KA HO Baebeleng, re tšhuta ka banna ba bangwana ba go tshepega ba gore ke mo go le “batho go tshwana le rune.” (Jak. 5:17) Mo re beyisa, re thogo kwisisa gabutši so Pawulo ne a se bolabola mo ga Maroma 7:21-24 mo a re: “Mo ke nabela go maka tsa go bafala, tso tsa go befa le tsona di fo ba gana ho ga ka. . . . Nkare ke ro ba le senyama wa tšiba!” Taba yowa ya re tiyisa mo re kene re lwa le go sa yenela ga rune.

Pawulo o yye a bolabola ka tse dingwana tso di yyeng tsa maka gore a tikwe ka mokgo mongwana. Mo ga Magalata 2:20, o bolabodiye a sa kamake gore Jeso ‘o mo nyakiye ka matla a boya a ro mo kgwela!’ Ayitsano ‘le rune re tikwa ka mokgonone’? Nakwenngwana go fo ba ka mbhitšane.

Mo nkare re kgongwetsa ke dilo tsa go kekema tso re yyeng ra di maka, o ka kraya re sa tshepe gore Jehova wa re nyaka le gore o re tshwarele, ra boya ra sa di tshepe rune beng tsa gore Jeso o re kgwele. Ayitsano Jeso o nyaka re di kwisise tsa gore go lepolliwa ke taba ye kgolo? Mo nkare go sone, re ka maka byang gore re make ka mokgonone? Tla re petapeteng ka diputsiso tsone ka dipedi.

Nnete ke gore Jeso o nyaka re tseya go re kgwela gage go le selo se segolo so a se neyyeng motho ye mongwana le ye mongwana. Re ka maka king gore re di tshepe tsotsone? Nagana ka taba yo yi leng ho ga Luka 23:39-43. Morene mongwana ke yewa, ba mo kokotele phateng thina le Jeso. Morenene a sanka a phigisa gore o yye a maka dilo tsa go befa. Fote tso ba mo makiyeng tsona tsa go mo kwisa go baba ka mokgonone ke mo go le tso di makiwang dikgohlane tsa gore ba di tseyela fase ka matla. Morenewa ka taba la gore dilo tsa go befa tso a di makiyeng ke mo di mo kgongwetsa, o yye a kgopela Jeso gore: “O sa n’lebale barena mo o kena Mmušong wago.”

Jeso o yitseri king? O fo nagana ka mokgo Jeso ne a kwa go baba ka gona mo a tshwanele a jikise hlogo ke mokane a lebelele sekgohlane sone mahlong. Mara le mo Jeso a kene a kwa go baba o yye a fo kgomoletsa morenene ka go mmotsa gore: “Ke ya go botsa lekgono, o nyoko ba le nna Pharadeyising.” Jeso nke a f’lo botsa morenene gore ‘Morwayi wa motho o tlele go neyela ka lephelo lage gore a lepolle ba go tlala.’ (Mat. 20:28) Mara nje o di bonne gore o yye a šihlela gore sehlabelo so sage se nyoko berekela morenene? Mo a berekisa lentsu lowa la gore “o” le la gore “nna,” o yye a maka gore morenene a mo tseye go le motho wa batho. Fote ke mo a botsa morenene gore o nyoko phela pharadeyising ho lefaseng.

Re ka bolabola re tiyisiye gore Jeso ke mo a nyaka gore morenewa a kwisise gore sehlabelo so ne le thina le go se maka ke mo se nyoko bereka le ga yene mong morenene. Mo nkare Jeso o yye a tikwa ka mokgonone ka sekgohlane sa gore le mong go berekela Modimo dhoo, nnete o kwela Mokreste wa gore o kolobetsiwwe wa gore fote o berekela Modimo. Byalo rune re ka gelepa king gore re tshepe gore likgu la Jeso le ka re berekela le mo re yye ra sinya ka matla?

Mmereko wa go tšhomayela wo gelepiye Pawulo gore a thogo kwisisa taba ya gore Jeso o yye a mo  kgwela. Byang mara? Mo a yatlala taba yage o re: “Ke leboga Kreste Jeso Morena wa rune ye a nneyyeng matšhika, ka taba la gore o mponne ke tshepega a boya a nneya le mmereko wa go tšhomayela le mo ne ke le motho wa go rogelelana, wa go hlorisana le wa sekokonono.” (1 Thim. 1:12-14) Mmereko wo Jeso a wo neyyeng Pawulo ke mo wo šupetsa gabutši gore o mo kwela bošuwana, wa mo nyaka fote wa mo tshepa. Le rune di napa di fo ba lekgwaying gore Jeso wa re tshepa ka taba la gore o re neyye mmereko wa go tšhomayela ditaba tsa go bafala. (Mat. 28:19, 20) Ayitsano mmereko wowa wa go tšhomayela a wo re šupetse gore Jeso o kgwele le rune?

Mogageru ye mongwana ye ba reng ke Albert wa gore o fetsiye gana hala ga bo 34 ya mengwaga a kgawodiwe, wa gore a yi botala a boyele ga Jehova, o re: “Tso ke yyeng ka di maka tsa go befa di phela di boyaboya ho monaganong gaka. Mara mo ke le tšhomong ke tikwa go fo tshwana le Pawulo wa lepostola, ka taba la gore mmereko wa go tšhomayela ke wo neyye ke Jeso. Sosone se maka gore ke dule ke jabodiye, ke nagane tsa gabutši ka nna beng, tsa lephelo laka, le ka tsa gabutši tso nko di krayang ku mahlong.—Pis. 51:3.

Allan wa gore mo a soko bane a tšhuta nnete ke mo a phela sephoofolo fote a kwana le go maka dilo ka tšhinghi o re: “A ke lebale dilo tsa go befa tso ke yyeng ka di maka batho. Sosone se dula se nkgongwetsa. Mara ke leboga Jehova mo a makiye gore sekgohlane sa go tshwana le nna se tšhomayelele batho ditaba tsa go bafala. Mo ke bona batho ba jabolela ditaba tsa go bafala ke napa ke di bona gore Jehova o lukiye ka matla fote di ya mo tshwanela gore a nyakiwe. O berekisa nna gore ke thogo gelepa bo ba hlupang ke dilo tsa go befa tso ba yyeng ba di maka ku nthago.”

Ho re le tšhomong, re nagana dilo tsa gabutši fote re maka tsa go tseya gabutši. Re napa re di bona ka mokgo Jeso a re kwelang bošuwana, a re nyakang le go re tshepa.

Go kgongwetsa ke tsa go befa tso re yyeng ra di maka go nyoko dula go re tlela, solanka lefase lowa la go befa la Sathane le soko bane le fela. Mara re ka gelepa king gore re sa sa kwisa go baba le dilo tsone?

Jean wa gore mo a sa gola ke mo a hlupa ke taba ya go tšhentšha-tšhentšha nkare ke lewobu, o re: “Ke jabodisa ke gore ‘Modimo ke ye mogolo go feta dipelo tsa rune.’” (1 Joh. 3:19, 20) Le rune re kwa yi re tikisa ka matla taba ya go tšiba gore Jehova le Jeso baa kwisisa gore ke rune batho ba go sinya. O sa lebale gore go lepolla a baa go makela batho ba go yenela mara ba go makele ba gore baa tisola mo ba sinnye.—1 Thim. 1:15.

Re šupetsa gore nnete yowa ra yi tshepa, mo re rapela re boya re ghayela ka tso Jeso a di makeleng batho ba go sa yenela ba ho lefaseng, le ka go bereka di re baba ga mmereko wo Jeso a re neyyeng wona. Le wene o ka fo bolabola go fo tshwana le Pawulo wa re: “Jeso o nnyakiye ka matla a boya a nkgwela.”