1. Lesamariya la gore Jeso o le yalafiye le šupetsiye ka ying gore la leboga?

LEPHELO ke mo le sa sa natefa ga lesome la banna bowa. Ke mo ba na le lephera fote ba bona nkare ba nyoko šinya ba kgwa ba kene ba lwala ka mokgonone. Mara tšatši le lengwana, ba yye ba bona Jeso, yene Thitšere ye Kgolo, mara ke mo a le kgole nabo. Ke mo ba di kwelele tsa gore Jeso o yye a fodisa batho ba malwele ya mohlobohlobo, ba napa ba di tshepa tsa gore le bona a ka ba fodisa. Byalo, ba yye ba yahlamela ba re: ‘Jeso, Thitšere, re kwele go baba barena!’ Banna bowa ba yye ba yalafiwa ka mokana ga bona, lesome la bona. Ka nnete ka mokana ga bona ba yye ba mo leboga ka matla ga Jeso gore o yye a ba kwela go baba. Mara ka wweši wa bona aa fo kwa a nyaka go leboga—o yye a šupetsa gore ka nnete wa mo leboga * ga Jeso. Monna yene wa gore ba mo yalafiye ke mo go le Lesamariya, o yye a kwa di mo tšhofa go “yahlamela” a thanaka Modimo.—Luka 17:12-19.

2-3. (a) Re ka maka king gore re šinye re lebale go leboga? (b) Re nyoko bolabola ka ying ga hlogotaba yowa?

² Le rune di nyaka re kopisele ga Lesamariya lowa, re leboge batho ba gore ba re tshwara gabutši. Mara di ka makega tsa go kraya re lebala le go botsa ba bangwana kela go ba šupetsa gore re leboga so ba re makeleng sona.

³ Ga hlogotaba yowa, re nyoko tla re bona gore ke ntaba di nyaka re bolabole kela re make se sengwana go šupetsa gore ra leboga. Re nyoko tšhuta ka batho ba bangwana ba ka Baebeleng ba gore ba yye ba leboga le ba gore ke mo ba sa leboge. Ke mokane, re nyoko bolabola ka dilo tso re ka ga di makang gore re šupetse gore ra leboga.

4-5. Ke ntaba di nyaka re šupetse gore ra leboga?

⁴ Jehova o re šupetsiye gore re ka leboga byang. Se sengwana so a se makang go šupetsa gore wa leboga ke gore o rufa bo ba mo jabodisang. (2 Sam. 22:21; Pis. 13:6; Mat. 10:40, 41) Le Mangwalo ma re botsa gore ‘re yekisele Modimo, ka gore ke rune bana bage bo a ba nyakang’. (Maef. 5:1) Se segolo ka matla so se makang gore re leboge ke gore re nyaka go tshwana le Jehova.

⁵ Se sengwana ke sowa sa go šupetsa gore ke ntaba di nyaka re leboge. Go leboga go tshwana le go ja dikhenekhene—di natefa ka matla mo o di ja o na le ba bangwana. Mo ba bangwana ba leboga so re ba makelang sona, re kwa re jabola ka matla. Le rune mo re leboga batho ba bangwana, le bona ba jabola ka matla. Motho ye re mo lebogang o nyoko di bona gore nakwela a re thuša kela a re neya selo, aa kgana ka nako yage. Fote senghana sa rune le motho yene se napa se ro tiya.

6. Go leboga go tshwana ka ying le maapola ya go makiwa ka gholdi?

⁶ Motho aa lebale mo re mo šupetsa kela re mmotsa gore re leboga so a re makeleng sona. Baebele yi re: “Lentsu la gore le bolabodiwa ka nako ya gabutši le tshwana le maapola ya gholdi ka teng ga sitša sa siliva.” (Diy. 25:11) Nje o yye wa ma bona gore ma bafele byang maapola ya go makiwa ka gholdi mo ma le ka gare ga sitša sa siliva? Ma bafele ka matla. O ka re king mara mo ba ka fo go neya wona? Mo le wene o ka fo leboga batho ba bangwana, ba ka sa lebale go bafala ga mantsu yane. Nagana ka sowa: Leapola la go makiwa ka gholdi a le khwankhwi. Le mo o leboga motho, a ka sa tsoge a lebele tso o mmutsiyeng tsona lephelo lage ka mokana ga lona.

7. Mo re lebelele Pisalema 27:4, re bona ka ying gore Dafita le ba bangwana bo ba ka ngwala dipisalema baa leboga?

⁷ Malata ya go tlala ya Modimo ya ku botala ma yye ma leboga. Ye mongwana wa bona  ke Dafita. (Bala Pisalema 27:4.) Ke mo a jabolela borapedi bya go yela, fote o šupetsiye tsotsone ka mokgo ne a maka dilo ka gona. O neyele ka dilo tsa go tlala ku tempeleng. Bo ke mo go le ditlogolwane tsa Asafa ba šupetsiye gore baa leboga ka go ngwala dipisalema, kela dikoša tsa go thanaka Modimo. Ga koša ka yyoši, ba lebogiye Jehova Modimo le go thanaka ‘dilo tsa go makatsa’ tso a di makiyeng. (Pis 75:1) Di šupa gabutši gore Dafita le ditlogolwane tsa Asafa ke mo ba nyaka go leboga Jehova ka dilo ka mokana ga tsona tso a ba rufiyeng ka tsona. Nje di gona tso le wene o ka di makang gore o thogo yekisela bo ba go ka ba ngwala dipisalema tsone?

8-9. Pawulo wa lepostola o šupetsiye ka ying gore o leboga magagabo ya banna le ya basadi, ke mokane gwa ba le maphomela ya mohlobo mang?

⁸ Pawulo wa lepostola ke mo a ma tseyela gedimo magegeru ya banna le basadi, o šupetsiye tsotsone ka mokgo ne a bolabola nabo. Ka moka matšatši mo a rapela a ntoši, ke mo a leboga Modimo gore o mo neyye batho ba go tshwana nabo. Fote o yye a ba botsa tsotsone le nakwela a ba ngwalela marifi. Ga 15 ya ditemanyana tsa mathomo tsa Maroma 16, Pawulo o hlayye 27 ya Makreste ka mabitso. Pawulo o yye a gopola gabutši gore Phriska le Akhwila ba yye ba ‘re ba ka mpane ba kupiwa le melala’ ka taba lage, a boya a hlaya gore Foyibhi o yye a ‘yemelela batho ba go tlala,’ le yene mong Pawulo o yye a mo yemelela. O thanakiye magageru yawa ya banna le basadi ka taba la gore mo ba maka dilo, ke mo ba šupetsa gore di ro ba baba.—Maroma 16:1-15.

⁹ Pawulo ke mo a di tšiba gabutši tsa gore magagabo a ma yenela gabutši, mara mo a šele a le thina le go fetsa lengwalo lo a le ngwaleleng Maroma, o yye a bolabola ka dilo tsa go bafala tso ba di makiyeng. O fo nagana nje gore magageru yawa ma yye ma tikwa ma tiyelele byang mo ma kwa go badiwa lengwalo lowa la Pawulo ka phutegong! Sosone se makiye gore senghana sa bona le Pawulo se nape se ro tiya. Nje le wene o fela o leboga batho ba ka phutegong ya genu ka dilo tsa go bafala tso ba di makang kela tso ba di hlayang?

10. Re tšhuta ying ga taba ya gore Jeso o yye a leboga malata yage?

¹⁰ Ga melayetsa yo Jeso a yyeng a yi romela ga diphutego tse dingwana tsa Asia Minor, o yye a leboga mmereko wo o makiyeng ke bo ba mo latelelang. Mo re beyisa, molayetsa wo a yyeng a wo botsa phutego ya Thiyathira o f’lo wo thomisa ka gore: ‘Ke tšiba dilo tso o di makang, lerato lago, tumelo le mmereko wago le gore wa tiyisela fote dilo tso o di makang gana byalo di feta tso ne o di maka mathomisong.’ (Kut. 2:19) Jeso aa fo bolabola ka dilo tso ba yyeng ba di yeketsa mo ba kene ba bereka, mara o ba thanakiye le ga dilo tsa gabutši tso ne ba di maka. Le mo go na le ba bangwana ba gore Jeso ke mo a nyaka go ba wolola hala Thiyathira, o thomisiye molayetsa wage a boya a wo fetsa ka mantsu ya go ba tiyisa. (Kut. 2:25-28) Nagana ka seyemo so Jeso a leng ga sona sa go lawola go le yene hlogo ya diphutego ka mokana ga tsona. A di nyake a re leboga ka mmereko wo re mmakelang wona. Mara o fo re leboga go na go yitsano. O beyela bagolo mošupetso wa go bafala ka matla!

11. Maheberu 12:16 yi šupetsa gore Esewu ke mo a di tseya byang tso tsa Modimo?

¹¹ Sa go tšebisa ke gore go na le ba bangwana ba ka ho Baebeleng ba gore a baa leboga. Mo re beyisa, Esewu o gudisiye ke babelegi ba gore ga Jehova ne ba mo nyaka ka matla fote ba mo hlompa, mara yene ke mo a sa tlalela ga tso tsa Modimo. (Bala Maheberu 12:16.) Di yye tsa bonala mo di tla kaye gore aa leboge? Esewu o yakgoswiye a rekisela monyanana wage ye ba reng ke Jakobo bogolwane, ka taba la sope ya mong sope. (Gen. 25:30-34) Mara ka nthagonyana a tisola go baba ka taba la sepheto so ne a se makiye. Byalo ke  mo di ka sa mo gelepe ka selo go kokola ka taba la gore ke mo di fo šupetsa gore aa na taba le tso a ka rufiwang ka tsona ka taba la bogolwane byage.

12-13. Maisrayele ma šupetsiye ka ying gore a ma leboge, mara gwa felela kaye?

¹² Maisirayele ke mo ma ka leboga dilo tsa go tlala. Jehova o ba ntshiye bobhantiting nakwela a leyela Maegepita Lesome la Dilo tsa go Baba. Modimo o ba ntshiye ga ntshetshere yone ka go bolaya masole ka mokana ga wona ya Maegepita hala Lewatleng le Lekhubedu. Maisrayele ke mo ma jabodiye ka matla, ma šinya ma leboga Jehova ka go mo yepelelela koša ya gore ma hludiye. Mara nje ba yye ba fo dula ba le ka mokgonone?

¹³ Mo go nyarela tso di yyeng tsa phiriketsa Maisirayele, ke mo ma yakgoswa ma lebala dilo ka mokana ga tsona tsa gabutši tso Jehova a ma makeleng tsona. Ba napiye ba šupetsa gana hone gore a ba leboge. (Pis. 106:7) Byang? “Setšhaba ka mokana ga sona sa Maisirayele se yye sa thomisa go kokolela Moše le Arone”—gabutšibutši ke mo ba kokolela Jehova. (Ek. 16:2, 8) Jehova o yye a tšeba mo a di bona tsa gore batho bage a ba leboge. Ka nthagonyana o bolabodiye gore wona Maisirayele yanane ke mo ma nyoko kgwela ku mašahleng, a re go nyoko fo šala Jošuwa le Khalebho. (Dip. 14:22-24; 26:65) Tla re boneneng gore re ka di tšhabelela byang dilo tsowa tsa go tšwa pateng ke mokane ra kopisela tsa gabutši.

14-15. (a) Monna le mosadi wage ba ka šupetsana byang gore ba tseyelana hlogong? (b) Babelegi ba ka tšhutisa bana ba bona byang go leboga?

¹⁴ Ka mutšing. Go jabodisa ka matla mo batho bo ba dulang mutšing ka wwoši ba tlwayela go lebogana. Mo monna le mosadi wage ba lebogana, ba napa ba ro mamarelana. Fote di maka gore ba thogo tshwarelana lola mo ye mongwana a sinnye. Monna wa go leboga mosadi wage aa fo bona dilo tsa gabutši tso mosadi wage a di makang le go di bolabola, mara o boya ‘a ro tlogamela ke mokane a mo thanaka.’ (Diy. 31:10, 28) Le mosadi wa go hlalefa o thanaka monna wage, a mmotsa le gore ke dilo difeng tsa gore di ya mo jabodisa ka yene.

¹⁵ Lune babelegi, le ka ba tšhutisa byang bana ba lune gore ba thogo leboga? Le sa lebale gore dibananyana tsa lune di nyoko kopela ga so le se makang le so le se bolabolang. Byalo maka gore ba tšhute gago dilo tsa gabutši ka gore wene mong o ba leboge bana bago mo ba go makela dilo. Fote ba tšhutise go leboga mo ba bangwana ba ba makela dilo. Gelepaneng bana ba lune gore ba thogo bona gore go leboga di tšwa pelong go gabutši ka  matla. Mo re beyisa, sesi ye mongwana ye ba reng ke Clary o re: “Mo mmane a na le 32 ya mengwaga, papa o yye a tshwariwa ke mokane mmane a šala a re gudisa a ntoši re le bana ka bararo. Mo ke tshwara 32 ya mongwaga, ke yye ka thomisa go kwisisa gore ka nnete ke mo di baba ka matla ga mmane mo a sa le ga mengwaga yonone. Ke yye ka mo leboga ka matla ka gore o yye a tikona tsa go tlala gore a gudise nna le bobhuti baka. A yi botala a mputsiye gore tso ke yyeng ka mmotsa tsona di mo tikisiye pelo le gore mo a di nagana, o jabola ka matla.”

16. Re hlayisele taba ye nngwana ya go šupetsa gore go leboga go ka tiyisa ba bangwana byang.

¹⁶ Ka phutegong. Mo re thanaka magageru ya banna le basadi, ke setšha re ba tiyisa. Mo re beyisa, mogolo ye mongwana ye ba reng ke Jorge wa go ba le 28 ya mengwaga, o yye a lwala ka matla. Kgwedi yi yye ya fela a sa di kgone go ya megahlanong. Ka nthagonyana, o yye a di kgona go kokotletsa a ya megahlanong, mara ke mo a sa kgone le go beya dipolabolo ku mogahlanong. Jorge o re: “Ke mo ke bona nkare ke fo ba morwalo ka taba la dilo tso ke šitegang go di maka le go šitega go maka mmereko wa phutego. Mara tšatši le lengwana mo go šele go fediye mogahlano, mogageru ye mongwana o yye a re ho gaka: ‘Ke nyaka go go leboga ka gore o tšhutisa nna le ba mutši taba ye nngwana ya go bafala ka matla. Dipolabolo tsago tsa mengwaga ya go fela di re jabodisiye ka matla. Di tiyisiye tumelo ya rune.’ Ka fo re ‘tse,’ mahlo yaka ma tlala dinepedi. Tso a di bolabodiyeng, ke mo go le botala ke nyaka go di kwa.”

17. Go ya ka Makolosi 3:15, re ka mo leboga byang ga Modimo ka taba la dilo tso a re neyang tsona?

¹⁷ Modimo wa rune wa go sa konane. Jehova o re tšhutisa dilo tsa go tlala ka matla. Mo re beyisa, re tšhuta dilo tsa gabutši megahlanong ya rune, dimaghazining tsa rune le wepsayeteng ya rune. Sale wa kwa polabolo, wa bala hlogotaba ye nngwana kela wa lebelela setiši se sengwana ke mokane wa re, ‘Ga polabolo yowa, nkare ke mo ba ra nna, yi ntikisiye ka matla’? Re ka mo leboga byang ga Jehova? (Bala Makolosi 3:15.) Se sengwana so re ka se makang ke go mo rapela re leboge dilo tsa gabutši tso a re makeleng tsona.—Jak. 1:17.

18. Re ka šupetsa ka ying gore re leboga Holo ya rune ya Mmušo?

¹⁸ Mo re ka fo maka gore mo re tshwarelang megahlano go dule go yediye, tsotsone le tsona di šupetsa gore re leboga Jehova. Diholo tsa rune tsa Mmušo re ya di yedisa le go di lukisa thina le thina, le bo ba tshwarang metšhenetšhene le dimayekhrofowunu tsa phutego ba leketsa go di berekisa gabutši. Mo re  ka tshwara Diholo tsa rune tsa Mmušo gabutši, di ka sa tšhetšhisi di sinyega, di nyoko fo nyaka go fo lukisiwa hala le hala. Mo re maka ka mokgonone, re maka gore tšheleta yo yi leng gona yi berekisiwe go yaga le go lukisa Diholo tse dingwana tsa Mmušo lefaseng ka mokana ga lona.

19. Taba ya moputulugi ye mongwana le mosadi wage yi go tšhutisa ying?

¹⁹ Ga bo ba karakarang ba berekela rune. Mo re leboga motho, tso re di bolabolang di ka maka gore a kwe mathata yage ma fefoga. Tsa mošaga wonone di yye tsa makegela mopotulugi ye mongwana le mosadi wage. Tšatši le lengwana ke mo ba tšwa tšhomong go le marega, ba tinnwe ba boyela mo ba yetselang gona. Ke mo go bata ka matla tsela tsa gore mosadi wage a šinye a yetsela a yapere jasi ya marega. Ka bošego mo ba tsoga, mosadi yewa a botsa monna wage gore yene a ka sa sa di kgona go ya mahlong ka mmereko wa go potuluga. Mo go šele go sele nyana ka lona letšatši lolone, ba yye ba kraya borifi bya go tšwa ofising ya lekala, borifi byone ke mo ba bo ngwalele mosadi yewa. Ke mo go le bya go thanaka mmereko wage le go tiyisela gage. Bo bolabodiye le gore go tšhentšha-tšhentšha poleke yo o dulang ga yona beke le beke di ya baba. Monna wage o re: “Ditaba tsowa di mo tikisiye ka matla a napa a lesetsa go bolabola ka go lesa mmereko wa go potuluga. Gabutšibutši, o hlohletsele nna gatleletlele gore re ye mahlong ka mmereko wowa mo nna ke kwa nkare nka lesetsa.” Monna yewa le mosadi wage ba potulugiye go segela hala ga bo 40 mengwaga.

20. Letšatši le lengwana le lengwana di nyaka re leketsa go maka ying, fote ke ntaba?

²⁰ Tla re karakareneng ka moka matšatsi barena, re šupetse ka tso re di bolabolang le ka tso re di makang gore re ya leboga. Tso re di bolabolang kela re di makang tsa go tšwa pelong, go ka fo ba go le tsona tso motho ye mongwana a nyakang go di kwa ho a kene a phela ga lefase lowa la batho ba go sa leboge. Go leboga go tiyisa senghana fote go maka gore se be gona go ya go yye. Se segolo ka matla ke gore re nyoko ba re kopisela ga Papa wa rune Jehova, wa gore aa konane fote wa leboga.