1-2. (a) King so se re gelepang gore re ye mahlong le mo re na le tso di re ghulang? Hlatolla. (b) Re nyoko bolabola ka ying ga hlogotaba yowa?

NJE a wo fele o gopola ntshetshere yo o fitiyeng ga yona, ke mokane wa bolabola gore, “Ke di tšiba gabutši gore ka bo nna mong, nke ke sa kgona go yi hlula.” Ba go tlala ba rune re fitiye gana hone. Di ka makega gore o yye wa bolabola ka mokgonone ka nthago ga go bona ka mokgo o yyeng wa kgona go tiyisela, nakwela o lwala ka matla kela o kgwele ke motho ye o mo nyakang ka matla. Mo o nagana ka ntshetshere yone, le wene wa tikwa gore o yi hludiye ka taba la gore moya wa Jehova wa go hlawolega, wo go neyye “matšhika ya gore ma ka kgakala ga ya re ma tlwayeleng.”—2 Makor. 4:7-9.

² Re tshepiye moya wa go hlawolega gore re sa fokole ke lefase lowa la go sa loka. (1 Joh. 5:19) Go tokegela gana hone, re nyaka matšhika ya go lwa le “madimona.” (Maef. 6:12) Gana byalo re nyoko bolabola ka dilo ka dipedi tso moya wa go hlawolega wo re gelepang ka tsona. Ke mokane re bone gore king so re ka se makang gore moya wa go hlawolega wo re berekele.

3. Jehova o re gelepa byang gore re tiyisele ga tsa go re ghula?

³ Moya wa Jehova wa go hlawolega wo re neya matšhika kela wa re tiyisa gore re thogo maka mmereko wa rune le mo re hlakana le tsa go re ghula. Pawulo wa lepostola ke mo a di tšiba tsa gore o kgonne go ya mahlong a kene a berekela Jehova ka taba la gore ke mo a tikokotlele “ka matšhika ya Kreste.” (2 Makor. 12:9) Ga mmereko wage wa bobedi wa borumiwa, Pawulo a sanka a lebelela mmereko wa go tšhomayela fela, ke mo a bereka le mmereko wo mongwana gore a thogo tipasopa. Ke mo a dula gaye ga Akhwila le Phrisilla ku Korente. Ke mo ba bereka mmereko wa go maka matente. Pawulo le yene ke mo go le motho wa go maka matente, byalo ke mo a  fela a bereka nabo. (Meber. 18:1-4) Moya wa go hlawolega wo neyye Pawulo matšhika ya gore a make mmereko wa gore a thogo tipasopa le gore a yenetse mmereko wage wa go tšhomayela.

4. Makorente wa Bobedi 12:7b-9 yi re ke tsa go sasamela tsa mošaga mang tso Pawulo a yyeng a hlakana natso?

⁴ Bala 2 Makorente 12:7b-9. Ga ditemanyana tsowa, Pawulo ke mo a ra gore king mo a re o na le “mutlwa nameng?” Mo o hlabiye ke mutlwa mara wo so hlomudiwi, o ba o kwa go baba la go sa hlayisegi. Byalo, Pawulo ke mo a bolabola gore tso ke mo a hlakanne natso ke mo di tshwana le mo nkare o hlabiye ke mutlwa. Ke mo a re dilo tsone tsa go mo ghula di tshwana le “lengeloyi la Sathane” la gore le dula le mo “tula.” Di ka makega gore Sathane le madimona yage a yi bona ba makiyeng gore Pawulo a hlakane le tsa go mo ghula tsa go tshwana le mutlwa wa gore wo mo hlabiye. Mara mo madimona yane ya dipelo tse diphifadu ma bona mutlwa wone, ke mo ma nyaka go napa ma wo totometsa gore a kwe go sasamela tsa nkare ke moka. Byalo Pawulo o yye a maka ying?

5. Jehova o yye a fetola merapelo ya Pawulo ka mokgo mang?

⁵ Sa mathomo ke gore Pawulo ne a nyaka go hlomudiwa “mutlwa.” O yitseri: “Ke yye ka kgopela Jehova gararo . . . gore a nhlomule mutlwa wone.” Nnete ke gore le mo Pawulo a rapele ga tleletlele, mutlwa wone ke mo wo f’lo re gememe. Ayitsano sosone se rela gore Jehova a sanka a mo fetola ga Pawulo mo a rapela? Dho. O yye a mo fetola. Jehova a sanka a tlosa ntshetshere yone, mara o yye a neya Pawulo matšhika ya go tiyisela. Jehova o yitseri: “Matšhika yaka ma napa ma šupetsa gore ma felegelele mo o lelemela.” (2 Makor. 12:8, 9) Modimo o yye a gelepa Pawulo gore a dule a jabodiye fote a bebiye tsa mannete!—Mafil. 4:4-7.

6. (a) Jehova a ka fetola merapelo ya rune byang? (b) Mangwalo ya ma leng mo sereleng ma ka go tiyisa byang?

⁶ Go fo tshwana le Pawulo, ayitsano le wene o yye wa kgopela Jehova di go baba gore a go logolle mathatheng? Di ka makega gore o rapele ga tleletlele mara wa kraya dintshetshere tsa gona nkare o ro bulela, ayitsano o yye wa tikwa nkare Jehova aa sa go tseya o le selo? Mo nkare go sone, nagana ka mošupetso wa Pawulo. Jehova o yye a fetola merapelo yage, byalo le wene o nyoko fetola merapelo yago! Jehova a ka fo sa tlose mathatha yane. Mara o nyoko re neya moya wa go hlawolega gore re thogo ba le matšhika ya go tiyisela ga tso di re phiriketsang. (Pis. 61:3, 4) Mathatha ma ka re “phukulusa” ra šala re bhunyele, mara Jehova yene a ka sa re lesetse.—2 Makor. 4:8, 9; Mafil. 4:13.

7-8. (a) Moya wa go hlawolega wo tshwana ka ying le moya wa go fuka? (b) Petro o yye a hlatolla gore moya wa go hlawolega wo bereka byang?

⁷ Ke mokgwa wofeng wo mongwana wo moya wa go hlawolega wo re gelepang ka wona? Re ka tshwanisa moya wa go hlawolega le moya wa go fuka ku lewatle, moya wa go hlawolega o ka re gelepa gore re ye mahlong re kene re berekela Jehova le mo go na le tsa go re ghula, go segela re kena lefaseng la nyuwane.

⁸ Petro wa lepostola ke mo go le motho wa go loba dihlapi, byalo tsa go sepela ka sekepe ke mo a ro di tšiba ka matla. A di makatse mo a bolabola ka mokgo moya wa go hlawolega wo berekang ka gona, a wo tshwanisa le go sepela ka sekepe. O ngwadiye gore: “A go na seporofeto so se yyeng sa leya ke motho, mara batho ke mo ba bolabola tsa go tšwa ga Modimo ba kene ba yetetsa ke moya wa go hlawolega.” Lentsu la Segerika la gore le hlatodiwwe go le “tšhofa” gabutšibutši le rela go “kgarametsa.”—2 Pet. 1:21.

9. Mo Petro a bolabola ka lentsu go “kgarametsa,” gabutšibutši ke mo a naganne ka ying?

⁹ Mo Petro a bolabola ka lentsu go “kgarametsa,” gabutšibutši ke mo a naganne ka ying? Luka ye a ngwadiyeng puku ya Mebereko o berekisiye lentsu la go yelana le lolone la Segerika, mo a  bolabola ka sekepe sa go “tšhofa” ke moya wa ku lewatle. (Meber. 27:15) Morene mongwana wa go tšhutela Baebele o yitseri, mo Petro a ngwala ka bo ba ngwadiyeng Baebele gore ke mo ba “tšhofa” ke moya wa go hlawolega, o yye a maka gore batho ba nagane ka taba ya mo motho a sepela ka sekepe. Gabutšibutši Petro ke mo a re taba yowa yi fo tshwana le mo sekepe se tšhofa ke moya gore se thogo segela mo se yang, byalo le bo ba ngwadiyeng Baebele ke mo ba tšhofa kela ba kgarametsa ke moya wa go hlawolega gore ba make mmereko wa bona. Morenewa wa go tšhutela Baebele o yitseri: “Bo ke mo ba ngwala Baebele ke mo ba tshwana le dikepe tsa gore ba di ghwimbhiye diseyila tsa tsona gabutši, byalo ke mo ba tikemisele go yetetsa ke moya wa go hlawolega gore ba make mmereko. Jehova o yye a maka so ne a tshwanele a se make. O yye a ba “tšhofa” kela a ba neya moya wa go hlawolega. Ke mokane sosone sa maka gore bo ba go ngwala Baebele ba thogo maka mmereko wa bona. Ba yye ba bereka ba kene ba yetetsa ke moya wa go hlawolega.

10-11. Ke dilo difeng ka dipedi tso re tshwaneleng re di make go šupetsa gore re yetetsa ke moya wa go hlawolega? Beyisa.

¹⁰ Nnete ke gore gana byalo Jehova aa sa butšwelela batho gore ba ngwale Baebele. Mara, Jehova o sa yetetsa malata yage ka moya wa go hlawolega. Le lekgono lo, o sa maka mmereko wage. Re ka maka byang gore moya wa Modimo wa go hlawolega wo re berekele? Di nyaka re sa tshwatele mmereko wa rune. Mara re ka di maka byang tsotsone?

¹¹ Beyisa ka taba ke yowa. Mo motho wa go sepela ka sekepe a nyaka gore moya wo mmerekele, o tshwanele a make dilo ka dipedi ke tsowa. Sa mathomo, di nyaka a libise sekepe sage mo moya wo fukelang gona. Mara, mo a ka sa tloge mo dikepe di yemang gona fote a sa yi mo moya wo fukelang, sekepe sage se ka sa yi mahlong. Sa bobedi, di nyaka a rotose diseyila tsa sekepe fote a di phurulle ka matla. Moya wo ka fo fuka, mara nnete ke gore sekepe se nyoko ya mahlong mo nkare diseyila di kraya moya. Mo re na le moya wa go hlawolega, re nyoko di kgona go tiyisela re kene re  berekela Jehova. Gore moya wa go hlawolega wo re berekele, di nyaka re make dilo ka dipedi ke tsowa. Sa mathomo, di nyaka re sepelele mo moya wa go hlawolega wo re gapelang gona. Sa bobedi, di nyaka re “rotose diseyila” tsa rune ka matla ka gore re sa tshwate go maka mmereko wa rune. (Pis. 119:32) Mo re ka maka dilo tsone, moya wa go hlawolega wo nyoko re tšhofa gore re ye mahlong le mo re kene re gahlana le tsa go re phiriketsa go segela lefaseng la nyuwane.

12. Gana byalo re nyoko petapeta ka ying?

¹² Go segela gana byalo, re petapetiye ka dilo ka dipedi tso moya wa go hlawolega wo ka re gelepang ga tsona. Moya wa go hlawolega wo re neya matšhika fote wo re gelepa gore re dule re tshepega le mo re hlakana le tsa go re ghula. Fote moya wa go hlawolega wo re gelepa gore re dule re le ga pata ya lephelo la go ya go yye. Gana byalo, re nyoko petapeta ka dilo ka dine tso re tshwaneleng re di make gore moya wa go hlawolega wo thogo re berekela.

13. Thimothi wa Bobedi 3:16, 17 yi re Mangwalo ma ka re gelepa ka ying, fote king so rune re tshwaneleng re se make?

¹³ Sa mathomo, tšhuta Lentsu la Modimo (Bala 2 Thimothi 3:16, 17.) Modimo o berekisiye moya wa go hlawolega go “butšwelela” bo ke mo ba ngwala Baebele gore ba ngwale tso yene a di nyakang. Modimo o berekisiye moya wage gore a ‘butšwelele’ tso a di naganneng ka menaganong ya bo ne ba ngwala Baebele. Mo re bala Baebele re boya re ghayela ka tso re di badiyeng, melawo ya Modimo yi kena ka menaganong le dipelong tsa rune. Sosone se maka gore re tšhentšhe maphelelo ke mokane re kwe di re tšhofa gore re make tso di jabodisang Modimo. (Maheb. 4:12) Mara gore moya wa go hlawolega wo thogo re berekela, di nyaka re tihlupe ka go bala Baebele ka moka matšatši fote re ghayele ka matla ka tso re di badiyeng. Ke mokane Lentsu la Modimo le nyoko re kutšetsela ga tso re di bolabolang le ga tso re di makang.

14. (a) Ke ntaba re ka re go na le moya wa go hlawolega megahlanong ya rune ya Sekreste? (b) King so se nyoko re gelepang gore moya wa go hlawolega wo re berekele mo re le megahlanong?

¹⁴ Sa bobedi, rapelaneng Modimo ggoši. (Pis. 22:22) Megahlanong, ke mo moya wa go hlawolega wa Jehova wo fukang gona. (Kut. 2:29) Ke ntaba re reyano? Ka taba la gore mo re gahlana le magageru re rapelela moya wa go hlawolega, re yepelela dikoša tsa gore di tšwa ka Lentsung la Modimo fote re theetsela magageru ya gore ma hlawodiwwe ka moya wa go hlawolega mo ma beya dipolabolo. Moya wonone wa go hlawolega ke wona fote wo wo makang gore magageru ya basadi ma kgone go lukiselela le go beya dipolabolo tsa bona gabutši. Gore moya wa go hlawolega wo re berekele, di nyaka re lukiselele gabutši gore re thogo fetola megahlanong. Mo re ya megahlanong, tsotsone di ko ba di tshwana le gore re sepela ka sekepe sa gore “seyila ya gona ba yi phurulliye gabutši.”

15. Moya wa go hlawolega wo kena ka kaye ga mmereko wa rune wa go tšhomayela?

¹⁵ Sa boraro, o sa tshwatele mmereko wa tšhomo. Mo re berekisa Baebele ga mmereko wa rune wa go tšhomayela le wa go tšhutisa, re yikela moya wa go hlawolega gore wo re gelepe. (Mrm. 15:18, 19) Mo re nyaka gore moya wa go hlawolega wo re berekele, di nyaka re tšhomayela re berekisa Baebele mo go kgonegang. Se sengwana so se ka makang gore mmereko wa rune wa go tšhomayela wo be lula, ke mo re berekisa mešupetso yo yi leng ga Sepukwane sa Mogahlano wa Maphelelo le Matšhomayelelo.

16. Di nyaka re make ying gore re thogo kraya moya wa go hlawolega?

¹⁶ Sa bone, rapela Jehova. (Mat. 7:7-11; Luk. 11:13) Gore re thogo kraya moya wa go hlawolega, di nyaka re wo kgopele ga Jehova ka go mo rapela. Fote a se šiyo le ka ssoši so se ka makang gore merapelo ya rune yi sa segele ga Jehova, kela sa maka gore moya wa go hlawolega wo sa re segelele, le mong lepharo la jele le yene mong Sathane a ka sa ro di kgona. (Jak. 1:17) Re ka rapela ka mokgo mang gore moya wa go hlawolega wo re  berekele? Gore re thogo kraya diphetolo, tla re lebeleleneng taba ya go bolabola ka thapelo ga mošupetso wo wo leng ga Ebangedi ya Luka. *

17. Re tšhuta ying ga mošupetso wa Jeso wo wo leng ga Luka 11:5-9 le 13?

¹⁷ Bala Luka 11:5-9 le 13. Mošupetso wa Jeso wo re šupetsa ka mokgo re tshwaneleng re rapelele moya wa go hlawolega. Ga mošupetso wone, morene mongwana o kraya so ne a se nyaka “ka taba la go kgopela di mmaba fote a sa hlagasele.” Ke mo a sa tšhabe go kgopela monghanage gore a mo gelepe le mo go le bošego. * Jeso o yye a berekisa mošupetso wowa byang mo a rapela? O yitseri: “Ariyeneng mahlong le kene le kgopela, le nyoko neyiwa; ariyeneng mahlong le nyaka, le nyoko kraya; ariyeneng mahlong le kokota, le nyoko bulediwa.” Byalo, re tšhuta ying? Gore re thogo kraya moya wa go hlawolega, re tshwanele re wo rapelele di re baba.

18. Mošupetso wa Jeso wo maka byang gore re sa kamake gore mo re kgopela moya wa go hlawolega ga Jehova, o nyoko re neya?

¹⁸ Mošupetso wa Jeso fote wo re gelepa go kwisisa gore ke ntaba Jehova a re neya moya wa go hlawolega. Morene go bolabodiwweng ka yene ga mošupetso wa ka ho kgakala ke mo a tišupetsa gabutši gore o kgona go yamogela divakaši. Ke mo a kwa di mo tšhofa gore a hlallele divakaši tsage le mo di fo re palakata bošego, a kene a tihlupegela. Jeso o yitseri, moyagelane ye ba kgopelang gage o yye a šinya a tsoga ka taba la gore morenene ke mo a kgopela sekgwa di mmaba. Jeso ke mo a ra gore king? Mo nkare motho wa go sa yenela o kgona go kwela moyagelane wage go baba, Papa wa rune wa legedimong a ka sa gane go neya bo ba mo kgopelang moya wage wa go hlawolega di ba baba! Byalo, re ka rapela re sa kamake gore Jehova mo re mo kgopela moya wa go hlawolega o nyoko re neya wona.—Pis. 10:17; 66:19.

19. Ke ntaba re sa kamake gore re nyoko hlula?

¹⁹ Re ya tshepa gore le mo Sathane a sa tinwi go re tlela ka mathayithayi ya go sa fele, re nyoko hlula. Ke ntaba? Ka taba la gore moya wa go hlawolega wo re gelepa ka ditsela ka dipedi. Sa mathomo, wo re neya matšhika ya go tiyisela tsa go re phiriketsa. Sa bobedi, matšhika yane ma re gelepa go ya mahlong re berekela Jehova re kene re yemele gore go segele lefase la nyuwane la Modimo. Wa tšiba nkare re ka tikemisela ka matla go lesetsa moya wa go hlawolega gore wo re berekele!