1. Go tšhentšhiye ying ga dipoleke tsa go tlala mengwaga ya go fela?

KE BOTALA batho ba go tlala ho lefaseng ba kene ba kena dikereke. Mara mengwaga yowa ya gana byalo dilo di tšhentšhiye ka matla. Batho ba go tlala a ba sa kena kereke. Gabutšibutši, batho ba go tlala ga mafase ya mangwana ba re bona a ba kene kereke. *—Mat. 24:12.

2. Batho ba go tlala ba maka king mo ba šinya ba sa kene kereke?

² Ke ntaba batho ba go tlala ba re bona a ba kene kereke? * Ba bangwana ba fokola ke menate kela go ka fo ba go na le tso di ba šekedisang. (Luka 8:14) Ba bangwana ba gore ke mo ba kena kereke gana byalo ba re a ba sa tshepa gore Modimo o gona. Ba bangwana baa dumela gore Modimo o gona mara a ba sa yi kena ya go ya kerekeng ka taba la gore ba bona go le dilo tsa botala, a di yi ka tsela, di phigisana le sayense fote a di kwagale. Ba ka fo kwa banghana ba bona, mathitšere ya bona kela batho ba mo ditabeng, gore lefase lowa le f’lo ba gona ka mohlolo, mara a yi ga go tlala ba kwa go bolabodiwa ditaba tsa go kwagala tso di ka makang gore ba dumele ga Modimo. Ba bangwana ba silikisa ke baruti ba go ba nyaka ditšheleta tsa go sa fele, fote ba kwana le go lawola. Ga dipoleke tse dingwana, mmušo wa gona wo na le melawo ya go babela batho ba gore ba nyaka go rapela Modimo.

3. Tabakgolo ho ga hlogotaba yowa ke yifeng?

³ Jeso o re butsiye gore re ‘make batho ba ditšhaba ka moka malata.’  (Mat. 28:19) Re ka ba gelepa byang bo ba gore a ba kene kereke gore ba kwane le tsa Modimo ke mokane ba be malata ya Kreste? Gore motho o di yamogela byang ditaba tso re mo tšhomayelelang tsona, di fo ya ka gore o golele kaye. Mo re beyisa, batho ba go tšwa Yuropo ba ka fo sa yamogele ditaba tsowa go tshwana le ba ku Asia. Ke ntaba? Ku Yuropo, batho ba go tlala go na le so ba se tšibang ka Baebele fote baa di tšiba tsa gore Modimo ke yene a makiyeng dilo ka mokana ga tsona. Mara ku Asia, batho ba go tlala a ba yi tšibi ka matla Baebele, fote ba ka fo ba ba sa dumele gore go na le ye a makiyeng dilo ka mokana ga tsona. Taba ye kgolo yo yi leng ho ga hlogotaba yowa ke ya go re gelepa gore re tikise dipelo tsa batho bo re ba tšhomayelelang, le mo go ka fo ba go le ba mohlobo mang.

4. Ke ntaba di nyaka re dula re nagana tsa gabutši ka batho ka moka?

⁴ Nagana tsa Gabutši ka Batho ka Moka. Mongwaga wo mongwana le wo mongwana, go ba le batho ba go tlala ba gore ke mo ba sa kene dikereke mara go feleletsa go le Dihlatse tsa Jehova. Ba go tlala ke mo ba kene ba phela lephelo la mayemo ya gedimo fote ba silikisa ke madumedi ya go timaka nkare wona ma tšiba Modimo. Ba bangwana ke mo ba phela lephelo la fase fote ba bangwana ke mo ba na le mekgwa ya go befa yo ne ba nyaka go yi lesetsa. Re dula re tshepa gore Jehova o nyoko re gelepa gore re kraye batho ba gore ba “tlalele gabutši ga tsa lephelo la go ya go yye.”—Meber. 13:48; 1 Thim. 2:3, 4.

5. King tso ga go tlala di makang gore batho ba theetsele molayetsa wa rune?

⁵ O be le Pelo ye Butši Fote o Pasope Tso o di Bolabolang. Ga go tlala, mo batho ba yamogela molayetsa wa rune, a yi ka taba la so re se bolabolang, mara ke ka taba la ka mokgo re beyang ditaba ka gona. Ba jabolela ka matla mo ba bona re ba tshwara gabutši, re bolabola nabo gabutši, fote re boya re tshegatshega nabo. A re ba gapeletse gore ba theetsele ka tšhinghi tso re ba botsang tsona. Re leketsa go kwisisa ka mokgo ba tseyang tso tsa sedumedi. Mo re beyisa, ba bangwana a ba kwane natso tsa go bolabola ka tsa sedumedi le batho ba gore a ba ba tšibi. Ba bangwana ba kwa nkare ke go ba delela ho motho a ba butsisa diputsiso ka Modimo. Ba bangwana fote ba kwa ba tšeba mo ba tšhutisiwa Baebele batho ba ba lebelele, ka matlamatla mo ba tšhuta le Hlatse ya Jehova. Rune re leketsa go kwisisa ka mokgo ba tikwang ka gona ga seyemo se sengwana le se sengwana.—2 Thim. 2:24.

6. Pawulo wa lepostola o šupetsiye ka ying gore o kwisisa batho, byalo rune re ka mo yekisela byang?

⁶ Re ka maka byang mo motho a šupetsa a sa lokologe mo re bolabola naye ka mantsu ya go tshwana le “Baebele,” “hlago,” “Modimo,” kela “tsa sedumedi”? Le rune re ka mo yekisela ga Pawulo, ra tšhentšha ka mokgo re bolabolang nabo. Nakwela Pawulo a bolabola le Majuda, ke mo a berekisa Mangwalo. Mara, nakwela a bolabola le batho ba ku Gerika hala Ariyopagase ba go bolabola dilo tsa go fo tikhandela, aa hlaya gore tso a di bolabolang di tšwa ka Baebeleng. (Meber. 17:2, 3, 22-31) Re ka mo yekisela byang ga Pawulo? Mo o gahlana le motho wa gore aa nyake go kwa selo ka Baebele, di gabutši gore o sa hlaye gore tso o di bolabolang di tšwa Baebeleng. Mo o ka fo bona motho a sa lokologe go bolabola nago ka Baebele batho ba mo lebelele, leketsa go berekisa fowunu, gore di sa nape di šupetsa.

7. Ka mokgo lengwalo la 1 Makorente 9:20-23 le bolabolang, king so re tshwaneleng re se make go fo tshwana le Pawulo?

⁷ Ba Kwisise Fote o ba Theetsele. Di nyaka re kwisise ka mokgo batho bo re gahlanang nabo ba tikwang ka gona. (Diy. 20:5) Tla re bolaboleneng ka Pawulo fote. O golele Majudeng. Mara ke mo di nyaka a tšhentšha matšhomayelelo yage ga batho ba gore a yi Majuda, bo ne ba tšiba ka go nyana ka Jehova kela ba sa tšibi selo ka yene le ka Mangwalo. Gore re thogo kwela batho ba ku tšhomong go baba le go ba kwisisa, di nyaka re nyakolle kela re butsise magageru ya gore ma butšuwe fote ke  botala ma ya tšhomong.—Bala 1 Makorente 9:20-23.

8. Re ka thomisa byang go bolabola le batho ka Baebele?

⁸ So re nyakang go se segelela ke go kraya “batho ba gabutši.” (Mat. 10:11) Gore re thogo segelela tsotsoneng, di nyaka re ba lesetse ba bolabole tso bona ba di naganang ke mokane re ba theetsele gabutši. Mogageru ye mongwana wa ku England o butsisa batho diputsiso tsa gore king so ba ka se makang gore ba jabole ka mutšing wa bona, ba ka gudisa byang bana ba bona le gore ba ka tiyisela byang mo ba sa tshwariwi gabutši. Mo ba fetsa go bolabola tso ba di naganang, o re, “O nagana ying ka mantsu yawa ya go ba le 2 000 ya mengwaga ma ngwadiwwe?” O hlawola temanyana ya Baebele ho fowunung gage ke mokane a ba šupetsa yona.

9. Re ka ba gelepa byang batho bo ba gore a ba di nyake go bolabola ka Modimo?

⁹ Re ka di kgona go segelela dipelo tsa batho ba go sa nyake go kwa selo ka Modimo, mo re ka fo bolabola ka dilo tso bona ba kwanang natso. Mo re beyisa, ba go tlala ba makatsa ke hlago. Byalo re ka fo re: “O ka fo ba o di tšiba gore mo ba tsa sayense ba maka metšhene ya bona ba ba ba kopisele ga dilo tso Modimo a di makiyeng. Mo re beyisa, mo ba khanda mbhošongho ba ba ba kopisele ga tsebe, fote mo ba maka khamera, ba kopisele ga lehlo. Mo o lebelele dilo tsowa, o nagana ying ka hlago? O nagana gore go ka fo ba go le dilo tsa gore di f’lo timakegela, di makiye ke motho, kela selo se sengwana?” Mo re šele re kwele so yene a se naganang, re ka fo re: “Mo batho bowa ba go maka metšhene ba tshwanisa ka ditsebe le mahlo ba maka gore re tiputsise gore anthe ba di tšhuta ga mang. Ke yye ka jabodisa ka matla ke taba yo yi bolabodiyeng ke morene mongwana wa go ngwala direto, o yitseri: ‘Nje ye a makiyeng ditsebe, yene wa kwa? Ye a makiyeng lehlo, yene wa bona? . . . Ke yene ye a makang gore ba hlalefe!’ Ba bangwana ba sayense le bona ba yema nayo taba yone.” (Pis. 94:9, 10) Re ka fo ba šupetsa vidiyo ga jw.org^® ka tlase ga “Dipolabodisano le tsa Botala” ga “Tso di Naganiwang ka tsa Gore Lephelo le Thomme Kaye.” (Ariye ga DIKGATISO > DIVIDIYO.) Kela re ka ba neya sepukwane sa Na Dilo tše di Phelago di Bopilwe? kela sa The Origin of Life—Five Questions Worth Asking.

10. Bo ba gore a ba di nyake go bolabola ka Modimo mara re ka ba kena ka kaye?

¹⁰ Batho ba go tlala ba nyaka go bona dilo di ba sepelela gabutši mo ba kene ba phela. Mara ba go tlala ba tšhoga gore lefase lowa go nyoko fela ka lona kela go ka sa sa dula le mong motho. Mopotulugi ye mongwana wa ku Norway mo a hlayisa o re, ga go tlala batho bo ba sa nyakeng go bolabola ka Modimo ba di nyaka ka matla tsa go bolabola ka tso di makegang ho lefaseng. Mo a fetsa go dumedisa batho, o yitseri: “O fo re king nje ka tsa gabutši  tso di nyoko makegang ku mahlong? Ayitsano re tshepele ga ba dipolotiki, ba sayense kela batho ba bangwana?” Mo a fetsa go kwa so motho yene a se naganang, o bala temanyana ya go bolabola ka dilo tsa gabutši tso di nyoko makegang ku mahlong kela go di hlatolla. Ba bangwana ba jabodisa ke tso Baebele yi di tshepisang tsa gore lefase le nyoko dula le le gona fote batho ba go loka ba nyoko phela go ya go yye.—Pis. 37:29; Mmo. 1:4.

11. Ke ntaba di le gabutši ka matla mo re tšhentšha-tšhentšha ka mokgo re bolabolang le batho bo re gahlanang nabo, fote Maroma 1:14-16 yi re re ka mo yekisela byang ga Pawulo?

¹¹ Di gabutši ka matla mo re tšhentšha-tšhentšha ka mokgo re bolabolang le batho bo re gahlanang nabo. Ke ntaba? Batho a ba tshwane. Tso di jabodisang ye mongwana di ka fo sa jabodisi ye mongwana. Ba bangwana a di ba hlupi tsa go bolabola ka Modimo kela ka Baebele, hala ba bangwana ba nyaka go thomisa ka go bolabola dilo tse dingwana nje. Ga seyemo se sengwana le se sengwana, re nyoko berekisa lešuba lo le thulegang gore re bolabole le mehlobo ka mokana ga yona ya batho. (Bala Maroma 1:14-16.) A re lebale gore Jehova ke yene ye a makang gore nnete yi gule ka dipelong tsa bo ba kwanang le tsa loka.—1 Makor. 3:6, 7.

12. Re ka maka byang gore re thogo tšhomayelela batho ba go tšwa mafaseng ya Asia ba gore a ba tseye gore Modimo o gona?

¹² Batšhomayedi ba go tlala lefaseng ka mokana ga lona ba gahlana le batho ba mehlobohlobo ba go tšwa ku Asia le ba go tšwa ga dipoleke tsa gore mmušo wa naga a wo ba dumelele go maka selo se sengwana le se sengwana sa go yelana le sedumedi. Ga dinaga tsa go tlala tsa Asia, ba go tlala a sanka ba leketsa go nagana le ka go nyana gore Modimo o gona. Ba bangwana ba nyaka go tšiba ke mokane baa dumela gore ba tšhutisiwe Baebele, mara ba bangwana baa gana. Mara king so re ka se makang gore re segelele dipelo tsa bona? Ba bangwana ba gore ke botala ba tšhomayela ba di bonne gore batho ba jabolela molayetsa mo o ka fo thomisa ka go bolabola nabo ka ditaba tse dingwana nje, go šupetsa gore ba hlupega ka bona, a ba ba wutetsele go ba botsa gore lephelo la bona le tšhentšhiye go tlugisela hala ba thomisang go berekisa ditšhiko tsa Baebele.

13. King so se ka makang gore batho ba nyake go tšiba ka Baebele? (Lebelela sethombhe sa ka tawong.)

¹³ So se makang gore batho ba jabolele molayetsa wa Baebele ke ka taba la tsa go hlalefa tsa yona. (Mmo. 7:12) Ku New York, mogageru ye mongwana wa mosadi wa gore o fela a vakašela batho ba go bolabola Semandarin, o re: “Ke šupetsa batho gore ke ya ba jabolela le go ba theetsela ho ke le tšhomong. Mo ke ba bona gore a yi batho ba ho ga poleke ya rune, ke na le go ba butsisa gore: ‘Yi go tshwere byang poleke yo? O fela o tshwara matogo nyana? Batho ba ho polekeng ba go tshwere byang?’” Ka nakwenngwana, mo a hlaya tsotsone di mo gelepa ka matla mo a nyaka go botsa motho ka taba ya go tšhuta Baebele. Mo mogageru yewa wa mosadi a bona seyemo se dumela, o butsisa gore: “Wene o bona nkare re ka maka byang gore re kwane le batho ba bangwana? Ke go šupetse seyema se sengwana ka ho Baebeleng? Se re: ‘Go thomisa ga ntwa go fo tshwana le go bulela mogogola mašuba; tšhaba go soko bane go befa.’ O bona nkare taba yowa yi ka re gelepa gore re kwane le batho ba bangwana?” (Diy. 17:14) Mo re bolabola le batho ka mokgonone, re ko thogo bona batho ba gore baa di nyaka go tšiba.

14. Mogageru wa ku Bohlabela bya Asia o ba gelepa byang batho bo ba gore a ba tshepe gore Modimo o gona?

¹⁴ Byalo re ka maka byang mo re gahlana le motho wa gore o ro re botsa gore yene aa tshepe gore Modimo o gona? Mogageru wa go tšwa Bohlabela bya Asia wa gore ke botala a tšhomayelela batho ba gore a ba kene kereke, o re: “Ga go tlala ho ga poleke yowa, mo o ka kwa motho a re, ‘a ke tshepe gore Modimo o gona,’ o ra gore aa rapele dilo tso di rapelang ke batho ba go tlala ga poleke yone. Ke ya dumela gore ga go tlala medimonyana yowa yi makiye ke batho fote ke ya matsaka. Ke na le go bala Jeremiya 16:20 ya gore: ‘Nje motho a ka  timakela medimonyana ya gore a yi medimo ya mannete?’ Ke mokane ke butsisa gore: ‘Re ka mo tšiba byang modimo wa mannete, fote ye a makiyeng ke batho yene re ka mo tšiba byang?’ Ke mo theetsela gabutši ke mokane ka mmalela Jesaya 41:23, ya gore: ‘Re botseneng tso di nyoko makegang ku mahlong, gore re thogo tšiba gore ke lune medimo.’ Ke mokane ke mo šupetsa selo so se šupetsang gore Jehova o hlayye botala dilo tso di sa ga tlang.”

15. Re tšhuta ying ga mogageru wa ku Bohlabela bya Asia?

¹⁵ Mogageru ye mongwana wa ku Bohlabela bya Asia mo a boyela la bobedi ga batho bo a yyeng a ba kraya o berekisa mokgwa wo mongwana ke wowa. O re: “Ga go tlala ke ba šupetsa tso Baebele yi di bolabolang tsa go hlalifisa, tso yi porofitiyeng ka tsona tsa gore di ya makega, le melawo ya go lawola hlago. Ke mokane ke ba šupetsa gore go na le ye a di makiyeng wa go hlalefa. Mo ke bona gore motho o thomisa go dumela gore Modimo o gona, ke mo šupetsa so Baebele yi se bolabolang ka Jehova.”

16. Maheberu 11:6 yi re ke ntaba di nyaka gore bo re balang nabo ba dumele ga Modimo ba boye ba tshepe so Baebele yi se bolabolang, fote re ka ba gelepa byang gore ba be ka mokgonone?

¹⁶ Mo re tšhuta Baebele le batho ba gore a ba kene kereke, di nyaka re ba gelepe re lefisiye pelo gore ba feleletse ba dumele gore Modimo o gona. (Bala Maheberu 11:6.) Fote di nyaka re ba gelepe gore ba tshepe so Baebele yi se bolabolang. Tsone di ka nyaka gore re boyelele dilo tse dingwana ga tleletlele. Mo re kene re tšhuta nabo Baebele, di ka nyaka gore re ba hlatolle dilo tso di šupetsang gore Baebele ke Lentsu la Modimo. Gana hone re ka tšhela le dilo tsa go tshwana le seporofeto sa Baebele, tsa sayense le dilo tsa nnete tso di yyeng tsa makega tsa ku botala, kela tso di šupetsang gore Baebele yi sa bereka le ho ga rune.

17. Mo batho ba di bona gore re ba nyaka ka matla, tsotsone di nyoko ba tšofa gore ba make ying?

¹⁷ Re gelepa batho gore go be malata ya Kreste ka go ba šupetsa gore re ya ba nyaka, le mo ba ka fo ba ba kena kereke kela e-e. (1 Makor. 13:1) So re nyakang go se segelela mo re kene re ba tšhutisa ke go ba šupetsa gore Modimo o ba nyaka ka matla, fote o nyaka gore le rune re mo nyake ka matla. Batho ba gore ke mo ba sa nyake go kwa selo ka tso tsa Modimo baa kolobetsiwa mongwaga wo mongwana le wo mongwana ka taba la gore ba šele ba kwana ka matla le tsa Modimo. Byalo di nyaka o lefise pelo, fote o šupetse batho ba mehlobo ka moka gore o ba nyaka ka matla fote o hlupega ka bona. Ba theetsele. Leketsa le go ba kwisisa. Maka gore ba kopisele ga tso o di makang gore ba thogo tšhuta gore go ba lelata la Kreste di ra gore king.