1-2. (a) Mantsu ya ma leng ga Jesaya 41:10 ma yye ma mo tikisa byang mogageru wa mosadi ye ba reng ke Yoshiko? (b) Jehova o makiye gore ditaba tsone di ngwadiwe gore di gelepe bomang?

MOGAGERU ye mongwana wa mosadi wa go tshepega ye ba reng ke Yoshiko ba yye ba mmotsa ditaba tsa go gakga. Dogotela wage o yye a mmotsa gore go se botala o nyoko kgwa. Byalo Yoshiko o yye a re king? O yye a nagana lengwalo la Baebele la go mo papatela pelo la Jesaya 41:10. (Bala.) Byalo o yye a botsa dogotela wage gore aa tšhoge selo, ka taba la gore Jehova o mo ngangarele ka letsogo. * Taba yo mogageru yewa a yi krayyeng ga lengwalo lowa yi mo gelepiye gore a tshepele ga Jehova a nape a ro felegelela gona. Le rune mo go na le tso di re kgahleletsiyeng, re ka nagana ka temanyana yowa ka taba la gore yi nyoko re kgomoletsa. Mo re nyaka go kwisisa gore rune re ka di maka byang tsotsone, tla re thomiseneng ka go lebelela gore king sa go šinya se maka gore Modimo a botse Jesaya molayetsa wowa.

² Mo Jehova a šinya a botsa Jesaya gore a ngwale mantsu yane, ke mo a makela gore a kgomoletse Majuda ya gore ke mo ma nyoko yisiwa bobhantiting Bhabhilona. Mara Jehova o yye a re ditaba tsone di ngwadiwe gore di gelepe Majuda yane ya gore ke mo ma nyoko ya bobhantiting le go gelepa batho bage ka mokana ga bona go tlugisela ka nako yonone go segela lekgono. (Jes. 40:8; Maroma 15:4) Lekgono re phela ga “dinako tsa go sasamela tsa gore gwa thathafa go phela ga tsona,” byalo re di nyaka ka matla go tiyisiwa ka mantsu ya go tshwana le ya ma leng ho ga puku ya Jesaya.—2 Thim. 3:1.

3. (a) Re tshepisiwa ying ho ga Jesaya 41:10, ya gore yi hlawodiwwe gore go be temanyana ya mongwaga wa 2019? (b) Ke ntaba le rune re nyaka go tiyisiwa ka mokgo go tshepisiwang ka gona howa?

³ Ga hlogotaba yowa, re nyoko bolabola ka matla ka dilo ka ditharo  tso Jehova a di tshepisang tsa go maka gore tumelo ya rune yi tiyelele go ya ka mantsu ya ma leng ga Jesaya 41:10, ya gore: (1) Jehova o nyoko ba le rune, (2) ke yene Modimo wa rune, fote (3) o nyoko re gelepa. Le rune re ya di nyaka go tshepisiwa * dilo tsa go tiyisana go tshwana naye Yoshiko, ka taba la gore tsa lephelo tsa go re kgahleletsa re gahlana natso. Fote re gahlana le tsa go tlala tsa lefase lo, tsa go maka gore lephelo le babe. Ba bangwana ba rune re hlorisa ke ba mmušo. Tla re bolaboleneng ka dilo tsowa ka ditharo tso re tshepisiwang tsona, re nyoko ya natso ka letheto.

4. (a) Re nyoko thomisa ka go bolabola ka tshepiso yifeng? (Lebelela le setwaba.) (b) Jehova o šupetsa ka ying gore wa re nyaka? (c) O fo re king mara mo o kwa mantsu ya Modimo a re botsang wona?

⁴ Jehova o thomisa ka go beya dipelo tsa rune gabutši ka mantsu ya gore: “O sa tšhabe, ke nago.” * Jehova o maka gore re di bone gore o na le rune ka go re tshwara gabutši le ka go re pasopa. Theetsela tso a di bolabolang tsa go šupetsa gore nnete wa re nyaka. Jehova o re: “Mo ke go lebelela ke f’lo kwa o njabodisa. Ke go hlompiye ka matla fote ke f’lo kwa ke go nyaka.” (Jes. 43:4) A se šiyo selo legedimong le ho lefaseng sa go ka maka gore Jehova a kwe a sa sa re nyaka mo rune re mmerekela; mo a re wa re nyaka, aa hlaye matsaka. (Jes. 54:10) O re nyaka ka matla fote ke monghana wa rune, tsotsone di napa di maka gore re be le lešiši. Le rune o sa na a nyoko re pasopa go fo tshwana le ka nako tsela a pasopa monghanage Abhrama (Abhrahama). Jehova o yye a re gage: “O sa tšhoge wene Abhrama. Ke nna legawu lago.”—Gen. 15:1.

5-6. (a) King sa go šupetsa gore Jehova wa nyaka go re gelepa mo re kgahleletsiye ke tsa go baba? (b) Re ka tšhuta ying ga taba ya Yoshiko?

⁵ Re tšiba gabutši gore Jehova o di nyaka ka matla tsa go re gelepa mo re gahlana le dintshetshere, ka taba la gore o tshepisiye batho bage gore: “Mo le feta ga poleke ya meetši, ke nyoko ba le lune, le mo le feta dinokeng, di ka sa le khunghule. Le mo le ka sepela mollong, o ka sa le tlabolele, kela la tshelela ke dihlase tsa wona.” (Jes. 43:2) Mantsu yawa ma ra gore king?

⁶ Jehova a ka sa di tlusi ka mohlolo dintshetshere tso re nang natso, mara a ka sa fo lesetsa dintshetshere tsa nkare ke “dinoka” di re kgama kela re totometsa ke dilo tsa go tšhuba go  tshwana le “mollo.” Yene wa tshepisa gore o nyoko ba le rune, a re gelepa ‘go feta’ ga dintshetshere tsone. Jehova o nyoko maka ying? O nyoko maka gore tso re kwang re di tšhaba di kgibe, gore re dule re mo tshepegela le mo go ka fo ba go bifiye la gore le go kgwa re ka kgwa. (Jes. 41:13) Yoshiko, yela re bolabodiyeng ka yene ka ho kgakala, o yi bonne gabutši taba yone. Morwediya wage o re: “Ke mo go bifiye, mara mmane o re makatsiye ka taba la gore ke mo a kgibiye. Re di bonne gabutši gore Jehova ke yene ye a mo makiyeng gore a bebe. Mo mmane a sa le sepetlele, ke mo a sa lesetse go bolabola le dinesi le ba bangwana ba go lwala ka Jehova le ka tso a di tshepisang, go segela ka letšatši lo a hlokofeleng ka lona.” Re tšhuta ying ga taba ya Yoshiko? Mo re tshepa tso Modimo a di tshepisang mo a re “ke nago,” le rune re nyoko ba le lešiši, ra thogo tiyelela mo re kene re tiyisela tsa go baba.

7-8. (a) Ke tshepiso yifeng ya bobedi yo re nyoko bolabolang ka yona, fote yi ra gore king? (b) Ke ntaba Jehova a butsiye Majuda yala ya go ya bobhantiting gore: “O sa šekele”? (c) Ke mafeng mantsu ya gore ma ka fo ba ma yye ma gelepa malata ya Modimo gore ma sa tšhoge?

⁷ Tla re bolaboleneng ka tshepiso ya bobedi yo yi leng ho ga Jesaya, yi re: “O sa šekele, ka taba la gore Modimo wago ke nna.” Taba yowa ya go bolabola ka go šekela yi ra gore king? Mantsu ya temanyana yowa ya gore “go šekela,” gabutši ka mmolabolo wa gona wa botala ma rela “go takatakisa mahlo ka taba la go tšhaba, o nagana gore go na le selo kela motho wa gore o nyoko go kwaletsa o sa nagana” kela “go hlagasela go tshwana le mo o sa tšibi gore go ka makega ying.”

⁸ Ke ntaba Jehova a yye a botsa Majuda ya gore ke mo ma nyoko ya bobhantiting hala Bhabhilona mantsu ya gore “o sa šekele”? Taba ke gore ke mo a di tšiba gabutši gore batho ba poleke yone ba nyoko šekela. Ke mo ba nyoko tshosanya king? Mabhabhilona ke mo ma nyoko kutulugela ke masole ya Mameda le Maperesiya mo 70 ya mengwaga ya bobhantiti bya Majuda yi šele yi segela mafelelong. Jehova ke mo a nyoko berekisa masole yane gore a ntshe batho bage bobhantiting hala Bhabhilona. (Jes. 41:2-4) Mo Mabhabhilona le batho ba dipoleke tse dingwana ka dinako tsotsone ba bona nkare manaba ya wona maa šutela, ke mo ma tiyisanana le go šišimala ma re: “Tiyelelaneng.” Ba yye ba maka medimonyana ya go tlala ba fo re kela yi ka ba pasopa. (Jes. 41:5-7) Ka nako yonone, Jehova o yye a papatela dipelo tsa Majuda ya ke mo ma le bobhantiting, o yitseri: “Wene Israyele [a o tshwane le bayagelani bago] ke wene lelata laka . . . O sa šekele, ka taba la gore Modimo wago ke nna.” (Jes. 41:8-10) Jehova o yitseri: “Ke nna Modimo wago.” Mo Jehova a hlaya tsotsone, ke mo a botsa batho bage ba gore baa tshepega gore aa ba lebala—ke mo go sa le yene Modimo wa bona, fote le bona ke mo go sa le batho bage. O ba butsiye mantsu ya gore: “Ke nyoko le kakola . . . ke nyoko le phonisa.” Di šupa nkare mantsu yane ya go kgomoletsa ma yye ma tiyisa Majuda yane ka matla nakwela ma le bobhantiting.—Bala Jesaya 46:3, 4.

9-10. Ke ntaba di sa nyake re šinya re ro tšhoga? Šupetsa.

⁹ Batho gana byalo ba šekela ka taba la dilo tsa go sasamela ka matla tsa lefase lowa. Nnete ke gore le rune re ghulana natso tsa mohlobo wonone. Mara a di nyake re napa re hlagasela. Jehova o re botsa gore: “Modimo wago ke nna.” Ke ntaba taba yone go le taba ye kgolo ka matla ya go re maka gore re sa hlagasele?

¹⁰ Yema re bolaboleneng ka mošupetso ke wowa: Barena ba bangwana ka babedi ba gore mabitso ya bona ke Jim le Ben ke mo ba kalamme elebhreyi ya gore yi tšukatšukanya ke moya wo mongwana wa go tshosa. Mo elebhreyi yone yi kene yi ya ka howa le ka hala, dhrayiva ya gona ya tseya mbhošongho ya bolabolela yi botsa bo ne ba kalamme ya re: “Napaneng le ro tiswinelela ka mapanta. Elebhreyi yowa yi sa nyoko tšukatšuka ka matlanyana.” Jim o yye a thomisa go šekela. Ke mokane dhrayiva yela ya  re: “Le sa šekele. Ke nna dhrayiva ya lune.” Ka nako yonone, Jim a šiginya hlogo, a re, “Morenewa o nyaka gore king mara?” Ke mokane mo a lebelela Ben, o kraya gore yene o kgibiye. Ke mokane Jim wa mmutsisa o re: “Ke ntaba wene nkare a di go hlupi tso di makegang?” Ben o mo fetola a kene a ngwalangwala o re: “Taba ke gore nna morenewa wa dhrayiva ke mo tšiba gabutši. Ke papaka!” Ke mokane Ben o re: “Yema ke go botse ka papa. Ke tshepa gore le wene o ka kgiba mo o ka fo tšiba gore ke motho wa mohlobo mang le gore tsa go dhrayiva o tšwa natso kaye.”

11. Re ka tšhuta ying ga mošupetso wa barena bala ka babedi ba gore ke mo ba kalamme elebhreyi?

¹¹ Mošupetso wowa o ka re tšhutisa ying? Le rune re tshwana le Ben, a re hlagasele, ka taba la gore Papa wa rune wa magedimong Jehova, re mo tšiba go tloga le go dula. Re di tšiba gabutši gore o nyoko re gelepa mo re gahlana le tsa go re tshosa go tshwana le magadima ya dinako tso re phelang ga tsona tsa mafelelo. (Jes. 35:4) Rune re tshepiye Jehova, byalo a re hlagasele go tshwana le batho ba lefase lowa ba gore a ba tšibi gore kaye ke kaye. (Jes. 30:15) Fote re maka go tshwana le Ben mo re tšhomayelela bayagelani ba rune, re ba botsa gore ke ntaba rune re tshepela ga Modimo. Ke mokane le bona ba nyoko ba le tshepo ya gore Jehova o nyoko ba nabo le mo go ka fo nyarela tsa go ba ghula tsa mohlobo wo mongwana le wo mongwana.

12. (a) Re nyoko bolabola ka tshepiso yifeng ya boraro? (b) Taba yowa ya go bolabola ka “letsogo” la Jehova yi re gopotsa ying?

¹² Kwane ye nngwana tshepiso ya boraro yo Jesaya a bolabodiyeng ka yona, o yitseri: “Ke nyoko go tiyisa, ke ya resa, ke nyoko go thuša.” Jesaya o šele a hlayye gore Jehova o nyoko tiyisa batho bage byang le go ba neya matšhika, o yitseri: “Jehova o nyoko tla ka matšhika, ke mokane letsogo lage le nyoko lawola sekaleng sage.” (Jes. 40:10) Baebele ga go tlala mo yi bolabola ka lentsu la gore “letsogo,” yi fo ba yi  tshwanisa, gabutšibutši yi rela matšhika. Byalo taba ya gore ‘letsogo la Jehova le nyoko lawola’ yi re gopotsa gore Jehova ke Kgoši ya go ba le matšhika ka moka. O berekisiye matšhika yage ya magolo ka matla gore a lwele batho bage ku botala, le lekgono o sa na a maka ka mokgonola ga bo ba mo tshepang.—Dot. 1:30, 31; Jes. 43:10.

13. (a) Jehova o yi maka leng ka matlamatla taba yowa ya go re tiyisa? (b) King so se napang se re maka gore re tiyelele le go ba le tshepo?

¹³ Jehova aa lebale mantsu ya a ma tshepisiyeng ya gore: “Ke nyoko go tiyisa,” ka matlamatla mo o ka kraya gore go na le batho ba go re hlorisa. Go na le dipoleke tse dingwana ho lefaseng tsa gore mmereko wa rune wa go tšhomayela wa nyenyiwa kela ba nyaka go kwala mokgahlo wa rune. Mara, a re nape re hlagasela mo ba re teyela diparapara ka mokgonone. Jehova o re tshepisiye taba ye nngwana ya gore ya re tiyisa fote yi maka gore re nape re mo tshepa. O re tshepisa gore: “Segale so ba se makeleng go lwa le lune se ka sa phomelele.” (Jes. 54:17) Taba yowa yi re gopotsa dilo tse dingwana ka ditharo.

14. Ke ntaba re sa makatse ke gore manaba ya Modimo ma nyoko nyaka go re kwisa go baba?

¹⁴ Sa mathomo ke gore di nyaka re di tšibe tsa gore mo re na re latelela Kreste, batho ba nyoko re hloya. (Mat. 10:22) Jeso o hlayye botala gore mo lefase le ya mafelelong, malata yage ma nyoko hlorisiwa go baba. (Mat. 24:9; Joh 15:20) Sa bobedi ke gore seporofeto sa Jesaya se re botsa gore manaba ya rune ma nyoko re hloya ma boya ma re kwisa go baba ka digale tsa mohlobohlobo. Ga digale tsone ba ra go tshukanyiwa ga gore go wutamme, go bolabolediwa matsaka le go hlorisiwa go baba. (Mat. 5:11) Jehova a ka sa rakele manaba yane mo ma berekisa digale tsowa mo ma lwa le rune. (Maef. 6:12; Kut. 12:17) Mara a di nyake re hlagasela. Ke ntaba?

15-16. (a) Ke taba yifeng ya boraro yo di nyakang re yi gopola, byalo Jesaya 25:4, 5 yi kena byang ga taba yonone? (b) Jesaya 41:11, 12 yi re go nyoko makega ying ka batho bo ba go re hlupa?

¹⁵ Lebelela taba ya boraro yo yi sa nyakeng re yi lebala. Jehova o bolabodiye gore ‘a se šiyo segale’ so ba se makeleng go lwa le rune sa gore ‘se nyoko phomelela.’ Jehova o re tšhireletsa  ga “dikgohlane tsa dipelo tse diphifadu,” go tshwana le lepharo mo le re tšhireletsa ga sedingwane se segolo. (Bala Jesaya 25:4, 5.) Manaba ya rune ma ka sa tsoge ma re kwaletsiye la gore re šitege go tlogamela.—Jes. 65:17.

¹⁶ Fote Jehova o maka gore re nape re mo tshepa mo a re hlatollela so se nyoko makegang ga bo ba gore mo ba re lebelele ‘ba kwa re ba silikisa.’ (Bala Jesaya 41:11, 12.) Le mo manaba ya rune ma ka lwisana le rune go segela kaye, go fo tshwana: Batho ka mokana ga bona bo go leng manaba ya Modimo “ba nyoko tlusiwa gwa fela ka bona.”

17-18. (a) Go bala Baebele go yi tiyisa byang tshepo ya rune ga Modimo? Beyisa. (b) Di nyoko re gelepa ka ying mo re ka fo ghayela ka temanyana ya mongwaga wa 2019?

¹⁷ Ga Jehova re thogo mo tshepa ka matla mo re mo tšiba tšibi-tšibi. Byalo go tšhuta Baebele le go ghayela ka tso re di balang ke gona go ntoši go ka makang gore re mo tšibe gabutši. Baebele yi re botsa ditaba tsa go tlala tsa go šupetsa gore Modimo o yye a ba pasopa byang batho bage ku botala. Ditaba tsa mohlobo wonone di re maka gore re tshepe gore le rune o nyoko re pasopa gana byalo.

¹⁸ Bona taba ye nngwana ke yowa ya go bafala ka matla ya gore Jesaya o yi bolabodiye go šupetsa ka mokgo Jehova a pasopang batho bage. O re Jehova ke setšha go le motho wa go disa ke mokane malata yage ke setšha go le dinkunyana. Jesaya mo a bolabola ka Jehova o re: “O nyoko hlekeletsa dinkunyana tsage a berekisa letsogo lage, ke mokane a di rwala ka sekguba.” (Jes. 40:11) Mo re kwa matsogo ya Jehova ma re ngangarele, re fo kwa re tiyelele re sa tšhoge selo. Lelata la go tshepega le la go hlalefa le nabela ka matla gore re dule re kgibiye le mo go nyarela tsa go re kwisa go baba, byalo tsotsone di makiye gore le hlawole Jesaya 41:10 gore go be temanyana ya rune ya mongwaga wa 2019, ya gore “O sa šekele, ka taba la gore Modimo wago ke nna.” Ghayela ka mantsu yane, ma nyoko go tiyisa ka matla. Ma nyoko go gelepa gore mo o gahlana le tsa go go phireketsa, o thogo teya o feta.