1. King so se šupetsang gore go nyakanana ga hlago gwa gayela lekgono?

BAEBELE ke botala yi bolabodiye gore ka dinako tsa mafelelo, “go nyakanana ga hlago” go nyoko gayela. (2 Thim. 3:1, 3) Seporofeto sowa se kene se ya makega lekgono. Mo re beyisa, mitši ya go teya ka ku ga dimiliyone, yi psyayegiye mo batho ba hlalana, babelegi ba šala ba kwatelanne fote le bana ba tikwa ba lahlegiye. Le mong ba go dula ntlong ka yyoši ba ka thomisa go sa sa tšibana gabutši. Morene mongwana wa go yeletsa ka tsa mutši o re: “Mmane, papa le bana ba bona a ba sa maka dilo ggoši ba dula ba mamarele khomphyuta, thebholete, fowunu, kela mekgano ya dividiyo. Le mo ba dula ntlong ka yyoši, mara a ba nape ba tšibana gabutši.”

2-3. (a) Maroma 12:10, yi re di nyaka re kwane le bomang ka matla? (b) Re nyoko tšhuta ka ying ga hlogotaba yowa?

² A re nyake go kutšetsela ke batho ba lefase lowa ba go sa nyakanane. (Mrm. 12:2) Mara di nyaka re karakare gore re kwane ka matla le ba mutši wa rune, re boye re kwane le magageru ka phutegong. (Bala Maroma 12:10.) Go kwana ka matla le ba bangwana di ra gore king? Mantsu yawa ma hlatolla ka mokgo ba mutši ba tikwang ka senghana so ba nang naso sa thina. Di nyaka re tikwe ka mokgonone ka magageru ya ka ho phutegong. Mo re šupetsa gore re kwana ka matla le ba bangwana, re gelepa gore go ba selo ka ssoši go sa šehle, go leng sona selo se segolo mo re kene re berekela Jehova.—Mmik. 2:12.

³ Gore re thogo go karakara le go šupetsa ba bangwana gore re kwana nabo ka matla, tla re lebeleleneng gore re ka tšhuta ying ga mešupetso ya ka ho Baebeleng.

4. Jakobo 5:11 yi re botsa ying ka go nyakanana ga Jehova?

⁴ Baebele yi re botsa ka mekgwa ya go bafala ya Jehova. Mo re beyisa yi re “Modimo wa nyakanana.” (1 Joh. 4:8) Mo re kwa tsotsone re napa re šutela thina gage. Fote Baebele yi re Jehova “o kwana le ba bangwana ka matla.” (Bala Jakobo 5:11.) Mantsu yawa ma napa ma šupetsa gore Jehova o tikwa byang ka rune!

5. Jehova o šupetsa ka mokgo mang gore o kwelana go baba, fote re ka mo yekisela byang?

⁵ Jakobo 5:11 yi re taba ya gore Jehova o kwana le ba bangwana ka matla yi sipidisana le mekgwa ye mengwana yo yi makang gore re šutele thina gage go leng go kwelana go baba. (Ek. 34:6) Mokgwa wo mongwana wo Jehova a šupetsang gore o re kwela go baba wo bonala mo a re tshwarela ga tso re kekemisang ga tsona. (Pis. 51:1) Ka ho Baebeleng go kwelana go baba a di rele go fo tshwarela motho nje. Go kwelana go baba ke ka mokgo motho a tikwang mo a bona ye mongwana a kgahleletsegiye ke mokane dya mo tšhofa gore a mo gelepe. Ka mokgo Jehova a nabelang go re gelepa go phala le ka mokgo mmane a tikwang ka ngwanage. (Jes. 49:15) Mo di re kgahleletsiye Jehova di mo tšhofa gore a re gelepe ka taba la gore o kwelana go baba. (Pis. 37:39; 1 Makor. 10:13) Re ka šupetsa gore re kwela magageru go baba mo re ma tshwarela ga gore a maa re tshwara gabutši. (Maef. 4:32) Mokgwa wo mongwana wa go šupetsa gore re kwela magageru go baba ke mo re ma gelepa mo di ma thathafela. Mo go nyakanana go re tšhofa gore re kwele ba bangwana go baba re ba re yekisela Jehova, mong yene mošupetso wa go kwana le ba bangwana ka matla.—Maef. 5:1.

6. Jonathane le Dafita ba šupetsiye ka mokgo mang gore ba nyakanana tsa mannete?

⁶ Baebele yi bolabola ka batho ba bangwana ba gore a baa yenela ba gore ne ba šupetsa go nyakanana tsa mannete. Tseya  ka mošupetso wa Jonathane le Dafita. Baebele yi re: “Jonathane le Dafita ke mo ba mamarelanne ka taba la senghana sa bona sa thina, fote Jonathane o yye a thomisa go mo nyaka ka matla go fo tshwana le ka mokgo a tinyakang.” (1 Sam. 18:1) Jehova o hlawodiye Dafita gore go be kgoši ka nthago ga Sawulo. Ka nthago ga hone, Sawulo o yye a jelasela Dafita a boya a nyaka le go mmolaya. Mara Jonathane morwayi wa Sawulo a sanka a di kena tsone tsa papage tsa go nyaka go bolaya Dafita. Jonathane le Dafita ba tshepisanne go dula go le banghana le mo go ka teya leduma la mošaga mang.—1 Sam. 20:42.

7. King so ne se ka šitisa Jonathane le Dafita gore go be banghana?

⁷ Ke mo go na le dilo tsa go tlala tso ne di ka sinya senghana sa Jonathane le Dafita mara sa go makatsa ke gore ba f’lo ya mahlong ba kene ba na le senghana sa thina. Mo re beyisa, Jonathane ne a feta Dafita ka 30 ya mongwaga. Jonathane nke a fetsiye ka gore a ka sa nghanelane le mosogana wa gore a tšibi selo ka tsa lephelo. Le mo go le ka mokgonone, Jonathane a sanka a tseyela Dafita fase.

8. King so se makiyeng Jonathane gore go be monghana wa gabutši wa Dafita?

⁸ Ne di ka makega gore Jonathane a jelasele Dafita. Ka taba la gore Jonathane ne go le morwayi wa Kgoši Sawulo ne a ka fetsa ka gore ke yene a tshwaneleng go ba kgoši. (1 Sam. 20:31) Mara Jonathane ke mo a tinyanafatsiye fote a tshepegiye ga Jehova. Byalo, o di yamogele mo Jehova a kgeta Dafita gore go be kgoši. Ke mo a tshepegiye ga Dafita le mo tsotsone ne di kwatisa papage Sawulo ka matla.—1 Sam. 20:32-34.

9. Re tšiba ka ying gore Jonathane ne a sa jelasele Dafita? Hlatolla.

⁹ Ka taba la gore Jonathane ne a nyaka Dafita ka matla ne a sa mo jelasele le ka go nyana. Ke mo go le segele sa mosefo fote go le lesole la go ba le lešiši. Jonathane le papage Sawulo ne ba tumme ka go ba le “lebelo la go phala digotšane” le “matšhika ya go phala ditawu.” (2 Sam. 1:22, 23) Tsotsone ne di ka maka gore a thomise go ba le magetla ka taba la tso a di segeleleng. Mara Jonathane ne a sa kwane le go phadisana kela go jelaselana. Ke mo a tseyela Dafita gedimo ka taba la gore ne a na le lešiši fote a tshepela ga Jehova. Gabutšibutši, ka nthago ga mo Dafita a bolayye Gholiyate, Jonathane o yye a thomisa go kwana naye ka matla. Re ka šupetsa magageru byang gore re ma nyaka ka matla go fo tshwana le ka mokgo Jonathane a yyeng a šupetsa Dafita ka gona?

10. Go nyakanana tsa mannete di tšwa pelong” di ra gore king?

¹⁰ Baebele yi re botsa gore re “nyakanane tsa mannete di tšwa pelong.” (1 Pet. 1:22) Jehova ke mošupetso wa gabutši. O re nyaka ka matla, fote a ka sa ro lesetsa go re nyaka mo re ka dula re tshepega. (Mrm. 8:38, 39) Lentsu la Segerika la gore “tsa mannete” le rela go karakara ka matla go šupetsa gore wa nyakanana le mo di se lula. Ka dinako tse dingwana, di nyaka re karakare ka matla go šupetsa magageru gore re ma nyaka ka matla. Mo ba bangwana ba re gata dikhonse, re ya mahlong re “tiyisele re kene re nyakanana, re karakare gore ngata ya rune yi dule yi swinegiye re sa šitisi so se makang gore re mamarelane fote go bebe.” (Maef. 4:1-3) Mo re ka sa šitise “so se makang gore go bebe,” re ka sa dulele go nyakolla tso magageru ma kekemisang ga tsona. Re nyoko leketsa ka matla go tseya magageru ka mokgo Jehova a ma tseyang ka gona.—1 Sam. 16:7; Pis. 130:3.

11. Ke ntaba ka dinako tse dingwana di se lula go kwana le ba bangwana?

 ¹¹ A di lula go šupetsa magageru gore re kwana nawo ka matlamatla mo re kene re tšiba tso ba di kekemisiyeng. Le Makreste ya ku botala ne ma fela ma ghula ke tsa mošaga wonowa. Mo re beyisa, ne di le lula ga Ebhodiya le Sintike gore ba bereke “ggoši le [Pawulo] ga ditaba tsa go bafala.” Mara bona beng, ne ba sa kwane. Mara Pawulo o ba kgopele gore “ba nagane go tshwana ga tsa Morena.”—Mafil. 4:2, 3.

12. Re ka šupetsa ka mokgo mang gore re kwana le magageru ka matla?

¹² Re ka šupetsa ka mokgo mang gore re kwana ka matla le magageru lekgono? Mo re šele re tšiba magageru gabutši di nyoko ba lula go ma kwisisa le go kwana nawo ka matla. Re nyoko fo maka senghana nawo re sa hlupe ke gore ma teya kaye ka mongwaga kela setšo sa wona. O sa lebale gore Jonathane ke mo a feta Dafita ka 30 ya mengwaga, mara o yye a ba le senghana sa thina ka matla naye. Ayitsano go na le ye mongwana ka ho phutegong ye mogolo kela ye monyana gago ye o nabelang go maka senghana naye? Mo o maka tsotsone o šupetsa gore o “nyaka magageru ya lefase ka mokana ga lona.”—1 Pet. 2:17

13. Ke ntaba re ka ba le senghana sa thina ka matla le ba bangwana ka phutegong go phala ba bangwana?

¹³ Ayitsano go kwana ka matla le magageru di rela gore re nyoko ba le senghana sa thina le batho ka moka ka phutegong? Dho, a go kgonege. Re ko ba re sa sinya go ba le senghana sa thina ka matla le ba bangwana ka ho phutegong ka taba la tso re kwanang natso tsa go tshwana, le mo yi le gore ba bangwana a ra napa re ba tlwayela ka matla. Jeso ne a bitsa mapostola yage gore ke “banghana,” mara ka matlamatla ne a kwana le Johane. (Joh. 13:23; 15:15; 20:2) Mara tsotsone a di rele gore ne a tshwara Johane gabutši go phala ba bangwana. Mo re beyisa, nakwela Johane le bhute wage Jakobo ba mo kgopela gore a ba neye ditulo tsa mayemo Mmušong wa Modimo, Jeso o yitseri: “A go hlawole nna gore go dula mang ka letsogong laka la go ja kela la mpata.” (Mar. 10:35-40) Go tshwana le Jeso, a di nyake re tshwara banghana ba rune gabutši ka matla  go phala batho ba bangwana. (Jak. 2:3, 4) Mo re ka maka tsotsone re ko ba re hlohletsela gore magageru go sa be selo ka ssoši ka phutegong.—Juda 17-19.

14. Mafilipi 2:3, yi re king so se ka re gelepang gore re sa phadisane?

¹⁴ Mo re šupetsa gore re kwana ka matla le ba bangwana tsotsone di gelepa gore go sa be le go phadisana ka ho phutegong. O sa lebale gore Jonathane a sanka a jelasela Dafita le ka go nyana, fote a sanka a leketsa go timaka kgoši. Ka mokana ga rune re ka kopisela ga Jonathane. Le sa jelasele magageru mo ma maka mmereko wa bona gabutši mara le tinyanafatse le kene le dumela gore ba bangwana baa le phala.” (Bala Mafilipi 2:3.) Di nyaka re dula re gopola gore ye mongwana le ye mongwana a ka tšhela letsogo gore a thogo gelepa phutego. Mo re ka dula re tinyanafatsiye re nyoko thogo bona mekgwa ya gabutši ya magageru ke mokane ra tšhuta ga mošupetso wa bona wa go ba le tumelo.—1 Makor. 12:21-25.

15. Re tšhuta ying ga tso Tanya le ba mutši wage ba yyeng ba gahlana natso?

¹⁵ Mo re tlela ke tsa go re ghula, Jehova o re kgomoletsa a berekisa magageru ya gore ma re nyaka ka matla gore ma re gelepe. Tseya ka mošupetso wa tso di yyeng dya makegela ba mutši wo mongwana ka nthago ga letheto la Mokibela ga Mogahlano wo Mogolo wa Batho ba Mafase ya Mehlobohlobo wa 2019 ku United States, wa hlogotaba ya gore “Mo o mo Nyaka wa mo Nyaka!” Mmane wa go ba le kararo ya bana ye ba reng ke Tanya, o re: “Mo re drayiva re kene re boyela ga hotela ya rune, koloyi ye nngwana yi tšwile pateng ke mokane ya re tšhayisa. Ne go sa kwalela motho, mara ne re tšhugiye ra fo tšwa ho koloying ra yema ho pateng. Mo re re, ra bona ye mongwana a yemme ka nthoko ga tsela a bitsa  ka letsogo gore re tle koloying yage. Ke mo go le ye mongwana wa magageru wa gore le yene o tšwa ga mogahlano wonone. A gwa yema yene a le ntoši. Go yye gwa yema le kapheta ya magageru ya go tšwa Sweden. Magageru yane ya basadi ma yye ma tlaparela nna le morwediya waka go leng so ne re se nyaka ka nako yonone! Ke leketsiye go ma botsa gore ma lokologe, ma sepele. Mara ma f’lo dula le rune le mo ba di ambhulense ba šele ba segele fote ma yye ma re gelepa ka dilo tso ne re di hloka. Mo dilo tso ka mokana di kene di makega, re napiye re di bona gabutši gore Jehova o re nyaka ka matla. Tso di re makegeleng di napiye di maka gore re leboge le go nyaka Jehova ka matla fote re nyake le magageru ka matla.” Ayitsano o sa gopola mo di go ghudiye ke mokane mogageru ye mongwana a go šupetsa gore o go nyaka ka matla?

16. Ke ntaba di nyaka re šupetsa gore ba bangwana re kwana nabo ka matla?

¹⁶ O fo nagana ka dilo tsa gabutši tso di nyoko makegang mo re kene re šupetsa gore re kwana ka matla le ba bangwana. Re kgomoletsa magageru mo go na le tsa go ba ghula. Re gelepa magageru gore ma berekele Jehova ma kene ma jabodiye. Re šupetsa gore ke rune malata ya Jeso fote sosone se maka gore batho ba nabele go berekela Jehova. Sa go di phala ka moka ke gore re gadimisa “Papa wa go kwelana go baba le Modimo wa mehlobo ka mokana ga yona ya go kgomoletsana,” Jehova. (2 Makor. 1:3) Nkare re ka ya mahlong re karakara go šupetsa ba bangwana gore re ba nyaka ka matla!