Johane, o yitseri “Nakwela Johane a tla ke mo a sa ji kela go nwa.” Mara Jeso le bo ba mo latelelang ke mo ba sa kene felo ga taba yone ya go ba Lenazari, bona ke mo ba tshwanele ba phele go fo tshwana le batho ba bangwana. (Mat. 11:18, 19) Johane wa go Kolobetsa a sanka a maka mehlolo, ke mo a di tšiba gore bo ba latelelang Jeso le ba bangwana bo ne ba latelela yene, ke mo ba neyiwwe matšhika ya go maka mehlolo. (Mat. 10:1; Joh. 10:41) Mara Johane aa lesetsa dilo tsone di mo kena matolong, o yye a fo dula a tshwaraganne ka matla ka mmereko wo Jehova a mo neyyeng wona.

Le rune mo re ka fo dula re nagana ka mmereko wo re nang nawo ka ho ga Jehova, a se šiyo so se ka ga kgufulang mojabolo wa rune. Terry ye go bolabodiwweng ka yene ku mathomisong o re: “Ke mo ke dula ke nagana ka mmereko wo ba neyyeng wona.” Mo a lebelela ku nthago a nagana ka mmereko wa nako ka moka wo a yyeng a wo bereka, o re: “A ke tisole le ka gonyana fote mo ke nagana ka tsona ke dula ke fufuma mojabolo.”

Re nyoko jabola stereka mo re ka fo dula re nagana ka so se makang gore mmereko wo Modimo a re neyyeng wona go be mong wona. Go ba “dibereki ggoši le Modimo” a yi ga mang le mang. (1 Makor. 3:9) Selo sa gore se tseyiwa go le se segolo se dula se bafele mo se ka tshwariwa gabutši, byalo le rune mo re ka dula re nagana ka taba ya gore go berekela Modimo ke selo se segolo go segela kaye, re nyoko dula re jabodiye. Re ka sa nyake go tshwanisa matšhika ya rune le matšhika ya batho ba bangwana. Re ka sa tseye nkare mmereko wo Jehova a re neyyeng wona a yi wa selo, wo phala ke wo a neyyeng ba bangwana.—Magal. 6:4

Di ka makega gore Johane ke mo a di tšiba gore mmereko wage wa tšhomo wo ka sa yi mahlong go segela kaye, mara ke mo a sa tšibi nako ya gore o nyoko fela leng. (Joh. 3:30) Ka 30 C.E., ka nthago ga gana mola ga gana hala ga kobodi ya dikgwedi mo Jeso a sa tšwa go kolobetsiwa, Johane o yye a hlahlediwa jele ke Kgoši Heroda. Mara Johane o yye a fo ya mahlong a kene a tšhomayela. (Mar. 6:17-20) Byalo king so se yyeng sa maka gore a dule a jabodiye le mo seyemo se tšhentšhiye? O yye a fo dula a yisiye monagano wage ga tso tsa Modimo.

Mo Johane a sa le jele, o yye a kraya molayetsa wa Jeso wa go yeketsa mmereko wa tšhomo. (Mat. 11:2; Luka 7:18) Johane ke mo a tshepa gore Jeso ke yene Mesiya mara ke mo a tiputsisa gore Jeso o nyoko di kgona byang go maka dilo ka mokana ga tsona tso Mangwalo ma reng Mesiya o nyoko di maka. Ka taba la gore Mesiya ke mo a nyoko kraya setulo, ayitsano tsotsone ke mo di rela gore Jeso o nyoko thomisa go lawola  go se botala? Ayitsano tsotsone ke mo di nyoko maka gore Johane a ntshiwe jele? Johane o yye a roma bo ba mo latelelang ka babedi gore ba ye ba butsise Jeso putsiso ya so a nyoko tlang a se maka, gore: “Ke wene o nyoko tlang kela re sa yemele ye mongwana?” (Luka 7:19) Mo ba sologa ba boyela ga Johane, di ka makega gore o yye a ba theetsela di mmaba, mo ba mo hlayisela gore Jeso o yalafiye batho ka mehlolo, ke mokane a boya a ba roma gore ba tle ba hlatollele Johane ba re: “Gana byalo ba go popela mahlo baa bona, digole di ya sepela, ba go kena ke lephera baa yedisiwa le ba go sa kwe se baa kwa, ba gore ba kgwile baa tsusiwa, le ba go hlupega ba butsiwa ditaba tsa go bafala.”—Luka 7:20-22.

Ditaba ka mokana ga tsona tso ba di butsiyeng Johane, di yye tsa mo tiyisa ka matla. Ke mo di šupetsa gabutši gore Jeso o maka gore go makege tso di yyeng tsa porofitiwa ka Mesiya. Le mo go tla ga Jeso go sa maka gore Johane a ntshiwe jele, ke mo a di tšiba gore mmereko wage a yi wa mahala. Le mo di mmoyela, ke mo a fo dula a jabodiye.

Go fo tshwana le Johane, mo re ka fo dula re yisiye menagano ya rune ga tso tsa Modimo, re nyoko tiyisela re kene re jabodiye fote re lefisiye le pelo. (Makol. 1:9-11) Re ka di kgona go tiyisela mo re bala Baebele re boya re ghayela ka tso re di balang, ke mokane sosone se nyoko re gopotsa taba ya gore mmereko wa rune wa go berekela Modimo, a yi wa mahala. (1 Makor. 15:58) Sandra le yene o re: “Go bala tema ka yyoši ya ka Baebeleng ka moka matšatši go mo gelepiye gore a šutele thina ka matla ga Jehova. Fote go mo gelepiye gore a sa nape a yisa monagano wage ga yene mong, mara a wo tlatse ka mo ga Modimo.” Re ka yisa menagano ya rune ga taba yo re yi kwang ka magageru ya ma berekelang Jehova, ke mokane sosone se nyoko re gelepa gore re lesetse go dula re nagana ka tsa rune beng le go re gelepa gore re dule re nagana ka tso Jehova a di segeleleng. Sandra o tokegela ka gore: “Setiši sa JW^® sa kgwedi ye nngwana le nngwana se re gelepa gore re tikwe re šutele thina ka matla le mokgahlo fote se re gelepa gore re dule re jabolela mmereko wa rune.”

Johane wa go Kolobetsa o yye a tšhomayela ka nako ye kopana ka “moya le matšhika ya Eliya” wa gore “ke mo go le motho go fo tshwana le rune.” (Luka 1:17; Jak. 5:17) Mo re ka fo yekisela ga Johane, ka go sa lesetsi go leboga le go dula re nagana ka tso tsa Modimo, nnete re nyoko dula re jabolela mmereko wa rune wa Mmušo le mo go ka teya leduma la mošaga mang.