1. Go ya ka Maefeso 6:10-13, ke mokgwa wofeng wa go tikisa pelo wo Jehova a re šupetsang ka wona gore wa tihlopa ka rune? Hlatolla.

MO RE bona Jehova a re gelepa gore re lwe le manaba ya rune, sosone se re tikisa pelo ka matla. Sathane le madimona yage ke bona manaba ya rune ya magolo. Ke bona bo Jehova a reng re ba pasope, fote o re neya dilo tso di ka re gelepang go lwa nabo. (Bala Maefeso 6:10-13.) Mo re ka lesetsa Jehova gore go be yene a re gelepang, re boya re tshepela gage, Diyabolo a ka sa ro re maka selo. Re ka ba le lešiši go fo tshwana le Pawulo wa lepostola. O ngwadiye gore: “Ho Modimo a na le rune, re ka phigisa ke mang mara?”—Maroma 8:31.

2. Ga hlogotaba yowa re nyoko bolabola ka ying?

² Rune Makreste ya mannete a re woke ke Sathane le madimona yage. So re hlopegang ka sona ke go tšhuta ka Jehova le go mmerekela. (Pis. 25:5) Mara di nyaka re tšibe mathayithayi ya Sathane. Ke ntaba? Gore a sa re hlalefetse. (2 Makor. 2:11.) Ga hlogotaba yowa re nyoko bolabola ka taba ye nngwana ye kgolo ya gore Sathane le madimona baa yi berekisa gore ba fokole batho. Fote re nyoko bona gore re ka lwa nabo byang ra boya ra ba hlola.

3-4. (a) Mo ba bolabola ka taba ya go phasa, go kena le ying gana hone? (b) Taba yowa ya go dumela ga boloyi yi tlele go segela kaye?

³ Mokgwa wo mongwana wo mogolo wa gore Sathane le madimona yage baa wo berekisa gore ba fokole batho ke go phasa badimo. Batho ba go maka tsotsone tsa go phasa ba tseya gore badimo ba bona ba kgona go maka dilo tsa gore batho ba bangwana ba ka sa di kgone kela go di kwisisa. Mo re beyisa, ba bangwana ba tseya gore ba tšiba tsa ka motshwana ka go phekola kela go berekisa dinanedi. Ba bangwana ba ka fo maka  nkare ke mo ba bolabola le bo ba kgwileng. Ba bangwana baa loya kela ba maka masalamose, fote ba ka leketsa go teya ba bangwana ka difolane. *

⁴ Taba yowa ya go dumela ga boloyi yi tlele go segela kaye? Bo ba go nyakolla ditaba ba yye ba nyakolla ga 18 ya dipoleke ku Latin America le Caribbean, ga batho ba go tlala ba gore ba tshepa masalamose kela boloyi fote ba bangwana ba tshepa gore di ya kgonega go bolabola le madimona. Le Afrikha ba yye ba nyakolla ka taba yowa. Gona go yye gwa krayega gore batho ba go feta hafo ba re ba tshepa boloyi. A go na taba gore re dula kaye, mara nnete ke gore di nyaka re dule re tipasopiye ga taba ya boloyi. So se šalang ke gore Sathane o nyaka gore a fokole batho “lefaseng ka mokana ga lona.”—Kut. 12:9.

5. Jehova o tikwa byang ka boloyi?

⁵ Jehova ke “Modimo wa nnete.” (Pis. 31:5) Byalo o tikwa byang ka boloyi? Bo mo silikisa ka matla! Jehova o butsiye Maisrayele gore: “Go sa be le ka wwoši ye a krayegang mo ga lune wa gore o fitisa morwayi kela morwediya wage mollong, wa go berekisa dikgakgare, wa go berekisa masalamose, wa gore mo a bona selo a tseye gore ke bhati, wa go loya, wa go teya ba bangwana ka sefolane, wa go bolabola le badimo kela wa go porofeta, kela wa go butsisa dilo ga bo ba kgwileng. Ka taba la gore ye a makang dilo tsone, o silikisa Jehova.” (Dot. 18:10-12) Makreste a ma sa lawola ke molawo wola Jehova a wo neyyeng Maisrayele. Mara re ya di tšiba gore Modimo a ka sa tšhentšhi ka mokgo a tikwang ka gona ka boloyi.—Mal. 3:6.

6. (a) Sathane o berekisa boloyi ka mokgo mang gore a kwaletse batho? (b) Go ya ka Mmolabodi 9:5, nnete ka bo ba hlokofeleng ke yifeng?

⁶ Jehova wa re pasopisa ga dilo tsa boloyi ka taba la gore wa di tšiba gore Sathane o berekisa tsona gore a kwaletse batho. Sathane o berekisa boloyi byone gore a gadimise matsaka yage—ya go tshwana le gore bo ba kgwileng baa phela go gongwana. (Bala Mmolabodi 9:5.) Sathane o berekisa boloyi byowa gore a make batho gore ba dule ba tšhugiye le go ba maka gore ba keketlele ku kgole le Jehova. So a tikemiseleng sona ke gore batho ba tshepe boloyi ka matla ke mokane ba jikele Jehova.

7. King so Jehova a re botsang sona?

⁷ Re di bonne gore Jehova o re botsa so re tshwaneleng re se tšibe gore re sa fokole ke Sathane le madimona yage. Lebelela tse dingwana tso re ka di makang gore re lwe le Sathane le madimona yage.

8. (a) Ke mokgwa wofeng wo mogolo wo re ka wo berekisang gore re ganetse madimona? (b) Pisalema 146:4 yi re king mo yi beya matsaka ya Sathane lekgwaying ka bakgu?

⁸ Bala Lentsu la Modimo o boye o ghayele ka lona. Wo ke mong wona mokgwa wa gabutši wo wo ka makang gore re ganane le matsaka ya madimona. Lentsu la Modimo le tshwana le thipa ya go lokotšiwa ka matla ya gore yi ka šinya yi kgona go sega ke mokane ya tlosa matsaka ka mokana ga wona ya Sathane a ma bolabolang. (Maef. 6:17) Lentsu la Modimo le yi beya lekgwaying taba yowa ya gore a di kgonege gore batho ba go kgwa ba ka bolabola le bo ba phelang. (Bala Pisalema 146:4.) Fote yi re botsa gore ke Jehova a ntoši ye a tšibang tsa ka motshwana. (Jes. 45:21; 46:10) Mo re bala Lentsu la Modimo re boya re ghayela ka lona ka moka matšatši, re nyoko lokotšega, ra gana matsaka  ka mokana ga wona ya madimona ma nyakang re ma dumela.

9. Ke difeng tse dingwana tsa go yelana le madimona tso re ka kganelang kgole natso?

⁹ Gana go maka se sengwana le se sengwana so se sipidisanang le madimona. Ke rune Makreste ya nnete, byalo a re kene felo ga dilo tsa madimona. Mo re beyisa, rune a re make tsa gore ba ye re phekoleng kela go butsisa badimo. Ga hlogotaba ya go fela, go bolabodiwwe gore a re kenakene ga dilo tso di makiwang ka setšo tsa mo go na le likgu, tsa go šupa nkare bakgu baa phela kayekaye. Fote a re berekisi dinanedi kela baporofeta gore re thogo tšiba tsa ka motshwana. (Jes. 8:19) Re di tšiba gabutši gore tsa mošaga wonone di kotsi ka matla fote di ka maka gore re nghanelane le Sathane le madimona.

10-11. (a) Ba bangwana ba dinakong tsa mapostola ba yye ba maka byang mo sa tšwa go tšhuta nnete? (b) Go ya ka 1 Makorente 10:21, ke ntaba di nyaka re yekisele ga Makreste ya ku botala, fote re ka di maka byang tsotsone?

¹⁰ Lahla dilo ka mokana ga tsona tsa go yelana le boloyi. Batho ba bangwana bo ne ba dula Efeso ka dinako tsa mapostola ke mo ba berekisana natso tso tsa madimona. Mo ba thomisa go tšhuta nnete, ba yye ba wolola ditsela tsa bona. “Ba go tlala ba bona ba yye ba tla le dipuku tsa bona le dilo tso ne ba di berekisela tsotsone tsa madimona ke mokane ba di tšhuba ba kene ba lebelele ke batho.” (Meber. 19:19) Batho bowa ke mo ba tikemisele ka matla gore ba lahle go berekisana le moya woneng wa madimona. Dipuku tsone tsa bona tsa masalamose ke mo di sa turi lona. Mara a sanka ba beya dipuku tsone kela go di rekisela batho ba bangwana, ba yye ba di tšhuba. Ke mo ba hlopega ka matla ka taba ya go jabodisa Jehova, ba sa šekele ka gore dipuku tsone tsa bona di kala bokaye.

¹¹ Re ka ma yekisela byang Makreste ya dinakong tsa mapostola? Re ko ba re šupetsa gore re hlalefiye mo re ka fo lahla dilo ka mokana ga tsona tso di nang le boloyi. Mone ga tsona go kena dilo tsa go tshwana le metlemo, mekhemese le tse dingwana tsa gore batho ba titiyisa ka tsona kela ba natso, dilo  tsone ka mokana ga tsona ke tsa madimona.—Bala 1 Makorente 10:21.

12. Di nyaka re tiputsise diputsiso difeng ka dilo tso re tijabodisang ka tsona?

¹² Tinyakolle gore tso o tijabodisang ka tsona di gabutši na. Tiputsise gore: ‘Ayitsano ke bala dipuku tsa madimona, dimakazini, kela dihlogotaba tsa go bolabola ka boloyi mo inthaneteng? Dikoša tso ke di theetselang, dimuvi, ditori le dividiyo tsa mekgano tsona ke tsa mošaga mang? Nje tso ke tijabodisang ka tsona a di na moya wa madimona le boloyi? Ayitsano a di na batho bala ba meno ya go tshosa ba nkare ke makgema, dipoko kela batho ba go maka dilo tsa gore a di kgonege? Nje a di na masalamose, lešidi kela go maka tsela ba reng ke go rapedisa motho gore a tlele ke dilo tsa go baba?’ Gona ke nnete gore a yi dilo ka mokana ga tsona tsa go tijabodisa tsa gore di na le bodimona. Mo o ka fo nyakolla tso wene o tijabodisang ka tsona, tikemisele go tseya sepheto so se ka go gelepang gore o dule o kganela kgole le selo se sengwana le se sengwana sa gore Jehova aa se nyake. Re nyaka go leketsa ka matla gore “re dule re na le makwalo ya go yela” mahlong ga Modimo.—Meber. 24:16. *

13. King so re sa nyakeng go se maka?

¹³ O sa kwane le tsa go hlayisa ditori tsa go bolabola ka madimona. Di nyaka re ye mahlong re yekisela ka mokgo Jeso ne a maka dilo. (1 Pet. 2:21) Nakwela Jeso a soko bane a tla ho lefaseng ke mo a ba tšiba gabutši Sathane le madimona yage. Mara a sanka a dulela go bolabola ka bona le ka tso ba di makiyeng. Jeso ke mo a nyaka go bereka tso Jehova a mo rommeng tsona, a sa nyake go  ba a kene a sabalatsa ditaba ka Sathane. Le rune re ka kopisela ga Jeso, re sa sabalatse ditaba tsa go bolabola ka madimona. Tso re di bolabolang ke tsona di šupetsang gore ‘dipelo tsa rune di tlele ka selo sa gabutši,’ yona nnete.—Pis. 45:1.

14-15. (a) Ke ntaba di sa nyake re hlagasedisa ke madimona? (b) King so se šupetsang gore Jehova o pasopa batho bage?

¹⁴ A di nyake re tshosa ke madimona. Dilo tsa go befa di ka re makegela ka taba la gore re phela ga lefase la go baba. Dikotsi, malwele kela likgu a di layelele. Mara a di nyake re napa re tseya gore madimona ke wona ma re leyelang dilo tsowa ka moka. Baebele ya hlaya gore “nako le dilo tso re sa di yemelang” di ka tlela ye mongwana le ye mongwana. (Mmo. 9:11) Mo re bolabola ka matšhika, Jehova o ma feta kgole madimona. Mo re beyisa, Modimo a sanka a lesetsa Sathane gore a bolaye Jobo. (Jobo 2:6) Ka dinako tsela tsa Moše, Jehova o yye a šupetsa gore maprista ya go maka mehlolo ya ku Egepita o ma šiya kgole ka matšhika. (Ek. 8:18; 9:11) Ka nthago Jehova o yye a neya Jeso matšhika ya gore a rake Sathane le madimona yage ku legedimong. Fote go se botala ba nyoko bošediwa moleteng, ga gore ba ka sa sa kgona go kwaletsa batho.—Kut. 12:9; 20:2, 3.

¹⁵ Re thogo di bona gabutši gore le lekgono Jehova o sa fo ya mahlong a pasopa batho bage. Lebelela taba ye nngwana ke yowa: Re tšhomayela ditaba tsa Modimo lefaseng ka mokana ga lona. (Mat. 28:19, 20) Mo re kene re maka tsotsone, re napa re maka gore dilo tsa go kekema tso Diyabolo a di makang di be lekgwaying. Hala Sathane nnete a di kgona, ke mo a nyoko yemisa mmereko wa rune, mara ka taba la gore aa kgone, ke rune bo re sa ya mahlong. Byalo a di nyake re hlagasedisa ke moya wa madimona. Re ya di tšiba tsa gore “mahlo ya Jehova ma bona lefase lo ka mokana ga lona, gore a thogo šupetsa ka mokgo a nang le matšhika, ka go pasopa batho ba gore ba mo nyaka ka dipelo tsa bona di felele.” (2 Dikor. 16:9) Mo nkare re tshepa Jehova, madimona ma ka sa re kgahleletse tsela tsa go šala re šitega le go wona.

16-17. Šupetsa gore ke lešiši la mohlobo mang lo le nyakegang gore motho a hlole moya wa madimona.

¹⁶ Tsona di nyaka lešiši gore motho a thogo hlola moya wa madimona, ka matla matla mo  motho kela mašaga ya rune ba re phigisa. Mara Jehova o rufa batho ba gore ba na le lešiši la mohlobo wonone. Go na le mogageru ye mongwana wa mosadi wa ku Ghana ye ba reng ke Erica. Erica ke mo a na le 21 ya mongwaga mo a thomisa go tšhuta Baebele. Ka taba la gore papage ke mo go le moruti fote a maka mehlolo, ke mo a tshwanele gore a make dilo tsone ka mokana ga tsona tsa setšo tsa go tshwana le go ja nama ya dihlabelo. Mo Erica a gana go maka ka mokgonone, ba mutšing wa gabo le mašaga ba yye ba tseya gore o delela badimo. Ke mo ba tshepa gore badimo bone ba nyoko ba hlopa, ba maka gore ye mongwana a hlanye le go mo lwadisa.

¹⁷ Mašaga ya Erica ma yye ma mmotsa ma šwennye gore a make dilo tsone tsa setšo, mara le yene a gana a sa tekateki, a re ba ka mpa ba mo raka gaye. Mo ba mo raka, Makreste ya mangwana ma yye ma mmitsa gore a tl’le dula nawo. Ka mokgononeng re ka fo re Jehova o yye a rufa Erica ka mutši wa nyuwane—magagabo ya Makretse ma yye ma fetoga bobhuti le bosesi bage. (Mar. 10:29, 30) Erica o yye a fo dula a tshepegela Jehova le mo mašaga yage ma mo lahliye ma boya ma tšhuba le dilo tsage, a kolobetsiwa fote gana byalo ke mošupatsela wa nako ka moka. Aa tshose ke madimona. Mo a bolabola ka mašaga yage o re, “Ke dulela go rapela gore mašaga yaka ma di kraye tso ke nang natso tsa go jabolela go tšiba Jehova le go ba re kene re lokologiye mo re maka mmereko wa Modimo wa rune wa go re nyaka ka matla.”

18. Mo re tshepela ga Jehova re nyoko kraya ying?

¹⁸ A yi ka mokana ga rune re ko go gahlana le tsa mošaga wonone tsa go leketsa tumelo ya rune. Mara, ka mokana ga rune di nyaka re lwe le moya wa madimona re kene re tshepegela Jehova. Mo re ka fo maka ka mokgononeng, nnete re nyoko rufiwa, fote Sathane a ka sa re woke lola ka matsaka yage. Se sengwana ke gore re sa duli re hlagasela ka taba la go tšhaba madimona. Re nyoko ya mahlong rune re tiyisa senghana sa rune le Jehova. Jakobo wa lepostola o ngwadiye gore: “Tinyanafatseneng mahlong ga Modimo, mara le phigise Diyabolo, o nyoko le tšhaba. Šutelaneng thina ga Modimo, le yene o nyoko šutela thina ga lune.”—Jak. 4:7, 8.