1-2. (a) Sathane o tshokannye batho ka mokgo mang? (b) Re nyoko petapeta ka ying ga hlogotaba yowa?

“PAPA wa matsaka” ye ba reng ke Sathane, o tshokannye batho go tlugisela ba le gona. (Joh. 8:44) Ya mangwana ya matsaka yane ke ya go tšhutisa batho dilo tsa gore a di šiyo ka likgu le ka so se makegang mo motho a kgwile. Dilo tsa mošaga wonone ke tsona di makang gore ba ditšo tsa go tlala ba tshepele ga dilo tsa gore a di šiyo le ka mbhitšane. Ka taba la tsotsone magageru ya go tlala ma yye ma “lwela tumelo” ya wona mo go hlokofele ye mongwana wa lešaga kela wa polekeng ya mo ma dulang gona.—Juda 3.

² Mo o gahlana le tsa mošaga wonone, o ka maka byang gore o sa thogathoge ga tso Baebele yi di tšhutisang ka likgu? (Maef. 6:11) Byalo mogagenu wa Mokreste wa gore o gatelele ke ditšo tsa go sa jabodisi Modimo o ka mo kgomoletsa byang wa boya wa mo tiyisa? Ga hlogotaba yowa re nyoko petapeta ka mekgwa yo Jehova a re yetetsang ka yona. Tla re thomiseneng ka go bolabola ka so Baebele yi se bolabolang ka likgu.

3. Matsaka ya mathomo ma makiye gore go be le maphomela yafeng?

³ Modimo ke mo a sa nyake gore batho ba kgwe. Gore Adamo le Efa ba thogo phela go ya go yye ke mo di nyaka ba theetsele mantsu ya go sa hlope ya Jehova ne a ba botsa wona ya gore: “Ga sehlare sela sa go tšiba tsa go bafala le tsa go befa, o sa tikisi selo le ka go nyana, ka taba la gore tšatši lo o jang hone ga sona, o nyoko kgwa.” (Gen. 2:16, 17) Ke mokane Sathane a kena ditabeng. O yye a bolabola a berekisa noga, ke mokane a re ga Efa: “Le ka sa ro kgwa.” Sa go babisa pelo ke gore Efa le yene o yye a tshepa matsaka yane ke mokane a ja seyengwa sone. Ka nthago gwa tla monnage, le yene a kgema a phuretsela. (Gen. 3:4, 6) Ka mokgonone, gwa napa go kena senyama le likgu bathong.—Maroma 5:12.

4-5. Sathane o tshokannye batho byang?

 ⁴ Modimo o yye a re Adamo le Efa ba nyoko kgwa, sosone se yye sa fo ba ka mokgonone. Mara Sathane a sanka a lesetsa go bolabola matsaka ka likgu. Mo go-ya go-ya, o yye a thomisa go tla ka matsaka ya mangwana. Matsaka ya mangwana ke ya gore mo motho a kgwa go kgwa nama, ke mokane go na le so se šalang se phela polekeng ya moya. Go tlugisela botala go segela le lekgono lo, matsaka yane ma sa na ma fokola batho.—1 Thim. 4:1.

⁵ Ke ntaba batho ba go tlala ba tshepa matsaka ya Sathane? Sathane wa di tšiba gore batho ba tšhaba likgu, byalo o napa a bolabola dilo tsa go tshosa ka lona gore ba nape ba hlagasele. Ka taba la gore re makiwwe gore re phele go ya go yye, a re di nyake go kgwa. (Mmo. 3:11) Likgu re le tseya go le lenaba.—1 Makor. 15:26.

6-7. (a) Nje Sathane o phomelele ga taba ya go wutega nnete ka likgu? Hlatolla. (b) Baebele yi re gelepa byang gore re sa tšhabe batho bo ba kgwileng?

⁶ Le mo Sathane a leketsiye ka matla gore a bolabole matsaka ka likgu, a sanka a phomelela ka gore taba yo yi fo ba lekgwaying. Gabutšibutši batho ba go tlala lekgono baa yi tšiba taba yowa ya likgu fote ba bolabola so Baebele yi se tšhutisang ka motho mo a kgwile le gore bo ba hlokofeleng ba nyoko tsoga. (Mmo. 9:5, 10; Meber. 24:15) Dinnete tsowa di ya kgomoletsa fote di maka gore re sa tšhabe likgu wa kraya re kamaka gore kela go ka ba go makega ying ka bo ba kgwileng. Nnete ke gore a re tšhabe bo ba kgwileng fote a re kwe re ba tšhogela. Re di tšiba gabutši gore a ba phele fote ba ka se re kwaletse. Ke setšha ba yye ka boroko. (Joh. 11:11-14) Re di tšiba gabutši gore le nako gore ya sepela, a ba di tšibi. Byalo le ka nako tsa mo ba tl’le tsogeng, le batho ba gore ke botala ka matla ba kgwile, ba nyoko fo kwa nkare ne ba yetsele malobana.

⁷ Nje wene a o dumele gore taba yowa ya likgu ya kwala fote yi foba lekgwaying tsa gore motho a ka thogo yi kwisisa? A yi tshwane le matsaka ya Sathane a ma bolabolang. Matsaka yane ma fokola batho fote ma sinya Jehova lebitso. So se ka re gelepang gore re thogo kwisisa gore matsaka yane ya Sathane ma sinnye go segela kaye, tla re petapeteneng ka diputsiso tsowa: Matsaka ya Sathane ma sinnye Jehova lebitso ka mokgomang? Matsaka yane ma makiye byang gore batho ba sa tseyele sehlabelo sa Jeso hlogong? Ma kwisiye batho go baba byang le go ba hlopegisa?

8. Jeremiya 19:5 yi re matsaka ya Sathane a ma bolabolang ka bo ba hlokofeleng ma lebela Jehova ka mokgo mang?

⁸ Matsaka ya gore Sathane wa ma bolabola ka likgu ma lebela Jehova. Ya mangwana ke ya gore batho mo ba kgwa ba ya mollong gore ba ye ba swe. Matsaka ya mohlobo wonone go fo ba ya go  lebela Modimo! Ke ntaba re reyane? Fote gabutši mo o ka lebelela, ma maka gore mo batho ba nagana ka Modimo, ba mo tseye nkare o na le pelo ye phifadu go tshwana le Diyabolo. (1 Joh. 4:8) Wene yi go tshwara byang mara taba yowa? Jehova yene nje ya mo jabodisa? Ka gore so re se tšibang ke gore yene o hloyye dilo ka mokana ga tsona tsa go ba le bošidi ka teng.—Bala Jeremiya 19:5.

9. Matsaka ya Sathane ma se sinya ka mokgo mang sehlabelo sa Kreste so go bolabodiwang ka sona ga Johane 3:16 le Johane 15:13?

⁹ Matsaka ya Sathane a ma bolabolang ka likgu ma maka gore sehlabelo sa Kreste se sa tseyediwi gedimo. (Mat. 20:28) Matsaka ya mangwana ya Sathane ke ya gore mo motho a kgwa, moya wage wo šala wo phela. Mola go le ka mokgonone, di ra gore ka mokana ga rune nke re šele re phela go ya go yye. Kreste ke mo a nyoko re o kgwela mang ka gore ke mo re nyoko ba re šele re phela go ya go yye. O sa lebale phela gore sehlabelo sa Kreste ke sona sa go šupetsa gore o re nyaka ka matla, fote a go na sa go tshwana naso. (Bala Johane 3:16; 15:13.) Nagana gore Jehova le Morwayi wage ba tikwa byang mo ba kwa batho ba tšhutisa dilo tsa go maka gore sehlabelo sowa sa Jeso se kwale nkare go fo ba meetši ya go toka!

10. Matsaka ya Sathane ma makiye byang gore batho ba kwe go baba le go hlopega?

¹⁰ Matsaka ya Sathane ma maka gore batho ba kwe go baba le go hlopega. Mo ngwana a hlokofala, babelegi bage ba ka butsiwa mantsu ya go tshwana le gore Modimo o tsere ngwanene, nakwenngwana a nyaka go mmerekisa gore go be lengeloyi ku legedimong. Ayitsano matsaka yawa ya Sathane ma maka gore babelegi bone ba kwe monate ho pelong kela ma napa ma totometsa go baba hala? Matsaka ya gore go na le mollo wa dihele le wona ma makiye gore batho ba tseye nkare go tšhubelela batho ba gore a ba nyake go kwa selo ka kereke mone mollong go gabutši. Puku ye nngwana ya go bolabola ka khota ya Spanish Inquisition yi re bo ne ba maka ba bangwana lešidi ka go ba hlorisa ka mokgonone, ke mo ba tshepa gore mo batho “ba ka fo lekisiwa dihele ke mokane ba tikwela gore di baba go segela kaye,” ba ka sokologa ba soko kgwa gore ba sa tle ba yisiwa diheleng tsa mannete. Mafaseng ya go tlala batho ba kwa di ba tšhofa gore ba neye bokokwane ba bona ba gore ba hlokofele tso ba di nyakang gore ba ba bulele ditsela le go ba neya sela le sela. Ba bangwana bona ba re ba maka tsotsone gore ba jabodise bokokwane bone ba bona gore ba sa ba kwaletse. Sa go babisa pelo ke gore batho ba go dumela ga matsaka yane ya Sathane a yi gore baa kgomoletsega. Ba napa ba hlagasela tse dingwana tsa go sa hlayisege fote ka thoko ba kene ba šekela.

11. Mašaga ya rune kela banghane, ba ka re kutšetsela byang gore re make dilo tsa go sa sipidisane le Lentsu la Modimo?

¹¹ Ka mokgo re mo nyakang ka gona ga Jehova le Lentsu lage ke gona go makang gore re mo theetsele le mo ba mašaga ya rune kela banghana ba re woka gore re ba tlatse mo ba na le mmereko wa go sipidisana le bo ba kgwileng, fote tsotsone a di yelane le Mangwalo. Ba ka boya ba bolabola dilo tsa gore re šale re tšebiye, tsa go tshwana le gore ke mo re na re mo hloyye motho yene wa gore o hlokofele fote re sa mo hlompe. Kela ba ka bolabola taba ya gore mo re sa kenele tso ba di makang, re nyoko maka gore bala ba yetseleng ku mabitleng ba re hlope. Re ka maka byang gore re yeme le nnete ya Baebele? Bona ka mokgo o ka berekisang ditšhiko tsowa tsa Baebele.

12. Ke mekgwa yifeng ya setšo ya gore a yi sipidisane le mangwalo?

¹² Karakara ka matla gore o sa “kenakenane” le mekgwa ya gore a yi sipidisane le Mangwalo. (2 Makor. 6:17) Batho ba ku ga poleke ya Caribbean, ba na le tshepo ya gore mo motho a timela go šala “sepoko” sage ke mokane se šala se hlopa batho bo ne ba mo hlopa. Puku ye nngwana yi re “sepoko” sone se ka boya sa maka gore mone polekeng go sa berekege. Afrikha gona go na le taba yela ya gore mo motho a timele go tshwanele gore go kogediwe diboki ka mokana  ga tsona ka ho ntlong, fote le dithombhe tsa ho mapharong di ya jikisiwa tsa lebelela lepharong. Ke ntaba go makiwa ka mokgononeng? Ba bangwana ba re batho bo ba timeleng a di nyake ba tipona hone diboking! Dilo tsone a di šiyo, byalo rune malata ya Jehova a re kenakene ga dilo tsa mohlobo wonone tsa go gadimisa matsaka ya Sathane!—1 Makor. 10:21, 22.

13. Go ya ka Jakobo 1:5, o ka maka byang mo o kraya gore wene tso tsa ditšo-ditšo a wo di kwisisi tsona?

¹³ Mo nkare go na le tso o sa napeng o di kwisisa gabutši ka taba yowa ya ditšo-ditšo, maka gore o bolabole le Jehova ka thapelo, o mo kgopele o na le tumelo gore a go bule mahlo. (Bala Jakobo 1:5.) Ke mokane o nyakolle o kwe gore dipuku tsa rune di re king ka taba yone. Mo nkare di napa di hlopa ka matla, kgopela bagolo ba phutego yo o gahlanelang ga yona. Bona ba ka sa go botse gore o make ying o sa make ying, ba nyoko fo go šupetsa ditšhiko tsa Baebele tsa go tshwana le tso go bolabodiwang ka tsona ga hlogotaba yowa. Mo o kene o ya natso ka go nyana ka go nyana o kene o lokotša “matla yago ya go nagana,” matla yaneng ke wona ma nyoko go gelepang “go hlawola ga sa gabutši le sa go befa.”—Maheb. 5:14.

14. Re ka maka byang gore re sa kwatisi ba bangwana?

¹⁴ “Maka gore dilo ka mokana ga tsona tso o di makang di gadimise Modimo. O sa kraye o kwatisa batho ba bangwana.” (1 Makor. 10:31, 32) Di nyaka re nagane ka makwalo ya ba bangwana gore re sa ma kwaletse, ka matlamatla Makreste ya geru, mo o ka kraya gore re nyaka go tšhela letsogo ga tse dingwana tsa go sipidisana le tso tsa setšo. Nnete a re nyake go kwatisa ba bangwana! (Mar. 9:42) Fote ka thoko ye nngwana ke gore a re nyake go kwatisa batho ba gore a yi Dihlatse. Re nyoko bolabola nabo gabutši ka go ba hlompa le go gadimisa Jehova ka taba la gore re ba nyaka ka matla. Nnete ke gore a re nyake go phigisana le batho kela go solasola ditšo tsa bona. O sa lebale gore lerato ke selo se segolo ka matla! Mo re ka fo ba šupetsa gore re ya ba naganela fote re ya ba hlompa, o ka kraya ba thomisa go temeka, babala ba gore ke mo ba re phigisa.

15-16. (a) Ke ntaba di le gabutši gore o botse batho ba bangwana ka so wene o se dumelang? Beyisa. (b) Mantsu ya Pawulo ya ma leng ga Maroma 1:16 ma bereka byang ho ga rune?

¹⁵ Maka gore ba di tšibe mone polekeng yago gore ke wene Hlatse ya Jehova. (Jes. 43:10) Di nyoko ba lola gago gore o hlole dilo ka mokana ga tsona tso di nyarelang, mo o kraya gore batho ka mokana ga bona mone polekeng baa di tšiba gore ke wene Hlatse ya Jehova. Morene mongwana ye ba reng ke Francisco, wa go dula Mozambique, o re: “Mo nna le mosadi waka ye ba reng ke Carolina re thomisa go tšhuta nnete, re yye ra botsa ba mutšing wa rune le mašaga gore  re ka sa sa ya nabo mo ba ye phaseng. Di yye tsa nyaka di re phiriketsa mo go timela sesi wa Carolina. Setšo sa gona ke mo se re setopo se tshwanele se hlapisiwe ka dihlare. Ke mokane ye go leng lešaga la mukgu yene o tshwanele a tseye matšatši ka mararo a yetsela mo ba falatseleng meetši ya ba hlapisiyeng setopo ka wona. Ba re tsotsone di maka gore moya wa motho yewa wa go timela wo bebe. Mašaga ya Carolina ke mo ma nyaka gore go be yene a yetselang mone.”

¹⁶ Byalo Francisco le mosadi wage ba yye ba maka byang? Francisco o re: “Ka taba la gore ga Jehova re mo nyaka ka matla fote re di nyaka ka matla go mo jabodisa, re yye ra gana go maka tso ne bare re di make. Ba mutšing ga Carolina ba yye ba kwata ka matla. Ba yye ba kwata ba re botsa gore re delela bo ba hlokofeleng, ba re a go na le ka wweši wa lešaga la rune ye a nyoko hlwang a sa re vakašela fote le go re gelepa dhoo. Re yye ra thoma re ba hlatollela gore rune re batho ba mohlobo mang le gore re yemme kaye, a sanka ra bolabola selo ka nakwela go sa bifiye ba sa nyake go kwa selo. Ba bangwana ba mašaga ya rune ba yye ba re yemelela, ba re rune ke mo re šele re na re hlayye gore re yemme kaye. Mo go-ya go-ya, mašaga ya Carolina ma yye ma kgiba, ra thomisa go tšhayisana fote. Phela ba bangwana gana hone ba yye ba šinya ba ro tla le ku mutšing ga rune ba tl’le nyaka dipuku tsa go tšhuta Bebele ka tsona.” Nkare re ka yema re sa thogathoge fote re sa tšebisi ke selo ga taba yowa ya go yemelela nnete ka so se makegang mo go kgwa motho.—Bala Maroma 1:16.

17. King so se ka re gelepang gore re be banghana ba mannete ga mogageru wa Mokreste wa gore o na le likgu?

¹⁷ Mo mogageru wa Mokreste a na le likgu, di nyaka re nape re ro mo ngangarela re leketse ka matla go ba ‘banghana ba mannete tsa nkare re bana ba motho ba mo go bifiye.’ (Diy. 17:17) Re ka maka byang gore re be “monghana wa mannete,” ka matlamatla mo o kraya gore mogageru o kene o hlopa ke mašaga ya gore ma nyaka a maka dilo tsa gore a di sipidisane le Mangwalo? Lebelela ditšhiko ka dipedi tsa Baebele tso di ka ga re gelepang mo re kgomoletsa bo ba kwang go baba ka taba la likgu.

18. King so se makiyeng gore Jeso a šinye a yela dinepedi, fote re tšhuta ying ga sosone?

¹⁸ “Lla le bo ba llang.” (Maroma 12:15) Di ka makega o kraye re sa tšibi gore re re king ga motho wa gore o kwa go baba ka taba la gore o  kgwele ke lešaga lage. Ka nako tse dingwana, go fo ntsha dinepedi go phala go bolabola. Mo monghana wa Jeso ye ba reng ke Lazaro a kgwa, Mariya, Mata le ba bangwana ba yye ba lla ka sethakga. Ka nthago ga matšatši ka mane mo Jeso a segela, le yene o yye a thomisa “go yela dinepedi,” le mo ne a di tšiba gore ga Lazaro o nyoko mo tsosa. (Joh. 11:17, 33-35) Dinepedi tsa Jeso di šupetsa ka mokgo Papage a tikwang ka gona. Ne di fo šupetsa gabutši gore Jeso o ba nyaka ka matla bosesi bone ba Lazaro, fote Mariya le Mata ba flo kwa ba kgomoletsega ka matla. Go fo tshwana le ka rune, mo mogageru a ka fo kwa ho mading gore re mo nyaka ka matla, o thogo kwa gore aa ntoši, o na le ba gabo le banghana ba gore baa mo nyaka.

19. Re ka le berekisa byang lengwalo la Mmolabodi 3:7 mo re kgomoletsa mogageru wa Mokreste wa gore o kwile go baba?

¹⁹ “Go na le nako ya go kgomolela le nako ya go bolabola.” (Mmo. 3:7) Mokgwa wo mongwana wa go kgomoletsa mogageru wa Mokreste ke go mo theetsela mo a bolabola re sa mo tshware molomo. Lesetsa wweru a go botse ka mokgo a tikwang, ke mokane mo a ka fo bolabola “mantsu ya go hlahlata,” di sa go kwisi go baba. (Jobo 6:2, 3) A ka fo ba a gateletsiye ke mašaga yage ya gore a yi Dihlatse. Byalo rapela naye. Le llele “ye a theetselang merapelo” gore a thogo mo neya matšhika le go kwisisa. (Pis. 65:2) Mo seyemo se dumela, makaneng gore le bale Baebele le le ggoši. Kela le ka fo balabala dihlogotaba tsa dipuku tsa rune, tsa go tshwana le taba yo yi hlatollang tsa lephelo tsa mogageru ye mongwana tso di ka mo tiyisang.

20. Ga hlogotaba ya go latela re nyoko bolabola ka ying?

²⁰ A yi go jabodisa ga tsona go tšiba nnete ka bakgu le ka tshepo yo yi yemeleng bo ba leng ku mabitleng! (Joh. 5:28, 29) Byalo, koriyeneng mahlong re ngangarele dinnete tsa Baebele re šišimele fote mo go thulega lešuba, re botse ba bangwana ka dinnete tsowa, sosone se nyoko šupetsa gore a re fo bolabola mara re ya di maka. Hlogotaba ya go latela yi nyoko bolabola ka selo se sengwana so Sathane a leketsang ka sona gore a tshokanye batho gore ba dule ba le letshwifing ba sa tšibi nnete—madimona. Re ko di boneng gore ke ntaba re tshwanele re kganele kgole le dilo tsone tsa madimona fote re sa tijabodise ka tsona.