MO MAISRAYELE ma le thina le go tshela Noka ya Jorodani ma ye kena Lefaseng lela Modimo ne a ma tshepisiye lona, ma yye ma fo bona divakaši di re nyare! Divakaši tsone ke mo go le basadi, ke mokane ba segela ba mema banna ba Maisrayele ba re ba tle monyanyeng. Di ka makega gore banna bowa ba yye ba kwa nkare baa lora, ba kwa nkare le go hlakela ba ka hlakela. Ke mo ba di bona gore mowa ba krayye banghana ba nyuwane, ba nyoko bina nabo ba boya ba ja nabo dikhenekhene. Setšo le maphelelo ya basadi bowa ke mo di sa kwane le Molawo wo Modimo ne a wo neyye Maisrayele, mara di ka makega gore banna ba Maisrayele ba yye ba fo re: ‘Re ka sa tilebale. Re ko ntsha mahlo dikwakweng.’

 Byalo gwa makega ying? Baebele yi re: “Batho ba yye ba thomisa go maka tsa maroga le barwediya ba Mowaba.” Gabutšibutši basadi bowa ke mo ba nyaka gore banna bone ba Maisrayele ba rapele medimo ya matsaka. Nnete ba yye ba fo maka ka mokgonone! Di ya kwagala gore “Jehova o yye a kwatisa ke Maisrayele ka matla.”—Dip. 25:1-3.

Maisrayele yane ma yye ma maka dilo ka dipedi tsa go šupetsa gore ma tshela Molawo wa Modimo: Ma yye ma kgotamela medimonyana ya matsaka, fote ma maka bonghwahla le batho bone. Ba go tlala ba yye ba kgwa ka taba la go sa theetsele. (Ek. 20:4, 5, 14; Dot. 13:6-9) King so se yyeng sa napa se maka gore di kwise go baba ka matla? Ke nako yo dilo tso di makegiyeng ka yona. Hala banna bone ba sa tshela Molawo wa Modimo, Maisrayele ya go tlala nke ma tshidiye noka ya Jorodani ke mokane ma kena Lefaseng lela Modimo ne a ma tshepisiye lona.—Dip. 25:5, 9.

Mo Pawulo wa lepostola a bolabola ka dilo tsone, o ngwadiye gore: “Dilo tso di ba makegele gore di tšhutise rune, fote di ngwadiwwe gore di pasopise rune bo re segeleleng ke mafelelo ya masipidiselo yawa ya dilo.” (1 Makor. 10:7-11) Di fo ba lekgwaying gore Sathane ke mo a jabodiye la go sa bolabolege mo Maisrayele ya mangwana ma sinyela Modimo ke mokane ma šitega go kena ga Lefase lela Modimo ne a ma tshepisiye lona. Re ko ba re šupetsa gore re hlalifiye mo re theetsela, re tšiba gore Sathane aa nyake go re bona le ka go twii-twii, re kena lefaseng la nyuwane la Modimo!

Sathane o nyaka go tanya Makreste ka go berekisa mathayithayi ya a ma tšibang gabutši gore ma nyoko bereka, ka taba la gore ma yye ma bereka ga batho ba bangwana. Ka mokgonola re bolabodiyeng ka Maisrayele, o yye a berekisa bonghwahla gore a ba tanye. Le ga dinako tso re phelang ga tsona, o sa na a fo tanya batho ka go berekisa ditaba tsowa tsa go maka tsa maroga ka mokgwa wa go sa yela. Se sengwana so a se berekisang ka matla ke taba ya go lebelela dithombhe tsa batho ba go sa tšwara.

Lekgono, motho a ka lebelela dithombhe tsa batho ba go sa tšwara ba bangwana ba sa tšibi. Mengwaga ya go tlala ya go fela, ke mo di se lola gore motho a lebelele dithombhe tsa batho ba go sa tšwara ka taba la gore ke mo di nyoko mo nyaka gore a ye dipolekeng tsa go ba le dilo tsone. Sone ke mo se maka gore ba go tlala ba sa ye mone, ka taba la go tšebisa ke gore batho ba nyoko re king mo ba ba bona. Mara gana byalo, motho o fo kena ho inthaneteng a kraya dilo tsone tsa batho ba go sa tšwara le mo a le mmerekong kela a le ka teng ga koloyi. Ga dipoleke tsa go tlala, monna kela mosadi a ka fo lebelela dithombhe tsone a le ka gana ho ntlong.

A yi tsone fela. Difowuno, dithebholete le tse dingwana tsa go kena inthanete di makiye gore di be lola gore motho a lebelele dithombhe tsone. Mo ba kene ba sepela ho pateng, ba kalamme dibhase kela ditimela, baa di kgona go lebelela dithombhe tsone tsa batho ba go sa tšwara.

Batho ba kgona go lebelela dithombhe tsone ba sa bone ke batho ba bangwana, byalo sosone se maka gore lekgono go be le batho ba go tlala bo ba sinyang ke dithombhe tsone go phala ku botala. Ba go tlala ba sinnye mitši ya bona, a ba sa na serithi, fote ba tlanyetsiye makwalo ya bona. Taba ye nngwana ye kgolo ka matla ke gore ba sinya senghana sa bona le Modimo. O ko ba o sa hlaye matsaka mo o re motho wa go lebelela dithombhe tsa batho ba go sa tšwara wa kwalela. Ga go tlala ke gore di maka mabadi ya go sa bonale ka ho teng. Wona ma ka solega ka go nyana ka go nyana, mara a ma nape ma tloga.

Di nyaka re di tšibe gore Jehova o re gelepa ka matla gore re sa tanye ke melabo ya Sathane. Mo re nyaka gore Jehova a re pasope, di nyaka re make tso Maisrayele ma šitegiyeng go di maka.—‘re mo theetsele di re baba.’ (Ek. 19:5) Di nyaka re di tšibe gore Modimo aa jabodisi ke dithombhe tsa batho ba go maka tsa maroga. Ke ntaba re reyano?

Nagana ka taba ke yowa: Melawo ya Modimo ke mo yi sa tshwane le ya ditšhaba tse dingwana tsa ku botala. Melawo yone ke mo yi fo tshwana le legora ga Maisrayele, ka taba la gore ke mo yi ma tšhireletsa ga ditšhaba tso ne ma bapiye natso le ga maphelelo ya tsona. (Dot. 4:6-8) Melawo yone ke mo yi fo beya nnete lekgwaying, yi re: Jehova o silikisa ke bonghwahla.

 Jehova o butsiye Maisrayele ka dilo tsa go befa tso ne di maka ke ditšhaba tsa thina, a re: “Le sa make tso ba di makang hala lefaseng la Kanana, mo ke le yisang gona. . . . Lefase lone a la yela, fote batho ba gona ke nyoko ba lukisa, ka taba la dilo tso ba di makang.” Go ya ka Modimo wa go hlawolega wa Israyele, maphelelo ya Makanana ke mo ma thilafele la go sa hlayisege, la go šinya go segela mo lefase lone le napang le ro thilafala le go ro tlanyela.—Lef. 18:3, 25.

Jehova o yye a ma wolola Makanana, mara ditšhaba tse dingwana di yye tsa fo ya mahlong di maka bonghwahla. Ka nthago ga mengwaga ya go teya ka ku ga 1 500, Pawulo o hlatolliye ditšhaba tso Makreste ne ma dula thina natso, a re di “topele ga mehlobo ka mokana ga yona ya go šitega go titshwara.” Gabutšibutši, “ba tineyele mekgweng ya go tšebisa le ga dilo ka mokana ga tsona tsa go sa yela le dipawo.” (Maef. 4:17-19) Le batho ba go tlala lekgono ba nayo mekgwa yowa ya go tšwa pateng. Bo ba rapelang Modimo tsa mannete, di nyaka ba nape ba ro kganela kgole le mokgwa wowa wa lefase wa go lebelela dilo tsa batho ba go maka tsa maroga.

Dithombhe tsa batho ba go maka tsa maroga di silikisa Modimo. O makiye batho ka setshwano sage a boya a maka gore re tšibe sa go loka le sa go sa loka. Di šupetsa gore Modimo o hlalifiye ka matla mo a re beyela molawo ga ditaba tsowa tsa ka mapaying. Tsowa ke dilo tsa gore Modimo o di makele batho ba gore ba nyalanne gore ba di jabolele. (Gen. 1:26-28; Diy. 5:18, 19) Gabutšibutši batho bo ba makang dithombhe tsowa tsa batho ba go sa tšwara ba maka ying? Nnete ba nyanafatsa melawo ya Modimo ya gore batho ba titshware byang. Batho ba go lebelela dithombhe tsa batho ba go sa tšwara ba delela Jehova. Modimo o nyoko tlosa batho ka mokana ga bona ba gore a ba re selo ka melawo yage, ba go fo ya mahlong ba khanda dithombhe tsone tsa batho ba go maka tsa maroga.—Maroma 1:24-27.

Byalo bo ba gore ba lebelela dithombhe tsone fote baa di nyaka gee? Ba bangwana ba ka fo tseya gore a di na kotsi. Mara so se šalang ke gore ba tseyela melawo ya Jehova fase. Mo ba thomisa go lebelela dilo tsone tsa batho ba go maka tsa maroga, di ka makega gore ne ba sa tseye gore ba nyanafatsa Jehova. Mara, di fo ba lekgwaying gore bo go leng malata ya Jehova ba tshwanele ba hloye dithombhe tsone tsa batho ba go sa tšwara. Baebele yi re: “Barena, lune bo le mo nyakang ga Jehova, nyenyaneng sa go sa loka.”—Pis. 97:10.

Le mo batho ba go tlala ba nyaka go lesetsa mokgwa wone wa go lebelela dithombhe tsa batho ba go sa tšwara, ba ka fo bona di thathafa. Ka taba la gore a  ra yenela, di nyaka gore re karakare gore re lwe le mekgwa ya go kekema. Mara, o ka kraya go gongwana dipelo tsowa tsa rune tsa go sa yenela di re botsa gore re sa latelele molawo wa Modimo. (Jer. 17:9) Ba go tlala bo gana byalo go leng Makreste ba di kgonne go hlula. Mo o tšiba tsotsone, o ka kwa o tiyelela ga tso di go rulang. Lebelela ka mokgo Lentsu la Modimo le ka go gelepang gore o kganele kgole le mathayithayi ya Sathane.

Go ya ka tso go bolabodiwweng ka tsona ku mathomisong, Maisrayele ya go tlala ma yye ma yikela mekgwa yone yi ma woka ma šinya ma goromela. Tsotsone di ka makega le lekgono. Bhuti wa Jeso ye ba reng ke Jakobo mo a hlatolla kotsi yone o yitseri: “Ye mongwana le ye mongwana . . . o goga le go woka ke tso a di nabelang. Byalo mo go nabela go šele go gudiye, go belega go sinya.” (Jak. 1:14, 15) Mo motho a fo ya mahlong a nagana ka dilo tsa maroga ka ho pelong gage, di lola gore motho yene a sinye. Byalo di nyaka re tlose menagano yone ya go kekema, re sa fo ba re kene re nagana ka dilo tsone.

Mo o ka kraya gore o dulela go nagana ka dilo tsowa tsa go tšwa pateng, yakgoswa o maka se sengwana. Jeso o yitseri: “Byalo, mo letsogo lago kela loto lago le go hlupa, le kope ke mokane o le bošele ku kgole nago. . . . Fote, mo lehlo lago le go hlupa, le gonye o le lahlele ku kgole nago.” (Mat. 18:8, 9) Jeso ke mo a sa rele gore re timake digole. Ke mo a fo re šupetsa gore di nyaka re ro garagara gore re tlose dilo tso di ka ga re phiriketsang—fote re make ka go yakgoswa, re sa sa re ka motshwana. Re ka ma berekisa byang mantsu yane ga taba yowa ya go lebelela dithombhe tsa batho ba go sa tšwara?

Mo dilo tsone tsa maroga di nyarela, o sa fo re, ‘Tso a yi selo.’ Yakgoswa o lebelela ku thoko. Napa o tima TV yone. Tima khomphyuta, thebholete kela fowuno ka nako yonone. Nagana ka selo se sengwana sa go yela. Mo o ka maka ka mokgonone di nyoko go gelepa ga tso o di naganang, le go sa woke ke dilo tsa go nabetsa tsa lefase lo.

Byalo o ka maka byang mo nkare o di kgonne tsa go lesetsa mokgwa wowa wa go lebelela dithombhe tsa batho ba go sa tšwara, mara wa kraya dilo tsone di fela di boya-boya monaganong? Dithombhe tsone di ka dula ka ho monaganong wa motho nako ya go lefa. Di ka fo boya gatleletlele ho monaganong o sa nagana. Mo sone se makega, o ka fo tikwa o nyaka go  maka se sengwana sa go tšebisa, sa go tshwana le go tipotapota. Byalo dula o ntshiye mahlo dikwakweng, gore mo di ka go tlela, o thogo lwa natso.

Tikemisele go maka gore tso o di naganang le tso o di makang di kwane le tso Modimo a di nyakang. O kopisele ga Pawulo wa lepostola, ye ke mo a tikemisele “go tula mmele wage le go titshwara go tshwana le lebhantiti.” (1 Makor. 9:27) O sa yikele mekgwa yone yi go maka lebhantiti. “Tloboganeng ka go tšhentšha menagano ya lune, gore le thogo tiponela lune beng sa gabutši le sa go jabodisa le sa go yenela gabutši so se nyakang ke Modimo.” (Maroma 12:2) O sa lebale taba ye nngwana ke yowa: Go nagana le go maka dilo tso di nyakang ke Modimo, go phala go maka dilo tsa go sa jabodisi Modimo.

Leketsa go tshwara ditemanyana tsa Baebele ka hlogo. Ke mokane mo dilo tsela tsa go bola di thomisa go tla ho monaganong, leketsa go nagana ka ditemanyana tsone. Ditemanyana tsa go tshwana le Pisalema 119:37; Jesaya 52:11; Matewu 5:28; Maefeso 5:3; Makolosi 3:5; le 1 Mathesalonika 4:4-8, di nyoko go gelepa gore o nagane dilo tsa go yelana le ka mokgo Jehova a yi tseyang ka gona taba yowa ya go lebelela dithombhe tsa batho ba go sa tšwara.

Byalo o ka maka byang mo nkare o di nabela ka matla go lebelela dilo tsone tsa go maka tsa maroga kela o nagana ka tsona ka matla? Napa o ro gata thina le mo go gayiteng ye re mo yekiselang, yene Jeso. (1 Pet. 2:21) Mo Jeso a fetsa go kolobetsiwa, Sathane ke mo a fo dulela go leketsa go mo woka. Jeso o yye a maka ying? A sanka a tinwa go mo ganetsa. O berekisiye mangwalo gore a ganetse Sathane. O yitseri: “Tloga ho mahlong gaka, wene Sathane!” ke mokane Sathane a mo lesetsa. Le wene a di nyake o lahla tewu mo o ganetsa Sathane, go fo tshwana le Jeso. (Mat. 4:1-11) Sathane le lefase lowa lage ba ka sa lesetse go thilafatsa monagano wago ka dilo tsa go kekema, mara a di nyake o lahla tewu mo o lwa naye. Re ka di kgona go hlula mokgwa wowa wa go lebelela dithombhe tsa batho ba go sa tšwara. Mo Jehova a go gelepa o nyoko di kgona go hlula lenaba lowa.

Tikokotlele ka Jehova mo o rapela. Pawulo o yitseri: “Rapela o šwennye mo o botsa Modimo tso di go llisang; ke mokane go beba ga Modimo ga gore go phala mehlobo ka mokana ga yona ya go kwisisa, go nyoko tšhireletsa dipelo tsa lune le matšhika ya lune ya go nagana ka Kreste Jeso.” (Mafil. 4:6, 7) Go beba ga Modimo go nyoko re gelepa ga tso re lwang natso tsa go sinyela Modimo. Mo o ka fo šutela thina ga Jehova, “o nyoko šutela thina gago.”—Jak. 4:8.

Selo se segolo ka matla so se ka re pasopang ke go sa kganele kgole le ye a lawolang dilo ka mokana ga tsona. Jeso o yitseri: “Ye a lawolang lefase lowa [Sathane] we tla, fote a ka sa mmake selo.” (Joh. 14:30) Ke ntaba Jeso a bolabodiye mantsu yane a sa kamake? O yye a hlatolla gore: “Ye a nrommeng o na le nna; aa nlahla, ka taba la gore ke fo dula ke maka tso di nyakang ke yene.” (Joh. 8:29) Mo o kene o maka tso di jabodisang Jehova, nnete a ka sa ro go lahla. Kganela kgole le mokgwa wa go lebelela dithombhe tsa batho ba go sa tšwara, le Sathane a ka sa ro go tanya.