1. Polabolo ya gore yi beyiwwe ga mogahlano wo mogolo ka bo 1935 yi yye ya gelepa mosogana ye mongwana ka mokgo mang?

MOSOGANA ye mongwana ke mo a na le 18 ya mongwaga nakwela a kolobetsiwa ka bo 1926. Ka nako yonone babelegi bage ba gore ke Dihlatse tsa Jehova, ne ba tšibega go le Ba go Tšhuta Baebele. Ke mo ba na le kararo ya barwayi le barwediya ka babedi, ba ba tšhutisiye go berekela Jehova le gore ba kopisele ga Jeso Kreste. Go fo tshwana le ka mokana ga bona bo ba leng ga Mogoba wa go Tšhuta Baebele, mongwaga le mongwaga mosogana yewa ke mo a ja a boya a nwa ga Selalelo sa Morena. Mara dilo di yye dya tšhentšha ka nthago ga polabolo ya hlogotaba ya gore “Mogoba wo Mogolo.” Polabolo yone yi beyye ke J. F. Rutherford ka 1935 ga Mogahlano wo Mogolo ku Washington, D.C., U.S.A. Ga mogahlano wone king so ba yyeng ba se wunyulla?

2. Ke nnete yifeng ya go jabodisa ya gore yi wunyulliye ke Mogageru Rutherford ga polabolo yage?

² Mo mogageru Rutherford a kene a beya polabolo yage, o napiye a yedisa taba yo yi leng ga Kutullo 7:9 mo a hlatolla gore “mogoba wo mogolo” ke bomang. Ne ba kene ba tseya gore bo ba mogoba wo mogolo le bona ba ya legedimong, le mo ne ba sa tshepege go tshwana le bo ba go tlotsiwa. Mogageru Rutherford o berekisiye mangwalo go hlatolla taba ya gore bo ba mogoba wo mogolo a ba kgetiwa gore ba ye phela legedimong, mara ke dinku tse dingwana tsa  *Kreste tsa  gore di nyoko phona “motšhatšhamelo wo mogolo” ke mokane dya phela lefaseng go ya go yye. (Kut. 7:14) Jeso o tshepisiye gore: “Fote ke na le dinku tse dingwana tsa gore a yi tsa lešaka lowa le tsona di nyaka ke di kenise fote di nyoko theetsela lentsu laka ke mokane ya ba morape ka wwoši le ye a disang gwa ba ka wwoši.” (Joh. 10:16) Ba go tshwanisiwa le dinku ke Dihlatse tsa Jehova tsa go tshepega tsa gore di nyoko phela go ya go yye Pharadeyising ho lefaseng. (Mat. 25:31-33, 46) Tla re boneneng gore mo taba yowa yi kene yi yela yi tšhentšhiye maphelo ya batho ba Modimo ka mokgo mang, re ra le mogageru yela wa mosogana wa go ba le 18 ya mongwaga.—Pis. 97:11; Diy. 4:18.

3-4. Ga mogahlano wo mogolo ka 1935, king so ba diketekete ba yyeng ba thomisa go se kwisisa ka tshepo ya bona fote ke ntaba?

³ Nako ya go jabodisa yi segele mo ye a beyang polabolo a kgopela bo ba leng mogahlanong wo mogolo gore: “Ka moka bo ba nang le tshepo ya go phela go ya go yye ho lefaseng ke kgopela le yemelele.” Bo ba di bonneng ba re batho ba go teya ka ku ga hafo ya 20 000 ba yye ba yemelela. Ke mokane Mogageru Rutherford a re: “Ye Lune! Mogoba wo Mogolo!” Ba thomisa go hlakela. Bo ba gore ba tlogamele ba di bonne gore a ba ba kgeta gore ba ye phela legedimong. Ba napa ba di tšiba gore a baa tlotsiwa ka moya wa Modimo wa go hlawolega. Ka letšatši la go latela gana hone mogahlanong, go kolobetsiwwe 840 ya batho, ba go tlala ne go le ba dinku tse dingwana.

⁴ Ka nthago ga polabolo yone, mosogana ye go bolabodiwweng ka yene le diketekete tsa batho ba bangwana ba yye ba lesetsa go ja sekgwa le go nwa wayini ga Selalelo sa Morena. Ba go tlala ne ba tikwa go tshwana le mogageru ye mongwana wa gore o tinyanafatsiye mo a re: “Ke lesetsiye go ja Selalelo ka 1935. Ke di bonne gabutši gore Jehova aa nhlawola ka moya wage gore ke ye phela legedimong mara ke na le tshepo ya go phela ho lefaseng le go le maka gore go be pharadeyisi.” (Mrm. 8:16, 17; 2 Makor. 1:21, 22) Go tlugisela ka nako yonone, bo ba mogoba wo mogolo ba fo ya ba kene ba yeketsega fote ba berekisana gabutši le bo ba šeleng ba go tlotsiwa. *

5. Bo ba gore ba lesetsiye go ja Selalelo, Jehova o ba tseya ka mokgo mang?

⁵ Bo ba gore ba lesetsiye go ja Selalelo ka 1935, Jehova o ba tseya ka mokgo mang? Byalo go nyoko makega ying ka Hlatse ya gore yi kolobetsiwwe fote yi ja Selalelo sa Morena ke mokane ka nthago yi tla yi di bona gore a ya tlotsiwa? (1 Makor. 11:28) Ba bangwana ba jile Selalelo ka taba la gore ne ba sa kwisisi gabutši. Mara mo ba ka yamogela gore ke mo di ba tlonnye ba lesetsa go ja, ba boya ba ya mahlong ba berekela Jehova ba kene ba tshepegiye, a go jiki o nyoko ba bala ga dinku tse dingwana. Le mo ba sa sa ja sekgwa le go nwa wayini, a ba lesetse go tla Segopotsong ka taba la gore ba tseyela gedimo tso Jehova le Jeso ba ba makeleng tsona.

6. Jeso o butsiye mangeloyi gore ma make ying?

⁶ Ka taba la gore motšhatšhamelo wo mogolo o ho thina, di ka re tiyisa ka matla mo re ka lebelela Kutullo tema 7 gore yi re king ka taba ya Makreste ya go tlotsiwa le ka mogoba wo mogolo wa dinku tse dingwana. Jeso o botsa mangeloyi gore ma ye mahlong ma thibelele kanne ya diphefo tsa go sinyanya. Ma sa lesetse diphefo tsone go  segela Makreste ka mokana ga wona ya go tlotsiwa ma šele ma na le setwaba, so se relang gore Jehova wa ma yamogela. (Kut. 7:1-4) Patela yo bobhuti wa Kreste ba go tlotsiwa ba nyoko yi krayang ke ya gore ba lawole naye ku legedimong go le magoši le maprista. (Kut. 20:6) Ka mokana ga bona bo go leng ba mutši wa Jehova wa ku legedimong, ba yemele go bona mo ba 144 000 ba gore ba tlotsiwwe ba kraya patela ya bona ya go ye phela legedimong.

7. Kutullo 7:9, 10 yi re Johane ke mo a bona bomang ga mmono wage, fote ne ba maka ying? (Lebelela sethombhe sa ka tawong.)

⁷ Ka nthago ga mo Johane a bolabodiye ka 144 000 ya magoši ya gore fote ke maprista, o bona selo se sengwana sa go jabodisa “mogoba wo mogolo” wa gore wo phonne Aremaghedoni. Mogoba wa bobedi a wo tshwane le wola wa mathomo ka taba la gore wo tlele ka matla fote aa šiyo ye a ka kgonang go wo balela. (Bala Kutullo 7:9, 10.) Ba “yapere dikobo tse ditšhwewu,” tsa go šupetsa gore a ba na selabi ba kganele kgole le dilo tsa lefase la Sathane fote ne ba kene ba tshepegiye mahlong ga Modimo le ga Kreste. (Jak. 1:27) Ba yahlamela gore ba phonne ka taba la tso di makiyeng ke Jehova le Jeso Senkunyana sa Modimo. Ye mongwana le ye mongwana o tshwere mphogo wa mopalema go šupetsa gore o jabolela taba ya gore Jeso ke Kgoši yo yi kgetiyeng ke Jehova.—Tshwanisa le Johane 12:12, 13.

8. Kutullo 7:11, 12 yi re botsa ying ka ba mutši wa Jehova wa ku legedimong?

⁸ Bala Kutullo 7:11, 12. Mo bo ba leng ku legedimong ba bona mogoba wo mogolo ba yye ba titshwara ka mokgo mang? Johane o bona ka mokana ga bona ba mutši wa Jehova wa ku legedimong ba jabodiye ka matla mo bo ba mogoba wo mogolo ba nyarela ba kene ba thanaka Modimo. Ba mutši wa Jehova wa ku legedimong ba nyoko jabola la go sa hlayisege mo go makega tso Johane a di bonneng ka mogoba wo mogolo mo wo phona motšhatšhamelo wo mogolo.

9. Kutullo 7:13-15, yi re king so bo ba mogoba wo mogolo ba tshwaraganneng ka sona gana byalo?

⁹ Bala Kutullo 7:13-15. Johane o ngwadiye gore mogoba wo mogolo wo “yedisiye dikobo tsa wona gore go be tse ditšhwewu fote ka madi ya Senkunyana.” Tsotsone di šupetsa gore makwalo ya bona ma yediye fote ma lukiye mahlong ga Jehova. (Jes. 1:18) Ke Makreste ya gore ma tineyele fote ma kolobetsiwwe ma šupetsa gore ma na le tumelo ga sehlabelo sa Jeso fote ma na le senghana sa thina ka matla le Jehova. (Joh. 3:36; 1 Pet. 3:21) Byalo, a di ma roni go yema mahlong ga setulo sa Modimo sa go lawola ma mo makela “mmereko wa go hlawolega bošego le motshegare” ho lefaseng. Le gana byalo lo, ma sa šupetsa matšato mo ma kene ma maka mmereko wa go tšhomayela ka Mmušo wa Modimo le wa go maka batho gore go be malata le go yetisa tsa Mmušo wa Modimo mahlong.—Mat. 6:33; 24:14; 28:19, 20.

10. King so bo ba mogoba wo mogolo ba sa se kamakeng, fote ba tshepisiwwe ying tsa gore ba nyoko di bona di makega?

¹⁰ Mogoba wo mogolo wa gore wo phonne motšhatšhamelo wo mogolo a wo kamake gore Modimo a ka sa lesetse go ya mahlong a kene a wo pasopa ka taba la gore “ye a duling setulong sa go lawola o nyoko phurullela batho letente lage.” Ba dinku tse dingwana ba wonngwe go bona dilo ka moka tso ba tshepisiwweng tsona di makega tsa gore: “[Modimo] o nyoko sola menepedi ka moka mahlong ya bona, likgu le ko ba le sa sa le šiyo, go lla le go kwa go baba di ko ba di sa sa le šiyo.”—Kut. 21:3, 4.

11-12. (a) Kutullo 7:16, 17, yi re bo ba mogoba wo mogolo ba nyoko rufiwa ka ying ku mahlong? (b) Bo ba dinku tse dingwana ba ko ba ba maka ying Segopotsong, fote ke ntaba?

¹¹ Bala Kutullo 7:16, 17. Gana byalo malata  ya Jehova ya mangwana ma šigamisa ke tlala ka taba la go gayela sekwetše kela ka taba la dintwa tsa go sa fele. Ba bangwana ba ba fošele jele ka taba la tumelo ya bona. Mara bo ba mogoba wo mogolo ba jabodisa ke go tšiba gore mo dilo tsa lefase lo la go befa la Sathane go fela ka tsona, ba nyoko dula ba ja ba boya ba ro ragela ba boya ba tšhuta tsa go tlala ga tso tsa Modimo. Mo Jehova a fetsa ka lefase la Sathane wo nyoko tšhireletsa mogoba wo mogolo gore wo sa wele ke go kwata gage ga nkare ke “letšatši la go tšhubelela.” Jeso o nyoko ba yetetsa gore ba ye sedibeng sa “meetši ya lephelo [la go ya go yye]” mo motšhatšhamelo wo mogolo o šele wo fediye. Phela tshepo yo mogoba wo mogolo wo nang nayo yi di phala ka moka. Ga batho ba dibhiliyoni ka mokana ga tsona bo ba yyeng ba phela ho lefaseng, mo yi le bona ba ka sa sa leka ke likgu!—Joh. 11:26.

¹² Bo ba dinku tse dingwana ba leboga Jehova le Jeso ka tshepo yo ba nang nayo ya go sa hlayisege! Le mo ba sa kgetiwa gore ba ye phela legedimong, tsone a di rele gore Jehova aa ba tseyele gedimo. Megoba yone ka mmedi yi ka thanaka Modimo le Kreste. Se sengwana so ba ka se makang gore ba thanake Jehova ke go ba gona Segopotsong.

13-14. Ke ntaba batho ka mokana ga bona ba tshwanele ba tle Segopotsong sa likgu la Kreste?

¹³ Ga mengwaganyana ya go fela, di ka makega gore ga 1000 ya batho bo ba tlileng Segopotsong nka wweši ye a jileng sekgwa le go nwa wayini. Diphutego tsa go tlala ho lefaseng a di na le ka wweši ye a jang sekgwa le go nwa wayini Segopotsong. Ba go tlala bo ba tlang Segopotsong tshepo ya bona ke ya go phela ho lefaseng. Byalo, ke ntaba ba tla ga Selalelo sa Morena? Taba ya gore batho ba tla Segopotsong re ka yi tshwanisa le mo batho ba ya mošadhong wa monghana. Mo ba ya mošadhong ba šupetsa monghana bona gore ba mo nyaka ka matla, fote baa mo thega. Byalo, bo ba dinku tse dingwana ba ya Segopotsong ka taba la gore ba nyoko šupetsa Kreste le bo ba go tlotsiwa gore ba ba nyaka ka matla fote baa ba thega. Bo ba dinku tse dingwana ba tla Segopotsong go šupetsa gore ba leboga sehlabelo sa Jeso so se makang gore ba thogo kraya lephelo la go ya go yye ho lefaseng.

 ¹⁴ Selo se sengwana so se makang gore bo ba dinku tse dingwana ba tle Segopotsong ke gore ba thogo theetsela so Jeso a se hlayyeng. Mo Jeso a maka Selalelo sa mathomo a na le mapostola yage ya go tshepega o ma butsiye gore: “Le duleneng le maka tsotso le kene le ya mahlong le n’gopola.” (1 Makor. 11:23-26) Mo go kene go sa na le ba go tlotsiwa ho lefaseng, bo ba dinku tse dingwana ba ka sa lesetse go ya mahlong ba gopola Selalelo sa Morena. Gabutšibutši bo ba dinku tse dingwana ba mema batho ka mokana ga bona gore ba tle Segopotsong.

15. Mo re le Segopotsong re ka thanaka Modimo le Kreste ka mokgo mang?

¹⁵ Mo re le Segopotsong re thulegela ke lešuba la gore re thanake Modimo le Kreste ka go yepelela le go rapela. Hlogotaba ya polabolo ya Segopotso sa mongwaga wowa yi re “Leboga Modimo le Kreste ka so ba go Makeleng Sona!” Polabolo yowa yi nyoko maka gore re leboge Jehova le Kreste ka matla. Mo go kene go sipidisiwa sekgwa le wayini, rune bo re leng Segopotsong re nyoko gopola gore di yemela ying—mmele le madi ya Jeso. Re nyoko gopola gore Jehova o neyele ka Morwayi wage gore a tle a re kgwele gore re thogo kraya lephelo. (Mat. 20:28) Mo nkare re ya resa gore Papa wa rune wa ku legedimong le Morwayi wage re ba nyaka ka matla re nyoko tla Segopotsong.

16. Bo ba gore ba tlotsiwwe le ba dinku tse dingwana ba tshwana ka mokgo mang?

¹⁶ Jehova aa tseye gore bo ba go tlotsiwa ba phala ba dinku tse dingwana. Ka mokana ga bona o ba tseya go tshwana. Mo a reka bo ba go tlotsiwa, le bo ba dinku tse dingwana o ba rekiye ka patela ya go lekana go leng lephelo la Morwayi wage. So ba sa tshwaneng ka sona ke tshepo yo ba nang nayo. Megoba yo ka mmedi di nyaka yi dule yi tshepegiye ga Modimo le Kreste. (Pis. 31:23) Fote o sa lebale gore moya wa go hlawolega wa Modimo wo ka bereka go tshwana, ga ka mokana ga rune. Tsotsone di ra gore mo Jehova a re neya moya wage wa go hlawolega o neya ye mongwana le ye mongwana go ya ka tso a di gayelang.

17. King so ba go tlotsiwa ba se yemeleng?

¹⁷ Makreste ya go tlotsiwa a maa belegiwa ma na le tshepo ya go ye phela legedimong. Tshepo yo ma nang nayo ma ro yi neya ke Modimo. Tshepo ya wona ya go ye phela legedimong ma ghayela ka yona, ma rapela ka yona fote ma yi yemele ka maahlo ya makhubedu. Mara a ba di tšibi tsa gore mmele wa bona wa moya wo nyoko ba wo le byang. (Mafil. 3:20, 21; 1 Joh. 3:2) Le mo go le ka mokgonone, ba di yemele ka matla go gahlana le Jehova, Jeso, mangeloyi le ka mokana ga bona ba go tlotsiwa. Ba di nabela  ka matla tsa gore ba be ggoši Mmušong wa legedimong.

18. King so bo ba dinku tse dingwana ba se yemeleng?

¹⁸ Dinku tse dingwana di jabolela tshepo ya go phela go ya go yye ho lefaseng go leng so se nabelang ke batho ka mokana ga bona. (Mmo. 3:11) Bo ba dinku tse dingwana ba di yemele ka maahlo ya makhubedu go tšhentšha lefase ka mokana ga lona gore go be pharadeyisi. Ba yemele gore go segele nako ya gore ba yage dintlo tsa bona, ba gaše mašemo, fote ba gudise le bana ba gore ba yenele. (Jes. 65:21-23) Ba nyoko sepela sepela ba bona lefase, dithaba, mašahla le mawatle, fote ba boya ba tšhuta ka tsa go tlala tso Modimo a di makiyeng. Fote so se ba jabodisang ka matla ke go tšiba gore senghana sa bona le Jehova se nyoko ya mahlong se kene se tiyelela.

19. Segopotso se thulela ye mongwana le ye mongwana lešuba la gore a make ying, fote Segopotso sa mongwaga wowa se nyoko tshwariwa leng?

¹⁹ Jehova o neyye malata yage ka mokana ga wona tshepo ya go di phala ka moka. (Jer. 29:11) Segopotso sa likgu la Jeso se thulela ye mongwana le ye mongwana lešuba la go thanaka Modimo le Kreste ka tso ba re makeleng tsona gore re thogo jabolela lephelo la go ya go yye. Segopotso ke mogahlano wo Makreste ma wo tseyelang gedimo ka matla. Segopotso se nyoko tshwariwa mo letšatši le sa tšwa go kgwalala ka Mokibela wa di 27 tsa March, 2021. Ga mongwaga wowa ba go tlala ba nyoko tla Segopotsong ba sa šitise ke selo. Ba bangwana ba nyoko tla le mo ba kene ba ganetsiwa. Ke mokane ba bangwana ba nyoko gopola likgu la Jeso ba kene ba le jele. Mo Jehova, Jeso le ba mutši wa Modimo wa ku legedimong ba kene ba lebelele, nkare diphutego ka mokana ga tsona, mogoba kela motho ye mongwana le ye mongwana a ka jabolela Segopotso!