1. King so Jehova a nyakang se makege lekgono?

 LEKGONO Modimo o nyaka gore ditaba tsowa tsa go bafala tsa Mmušo wage di tšhomayediwe lefaseng ka mokana ga lona. (Mar. 13:10; 1 Thim. 2:3, 4) Mmereko wowa ke wa Jehova, ka taba la gore o wo tseyela gedimo o kgetiye gore wo yetetse ke Morwayi wage ye a mo nyakang ka matla. Byalo le rune a re kamake gore mo re yetetsa ke Jeso mmereko wo wa go tšhomayela wo nyoko makega ka mokgo Jehova a nyakang fote go sa le nako.—Mat. 24:14.

2. Re nyoko lebelela ying ga hlogotaba yowa?

² Ga hlogotaba yowa, re nyoko lebelela ka mokgo Jeso a berekisang “lelata la go tshepega la gore fote le hlalefiye” gore a thogo re yetetsa ka tso tsa Modimo fote a beyakanye le malata yage gore ma thogo kenela letsima le legolo la mmereko wa go tšhomayela. (Mat. 24:45) Re nyoko lebelela gore king so ye mongwana le ye mongwana wa rune a ka se makang gore a thege Jeso a boye a thege le lelata lowa la go tshepega.

3. Jeso ba mo neyye matšhika ya go maka ying?

³ Jeso o yeta mahlong ga mmereko wa go tšhomayela. Mara re di tšibela kaye tsotsone? Nakwela a le thina le go yinugela legedimomg, Jeso o yye a gahlana le malata yage ya go tshepega ku thabeng ya Galeliya. Ke mokane a ma botsa gore: “Ba mpeyye gore ke lawole dilo ka mokana ga tsona legedimong le lefaseng.” Lebelela gore o yitseri king fote: “Ariyeneng le ye maka batho ba ditšhaba ka mokana ga tsona gore go be malata.” (Mat. 28:18, 19) Byalo, ga dilo ka mokana ga tsona Jeso ba mo neyye matšhika ya gore a yetetse mmereko wowa wa go tšhomayela.

4. King so se makang gore re sa kamake gore Jeso o sa na a yetetsa mmereko wa go tšhomayela?

 ⁴ Jeso o hlayye gore mmereko wa go tšhomayela le wa go maka batho gore go be malata ke mo wo nyoko makiwa ga “ditšhaba ka mokana ga tsona” fote ke mo a nyoko ba le malata yage “ka moka matšatši go segela lefase lowa le fela.” (Mat. 28:20) Mantsu yawa ma napa ma di beya lekgwaying gore mmereko wo wa go tšhomayela ke mo wo nyoko ya mahlong wo kene wo yetetsa ke yene Jeso go segela le lekgono lowa.

5. Rune re tšhela letsogo ka mokgo mang gore go makege tso di bolabolang ke Pisalema 110:3?

⁵ Taba ya gore go ka gayela dibereki ka dinako tso tsa mafelelo ne yi sa mo tshosanye ga Jeso. Ne a di tšiba tsa gore go nyoko makega tso mopisalema a di porofitiyeng mo a re: “Batho bago ba nyoko go berekela ba sa tšhofe ke motho mo masole yago ma tilukiselele ntwa.” (Pis. 110:3) Mo nkare le wene o tšhela letsogo ga mmereko wowa wa go tšhomayela di rela gore o thega Jeso fote o thega le lelata lowa la go tshepega o boya o gelepa gore seporofeto sowa se makege. Mmereko wowa wo ya mahlong mara dintshitshire di fo re bhe.

6. Bo ba tšhomayelang ka Mmušo wa Modimo ba gahlana le dintshitshire tsa mošaga mang lekgono?

⁶ Ntshitshire ye nngwana yo bo ba tšhomayelang ka Mmušo wa Modimo ba gahlanang nayo ke taba ya go phigisiwa. Ba go kgeloga, ba go yeta dikereke mahlong le ba dipolotiki ba hlayye matsaka ka mmereko wa rune. Byalo mo nkare mašaga ya rune, batho bo re ba tšibang le bo re berekang nabo ba šohlometsa ke matsaka yanane ba ka re gapeletsa gore re lisetse go berekela Jehova re boye re lisetse le mmereko wa go tšhomayela. Ga dinaga tse dingwana, ba ba tshosetsiye ba boya ba ba tshwara, go le mokgwa wa go ba phigisa. Rune a di re makatse tsone. Ka taba la gore Jeso o hlayye gore: “Le nyoko hloya ke ditšhaba ka mokana ga tsona ka taba la lebitso laka.” (Mat. 24:9) Taba yonone ya gore baa re nyenya yi napa yi re šupetsa gabutši gore Jehova wa re yamogela. (Mat. 5:11, 12) Diyabolo ke yene a kutšetselang taba ya gore ba re phigise. Mara a ka sa loke ga Jeso! Mo re thega ke Jeso, ditaba tsowa tsa go bafala di nyoko segela ga batho ba ditšhaba ka mokana ga tsona. Lebelela so se šihlelang taba yowa.

7. King so se šupetsang gore seporofeto so se leng ga Kutullo 14:6, 7 se ya makega?

⁷ Ka taba la gore ke rune ba tšhomayedi ba ditaba tsa Mmušo wa Modimo, ntshitshire yo re gahlanang nayo ke gore ba bangwana ba bolabola mmolabolo wa gore a re wo tšibi kela a re ya wo tlwayela. Mara Jeso o yye a wunyullela Johane wa lepostola ka mmono gore ditaba tsa go bafala di nyoko hlula dintshitshire tsone. (Bala Kutullo 14:6, 7.) Tsotsone di nyoko makega ka mokgo mang? Mo re tšhomayela re gelepa batho gore ba thogo tikgetela gore molayetsa wo wa Mmušo ba wo yamogela kela dho. Lekgono, batho ga lefase ka mokana ga lona baa di kgona go bala dikgatiso tsa go bolabola ka Bhayibele ga wepsayite ya rune ya jw.org ka taba la gore yi na le mmolabolo wa go teya ka ku ga 1 000! Fote mogoba wa go lawola wo dumelele gore ba hlatolle puku ya Tikwise ka Lephelo go ya go Yye!, go leng thuluse ye re yi berekisang mo re maka batho gore go be malata fote yi gona ka mmolabolo wa go teya ka ku ga 700! Tso tsa go tšwa ga Modimo ba makiye gore di krayege ka dividiyo tsa bo ba bolabolang ka mmolabolo wa matsogo le dikgatiso tso di berekisang ke ba gore ba popele maahlo. Re bona seporofeto sa Bhayibele se makega. Batho “ba go tšwa ga mebolabolo ka mokana ga yona ya ditšhaba” ba tšhuta go bolabola “mmolabolo wa go yela” go leng nnete ya Bhayibele. (Zak. 8:23; Zef. 3:9) Re kgonne go segelela dilo tsowa ka mokana ga tsona ka taba la gore Jeso ke yene a re yetetsang ga mmereko wowa.

8. Gana byalo king so re se segeleleng ga mmereko wa rune wa go tšhomayela?

⁸ Lekgono batho ba go teya ka ku ga 8 000 000 ba gore ba dula ga 240 ya dinaga ba šele ba kenne  ka mokgahlong wa Jehova fote mongwaga wo mongwana le wo mongwana masome ya dikete ya batho baa kolobetsiwa! Mara selo se segolo ka matla ke gore malata yawa ya nyuwane ma thomisa go ba le, “mekgwa ya nyuwane.” (Makol. 3:8-10) Ba go tlala ga bona ba lisetsiye taba ya go maka tsa go sa hlamatsege, bokgohlane, go tshwarana bošidi le taba ya go hlawolana go ya ka ditšhaba. Seporofeto so se leng ga Jesaya 2:4 se ya makega ka taba la gore a ‘ba sa tšhuta go lwa.’ Mo re kene re karakara ka matla gore re be le mekgwa ya nyuwane re boya re gelepa ba bangwana gore le bona ba kene ka mokgahlong wa Modimo re šupetsa gore re theetsela tso Jeso Kreste a re yetetsang ka tsona. (Joh. 13:35; 1 Pet. 2:12) Dilo tsowa di makegang a di fo re palakata. Di makega ka taba la gore Jeso ke yene a re gelepang.

9. Matewu 24:45-47, yitseri go nyoko makega ying ka dinako tsa mafelelo?

⁹ Bala Matewu 24:45-47. Jeso o hlayye gore ka dinako tsa mafelelo o nyoko kgeta “lelata la go tshepega la gore fote le hlalefiye” gore le thogo pasopa batho ka tso tsa Modimo. Byalo, re yemele gore lelata lowa le karakare ka matla ga dinako tso tsa rune. Fote le šupetsa le yi tshwere. Ye a re yetetsang go leng Jeso o berekisa mogoba wo monyana wa banna ba gore ba tlotsiwwe gore ba neye batho ba Modimo le batho ba gore baa di jabolela “tsa go ja ka nako ya gona.” Banna bowa a ba titseyi gore bona ba tshwanele ba lawole tumelo ya ba bangwana. (2 Makor. 1:24) Mara baa di tšiba tsa gore Jeso Kreste ke yene a “yetang mahlong fote ke yene a beyang molawo.”—Jes. 55:4.

10. Ga dikgatiso tsowa di nyarelang ho sethombheng ke yifeng ya gona ya gore yi go gelepiye gore o kene ga pata ya gore yi bakiye lephelong la go ya go yye?

¹⁰ Go tlugisela ka 1919, lelata la go tshepega le yye la maka gore go be le dikgatiso tsa mohlobohlobo tsa go gelepa bo ba nyuwane ba gore baa di jabolela ditaba tsowa gore ba fo leka ka gonyana ba kwe gore tso tsa Modimo di byang. Ka  1921, lelata lowa le yye la maka puku ya gore The Harp of God gore le gelepe bo ba jabolelang gore ba tšhute Bhayibele. Mo goya-goya ba yye ba maka dikgatiso tse dingwana fote. Wene ke kgatiso yifeng yo yi yeng ya go gelepa gore o thogo tšiba Papa wa rune wa legedimong? Ayitsano ke puku ya gore, “Let God Be True,” The Truth That Leads to Eternal Life, You Can Live Forever in Paradise on Earth, Knowledge That Leads to Everlasting Life, What Does the Bible Really Teach?, Anthe Mara Baebele yi re Tšhutisa Ying? kela Tikwise ka Lephelo go ya go Yye!, go leng kgatiso ya rune ya nyuwane? Dikgatiso tsowa ka mokana ga tsona di yye dya makiwa gore di thogo re gelepa go maka batho gore go be malata.

11. Ke ntaba di nyakega gore ka mokana ga rune re kraye tsa go ja tsowa tsa go tšwa ga Modimo?

¹¹ Batho ba nyuwane bo ba šupetsang gore baa jabolela a yi bona ba le ntoši bo di nyakang gore ba tšhute dilo tsa go kenelela tsa go tšwa ga Modimo. Ka mokana ga rune di nyaka re make ka mokgonone. Pawulo wa lepostola o ngwadiye gore: “Tsa go ja tsa go tiya ke tsa bo ba gore ba butšwiye.” Fote Pawulo o tokegele ka gore go berekisa dilo tsowa go nyoko re gelepa gore re “thogo bona tsa gabutši le tsa go kekema.” (Maheb. 5:14) Ka dinako tsowa tsa go thathafa batho ba maka dilo tsa go sa hlamatsega byalo, tsotsone di ka maka gore re thathafele ke go theetsela melawo ya Jehova. Mara Jeso o wa a tsoga gore a re gelepe go tiyisa tumelo ya rune ka tso tsa go tšwa ga Modimo. Tsa go ja tsowa di tšwa ka Lentsung la Modimo go leng Bhayibele. Lelata la go tshepega le ya di lukiselela ke mokane la maka gore di segele ga batho ba go tlala le yetetsa ke Jeso.

12. Go fo tshwana le Jeso lebitso la Modimo re yye ra le tshwara ka mokgo mang?

¹² Go fo tshwana le Jeso, le rune re liketsiye ka matla go gadimisa lebitso la Modimo. (Joh. 17:6, 26) Mo re beyisa ka 1931 re yye ra neyiwa lebitso la go tšwa ka Bhayibeleng la Dihlatse Tsa Jehova la gore le yelana le la Papa wa rune wa ku legedimong. (Jes. 43:10-12) Go tlugisela ka October  ka ngwaga wonone, lebitso lowa le yye la nyarela ga lephephe la ka tawong ga dimakazini tsa rune. Go tokegela gana hone, New World Translation of the Holy Scriptures yi yye ya busetsa lebitso la Modimo mo ne le le gona ka Bhayibeleng. So re se makiyeng a se tshwane le so dikereke di se makiyeng sa gore ba ntshiye lebitso la Jehova mo ba hlatolla Dibhayibele tsa bona!

13. King so se makang gore o sa kamake gore Jeso o berekisa “lelata la go tshepega la gore fote le hlalefiye” lekgono? (Joh. 6:68)

¹³ Jeso o berekisiye “lelata la go tshepega la gore fote le hlalefiye,” mo a thomisa mokgahlo wa gore wo thega morapelo wa go yela ho lefaseng. Mara wene o tikwa byang ka mokgahlo wone? Di ka makega gore mo o fetola o nagana ka mantsu ya ma hlayyeng ke Petro wa lepostola mo a botsa Jeso a re: “Re nyoko ya ga mang? Ke wene o bolabolang dilo tso di nyoko re neyang lephelo la go ya go yye.” (Joh. 6:68) Mara hala le gore a sanka ra tšiba mokgahlo wowa wa Jehova ne re ko ba re le kaye? Ka mokgahlo wonone Kreste o karakara ka matla gore re dule re pasopega ga tso tsa Modimo. Fote o re tšhutisa gore mmereko wone wa go tšhomayela re wo make ka mokgonone. O boya a re gelepa gore re thogo ba le “mekgwa ya nyuwane,” gore re jabodise Jehova.—Maef. 4:24.

14. Taba ya gore ne o le ka mokgahlong wa Jehova mo bolwele bya COVID-19 bo kene bo sabalala yi go berekele ka mokgo mang?

¹⁴ Jeso wa re yetetsa ka tsa go re hlalefisa mo go šele go bifiye. Tsotsone re di bonne gore di ya re berekela nakwela go nyarela bolwele bya go sabalala bya COVID-19. Mo batho ba go tlala mo lefaseng ba sa tšibi pelo le nthago, Jeso o yye a re yetetsa ka tso re tshwaneleng re di make gore re thogo tšhireletsega. O re hlohletsele gore re yapare tsa go thiba molomo le nko mo re le ga dipoleke tsa gore go tlele batho fote a re tšhutisa le gore re sa nape re šutelelana thina ka matla. Bagolo bona ba ba guputsiye gore di nyaka ba dule  ba na le difowunu tsa bo ba leng ka phutegong fote di nyaka ba dule ba ntshiye maahlo dikwakweng gore ba tšibe tso ba di gayelang ba boye ba ba gelepe le ka tso tsa Modimo. (Jes. 32:1, 2) Go tokegela gana hone o yye a re yetetsa a boya a re hlohletsela a berekisa Tsa Nyuwane Tsa Mogoba wa go Lawola.

15. Ka nako ya bolwele bya go sabalala ba yye ba re yetetsa gore re tshware megahlano re boye re make mmereko wa go tšhomayela ka mokgo mang fote ka maphomela yafeng?

¹⁵ Fote ka nako ya bolwele byowa bya go sabalala ba yye ba re botsa tso di nyakang re di maka gore re thogo tshwara megahlano ya phutego re boye re ye mahlong ka mmereko wa go tšhomayela. Ka go yakgoswa re yye ra thomisa go kena megahlano ya Sekreste, megahlano ye mogolonyana le megahlano ye megolo re berekisa dividiyo. Fote re yye ra thomisa go tšhomayela re berekisa mangwalo le difowunu. Jehova o yye a re rufa ka matla mo re kene re karakara. Makala ya go tlala ma hlayye gore le nombhoro ya batšhomayedi yi šele yi yeketsegiye. Gabutšibutši ba go tlala ba yye ba makegela ke tsa go ba tiyisa ka nako yonone—Lebelela lebhokisi la gore, “ Jehova o Rufa Mmereko wa Rune wa go Tšhomayela.”

16. King sa gore a re se kamake?

¹⁶ Di ka makega gore batho ba bangwana ne ba bona nkare mokgahlo wo na le magaba nakwela go nyarela bolwele byowa bya go sabalala. Mara mo nako yi kene yi ya di f’lo bonala tsa gore tso ba re yetetsang ka tsona di ya kwagala fote di ya bereka. (Mat. 11:19) Fote mo re kene re ghayela ga taba ya ka mokgo Jeso a yetetsang batho bage a kene a ba šupetsa gore o ba nyaka ka matla, tsotsone di maka gore re sa kamake gore le mo go ka nyarela tsa mošaga mang Jehova le Morwayi wage ye a mo nyakang ka matla ba nyoko fo dula ba na le rune.—Bala Maheberu 13:5, 6.

17. Mara tsa go bereka o kene o yetetsa ke Jeso di go tshwara byang?

¹⁷ Di re jabodisa ka matla go bereka re kene re yetetsa ke Jeso! Phela re ga mokgahlo wa gore batho ba gona a ba hlawolane go ya ka mohlobo, setšhaba kela mmolabolo. Re tšhuta tsa go tlala ga tso tsa Modimo fote re na le dithulusi tso re di berekisang mo re kene re maka mmereko wo wa go tšhomayela. Ye mongwana le ye mongwana wa rune ba mo gelepa gore a be le mekgwa ya nyuwane fote ba re tšhutisa le gore re nyakanane. Phela taba ya gore Jeso ke yene a re yetetsang yi maka gore re tikgihle sekguba re sa tšebisi ke selo!