1-2. (a) Ke ntaba di sa nyake re makala mo ba re rakela go berekela Modimo? (b) Re nyoko petapeta ka ying ga hlogotaba yowa?

KA 2018, batšhomayedi ba ditaba tsa go bafala ba go teya ka ku ga 223 000, ba go tšwa ga dipoleke tsa mehlobohlobo, ba yye ba ba rakela tsa go sa hlayisege gore ba sa sa berekela Modimo. Tsone a di makatse. Ga hlogotaba ya go fela, re di bonne gore Makreste ya mannete maa di tšiba gore ma nyoko hlorisiwa. (2 Thim. 3:12) Di ka sa yi ka gore motho o dula kaye, mara tsa go re rakela gore re sa berekele Modimo wa rune Jehova ye re mo nyakang ka matla, di ka fo re kutulugela nako ye nngwana le ye nngwana.

² Mo mmušo wa mo wene o dulang o ka fo thomisa go rakela Dihlatse gore di sa berekele Jehova, o ka tiputsisa diputsiso tsa go tshwana le tso: ‘Ayitsano go hlorisiwa mowa go rela gore Modimo aa sa re nyaka? Nje go hlorisiwa mowa go nyoko maka gore re sa sa rapela Jehova? Nje di nyaka gore ke rurele ga poleke ye nngwana ya gore mmereko wa rune a ba wo rakele?’ Ga hlogotaba yowa re nyoko petapeta ka diputsiso tsone. Fote re nyoko bolabola ka taba ya gore re ka maka byang gore re ye mahlong re kene re berekela Jehova le mo mmereko wa rune ba wo rakela le gore ke melabo yifeng yo di nyakang re yi pasope.

3. Makorente wa Bobedi 11:23-27 yi re Pawulo wa lepostola wa go tshepega o yye a gahlana le tsa mošaga mang, fote re ka tšhuta ying ga tso a yyeng a gahlana natso?

³ Mo ba mmušo ba re hlorisa, re ka fo tseya gore Modimo aa sa re nyaka. Mara re sa lebale gore mo re hlorisiwa, a di rele gore Modimo o re kwatele. Tseya ka Pawulo wa lepostola. Ke mo a jabodisa  Modimo. O ngwadiye 14 ya Mangwalo ya Segerika, fote ke mo go le lepostola ga ditšhaba. Mara le yene o yye a hlorisiwa go baba. (Bala 2 Makorente 11:23-27.) Tso di makegeleng Pawulo wa lepostola wa gore ke mo a tshepega, di re tšhutisa gore ka nakwenngwana Jehova o lesetsa malata yage ma hlorisiwa.

4. Anthe lefase le re hloyele ying mara?

⁴ Jeso o f’lo yi beya lekgwaying, gore ke ntaba re tshwanele re di tšibe gore re nyoko hlorisiwa. O yitseri re nyoko hloyiwa ka taba la gore a yi rune ba lefase lo. (Joh. 15:18, 19) Mo re hlorisiwa a di rele gore Jehova aa sa re nyaka. Di fo ba di šupetsa gore re yi tshwere!

5. Nje o gona ye a ka makang gore batho ba sa sa berekela Jehova? Hlatolla.

⁵ Aa šiyo le ka wweši ye a ka makang gore batho ba sa sa berekela Modimo wa Matšhika ka moka, Jehova. Ba go tlala ba liketsiye, mara a di ya maka. Lebelela so se makegiyeng ka Ntwa ya Bobedi ya Lefase. Ka nako yononeng, Dihlatse tsa Jehova di yye tsa hlorisiwa ke ba mmušo ga dinaga tsa go tlala. Manazi ya ku Jeremane ke mo go se wona ma ntoši ya ne ma rakela mmereko wa Dihlatse tsa Jehova, tsotsone ke mo di makega le ga mmušo wa Australia, wa Canada le wa mafaseng ya mangwana. Bona gore go makegiye ying. Ka 1939 mo go thomisa ntwa, ne go na le 72 475 ya batšhomayedi ho lefaseng ka mokana ga lona. Dipalo di šupetsa gore mo ntwa yi šele yi bakiye mafelelong ka 1945, Jehova o yye a rufa batho bage ke mokane batšhomayedi ba segela ga 156 299. Palo yone ya batšhomayedi yi yye ya tokegelana!

6. Go ka ba le maphomela ya mohlobo mang ya gabutši le mo re hlorisiwa? Beyisa.

⁶ Go hlorisiwa go napa go re maka gore re kwe re di nyaka ka matla go berekela Jehova. Mo re beyisa, babelegi ba bangwana ba gore ke mo ba na le morwayi ka wweši, ba yye ba dula ga naga ya gore ne ba rakediwwe gore ba sa rapele Jehova. Mara a sanka ba hlagasedisa ke selo, ba yye ba kenela mmereko wa go tšhomayela go le mašupatsela ya nako ka moka. Mosadi o yye a lesetsa le mmereko wa gore ne wo mo golela gabutši gore a thogo kenela mmereko wa go tšhomayela. Monna wa mosadi yene o bolabodiye ka taba yone ya go ba rakela, a re yi makiye gore batho ba go tlala ba šinye ba tiputsisa ba sa fetsi ka Dihlatse tsa Jehova. Sone se mo makiye gore a kraye di le lola tsa go tšhuta le batho Baebele. Go rakediwa mone go makiye gore go be le maphomela ya gabutši ga ba bangwana. Mogolo ye mongwana wa go tšwa ga naga yone, o hlayye  gore batho ba bangwana bo ba yyeng ba lesetsa go berekela Jehova, ba yye ba thomisa go ya megahlanong le tšhomong.

7. (a) Re tšhuta ying ga Lefitiko 26:36, 37? (b) O nyoko maka ying mo re thomisa go hlorisiwa?

⁷ Mo manaba ya rune ma re rakela gore re sa rapele Jehova, gabutšibutši ma nyaka go maka gore re tšhabe le go mmerekela. Go tokegela ga taba yone ya go re phigisa, ba sabalatsa matsaka ka rune, ba romela ba mmušo gore ba ye hlola mitši ya rune gore ayitsano a ra wutega selo, fote ba re gapeletsa go ya khota kela go re tshwara ba re yisa jele. Ba fo tseya gore re nyoko lelemela ka taba la mo ba yisiye ba bangwana ba rune jele. Mo re ka fo ba yikela gore ba re tshosanye, re nyoko lesetsa go rapela Jehova. A re nyake go tshwana le bo go bolabodiwweng ka bona ho ga puku ya Lefitiko 26:36, 37. (Bala.) Re ka sa lesetse letšhogo le re maka gore re šepise kela re lesetse go berekela Jehova. Re tshepa Jehova ka dipelo tsa rune di felegelele fote a re nyake go boya re ro hlagasela. (Jes. 28:16) Re rapela Jehova gore a re yetetse. Re di tšiba gabutši tsa gore mo Jehova a na le rune, nnete a wo šiyo mmušo wa ho lefaseng wa gore wo ka re maka gore re lesetse go berekela Modimo wa rune ka go tshepega.—Maheb. 13:6.

8-9. (a) Ke sepheto sefeng sa gore Mokreste o tshwanele a timakele sona kela go se makela ba mutši wage? (b) King so se ka gelepang motho gore a segelele sepheto sa gabutši?

⁸ Ka nakwenngwana mo ba mmušo ba thomisa go rakela taba ya go rapela Jehova ga poleke yo o dulang ga yona, o ka thomisa go tiputsisa gore nje di nyaka ke rurele ga poleke ye nngwana ya gore nka thogo berekela Jehova ke sa phiriketse ke selo. Sone sepheto ke sago, aa šiyo ye a ka go makelang sona. Ba bangwana ba ka fo thomisa ka go bala ka tso Makreste ya ku botala ma yyeng ma di maka mo ma hlorisiwa. Ka nthago ga mo manaba ya Stefano ma mmolayye ka go mo pshaya ka matlapa, malata ya ku Jerusalema ma yye ma palakana le Judiya le Samariya, ke mokane ba bangwana ba sobelela Funikiya, Tsipero le Antiyokiya. (Mat. 10:23; Meber. 8:1; 11:19) Mara, ba bangwana ba ka nagana gore ka nthago ga go hlorisiwa mo ne go le gona ka dinako tsa mapostola, Pawulo a sanka a tloga ga dipoleke tsa gore ke mo ba rakela mmereko wa go tšhomayela. O yye a fo dula le mo a kene a bona go bifiye, gore a thogo sabalatsa ditaba tsa go bafala le go tiyisa magagabo ya ne ma hlorisiwa.—Meber. 14:19-23.

⁹ Re tšhuta ying ga dilo tsowa ka mokana ga tsona tso di makegiyeng? Hlogo ya mutši ke yona yi tshwaneleng go segelela sepheto sa gore baa rura kela e-e. Mo a soko bane a segelela sepheto sone, di nyaka a rapele a boye a nagane ka mutši wage gore di nyoko ba tshwara byang mo ba ka fo rura. Ga taba yowa, Mokreste ye mongwana le ye mongwana o tshwanele ke go fo “rwala morwalo wage.” (Magal. 6:5) A di nyake re yahlula ba bangwana ka sepheto so ba se segeleleng.

10. Ofisi ya lekala le bagolo ba nyoko re yetetsa ka mokgo mang?

¹⁰ O ka ya mahlong o berekela Jehova ka mokgo mang le mo ba go rakela? Ofisi ya lekala ke yona yi nyoko botsang bagolo gore ba make ying ga taba yone, ya ba botsa gore tso tsa Modimo ba ka di kraya ka mokgo mang, gore re ka tshwara megahlano ya rune byang le gore re ka tšhomayela byang. Mo di ka makega gore ofisi ya lekala yi sa kgone go bolabola le bagolo, bagolo ba nyoko gelepa wene le magageru ka mokana ga wona gore le thogo ya mahlong le berekela Jehova. Ba nyoko re yetetsa ba berekisa tso Baebele yi di bolabolang le tso re tšhutisiwang tsona ho dikgatisong tsa rune.—Mat. 28:19, 20; Meber. 5:29; Maheb. 10:24, 25.

11. Ke ntaba o ka tshepa o tiyisiye gore o nyoko dula o kraya tsa go go tiyisa tumelo fote o ka maka byang gore o pasope dipuku tsago?

 ¹¹ Jehova o tshepisiye malata yage gore ma nyoko kraya dilo ka mokana ga tsona tso di nyoko ma gelepang gore ma tiyise tumelo ya wona. (Jes. 65:13, 14; Luka 12:42-44) O ka tshepa o tiyisiye gore mokgahlo wa Modimo o nyoko go gelepa ga se sengwana le se sengwana gore o dule o tiyelele tumelong. King so wene o ka se makang? Mo ba thomisa go rakela, leketsa go kraya poleke ya go wutetsa Baebele yago le dikgatiso kela dipuku tso o nang natso. O sa fo di šiya mo di bonalang—le mo go ka fo ba go le tsa gore di ho fowunung kela go gongwana, solanka ba ka sa di kraye lola. Ka mokana ga rune di nyaka re leketse ka matla go tipasopa gore re dule re tiyelele ga tso tsa Modimo.

12. Bagolo ba ka maka byang gore mo re ya megahlanong di sa nape di šupetsa?

¹² Byalo go nyoko makega ying ka megahlano ya rune ya beke ye nngwana le ye nngwana? Bagolo ba nyoko maka gore mo re ya ga megahlano yone, di sa nape di šupetsa, wa kraya re šele re tipitsela mahlo ya batho. Ba ka fo maka gore re gahlane ka dikopa, kela ba ka tšhentšha-tšhentšha dinako le poleke tsa go gahlanela ga tsona thina le thina. Di nyaka re sa rase mo re tla megahlanong le mo yi šele yi tšhayye ya megahlano, gore re sa bakele magageru bothatha. Mo le yapara le sa nape le tšhepa.

13. King so re se tšhutang ga magageru ya ku Soviet Union?

¹³ Gore re maka-maka byang ga taba ya go tšhomayela, di ko fo ya ka gore seyemo se byang ga poleke ye nngwana le ye nngwana. Ga Jehova re mo nyaka ka matla, fote re jabolela go botsa batho ka Mmušo wage, byalo re nyoko dula re nyaka lešuba la go tšhomayela. (Luka 8:1; Meber. 4:29) Emily B. Baran wa go tšhuta ka dilo tsa botala o bolabodiye ka mmereko wa go tšhomayela wa Dihlatse tsa Jehova nakwela di le ga Soviet Union ya botala, a re: “Mo ba mmušo ba botsa Dihlatse tsa Jehova gore di sa sa tšhomayela, dihlatse di f’lo ya mahlong di bolabola le bayagelani ba tsona, bo ba berekang natso, le banghana ba tsona. Ba yye ba fetsa ba di tshwere ka taba lolone ba di yisa jele, ke mokane gana mone jele di yye tsa tšhomayelela dibotšhwa.” Le mo ba ma rakele, magageru ya ku Soviet Union a sanka ma lesetsa go tšhomayela. Go fo tshwana le magageru yawa, le wene nkare o ka ya mahlong o tšhomayela le mo o dula ga poleke ya gore mmereko wa rune baa wo rakela.

14. Pisalema 39:1 yi nyoko re gelepa gore re sa kene molabong wa mošaga mang?

¹⁴ Pasopa, o sa fo lla go hlaya taba ye nngwana le ye nngwana. Ka nako ya mo ba re rakela, di nyaka re tšibe gore ke leng mo di nyakang ‘re fo re tse!’ (Mmo. 3:7) Dilo tso di sa nyakeng re di botsa motho ke tsa go tshwana le mabitso ya magageru, dipoleke tso re gahlanelang ga tsona, gore re tšhomayela byang le ka mokgo re krayang tsa go ja tso di nyoko tiyisang senghana  sa rune le Modimo. Fote le ba mmušo re ka sa ba botse selo; kela ra botsa banghana ba rune kela mašaga ya rune ya ma leng ga mafase ya mangwana. Mo re ka fo yi lahla, re nyoko bolayisa magageru.—Bala Pisalema 39:1.

15. Sathane o nyoko leketsa go re maka ying, fote re ka wo tšhabelela byang molabo wone wage?

¹⁵ Re sa yikele dilo tse dinyana di re yahloganya. Sathane o di tšiba gabutši tsa gore mo mutši wo yahloganne, o ka sa ro yema. (Mar. 3:24, 25) Byalo a ka sa lesetse go liketsa go re yahloganya. Ka mokgonone, o fo tseya gore re nyoko thomisa go ngapanana rune ka borune, ra lesetsa go lwa naye.

16. King sa gabutši so se makiyeng ke mogageru wa mosadi ye ba reng ke Gertrud Poetzinger sa gore re ka kopisela ga sona?

¹⁶ Le bo ba gore ke botala go le Makreste di nyaka ba pasope gore ba sa goromele ga molabo wone. Tseya ka magageru yawa ka mabedi ya basadi ya gore ma tlotsiwwe, ba re ke Gertrud Poetzinger le Elfriede Löhr. Ke mo ba yisiwwe kampeng ya mahloriso ya Nazi, ba na le magageru ya mangwana ya Makreste ya basadi. Mo Elfriede a beya polabolo ya go tiyisa magageru ya mone kampeng, Gertrud o yye a mo jela mona. Ka nthago, Gertrud o yye a tšebisa ke mona wage, ke mokane a kgopela Jehova gore a mo gelepe. O yitseri, “Di fo nyaka re tšhute go yamogela mo ba bangwana ba kgona dilo go re phala, kela ba nyakiwa ka matla go feta rune.” Gertrud o di kgonne byang go lahla mona? O yye a lebelela mekgwa ya gabutši ya Elfriede le ka mokgo ne go le motho wa batho. Sone se yye sa maka gore senghana sa bona se boyele sekeng. Ka babedi ga bona ba yye ba thogo tiyisela le go ya mahlong ba berekela Jehova ka go tshepega go segela ba fetsa lephelo la bona ho lefaseng. Mo re ka fo karakara ka matla gore re sa yahlogane le magageru mo re sa fitisanang gabutši, re nyoko phona molabo.—Makol. 3:13, 14.

17. Ke ntaba di sa nyake re tiwomisa dihlogo?

¹⁷ O sa tiwomisi hlogo. Mo re ka fo latelela tso re butsiwang tsona ke magageru ya go tshepega, ya gore ma hlupega ka matla gore ma pasope phutego, re nyoko phona tsa go tlala. (1 Pet. 5:5) Mo re beyisa, ga mafase ya mangwana ya gore mmereko wowa baa wo rakela, magageru ma yye ma botsa batšhomayedi gore ba sa neye batho dipuku mo ba le tšhomong. Mara mogageru ye mongwana wa mošupatsela ga poleke yone, o yye a tithibisa ditsebe, a fo ya mahlong a kene a sabalatsa dikgatiso tsela. Di feleletsiye byang? Ka nthago ga mo a fetsiye go tšhomayela le bo ne a le nabo, maphodisa ma yye ma ba kenelela ka diputsiso. Di šupa nkare ba mmušo ke mo ba ba lebelele, ba šinya ba kraya dikgatiso tso ba di neyyeng batho. Re tšhuta ying ga so se makegeleng magageru yawa? Di nyaka re fo latelela tso ba re botsang tsona le mo re bona nkare re tšiba dilo. Jehova aa lesetse go  re rufa mo re berekisana le magageru ya gore yene mong o ma hlawodiye gore ma re yetetse.—Maheb. 13:7, 17.

18. Ke ntaba di sa nyake re beya melawo ya go sa fele?

¹⁸ O sa beye melawolawo. Mo bagolo ba ka fo maka melawo ya go sa fele, ba nyoko hlupa phutego. Mogageru Juraj Kaminský o sa gopola so se makegiyeng ka nakwela ba ba rakela ku Czechoslovakia ya botala, o re: “Nakwela magageru ya go yeta mahlong le bagolo ba go tlala ba tshwariwwe, ba bangwana ba gore ke mo ba yeta mahlong ka ho diphutegong le medukulogong ba yye ba thomisa go beyela batšhomayedi melawo ya go sa fele ya go ba botsa gore ba make ying ba sa make ying.” Jehova aa nyake re makela ba bangwana dipheto. Ye a beyang melawo ya go sa fele aa pasope magagabo—o timaka nkare ke yene mowokamedi.—2 Makor. 1:24.

19. Le mo Sathane a karakara ka matla gore a re wise, lengwalo la 2 Dikoronika 32:7, 8 le re tiyisa byang?

¹⁹ Lenaba la rune le legolo lo ba reng ke Sathane, a ka sa lesetse go poyila Jehova le go hlorisa malata yage ya go tshepega. (1 Pet. 5:8; Kut. 2:10) Sathane le batho bage ba nyoko leketsa ka matla gore ba re rakele, re sa rapele Jehova. Mara, a di nyake re napa re hlagasela. (Dot. 7:21) Jehova o na le rune, fote o nyoko ya mahlong a na le rune le ho mmereko wa rune ba wo rakela.—Bala 2 Dikoronika 32:7, 8.

20. Wene o tikemisele ying?

²⁰ Nkare le rune re ka tshwana le magageru ya ku botala ka dinako tsa mapostola, ya gore ma yye ma botsa ba go lawola ba nako tsetsela gore: “Mo nkare di gabutši mahlong ga Modimo gore re theetsele lune, re sa theetsele Modimo, yahlolaneng lune beng. Mara mo go le rune re ka sa lesetse go bolabola ka dilo tso re di bonneng le tso re di kwileng.”—Meber. 4:19, 20.