1. Ke ntaba di nyaka re tseyela hlogong mantsu ya Jeso a ma bolabodiyeng?

NAKWELA Jeso a porofeta ka dilo tso di nyoko makegang ka dinako tso tsa mafelelo, o yitseri: “Tipasopeneng gore dipelo tsa lune di sa robe ke . . . mešekelo ya lephelo,” tsotsone di rela go šekela ka go nyaka go kraya tšheleta ya go tlala gore re thogo phela; go balabala ka tsa lephelo la ka moka matšatši. (Luka 21:34) Taba yone di nyaka re yi tseyele hlogong. Ke ntaba mara? Ka taba la gore le rune re tlela ke dilo tsa go tlala tsa go re šekedisa, go fo tshwana le tso di tlelang batho ka mokana ga bona.

2. Ke mathatha ya mošaga mang ya ma magageru ma hlakanang nawo?

² Di ka makega gore le rune re gahlanne le mathatha ya go lategetsana. Kwane ka magageru ya mangwana ke yawa. Mogageru ye mongwana ye ba reng ke John, * wa gore o na le bolwele bya go fo lepoga le go fela a lahlegela ke monagano, o yye a kwa go baba mo mosadi wage a mo lahla, gedimo ga mo ba nyalanne 19 ya mengwaga. Go tokegela gana hone, barwediya bage ba yye ba lesetsa go berekela Jehova. Bob le mosadi wage ye ba ba reng ke Linda le bona ba yye ba gahlana le mathatha ya mohlobohlobo, mo ba sa re ba lebelele ka mo go sinyega ka mo. Ka babedi ga bona ba yye ba felela ke mmereko fote le go patelela ntlo ba sa sa di kgona. Go tokegela gana hone, Linda o yye a kena ke bolwele bya pelo bya gore le go mmolaya bo ka mmolaya, a boya a kena ke bolwele byo bongwana bya gore ke mo bo kene bo thukunya bo bolayetsela masole yage ya mmele.

3. Lengwalo la Mafilipi 4:6, 7, le re hlayisela ying ka Jehova?

³ Re tshepa re tiyisiye gore ye a re makiyeng, Papa wa rune Jehova, o di kwisisa ka matla mo go na le tso di re kgahleletsiyeng. Fote o tikemisele go re gelepa mo re gahlana le tsa go re phiriketsa.  (Bala Mafilipi 4:6, 7.) Lentsu la Modimo le bolabola ka dilo tsa go tlala tsa go kwisa go baba tso malata yage ma yyeng ma tiyisela ga tsona. Fote le hlatolla ka mokgo Jehova a yyeng a ma gelepa ka gona gore ma ka phela byang ga seyemo sa mošaga wone. Tla re bolaboleneng ka tse dingwana tsa tsona.

4. Eliya o yye a gahlana le tsa mohlobo mang, fote tsotsone di yye tsa maka gore a tikwe byang ka Jehova?

⁴ Eliya o yye a berekela Jehova le mo go bifiye fote a ghulana le tsa go tlala tsa go baba. Kgoši ya Israyele ya gore ke mo yi sa tshepege ye ba reng ke Ahaba, ke mo yi nyadiye mosadi ye ba reng ke Jezebele wa go rapela Bhaali. Yene le mosadi wage ke mo ba tlatsiye naga ya Israyele ka medimo ya matsaka, fote ba bolayetsela baporofeta ba Jehova. Eliya o di kgonne go tšhaba. O phonne tlala yo ne yi kenele naga ka taba la gore ne a tikokotlele ka Jehova. (1 Mag. 17:2-4, 14-16) Go tokegela gana mone, Eliya o yye a fo tikokotlela ka Jehova le nakwela a phigisiwa ke baporofeta ba Bhaali, le batho ba bangwana ne ba rapela yene Bhaali. O yye a kgopela Maisrayele gore ma sa lesetse go berekela Jehova. (1 Mag. 18:21-24, 36-38) Eliya ke mo a di bona gore ga dinako tsone tsa go baba, Jehova o naye.

5-6. Magoši ya Mathomo 19:1-4 yi šupetsa gore Eliya o yye a tikwa byang, fote Jehova o yye a šupetsa ka ying gore ga Eliya o mo nyaka ka matla?

⁵ Bala 1 Magoši 19:1-4. Eliya o yye a tšhoga ka matla mo Mosadi wa Kgoši ye ba reng ke Jezebele a mmotsa gore o nyoko mmolaya. Byalo o yye a tšhabela polekeng ye ba reng ke Bheresheba. O yye a kgongwela ka matla “a šinya a kgopela gore nkare a ka kgwa.” King so se mo makiyeng gore a tikwe ka mokgonone? Eliya ke mo a sa yenela, go le “motho wa go fo tshwana le rune.” (Jak. 5:17) Nakwenngwana taba yone yi ka fo ba yi mo  makiye gore a kwe di mo kgahleletsiye fote a tinnwe la go sa hlayisege. Di šupa nkare Eliya ke mo a tseya gore tso a di makiyeng tsa go botsa batho gore ba rapele ka mokgo Modimo a nyakang, ke mo go fo ba tsa mahala, le gore a se šiyo so se tšhentšhiyeng ga Maisrayele fote ke mo go le yene a ntoši ye ne a berekela Jehova. (1 Mag. 18:3, 4, 13; 19:10, 14) Di ka fo re makatsa gore moporofeta yewa wa go tshepega wa Modimo o yye a tikwa ka mokgonone. Mara Jehova ke mo a kwisisa ka mokgo Eliya a tikwang ka gona.

⁶ Jehova a sanka a kgwasolanya Eliya nakwela a mmotsa ka mokgo a tikwang. Mara o yye a mo tiyisa. (1 Mag. 19:5-7) Ka nthago Jehova o yye a gelepa Eliya gore a tšhentšhe ka mokgo a naganang, ke mokane a mo šupetsa matšhika Yage. Byalo Jehova o mmutsiye gore go sa na le 7 000 ya Maisrayele ya gore ma ganne go rapela Bhaali. (1 Mag. 19:11-18) Gabutšibutši Jehova o mo šupetsiye ga Eliya gore o mo nyaka ka matla.

7. Ka mokgo Jehova a gelepiyeng Eliya, di maka gore re be le tshepo ya mošaga mang?

⁷ Ayitsano le wene go na le tso di go kgahleletsang? Di re jabodisa ka matla go bona ka mokgo Jehova a yyeng a kwisisa seyemo sa Eliya! Le rune di re tiyisa ka matla go tšiba gore Modimo wa kwisisa mo go na le tso di re hlupang. O di tšiba gabutši tso re ka kgonang go di maka le tso di re šitang. (Pis. 103:14; 139:3, 4) Mo re ka fo kopisela ga Eliya, ra tisamela ka Jehova mo go na le tso di re kgahleletsiyeng, o nyoko re gelepa.—Pis. 55:22.

8. Jehova o nyoko go gelepa byang gore o lwe le tso di go kgahleletsang?

⁸ Mo go ka fo ba go na le tso di go kgahleletsiyeng, o ka fo tseya gore tso di go makegelang di ka sa ro fela, sosone se ka maka gore o kgongwele. Mo di ka fo go makegela, o sa lebale gore Jehova o nyoko go gelepa gore o tiyisele ga tso di go kgahleletsang. O nyoko go gelepa byang? O re wene mmotse tso di go hlupang le tsa go go kgongwetsa. O nyoko go fetola mo o mo llela gore a go gelepe. (Pis. 5:3; 1 Pet. 5:7) O sa lesetse go botsa Jehova mathatha yago. Nnete ke gore a ka sa bolabole nago go tshwana le ka mokgo ne a bolabola le Eliya, mara o nyoko bolabola nago a berekisa Baebele le mokgahlo wage. Tso o di balang ho Baebeleng di ka go kgomoletsa fote tsa maka gore o tshepe gore dilo di nyoko tšhentšha. Le magageru ya ka ho phutegong ma ka go kgomoletsa.—Maroma 15:4; Maheb. 10:24, 25.

9. Monghana wa mannete a ka re gelepa ka mokgo mang?

⁹ Nakwela Jehova a botsa Eliya gore a neye Eliša mmereko wo mongwana wo ne a wo maka, ke mo a mo gelepiye ka matla, ka taba la gore Eliša ke mo go le motho wa gabutši ye ne a nyoko gelepa Eliya. Le rune di gabutši ka matla mo re ka fo kraya monghana ye re ka bolabolang naye, ka taba la gore o nyoko re gelepa gore re šikare tso di makang gore re tikwe re kgongwele. (2 Mag. 2:2; Diy. 17:17) Mo o ka fo kwa nkare aa šiyo ye o ka mo hlayiselang tso di go hlupang, rapela Jehova, o mo kgopela gore a go gelepe o kraye Mokreste wa gore o butšwiye gore a go tiyise.

10. Taba ya Eliya yi re tiyisa byang, fote mantsu ya ma leng ga Jesaya 40:28, 29 ma re gelepa byang?

¹⁰ Jehova o gelepiye Eliya gore a ye mahlong a lwa le tso ne di mo šekedisa, ka thoko a kene a mmerekela ka go tshepega ka mengwagangwaga. Tso di makegeleng Eliya di re tiyisa ka matla. Re ka fo hlakana le tsa go re kgahleletsa tsa go maka gore re lwale le go maka gore re sa jabole. Mara mo re tisamela ka Jehova, o nyoko re neya matšhika ya go mmerekela re sa tekateke.—Bala Jesaya 40:28, 29.

11-13. Malata ya Modimo ku botala ma yye ma fo kwa byang ka tso ne di ma kgahleletsa?

¹¹ Ba bangwana ka ho Baebeleng le bona ba yye ba gahlana natso tsa go ba kgahleletsa. Mo re beyisa, Hanna o yye a tiyisela mo mogaditsong  wage a mo poyila ka taba la mo a sa belege. (1 Sam. 1:2, 6) Hanna ke mo a na le dilo tso ne di mo kgahleletsiye ka matla, fote di maka gore a fo dula a lla, le go ja a sa sa ja.—1 Sam. 1:7, 10.

¹² Kgoši Dafita le yene ke mo di na le go mo kgahleletsa. Nagana ka tso a yyeng a gahlana natso tsa go mo phireketsa. O yye a kgongwetsa ke dilo tso a di makiyeng tsa go tšwa pateng. (Pis. 40:12) Morwayi wage ye ne a mo nyaka ka matla ye ba reng ke Absalomo, o yye a maka tsa go tšiba ke yene, tsotsone tsa maka gore ba feleletse ba mmolayye. (2 Sam. 15:13, 14; 18:33) Monghanage ye mongwana wa gore ke mo a mo nyaka ka matla, o yye a mo sepela ka fase. (2 Sam. 16:23–17:2; Pis. 55:12-14) Dikoša tsa go tlala tso Dafita a di ngwadiyeng di šupetsa gore ne a kgongwele ka matla fote ke mo a mo tshepiye ga Jehova a sa tekateki.—Pis. 38:5-10; 94:17-19.

¹³ Mopisalema ye mongwana o yye a thomisa go nabela maphelelo ya batho ba dipelo tse diphifadu. Di ka makega gore ke mo go le motlogolo wa Asafa wa Lelifi, fote go ka makega gore ne a bereka ‘ga poleke ye kgolo ya go hlawolega yo ne yi berekisiwa mo go rapediwa Modimo.’ Mopisalema yewa o yye a kwa di mo kgahleletsiye ka matla tsa go šala a sa sa jabodiye fote a kwa a sa kgotsofala. O yye a thomisa le go sa sa tshepa gore Modimo o kene wa mo rufa.—Pis. 73:2-5, 7, 12-14, 16, 17, 21.

14-15. Re tšhuta ying ga ditaba tsa malata ya Modimo ya ka ho Baebeleng ga taba yowa ya go botsa Jehova tso di re hlupang?

¹⁴ Malata yawa ya Jehova ka mararo ya go bolabodiwweng ka wona ma yye ma tikokotlela ka Jehova gore a ma gelepe. Ma yye ma rapela di ma baba, ma mmotsa dilo ka mokana ga tsona tso ne di ma phiriketsa. Ne ma sa tšhabe go mmotsa dilo tso ne di ma kgongwetsa ka matla. Ke mo ma sa lesetse go ya mo Jehova ne a rapediwa gona.—1 Sam. 1:9, 10; Pis. 55:22; 73:17; 122:1.

 ¹⁵ Jehova o yye a šupetsa gore o ba kwela go baba, a ba fetola ka mokana ga bona. Hanna o yye a fo kwa a bebiye. (1 Sam. 1:18) Dafita o ngwadiye gore: “Mehlupego ya motho wa go loka yi tlele ka matla, mara Jehova o mo phonisa ga yona ka moka.” (Pis. 34:19) Mopisalema o yye a di kwa gore Jehova “o mo tshwere ka letsogo la go ja,” fote o šupetsa gore wa mo nyaka ka go mo yetetsa. Mo a yepelela o yitseri: “Mo go le nna yene, tsa go šutela thina ga Jehova di ya mperekela. Ke makiye gore Jehova, yene Modimo ye Mogolo go be legawu laka.” (Pis. 73:23, 24, 28) Re tšhuta ying ga ditaba tsowa? Ka nakwenngwana mathatha yawa ma ko fo ba ma kene ma re kgahleletsa. Mara re ka di kgona go lwa le mathatha yawa mo re ka fo ghayela ka mokgo Jehova a yyeng a gelepa batho ba bangwana, ra tikokotlela ka yene ka go rapelo le go maka dilo ka mokana ga tsona tso a di nyakang.—Pis. 143:1, 4-8.

16-17. (a) Ke ntaba di sa nyake re dulela kgole le Jehova le batho bage? (b) Re ka tiyisiwa byang?

¹⁶ Tso di makegeleng batho bowa ka bararo di re tšhutisa taba ye nngwana ya gore di nyaka re yi tseyela gedimo, ya gore re sa dulele kgole le Jehova le batho bage. (Diy. 18:1) Mosadi ye mongwana ye ba reng ke Nancy, wa gore monnage o yye a mo šiya o re: “Ke ga go tlala ke sa nyake motho  ho thina gaka fote ke sa nabele le go bolabola. Mara mo ke dulela ku thoko le batho, ke mo ke napa ke kgongwela ka matla.” Dilo di yye tsa thomisa go tšhentšha mo Nancy a gelepa batho ka mathatha ya bona. O re: “Ke yye ka theetsela mo ba mpotsa tso di ba ghulang. Ka di bona gabutši gore mo ke ba kwela go baba, ke ya tiyelela.”

¹⁷ Mo re ka fo dula re ya megahlanong ya phutego, re nyoko tiyelela. Mo re le ho megahlanong, re maka gore Jehova a thogo re ‘gelepa le go re kgomoletsa.’ (Pis. 86:17) Jehova o re tiyisa ka moya wage wa go hlawolega, ka Baebele le ka malata yage. Taba ye nngwana ke gore mo re le gana howa, re thogo kraya lešuba la go “tiyisanana.” (Maroma 1:11, 12) Mogageru ye mongwana wa mosadi ye ba reng ke Sophia o yitseri: “Ke gelepiye ke Jehova le magageru gore ke thogo tiyisela. Mara megahlano ya phutego ne ke yi tseyela gedimo ka matla. Ke di bonne gabutši gore mo ke ya megahlanong le tšhomong, ke fo teya ke feta ga tso di nkgahleletsang.”

18. Jehova a ka re makela ying mo re kgongwela?

¹⁸ Mo re kwa re kgongwela, a di nyake re lebala gore Jehova ke yene a ntoši ye a re tshepisang gore o nyoko tlosa dilo ka mokana ga tsona tso di re kgahleletsang ku mahlong, mara le gana byalo o sa na a re gelepa. O maka gore re kwe re “nabela fote re na le matšhika” ya go hlula dilo tso di re kgahleletsiyeng tso di nyakang gore re lahle tewu.—Mafil. 2:13.

19. Lengwalo la Maroma 8:37-39 le re tshepisa ying?

¹⁹ Bala Maroma 8:37-39. Pawulo wa lepostola o re botsa gabutši gore Modimo o re nyaka ka matla, a se šiyo so se ka ga re yahloganyang naye. Re ka ma gelepa byang magageru ya gore maa karakara gore ma fete ga tso di ma kgahleletsang? Hlogotaba ya go latela yi nyoko bolabola gore re ka kopisela byang ga Jehova mo re gelepa batho ba bangwana, fote yi nyoko tikisa le taba ya gore re ka thegeletsana byang le magageru mo ba na le tso di ba kgahleletsang.