1-2. (a) Ke ntaba re re Jeso o re šupetsiye mokgwa wa gore wo lula wa go gopola likgu lage? (b) Re nyoko bolabola ka dilo difeng tsa gore Jeso ke mo a le natso?

AYITSANO o ka di kgona go hlatolla gore go makega ying ga Segopotso sa mongwaga wo mongwana le wo mongwana sa likgu la Kreste? A re kamake gore ba go tlala ba rune re di gopola gabutši tso di makegang ka nako ya Selalelo sa Morena. Ke ntaba re di gopola? Ka taba la gore dilo tso di makegang ka nako ya mogahlano wowa a yi tsa go hlupa. Mara, mogahlano wowa a yi wa go kgana. Byalo re ka tiputsisa gore, ‘Ke ntaba mogahlano wowa go se wa go hlupa?’

² Nakwela Jeso a le ho lefaseng, ke mo a tšibega ka go tšhutisa dinnete tse dikgolo mara a beya ditaba tsage lula, di kwala fote di sa hlupi gore motho a di kwisise. (Mat. 7:28, 29) Le ga tso di yelanang le go gopola * likgu lage, o hlayye dilo tsa gore di lula mara ke tse dikgolo. Tla re bolaboleneng ka mogahlano wowa wa Segopotso le ka dilo tso Jeso a yyeng a di bolabola le go di maka. Re nyoko napa re kwisisa gabutši le go kopisela ka mokgo Jeso ne a tinyanafatsiye, a na le lešiši le go ba motho wa batho.

3. Go ya ka Matewu 26:26-28, mogahlano wa Segopotso wa gore Jeso o butsiye malata yage ka wona ke mo wo le lula go segela kaye, fote sekgwa so a se berekisiyeng le wayini ne go le setšha go le ying?

³ Mo Jeso a thomisa mogahlano wa Segopotso sa likgu lage, ke mo a na le mapostola yage ya go tshepega 11 ya wona. O yye a tseya tsa go ja tso ne di šele ka Paseka ke mokane a maka segopotso  sa gore se lula. (Bala Matewu 26:26-28.) Dilo tsa gona tso a yyeng a di berekisa ke mo go fo ba sekgwa sa gore a se na dikomelo le wayini yo ne yi le gona. Jeso o butsiye mapostola yage gore dilo tsowa ka dipedi ke setšha go le mmele wage le madi yage ya gore a ma na selabi, tsa gore go se botala ke mo a nyoko di berekisa go le sehlabelo ka taba la bona. Di ka makega gore mapostola yawa a maa makala mo dilo di makega lula ga mogahlano wowa. Ke ntaba?

4. Tso Jeso a di butsiyeng Mata di re gelepa ka ying gore re thogo kwisisa tso di makiyeng gore Segopotso se be lula?

⁴ Ka mongwaga wonone wa boraro nakwela Jeso a sa le ho lefaseng mara go sa šele dikgwedinyana gore a bolabole ka mogahlano wowa, o yye a vakašela mutšing wa banghana bage ba bagolo—Lazaro, Mata le Mariya. Mo ba kene ba duli, Jeso o yye a thomisa go ba tšhutisa. Mata ke mo a le gona, mara ke mo go na le dilo tso di mo tshwarelelang tsa go yapegela sevakaši sage sa go hlompega tsa go ja tsa go tlala. Mo Jeso a di bona tsa gore Mata o tshwaraganne ka matla ka go yapega, o yye a mo wolola, a mo gelepa gore a sa nape a yapega dikhenekhene. (Luka 10:40-42) Mo Jeso a šele a le thina le go kgwa, le yene o yye a maka tsotso ne a fela a di botsa batho ba bangwana. O makiye dilo tsa gore di lula mo a šupetsa gore Segopotso se makiwe byang. Tsotsone di re tšhutisa ying ka Jeso?

5. Go maka mogahlano wowa lula go re tšhutisa ying ka Jeso, fote sosone se yelana byang le Mafilipi 2:5-8?

⁵ Jeso ke mo a tinyafatsa ga dilo ka mokana ga tsona tso ne a di bolabola kela a di maka. Tsotsone di maka gore re sa makale gore o yye a tinyanafatsa ka matla nakwela go le bošego bya mafelelo mo a šele a nyoko kgwa. (Mat. 11:29) Ke mo a tšiba gore o nyoko maka sehlabelo se segolo sa gore batho a ba soko se bona, ke mokane Jehova ke mo a nyoko mo tsosa gore go be kgoši ya legedimong. Le mo a tšiba tsotsone, aa titeyela porompeta ya go šupetsa gore ke yene ye mogolo le gore dilo tso di berekisiwang mo ba gopola likgu lage go sa be tse dikgolo ka matla. Mara o yye a botsa malata yage gore di nyaka ma mo gopole ga ggoši mo mongwageng ka go ba le mogahlano wone wa lula. (Joh. 13:15; 1 Makor. 11:23-25) Go maka mogahlano wonone wa lula ke mo di šupetsa gore Jeso ke mo go se motho wa magetla. Di re jabodisa ka matla tsa go tšiba gore Kgoši ya rune ya ku magedimong yi tinyanafatsa ka matla.—Bala Mafilipi 2:5-8.

6. Re ka tinyanafatsa byang go tshwana le Jeso mo re gahlana le tsa go re ghula?

⁶ Re ka kopisela byang go tinyanafatsa ga Jeso? Di nyaka re beye tso di nyakang ke ba bangwana mahlong ga tso di nyakang ke rune. (Mafil. 2:3, 4) Nagana ka so se yyeng sa makega bošego  bya mafelelo nakwe Jeso a sa le ho lefaseng. Jeso ke mo a di tšiba tsa gore go se botala o nyoko kgwa go baba, mara o yye a naganela mapostola yage ya go tshepega gore ke mo ma nyoko kwa go baba ka taba la mo a kgwile. O fetsiye bošego byone a ba tšhutisa le go ba tiyisa. (Joh. 14:25-31) Jeso o yye a šupetsa gore o tinyanafatsiye ka go naganela batho ba bangwana, a sa lebelela tsage fela. Tso a di makiyeng di gabutši ka matla, tla re tseyeleneng gage!

7. Jeso o yye a šupetsa gore o na le lešiši byang mo a fetsa go bolabola ka Selalelo sa Morena?

⁷ Mo Jeso a fetsa go bolabola ka Selalelo sa Morena, o yye a šupetsa gore o na le lešiši ka matla. Byang? Jeso o yye a maka tso Papage a di nyakang le mo ne a tšiba gore tsotsone di nyoko maka gore ba mmolaye ka taba la gore ba tseya gore o rogelele Modimo. (Mat. 26:65, 66; Luka 22:41, 42) Jeso o yye a dula a tshepega gore lebitso la Jehova le sa poyidiwi, a thanakisa go lawola ga Modimo ke mokane a maka gore batho ba go tisola ba tle ba kraye lephelo la go ya go yye. Ka nako yonone, ke mo a kene a lukiselela bo ba mo latelelang gore ba thogo yema mo go nyarela tsa go baba go se botala.

8. (a) Jeso o yitseri king ga mapostola yage ya go tshepega? (b) Mo Jeso a šele a kgwile, malata yage ma yye ma šišimala byang go tshwana naye?

⁸ Jeso fote o šupetsiye gore o na le lešiši nakwela a sa šekele ka tso ne di mo phiriketsa ke mokane a lebelela tso di nyakang ke mapostola yage ya go tshepega. Mogahlano wowa wa gore o ba butsiye ka wona ka nthago ga gore a rake Judase, ke mo wo nyoko gopotsa bo ne go nyoko ba malata yage ya go tlotsiwa gore madi ya Jeso ya ma yyeng ma falala ma ba gelepa ka ying le gore di ba gelepa ka ying tsa go kena ga kwano ya nyuwane. (1 Makor. 10:16, 17) Jeso o butsiye bo ba mo latelelang gore ba make tso yene le Papage ba di nyakang gore ba ye mahlong ba tshepega le gore ba tle ba tshwanelege go phela legedimong. (Joh. 15:12-15) Jeso  fote o butsiye mapostola yage ka tso di nyoko ba ghulang ku mahlong. Byalo, o yye a bolabola ka yene mong a re ba kopisele gage, ba ‘šišimale!’ (Joh. 16:1-4a, 33) Bo go leng malata ya Jeso ba fetsiye mengwaga ya go tlala ba kene ba yekisela Jeso ka go naganela ba bangwana le go šišimala. Le mo di baba, ba yye ba ya mahlong ba tiyisanana ga tso di ba ghulang.—Maheb. 10:33, 34.

9. Re ka tseyela byang ga Jeso ka go ba le lešiši?

⁹ Go fo tshwana le ga rune lekgono, re kene re ya mahlong re yekisela Jeso ka go ba le lešiši. Mo re beyisa, di nyaka gore re be le lešiši gore re gelepe magageru ya gore ma kwisiwa go baba ka taba la so ma se dumelang. Go gongwana o kraya magageru ba ba bošele jele le mo ba sa maka selo. Mo taba ya go tshwana le yonone yi makega, di nyaka re leketse go ba gelepa, go tshwana le go ba rapelela, go ba bolabolela ga ba mmušo kela dikhota. (Mafil. 1:14; Maheb. 13:19) Mokgwa wo mongwana wa go šupetsa gore re na le lešiši ke mo re tšhomayela ‘re sa hlagasele.’ (Meber. 14:3) Le rune re tshwana le Jeso, re kwa di re tšhofa go tšhomayela molayetsa wa Mmušo le mo batho ba ka fo re phigisa kela go re hlupegisa. Mara di ka makega gore lešiši lela le pomege. Re ka maka byang byalo?

10. Ka mabeke ya mo go šele go nyoko segela Segopotso, di nyaka re make ying, fote ke ntaba?

¹⁰ Mo re ka fo nagana ka tshepo yo re bang nayo ka taba la gore Kreste o re kgwele, re nyoko napa re šišimala ka matla. (Joh. 3:16; Maef. 1:7) Re ka šupetsa gore taba yone re yi tseyela gedimo ka matla ka mabeke ya mo go kene go šutela Segopotso. Ka dinako tsoneng, sipidisana le letheto la go bala Baebele la Segopotso, o rapele o boye o ghayele ka tso di makegiyeng mo Jeso a kgwa. Ke mokane mo go segela nako ya gore re gahlane re gopole likgu la Morena, re nyoko yakgoswa re kwisisa gore sekgwa le wayini tso di berekisiwang mone ke setšha go le ying fote re nyoko tšiba le sehlabelo so ba se tshwanisang natso. Re  napa re tshepa re tiyye mo re kwisisa dilo tso Jehova le Jeso ba re makeleng tsona le gore di re berekela mo di tla kaye, rune le mašaga ya rune, ke mokane sone se re maka gore re sa khwanyole go segela mo go nyoko šinyang go fela.—Maheb. 12:3.

11-12. Re tšhutiye ying go segela howa?

¹¹ Go segela mo re leng gona gana byalo, re tšhutiye gore Segopotso sa Likgu la Morena se re botsa ka go lepolla batho le ka mekgwa ya Jeso ya gabutši ya go tshwana le go tinyanafatsa le go ba le lešiši. Re leboga ka matla gore Jeso o sa na a le ka mokgonone, go sa na go le yene Moprista ye Mogolo ku legedimong, fote o kene wa re phaphathela ga Modimo! (Maheb. 7:24, 25) Mo re nyaka go šupetsa gore re leboga ka dipelo tsa rune ka moka, di nyaka re gopole tsa likgu la Jeso ka mokgo a hlayyeng gore re make ka gona. (Luk. 22:19, 20) Tsotsone re di maka ka letšatši la go sipidisana le la Nisani 14, la gore ke le legolo ka matla mo mongwageng.

¹² Sekgwa le wayini tso di berekisiwang ka nako ya Segopotso di re tšhutisa mokgwa wo mongwana wa go maka gore Jeso a šinye a re kgwela. Mo a le ho lefaseng, ke mo ba mo tšiba ka mokgonone. Ke wofeng mokgwa wa gona?

13. Lengwalo la Johane 15:9 le la 1 Johane 4:8-10 ma yi hlatolla byang taba ya gore Jehova le Jeso ba re nyaka ka matla, fote tsotsone di gelepa bomang?

¹³ Ka mokana ga dilo tso Jeso ne a di maka di šupetsa gabutši gore Jehova o re nyaka ka matla. (Bala Johane 15:9; 1 Johane 4:8-10.) Tabakgolo ke gore Jeso o re kgwele a sa tšhofe ke motho. Go ka fo ba go le rune ba go tlotsiwa kela go le rune ba “dinku tse dingwana,” so se šalang ke gore Jehova le Jeso ba re šupetsiye ka sehlabelo sone gore ba re nyaka ka matla. (Joh. 10:16; 1 Joh. 2:2) Nagana fote le ka dilo tso di berekisiwang ka nako ya Segopotso; di sa na di šupetsa gore Jeso o ma nyaka ka matla malata yage fote wa ma naganela. Sebyang-byang?

14. Jeso o šupetsiye ka ying gore ga malata yage o ma nyaka ka matla?

¹⁴ Jeso o yye a šupetsa malata yage ya go tlotsiwa ka moya gore o ma nyaka ka matla, a maka gore go sa berekisiwi dilo tsa go hlupa mo go makiwa mogahlano wowa wa go mo gopola. Mo nako yi kene yi ya, go yye gwa nyaka gore malata yane ya go tlotsiwa ma be le Segopotso mongwaga wo mongwana le wo mongwana, le mo ba le ga seyemo sa mošaga mang, le mong jele. (Kut. 2:10) Nje ba yye ba di kgona go mo theetsela ga Jeso? Eya, ba mo theetsele!

15-16. Ba bangwana ba makiye byang gore ba gopole likgu la Morena le mo go bifiye?

¹⁵ Go tlugisela ku botala go segela gana byalo, Makreste ya mannete ma leketsiye ka matla gore ma gopole likgu la Jeso. Ba latelela molawo wa gona wa gore di nyaka Segopotso se makiwa byang, go gongwana le mo le wene o di bona gore seyemo se baba ka matla. Re ka beyisa ka tse dingwana ke tso tsa gore di makegiye. Mogageru Harold King ke mo ba mo kwalele jele ku China mara ba mmeyye gage a ntoši, byalo ke mo di nyaka yene a make polane ya gore o nyoko se maka byang Segopotso. O yye a timakela sekgwa le wayini ka makhukhung a berekisa tso ke mo a le natso. O yye a boya a ro balela matšatši gabutši gore a thogo segela ga letšatši la Segopotso kwatla. Mo go segela letšatši lone, yene mong—a kene a ntoši ka hone seleng—o yye a yepelela, a rapela, a boya a tipeyela polabolo ya Segopotso.

¹⁶ Yema re bone ye nngwana ke yowa. Magageru ya mangwana ya basadi ya gore ke mo ba ma lahlele kampeng ya mahloriso ka nako ya Ntwa ya Bobedi ya Lefase ma yye ma tiputsa gore ma nyoko maka Segopotso le mo go ka thuhluga mo go thuhlugang. Mara ka taba la gore Segopotso a se nyake o berekisa dilo tsa go hlupa, ba yye ba kgona go se maka ba sa bone ke motho. Ba re: “Re yye ra kgobakanela setulo, re se kgapegiye ka llapi le letšhwewu, re beyye sekgwa le wayini ga tsona. Re yye ra tšhuba lekhandlela ka taba la gore llampa la  mohlagase ke mo le nyoko re pawola ba re bona gore re maka ying. . . . Re yye ra boyelela tso re yyeng ra di tshepisa Papa wa rune tsa gore re nyoko berekisa matšhika ya rune ka moka gore re yemelele lebitso Lage la go hlawolega.” Ba šupetsiye gore ba na le tumelo ya go tiya wa tšiba! Jeso le yene o šupetsiye gore o re nyaka ka matla mo a maka gore go gopola Segopotso go sa hlupe, gore re thogo se gopola le mo go bifiye!

17. Ke diputsiso difeng tso re ka tiputsisang tsona?

¹⁷ Mo Segopotso se kene se šutela, tla re tiputsiseneng diputsiso ke tsowa: ‘Nka tseyela ga Jeso byang wa kraya le nna ke kwana nabo batho? Ayitsano ke naganela magageru ka ho phutegong go feta nna mong? Nje a ke lebelele gore magageru ka ho phutegong ma mmakele dilo tsa go feta tso ba di kgonang kela ke ya di bona gore tso ba di kgonang di kgera kaye?’ Le rune tla re tshwaneneng le Jeso, re “naganelaneneng.”—1 Pet. 3:8.

18-19. (a) King so re ka napang re teya fase ka loto gore se nyoko makega? (b) Wene o tikemisele go maka ying?

¹⁸ Taba yowa ya Segopotso sa likgu la Kreste yi nyoko segela le mo yi felang. Mo Jeso a “segela” ka nako ya motšhatšhamelo wo mogolo, o nyoko hlekeletsa bo ba sa ga šeleng ba gore “ba hlawodiwwe” gore ba ye legedimong, ke mokane go nyoko ba go fediye gana hone ka Segopotso.—1 Makor. 11:26; Mat. 24:31.

¹⁹ Le mo Segopotso se ko ba se sa sa le šiyo, malata ya Jehova ma ka sa yi lebale taba yowa ya gore a yi hlupi go yi maka, ka taba la gore ke yona yi ba šupetsiyeng gore a go na motho wa gore o ba nyakiye go tshwana le yenewa, wa go ba le lešiši le wa go tinyanafatsa. Ka nako yonone, batho ba gore ba nyoko ba wo bonne mogahlano wowa wa go jabodisa ka matla ba nyoko hlayisela bo ba ko bang ba phela ka nako yone. Mara le rune gana byalo mo re nyaka gore mogahlano wowa wo re gelepe, di nyaka re tiputse gore re nyoko tseyela ga Jeso ra tinyanafatsa, ra ba le lešiši le go kwana ka matla le batho. Mo re ka fo maka tsotsone, re ka sa kamake gore patela ya rune Jehova o nyoko re neya.—2 Pet. 1:10, 11.