1. Ba bangwana ba rune re ka butsisa putsiso yifeng go fo tshwana le Kgoši Dafita?

KA MOKANA ga rune mo re yitsa, re ya di nyaka go phela lephelo la gore le kgibiye fote le bebiye. Aa šiyo le ka wweši ye a jabodisang ke go šekela. Ka taba la gore ka dinako tse dingwana o ka fo kraya re šekela re sa fetse. Nka taba lo malata ya mangwana ya Jehova ma ka butsisa putsiso yo Kgoši Dafita a yyeng a yi butsisa Jehova mo a re: “Ke nyoko šekela go segela leng, pelo yaka yi kene yi kwa go sasamela ka moka matšatši?”—Pis. 13:2.

2. Re nyoko petapeta ka ying ga hlogotaba yowa?

² Le mo mešekelo yi sa re lesetse, mara re ka di kgona go yi lawola. Ga hlogotaba yowa, re nyoko petapeta ka dilo tse dingwana tso di ka makang gore re šekele. Ke mokane re nyoko petapeta ka kobodi ya dilo tso di ka re gelepang gore re dule re kgibiye mo re kene re gahlana le tsa go re ghula.

3. Re gahlana le tsa go re kgahleletsa tsa mošaga mang fote re ka di lawola go segela kaye?

³ Tsa go tlala tso di makang gore re šekele, a re kgone go di thiba gore di sa makege. Mo re beyisa, mo tsa go ja, dikobo le ga go dula di fo ya di tura mongwaga le mongwaga, a go na so re ka se makang, fote re ka sa di kgone go lawola ka mokgo bo re berekang nabo kela bo re kenang nabo sekolo ba leketsang go re woka gore re make dilo tsa go sa hlamatsega. Fote a go na so re ka se makang ka bokgohlane bo bo leng  gona ga dipoleke tso re dulang ga tsona. Re gahlana le dilo tso tsa go re ghula ka taba la gore re phela lefaseng la gore batho ba go tlala a ba phele ka ditšhiko tsa Baebele. Modimo wa lefase lowa Sathane, o di tšiba gabutši gore batho ba bangwana ba ka yikela “mošekelo wa dilo tsa lefase lowa” wo ba maka gore ba lesetse go berekela Jehova. (Mat. 13:22; 1 Joh. 5:19) Byalo, a di makatse mo lefase lowa le tlele ka tsa go sasamela!

4. Mara re ka maka byang mo re tlela ke dilo tsa go re kgahleletsa?

⁴ Tso tsa go re ghula di ka re kgahleletsa la go šinya re sa sa tšiba ditaba tsa rune. Mo re beyisa, re ka šekedisa ke gore re na le tšheleta ye nyana fote a yi segelele tso re nyakang go di reka kela re ka šekedisa ke gore re ka fo lwala ra šitega go ya mmerekong ke mokane ra feleletsa re loba mmereko. Fote re ka hlupa ke taba ya gore mo go na le tsa go re leketsa, re nyoko šitega go theetsela molawo wa Modimo. Go se botala Sathane o nyoko kutšetsela bo a ba lawolang gore ba kutulugele batho ba Modimo, byalo re ka šekedisa ke gore mo re ka tlela ke tsotsone, nje re nyoko di yemela. Re ka tiputsisa gore, ‘Ayitsano ke tsona mo ke hlupa ke dilo tsa mošaga wonone?’

5. Anthe Jeso ke mo a ra gore king nakwela a re: “Le sa šekele ka selo”?

⁵ Re ya di tšiba gore Jeso o butsiye bo ba mo latelelelang gore: “Le sa šekele ka selo.” (Mat. 6:25) Ayitsano ne a rela gore re sa šekele? Le ka gonyana! Phela le mong malata ya go tshepega ya Jehova ya ku botala, ma yye ma hlupa ke go šekela mara Jehova o yye a fo ma yamogela. * (1 Mag. 19:4; Pis. 6:3) Gabutšibutši Jeso ne a re tiyisa. Ke mo a sa nyake re šekela ka matla ka tsa lephelo la go šinya di re šitisa go berekela Modimo. Byalo, king tso di ka re gelepang gore re thogo lawola mošekelo?—Lebelela lebhokisi la gore “ Ka Mokgo re ka di Makang.”

6. Mafilipi 4:6, 7, yi re king so se ka makang gore mešekelo ya rune yi kgibe?

⁶ (1) Dula o rapela. Makreste ya gore di ma kgahleletsiye ka matla ma ka kraya go yimuluga mo ma ka rapela Jehova ma šwennye. (1 Pet. 5:7) Ga phetolo ya merapelo yago, o nyoko kraya “go beba ga Modimo ga gore go feta mehlobo ka mokana ga yona ya go kwisisa.” (Bala Mafilipi 4:6, 7.) Jehova o maka gore go šekela ga rune go kgibe a berekisa moya wage wa go hlawolega.—Magal. 5:22.

7. King so di nyakang re se gopola mo re rapela Modimo?

⁷ Mo o rapela Jehova, mmulele pelo yago. O sa jikajiki. Mo hlatollele bothatha byago o boye o mmotse ka mokgo o tikwang. Mo nkare bothatha byone bya lukisega, mo kgopele a go gelepe gore o ka thogo bo lukisa byang ke mokane a boye a go neye matšhika ya go maka ka mokgonone. Mo nkare a go na so o ka se makang ka bothatha byone, kgopela Jehova a go gelepe gore o sa nape o šekela ka matla. Mo o rapela o sa jikajiki, o nyoko thogo bona ka mokgo Jehova a fetolang merapelo ya yago. Mo nkare a go makege selo ka tso ne o di rapelela, o sa lahle tewu. Jehova o nyaka o dula o rapela fote o sa jikajiki.—Luk. 11:8-10.

8. Mo re rapela re ka tšhela le mantsu ya gore king?

⁸ Mo o kene o kgotolela Jehova mešekelo yago, o sa lebale mantsu ya go leboga. Di gabutši ka matla gore re dule re gopola tsa gabutši tso re yyeng ra rufiwa ka tsona ka matlamatla mo re goga thabeng. Mo nkare  ka dinako tse dingwana a wo tšibi gore o ka rapela o re king, o sa lebale gore Jehova o fetola le merapelo ya go sa lefa ya go tshwana le ‘N’gelepe barena!’—2 Dikor. 18:31; Mrm. 8:26.

9. Re ka kraya go tšhireletsega ga mannete ka mokgo mang?

⁹ (2) Tshepela ga Jehova wa go hlalefa, o sa tshepe wene mong. Ka di nako tsa moporofeta Jesaya, Majuda ne ma hlagasedisa ke taba ya go kutulugela ke Maasiriya. Ka taba la gore ne ma tšhaba go lawola ke Maasiriya, ma yye ma tšhabela ga Maegepita ya gore a ma tšibi Modimo. (Jes. 30:1, 2) Jehova o ma pasopisiye ka gore tsotsone ma di makiyeng di nyoko ma leyela tsa go sasamela. (Jes. 30:7, 12, 13). Jehova o berekisiye Jesaya gore a botse Majuda gore ma ka kraya go tšhireletsega ga mannete ka mokgo mang. O yitseri: “O ko ba le matšhika mo o dula o bebiye fote o šupetsa gore o na le tshepo” ga Jehova.—Jes. 30:15b.

10. Ke ga seyemo sa mošaga mang mo re ka šupetsang gore re tshepa Jehova?

¹⁰ Re ka šupetsa ka mokgo mang gore re tshepa Jehova? Lebelela mešupetso ye mengwana ke yowa. Tla re fo re ba go neya mmereko wa go golela ka masaka mara mmereko wone wo tseya nako yago ya go tlala, fote wo maka gore o sa kgone go berekela Jehova ka mokgo o tlwayeleng. Kela tla re fo re ye mongwana wa gore o bereka naye o šupetsa gore o nyaka go kgetisana nago, mara motho yene a yi lelata la Modimo la gore le kolobetsiwwe. Kela o fo nagana lešaga lago la gore o le nyaka ka matla le go gapeletsa gore o kgete, le re: “O kgeta nna kela Modimo yene wago.” Ga seyemo se sengwana le se sengwana di ka sa be lula go segelela sepheto, mara ga se sengwana le se sengwana Jehova o nyoko go yetetsa. (Mat. 6:33; 10:37; 1 Makor. 7:39) Putsiso ke gore, ayitsano o nyoko tshepa Jehova o boya o berekisa tso a go yetetsang ka tsona?

11. Re ka tšhuta ga mešupetso yifeng ya ka ho Baebeleng yo yi ka re gelepang gore re dule re kgibiye mo re phigisiwa?

¹¹ (3) Tšhuta ga mešupetso ya go loka le ya go sa loka. Baebele yi na le mešupetso ya go tlala ya go šihlela taba ya gore di nyaka re yi tseyela gedimo, go dula re kgibiye le go tshepa Jehova. Mo o kene o tšhuta ka mešupetso yowa, lebelela ka mokgo malata ya Modimo ma yyeng ma dula ma kgibiye le mo ma kene ma phigisiwa go baba. Mo re beyisa, mo khota ye kgolo ya Majuda yi botsa mapostola gore ma lesetse go tšhomayela a maa tšhoga. Mara ma fetodiye ma šišimele ma re: “Re theetsela Modimo ka gore go lawola yene, a re theetsele batho.” (Meber. 5:29) Le ka nthago ga mo ba ma thuwele ka dikgati, mapostola a sanka ma hlagasela. Ke ntaba mara? Ka taba la gore ne ma tšiba gore Jehova o nawo. Tsotsone di jabodisiye Jehova ka matla. Byalo, ma yye mahlong ma tšhomayela ditaba tsa go bafala. (Meber. 5:40-42) Go fo tshwana le lelata lo ba reng ke Stefano nakwela a nkgela ke likgu, o yye a fo dula a bebiye ke mokane sefahlego sage se yye sa “tshwana le sa lengeloyi.” (Meber. 6:12-15) Ke ntaba? Ke mo a sa kamake gore Jehova wa mo yamogela.

12. Petro wa Mathomo 3:14 le 4:14, yi re ke ntaba re ka jabola mo re kene re hlupegisiwa?

¹² Mapostola ma di bonne gabutši gore Jehova o nawo. O ma neyye matšhika ya go maka mehlolo. (Meber. 5:12-16; 6:8) Lekgono Jehova aa re neye matšhika ya go maka mehlolo. Le mo go le ka mokgonone, Jehova o berekisa Lentsu lage Baebele go re tiyisa gore le mo re hlupegisiwa ka taba la go maka dilo tsa go loka wa re yamogela, fote o nyoko re neya moya wage wa go hlawolega. (Bala 1 Petro 3:14; 4:14.) Byalo, a di nyake re hlupa ke taba ya gore re  nyoko maka byang mo re hlupegisiwa ku mahlong, mara di nyaka re sa kamake gore Jehova o nyoko re tiyisa a boya a re phonisa. Go fo tshwana le malata ya Jeso ya ku botala, di nyaka re tshepa tso Jeso a di hlayyeng mo a re: “Ke nyoko maka gore le hlalefe fote nko le neya mantsu ya gore bo ba go le ganetsa ba sa kgone go le phigisa.” Jeso ke mo a sa re tshokanye mo a re: “Mo le tiyisela le nyoko phona.” (Luk. 21:12-19) Fote o sa lebale gore Jehova o gopola le dilo tse dinyana tso malata yage ya gore ma kgwile ma kene ma tshepega ma di makiyeng. Ka taba la tsotsone o nyoko ma tsosa.

13. Go tšhuta ka bo ba yyeng ba šitega go kgiba le go tshepa Jehova go ka re gelepa ka ying?

¹³ Re ka tšhuta ga tso ba bangwana ba gahlanneng natso mo ba šitega go dula ba kgibiye le go tshepa Jehova. Go tšhuta ga mešupetso ya bona ya go sa loka go ka re gelepa gore re sa kekemise go tshwana nabo. Mo re beyisa, nakwela Kgoši Asa a thomisa go lawola o yye a tshepela ga Jehova mo a kutulugela ke moririmane wa masole, ke mokane Jehova o yye a mo gelepa gore a hlule. (2 Dikor. 14:9-12) Ka nthagonyana, mo masole ya go sa tlala ya Kgoši Bhaaša wa Israyele ma nyaka go lwa le Kgoši Asa, o yye a patela masole ya Siriya gore ma mo lwele ke mokane a lesetsa go tshepa Jehova gore a ka mo phonisa go fo tshwana le ku botala. (2 Dikor. 16:1-3) Mo a šele a gudiye ka matla o yye a lwala la go sa hlayisege, le gana hone a sanka a tshepela ga Jehova gore a mo gelepe.—2 Dikor. 16:12.

14. Re tšhuta ying ga tsa go kekema tso Asa a di makiyeng?

¹⁴ Mathomisong mo Asa a hlakana le mathatha ke mo a llela ga Jehova. Mara mo goya-goya o yye a lesetsa go tshepela ga Modimo ke mokane a maka tsa go tšiba ke yene. Mo o ka takisa taba yowa maahlo o ka tseya nkare tso Asa a di polanneng tsa go kgopela Masiriya gore ma mo gelepe mo Israyele yi nyoko lwa naye ke tsona. Mara a dya ya kgole di f’lo šaša. Jehova o mmutsiye a berekisa moporofeta gore: “Ka taba la gore a wa tshepela ga Jehova Modimo wago, wa tshepela ga Kgoši ya Siriya, masole ya yona ma ngwegiye o kene o ma lebelele.” (2 Dikor. 16:7) Di nyaka re pasopa taba ya go titshepa ka matla re maka tsa go tšiba ke rune mo go na le bothatha re lesetsa go llela Jehova gore a re yetetse ka Lentsu lage Baebele. Le mo go ka tšhoga go nyarele seyemo sa gore se nyaka gore re segelele sepheto ka go yakgoswa, di nyaka re tshepela ga Jehova, nnete o nyoko re gelepa gore re thogo hlula.

15. Di nyaka re maka ying mo re bala Baebele?

¹⁵ (4) Tšiba ditemanyana tsa Baebele ka hlogo. Mo o kene o gahlana le ditemanyana tsa go šupetsa gore mo o dula o kgibiye fote o tshepela ga Jehova o ko tiyelela, leketsa go tshwara mantsu ya mangwana ya ditemanyana tsone ka hlogo. Di ka go gelepa ka matla mo o ka ma balela gedimo kela wa ma ngwala fase ke mokane o fela o tigopotsa wona. Jošuwa ba yye ba mmotsa gore a dule a bala puku ya Molawo ka lentsu la fase gore tso a di makang di šupetse gore o hlalefiye. Tsotsone ne di nyoko mo gelepa gore a thogo hlula go hlagasedisa ke seyemo so ne a le ga sona. (Još. 1:8, 9) Tso o nyoko di krayang ka ho Baebeleng di ka go gelepa gore o kgibe o boye o tiyelele ga seyemo so se ka go šekedisang kela sa go hlagasedisa.—Pis. 27:1-3; Diy. 3:25, 26.

16. Jehova o berekisa phutego ka mokgo mang go re gelepa gore re dule re kgibiye fote re mo tshepe?

¹⁶ (5) Nghanelana le batho ba Modimo. Jehova o berekisa magageru gore ma thogo re gelepa gore re dule re kgibiye re boye re mo tshepe. Tso ba di tšhutisang seralong ku megahlanong ya rune, tso di fetolang ke  bo ba leng megahlong le tsa go yagisa tso re bolabodisanang le magageru ka tsona di ya re berekela. (Maheb. 10:24, 25) Go bolabola le banghana ba rune bo re ba tshepang ba ka ho phutegong re ba botsa ka mokgo re tikwang di re tiyisa ka matla. “Lentsu la gabutši” la go tšwa ga monghana le ka re gelepa gore re tiyisele mo go na le tso di re šekedisang.—Diy. 12:25.

17. Maheberu 6:19, yi re tshepo ya rune ka Mmušo wa Modimo yi re tiyisa ka mokgo mang le mo go na le tsa go re ghula?

¹⁷ (6) Dula o tiyisa tshepo yago. Tshepo yo re nang nayo ya Mmušo wa Modimo yi tshwana le “tshipi ya go maka gore sekepe se sa thogathoge,” fote tshepo yone yi maka gore re tsike le mo re tlela ke tsa go re ghula tsa go sa fele kela go na le tso di re šekedisang. (Bala Maheberu 6:19.) Ghayela ka tso Jehova a di tshepisiyeng ku mahlong ga gore re ka sa sa šekedisa ke selo. (Jes. 65:17) Tipone o le ga lefase la nyuwane la gore le bebiye fote go se na tsa go re kgongwetsa. (Mmik. 4:4) Tshepo yago yi nyoko tiyelela mo o kene o bolabodisana le ba bangwana ka yona. Maka so o ka se kgonang ga mmereko wa go tšhomayela le wa go maka batho malata. Mo o ka maka tsotsone, ‘o ka sa kamake gore tso o tshepisiwweng tsona o nyoko feleletsa o di krayye.’—Maheb. 6:11

18. Ke tsa go re ghula tsa mošaga mang tso re nyoko gahlanang natso ku mahlong, fote re ka di hlula ka mokgo mang?

¹⁸ Mo lefase lo la Sathane le kene le bakiye mafelelong re nyoko hlakana le tsa go re ghula tsa go maka gore re šekele. Temanyana ya mongwaga wa 2021 yi ka re gelepa gore re teye re tshwarelele ga tso di re ghulang fote re dule re kgibiye, go se ka matšhika ya rune mara ka taba la go tshepa Jehova. Ga mongwaga wa go latela tla re šupetseneng ka tso re di makang gore re tshepa tso Jehova a re tshepisiyeng mo a re: “O ko ba le matšhika mo o dula o bebiye fote o šupetsa gore o na le tshepo.”—Jes. 30:15.