1. King sa gore a re se kamake fote ke ntaba?

 MO O lebelela mathatha ya go tlala ya ma makegang ho lefaseng, ayitsano ma maka gore di go thathafele go tshepa gore dilo di nyoko ba kawone? Mitši ya pshyayegana. Batho ba go tlala ba kwana le bokgohlane, ba tinyakela tsa bona beng fote ba na le tšhinghi. Fote ba bangwana a ba ba tshepe bo ba go lawola. Mara dilo tsone mo di kene di makega di napa di maka gore o sa kamake gore dilo di nyoko ba kawone. Ke ntaba mara? Ka taba la gore batho ba titshwara ka mokgo seporofeto se hlayyeng mo se bolabola ka “dinako tsa mafelelo.” (2 Thim. 3:1-5) Mo seporofeto sowa se kene se makega, motho wa go tseya gabutši a ka sa yi phigisi taba ya gore Jeso Kreste o šele a lawola go le Kgoši ya Mmušo wa Modimo. Mara seporofeto sowa go fo ba se sengwana sa go bolabola ka Mmušo wa Modimo. Tsotsone di nyoko re tiyisa ka matla mo re ka lebelela diporofeto tse dingwana tsa gore di kene di ya makega gana byalo.

2. Ga hlogotaba yowa re nyoko petapeta ka ying fote ke ntaba? (Lebelela sethombhe sa ka tawong.)

² Ga hlogotaba yowa re nyoko petapeta ka (1) seporofeto so se gelepang gore re tšibe gore Mmušo wa Modimo wo thomisiye go lawola leng, (2) diporofeto tso di gelepang gore re thogo bona gore Jeso o šele a lawola go le Kgoši ya Mmušo wa Modimo le mo a sa bonagale, fote (3) le diporofeto tso di re botsang mo manaba ya Modimo ma nyoko felelang gona. Re ko di boneng gore diporofeto tsone ka mokana ga tsona mo di gahlana di napa di re  thalela sethombhe gabutši gore re thogo bona gore re šele re tla kaye ga tso Jehova a hlayyeng gore di nyoko makega.

3. Seporofeto so se leng ga Daniyele 7:13, 14 se šihlela taba yifeng ka Kgoši yo yi lawolang ga Mmušo wa Modimo?

³ Seporofeto so se leng ga Daniyele 7:13, 14 se šihlela taba ya gore Jeso Kreste di ya mo tshwanela go ba Kgoši ya Mmušo wa Modimo. Batho ba go tšwa ga ditšhaba ka mokana ga tsona ba nyoko jabolela go mo “thanaka” fote aa šiyo ye mongwana wa gore a ka dula ga setulo sone sa go lawola go le Kgoši. Seporofeto se sengwana ga puku ya Daniyele se hlayye gore Jeso ba nyoko mo neya Mmušo mo go fela kašupa ya dinako. Ayitsano dya kgonega go tšiba gore nako yone ya go jabodisa yi yye ya makega leng?

4. Hlatolla gore tso di leng ga Daniyele 4:10-17 di re gelepa ka mokgo mang gore mo re balela re segele ga mongwaga wo Kreste a yyeng a thomisa go lawola go le Kgoši. (Lebelela setwaba.)

⁴ Bala Daniyele 4:10-17. “kašupa ya dinako” yi yemela 2 520 ya mengwaga. Nako yone yi thomisiye ka 607 B.C.E. mo Mabhabhilona ma tlosa kgoši ya mafelelo ga setulo sa go lawola sa Jehova ku Jerusalema. Ke mokane ya felela ka 1914 C.E. mo Jehova a beya Jeso—“yene ye di mo tshwanelang go ya ka molawo”—gore go be Kgoši ya go lawola ga Mmušo wa Modimo. *—Hezek. 21:25-27.

5. Seporofeto sowa sa go bolabola ka taba ya “kašupa ya dinako” se re berekela ka mokgo mang?

⁵ Seporofeto sowa se ka re berekela ka mokgo mang? Go tšiba ka taba ya “kašupa ya dinako” yi re gelepa gore re sa kamake gore tso Jehova a di tshepisiyeng o nyoko di maka ka nako yo a yi beyyeng di ka sa diyege. Mo nkare yene o di kgonne tsa go hlaya gore Mmušo wage wo nyoko thomisa leng go lawola, tsotsone di rela gore le diporofeto tso tse dingwana di nyoko makega ka nako yo yene a yi beyyeng. Nnete ke gore, letšatši la Jehova “le ka sa diyege!”—Habak. 2:3.

6. (a) King so se šupetsang gore Kreste wa lawola ku legedimong le mo re sa mmone? (b) Seporofeto so se leng ga Kutullo 6:2-8 se yi šihlela ka mokgo mang taba yowa?

⁶ Mo Jeso a le thina le go fetsa mmereko wa go tšhomayela ho lefaseng o yye a botsa bo ba mo latelelang dilo tso di ko ba gelepang gore ba thogo tšiba mo yene a šele a thomisiye go lawola ku legedimong. O hlayye gore ba ko bona ka dintwa, tlala le go tekateka ga lefase. Fote o hlayye gore go nyoko ba le malwele “ga dipoleke tsa go tlala”—bolwele bya go sabalala bya COVID-19 ke mošupetso wo mongwana. Dilo tso di makegang Bhayibele yi re ke ‘tso re nyoko bonang ka tsona’ mo Kreste a segele. (Mat. 24:3, 7; Luk. 21:7, 10, 11) Ka nthago ga 60 ya mengwaga Jeso ba mo tsusiye fote a buyele legedimong o yye a yi šihlela fote taba yowa ga Johane wa lepostola gore dilo tsowa di sa nyoko makega. (Bala Kutullo 6:2-8.) Dilo tsowa ka mokana ga tsona di yye dya makega go tlugisela mo Jeso ba mo neya matšhika ya go lawola go le Kgoši ga Mmušo wa Modimo ka 1914.

7. Ke ntaba mo Jeso a thomisa go lawola ba re lefase le ko tikweleng?

⁷ Ke ntaba mo Jeso a thomisa go ba Kgoši dilo di napa di ya di befa ka mokgo? Kutullo 6:2 yi re neya phetolo—mo yi re ne di nyaka gore mo Jeso a thomisa go ba Kgoši a nape a kene ntweng. Anthe o lwa le mang? O lwa le Diyabolo le madimona yage. Kutullo tema 12 yi re, Sathane ba yye ba mo hlula ke mokane yene le madimona yage ba ba lahlela ho lefaseng. A kene a fanghudiye dinko ka go kwata ka mokgonone,  Sathane o yye a ntshela lešidi lage bathong nka taba lo ba reng “lune ba go dula lefaseng le ko tikweleng.”—Kut. 12:7-12.

8. Mo re bona diporofeto tsa go bolabola ka Mmušo wa Modimo di kene di makega, tsotsone di re berekela ka mokgo mang?

⁸ Seporofeto sowa se ka re berekela ka mokgo mang? Tso di makegang le taba ya gore batho ba tšhentšhiye ka mokgo ba tseyang dilo ke mokane ba thomisa go kwana le go maka tsa go befa tsotsone di re šupetsa gore Jeso o thomme go lawola go le Kgoši. Byalo a di nyake di re kwatisa mo re bona batho ba fo tinyakela tsa bona fote ba hloyanana, di nyaka re gopole gore ba maka tso di hlayyeng ke seporofeto sa Bhayibele. Mmušo wa Modimo wo segele! (Pis. 37:1) Fote di nyaka re yemela gore lefase lowa le nyoko fo ya le fagagana mo Aremaghedoni yi kene yi šutela. (Mar. 13:8; 2 Thim. 3:13) Nje a di go jabodisi go fo tšiba gore Papa wa rune wa ku legedimong wa gore o re nyaka ka matla o re gelepa gore re sa makale mo dilo tsowa di kene di makega?

9. Seporofeto so se leng ga Daniyele 2:28, 31-35, se hlatolla byang mmušo wa mafelelo wa lefase fote wo thomisiye leng go lawola?

⁹ Bala Daniyele 2:28, 31-35. Seporofeto sowa se ya makega lekgono. Tso Nebukhadinezara a yyeng a di lora di re yisa ga tso di nyoko makegang ga “sekopa sa dinako tsa mafelelo,” ka nthago ga mo Kreste a thomisiye go lawola. Mo Bhayibele yi bolabola ka manaba ya Jeso yi rela le mmušo wa mafelelo wa lefase wa gore wo yemela “mawoto ya tshipi le letsopa.” Phela mmušo wone wa lefase go šele go lawola wona gana byalo. Wo thomisiye ka Ntwa ya Mathomo ya Lefase mo Brithani le United States di maka senghana sa mmušo wa Makgowa le Maamerikha. Sethombhe so Nebukhadinezara a se loriyeng se re botsa dilo ka dipedi tso di makang  gore mmušo wowa wo sa tshwane le memmušo yela ye mengwana.

10. (a) Seporofeto sa Daniyele se wo hlatolla ka mokgo mang mmušo wa Makgowa le Maamerikha? (b) Di nyaka re kganela kgole le ying? (Lebelela lebhokisi la gore, “ Kganela Kgole le Letsopa!”)

¹⁰ Sa mathomo, mmušo wowa wa Makgowa wo tshwarisanne le Maamerikha a wo tshwane le memmušo yela ye mengwana ka taba la gore wona a wo yemele ke gholdi kela silva mara wo gahlanisiye tshipi le letsopa. Letsopa lone le yemela “batho.” (Dan. 2:43.) Di fo ba lekgwaying lekgono gore ka taba la gore batho bone ke bona ba kutšetselang tsa divowutu, megoba ya go lwela gore batho ba tshwariwe gabutši, ditoyitoyi le mekgahlo ya go lwela dibereki batho bone ke bona bo ba makang gore mmušo wa lefase wo sa di kgone tsa go napa wo lawola gabutši.

11. Taba ya gore go lawola mmušo wa Makgowa le Maamerikha yi yi tiyisa ka mokgo mang taba ya gore re phela ga dinako tsa mafelelo?

¹¹ Sa bobedi, mmušo wone wa gore wo yemela ke mawoto ya sethombhe go leng mmušo wa Makgowa le Maamerikha Bhayibele yi hlayye gore go nyoko ba mmušo wa lefase wa mafelelo. A go na mmušo wo mongwana wa dipolotiki wa gore wo nyoko tla wo lawola ka nthago. Mara go nyoko fela ka wona ka ntwa ya Aremaghedoni mo Mmušo wa Modimo wo wo psyitlanya wo boya wo psyitlanya le memmušo ka mokana ga yona ya batho. *—Kut. 16:13, 14, 16; 19:19, 20.

12. Ke difeng tse dingwana tso di hlayang ke seporofeto sa Daniyele tsa gore di ya re kgomoletsa di boya di re neya tshepo?

¹² Seporofeto sowa se ka re berekela ka mokgo mang? Seporofeto sa Daniyele se re botsa tse dingwana tso di napang di tiyisa taba ya gore re phela ga dinako tsa mafelelo. Mengwaga ya go teya ka ku ga 2 500 ya go fela, Daniyele o hlayye gore ka nthago ga Bhabhilona go nyoko ba le kanne ya memmušo ya lefase ya gore yi nyoko tla yi yama batho ba Modimo. Fote o wunyulliye gore mmušo wa mafelelo go nyoko ba wa Makgowa le Maamerikha. Taba yowa ya re kgomoletsa fote yi re neya tshepo ya gore go se botala Mmušo wa Modimo wo nyoko suwelanya memmušo ya batho ka mokana ga yona ke mokane go šala go lawola wona wo le ntoši.—Dan. 2:44.

13. King so se tshwaniselang “kgoši ya mabala” le “lesome la magoši,” tso di nyarelang ga Kutullo 17:9-12, fote seporofeto sowa se makegiye ka mokgo mang?

¹³ Bala Kutullo 17:9-12. Tso di sinyannyeng ke Ntwa ya Mathomo ya Lefase di napa di šihlela seporofeto sa Bhayibele sa gore gana byalo ke dinako tsa mafelelo. Ba go lawola lefase ke mo ba nyaka gore go dule go bebiye ho lefaseng. Byalo ka January 1920, ba yye ba maka gore go be le Mogoba wa Ditšhaba wa gore ka October 1945 go yye gwa ba Ditšhaba tsa go Mamarelana. Mokgahlo wowa ba re ke “kgoši ya mabala.” Mara a yi mmušo wa lefase. Mekgahlo ya dipolotiki ke yona yo yi neyang mokgahlo wowa matšhika. Bhayibele yi tshwanisa mekgahlo yone le, “lesome la magoši.”

14-15. (a) Kutullo 17:3-5 yi wunyulla gore go nyoko makega ying ka “Bhabhilona ye Mogolo”? (b) Dikereke tsa matsaka ke mo ba di thega mara gana byalo go makega ying?

¹⁴ Bala Kutullo 17:3-5. Johane wa lepostola o yye a ba le mmono a bona mosadi wa nghwahla go leng “Bhabilona ye Mogolo,” wa gore o tshwanisela dikereke tsa matsaka. Mmono wone wo yye wa wunyulla ying? Mekgahlo ya dikereke tsa matsaka ke botala yi kene yi berekisana le memmušo ya lefase ya dipolotiki fote yi šupetsiye gore yi kwana le tso ba di makang. Mara go se botala, Jehova o nyoko hlohletsela magoši yane gore “ma nagane go maka tso yene a di nyakang.” Go nyoko makega ying mara? Memmušo yone ya dipolotiki go leng, “lesome la magoši,” yi nyoko jikela mekgahlo ya dikereke ke mokane ya fetsa ka yona.—Kut. 17:1, 2, 16, 17.

¹⁵ Re di tšibela kaye gore go se botala  Bhabhilona ye Mogolo go nyoko fela ka yene? Gore re thogo kraya phetolo di nyoko re gelepa ka matla mo re ka gopola taba ya gore mutši wa Bhabhilona ya ku botala ke mo wo tšhireletsiye ke meetši ya Noka ye kgolo ya Eforate. Puku ya Kutullo yi tshwanisa dimiliyone tsa batho bo ba thegang Bhabhilona ye Mogolo le “meetši.” (Kut. 17:15) Mara fote yi nyaretsa taba ya gore meetši yane ma nyoko ‘pshya,’ ke mokane tsotsone di rela gore dikereke tsa matsaka di nyoko šala di yitsa di se na wa go di thega. (Kut. 16:12) Seporofeto sone re se bona se makega lekgono ka taba la gore batho ba go tlala ba kene baa hlomogetsela ho dikerekeng ke mokane ba tinyakela diphetolo go gongwana.

16. Di nyoko re berekela ka mokgo mang go kwisisa diporofeto tso di bolabolang ka taba ya go nyarela ga Ditšhaba Tsa go Mamarelana le ya gore Bhabhilona ye Mogolo go nyoko fela ka yona?

¹⁶ Seporofeto sowa se ka re berekela ka mokgo mang? Mo mogoba wa Ditšhaba tsa go Mamarelana wo nyarela fote le batho ba sa sa thega dikereke tsa matsaka tsotsone di napa di šihlela taba ya gore re phela ga dinako tsa mafelelo. Le mo yi le gore meetši ya go tshwanisela ya ma thegang Bhabhilona maa pshya, mekgahlo ya dikereke tsa matsaka yi nyoko fela ka mekgwa ya  go sa tshwane. Re hlayye ku mathomisong gore Jehova o nyoko hlohletsela “lesome la magoši”—go leng memmušo ya dipolotiki yo yi thegang mogoba wa Ditšhaba Tsa go Mamarelana—gore “ma nagane go maka tso yene a di nyakang.” Ditšhaba tsone di nyoko fetsa ka dikereke tsa matsaka ka go yakgoswa ke mokane lefase la šala le yahlamme. * (Kut. 18:8-10) Mo Bhabhilona ye Mogolo yi psyitlanyiwa lefase le nyoko šiginyega ke mokane di ka makega gore dilo di thomise go thathafa mara go na le dilo ka dipedi tso di makang gore batho ba Modimo ba jabole. Lenaba lowa la Jehova Modimo la botala go nyoko fela ka lona go ya go yye fote taba ya gore re phonisiwe ga lefase lowa la go befa yi ko ba yi šele yi segele!—Luk. 21:28.

17-18. (a) Re ka ya mahlong re kene re tiyisa tumelo ya rune ka mokgo mang? (b) Re nyoko lebelela ying ga hlogotaba ya go latela?

¹⁷ Daniyele o hlayye gore “go tšiba nnete” go “nyoko sabalala.” Fote tsotsone di makegiye! Gana byalo re di kwisisa gabutši diporofeto tso di bolabolang gore go nyoko makega ying ka dinako tso tsa rune. (Dan. 12:4, 9, 10) Diporofeto tsone di napa di korola ke mokane di maka gore re nape re hlompa Jehova le Lentsu lage. (Jes. 46:10; 55:11) Byalo, ariye mahlong o kene o tiyisa tumelo yago ka go tšhuta Mangwalo o kenelela fote o boye o gelepe le ba bangwana gore le bona ba make senghana le Jehova. Bo ba gore ba tikokotlela ka yene o nyoko ba tšhireletsa fote o nyoko maka gore ba “dule ba bebiye.”—Jes. 26:3.

¹⁸ Ga hlogotaba ya go latela, re nyoko lebelela diporofeto tso di bolabolang ka phutego ya Sekreste ga dinako tso tsa mafelelo. Fote re nyoko bona gore ka mokgo diporofeto tsowa di makegang di yelana byang le diporofeto tso di makegang ga dinako tso tsa mafelelo. Se sengwana fote sa gore re nyoko se lebelela ke taba ya go šihlela gore Jeso go leng Kgoši ya rune ya go lawola o kene wa ma yetetsa malata yage ya go tshepega.