1-2. Go makegiye ying mo malata ya Jeso ka mabedi ma bakiye Emawuse?

 KE NISANI 16, 33 C.E. malata ya Jeso ma kgongwele ka matla fote ma tšhugiye. Ka babedi ba bona ba tloga Jerusalema ke mokane ba ya Emawuse, mutši wo monyana wa gore wo ka go tseya gana hala ga 11 ya dikhilomitha mo o tloga Jerusalema. Banna bowa ba kgongwele ka matla ka taba la gore Jeso, monna wa gore ne ba kene ba mo latelela, ba sa tšwa go mmolaya. Ne ba nagana gore Mesiya o nyoko makela Majuda dilo tsa gabutši, mara gana byalo o hlokofele. Ke mokane go makega se sengwana sa gore ne ba sa se nagana.

² Ba gahlana le morene mongwana wa gore a ba mo tšibi ke mokane a thomisa go sepela nabo. Malata yawa ma mmotsa dilo tsa go kwisa go baba tsa gore di makegele Jeso. Ke mokane monna yene o thomisa go bolabola ka dilo tsa gore ba ka sa tsoge ba di libele. O berekisa Mangwalo le diporofeto go hlatolla gore ke ntaba Mesiya ne a tshwanele go hlupegisiwa le go kgwa. Mo banna bowa kararo ya bona ba segela Emawuse, morenene wa gore ne ba sa mo tšibi o ba botsa gore ke yene mang—ke Jeso wa gore ba mo tsusiye ga bo ba hlokofeleng! Ke mo ba jabodiye stereka go tšiba gore Mesiya wa phela fote!—Luk. 24:13-35.

3-4. King so se makegeleng malata ya Jeso, fote re nyoko tšhuta ying ga hlogotaba yowa? (Mebereko 1:3)

³ Ga 40 ya matšatši ya Jeso ne a šalele ke wona ho lefaseng, o yye a nyarela gatleletlele ga malata yage. (Bala Mebereko 1:3.) Ka nako yonone, malata ya Jeso ya gore ne ma kgongwele fote ma tšhugiye, ma thomisiye go jabola ke mokane ma šišimala gore ma  ye ma tšhutise le go tšhomayela ditaba tsa go bafala ka Mmušo. a

⁴ Le rune di ka re berekela mo re ka tšhuta ka tso Jeso a di makiyeng ka dinako tsone. Ga hlogotaba yowa, re nyoko lebelela ka mokgo Jeso a berekisiyeng nako yowa (1) go tiyisa malata yage, (2) go ma gelepa gore ma kwisise Mangwalo gabutši, le (3) go ma tšhutisa gore ma thogo tshwaragana le mmereko wo mogolo. Ga taba ye nngwana le ye nngwana, re nyoko bona ka mokgo re ka kopiselang mošupetso wa Jeso.

TIYISA BA BANGWANA

5. Ke ntaba ne di nyaka gore malata ya Jeso ma tiyisiwe?

⁵ Malata ya Jeso ne ma nyaka go tiyisiwa. Ke ntaba? Ba bangwana ba šiyye dintlo, mitši, le dibhizinisi gore ba be le Jeso. (Mat. 19:27) Ba bangwana ne ba sa ba tshware gabutši ka taba la gore ne go le malata yage. (Joh. 9:22) Ke mo ba tikona tse dingwana ka taba la gore ne ba di tshepa tsa gore Jeso ne go le yene Mesiya ye ne a tshepisiwwe. (Mat. 16:16) Mara nakwela ba mmolaya, ke mo ba kgongwele ka matla ka taba la gore ne ba sa tšibi gore go nyoko makega ying.

6. King so Jeso a se makiyeng ka nthago ga gore ba mo tsose?

⁶ A re kamake gore Jeso o di bonne gore malata yage ma kgongwele, tsotsone a di ya maka gore a ma tseye ma gayela ga tso tsa Modimo, mara ne a di kwisisa gore ne ma tikwa ka mokgonone ka taba la gore ne a hlokofele. Byalo, ka letšatši lo a tsusiwweng ka lona ga bo ba hlokofeleng, o yye a thomisa go tiyisa banghana bage. Mo re beyisa, o nyarele ga Mariya Magdalina nakwela a lla ku lebitleng. (Joh. 20:11, 16) O nyarele le ga malata yala ka mabedi ya gore ne ma ya Emawuse. Ke mokane a nyarela le ga Petro wa lepostola. (Luk. 24:34) Re ka tšhuta ying ga mošupetso wa Jeso? Lebelela gore go makegiye ying nakwela a nyarela ga Mariya Magdalina.

7. Go fo ya ka mokgo Johane 20:11-16 yi hlayang, Jeso o bonne Mariya a maka ying ka bošego bya Nisani 16, fote sosone se mo tšhofiye gore a make ying? (Lebelela le sethombhe.)

⁷ Bala Johane 20:11-16. Mo go sa le ka phu ka Nisani 16, basadi ba bangwana ba gore ne ba tshepega ba yye lebitleng la gore ne le na le setopo sa Jeso. (Luk. 24:1, 10) Tla re bolaboleneng ka tso di makegeleng ye mongwana wa basadi  bowa, Mariya Magdalina. Mo Mariya a segela hala lebitleng, o krayye go f’lo re nghwee. O yye a taboga gore a botse Petro le Johane ke mokane a ba šala nthago mo ba tabogela hala lebitleng. Ka nthago ga mo ba šele ba bonne gore lebitla lone a le na selo, banna bone ba yye ba sologa ba ya gaye. Mara Mariya aa maka ka mokgonone. O f’lo šala gana hone a kene a lla. Ke mo a sa di bone tsa gore Jeso o mo lebelele. Ke mo a lebelele mo mosadi yene a lla, fote a nyaka go mo kgomoletsa. Byalo, o yye a nyarela ga Mariya ke mokane a maka se sengwana sa gore se lula sa gore se yye sa mo tiyisa ka matla. O bolabodiye naye fote a mo neya mmereko wo mogolo—wa gore a botse bobhuti ba Jeso gore ba mo tsusiye.—Joh. 20:17, 18.

8. Re ka mo yekisela byang ga Jeso?

⁸ Re ka mo yekisela byang ga Jeso? Re yekisela Jeso mo re hlohletsela magageru gore ma ye mahlong ma berekela Jehova. Go tshwana le Jeso, di nyaka re sa takisi maahlo dintshitshire tso ba ghulanang natso, re liketse go kwisisa ka mokgo ba tikwang re boye re ba kgomoletse. Tseya ka mošupetso wa mogageru wa mosadi ye ba reng ke Jocelyn, wa gore sesi wage o hlokofale go baba. O re, “Go fediye dikgwedi tsa go tlala ke kgongwele ka matla.” Mara, mogageru ye mongwana le mosadi wage ba yye ba mo mema ntlong ya bona, ba mo theetsela ba kene ba mo kwela go baba, fote ba mmotsa gore Jehova o mo tseyela gedimo ka matla. Jocelyn o re: “Ke f’lo kwa nkare Jehova o ba berekisiye gore ba ntshe lewatleng la gore le na le sedingwane sa gore se tlemme, ke mokane ba mpeya ga sekepe sa gore ba se berekisa mo ba phonisa maphelo. Ba n’gelepiye gore ke nape ke ro ganya dikobo gore ke thogo ya mahlong ke berekela Jehova.” Le rune re ka tiyisa ba bangwana ka go ba theetsela mo ba re botsa tso di leng ka dipelong tsa bona ke mokane ra bolabola re kene re šupetsa gore re ya kwelana, re kene re karakara gore re ba tiyise gore ba ye mahlong ba berekela Modimo.—Marom. 12:15.

GELEPA BA BANGWANA GORE BA KWISISE MANGWALO

9. Malata ya Jeso ne ma phiriketsa king, fote Jeso o ma gelepiye ka mokgo mang?

⁹ Malata ya Jeso ke mo ma tshepa Lentsu la Modimo fote ma yye ma karakara ka matla gore ma theetsele Jehova. (Joh. 17:6) Mara, ke mo ma sa kwisisi gore ke ntaba Jeso ba mmolayye tsa nkare ke sekgohlane. Jeso ke mo a di tšiba gore malata yage ke mo ma na le tumelo le gore ga Jehova ke mo ma mo nyaka ka matla, mara o di bonne gore ke mo di nyaka ma kwisise Mangwalo gabutši. (Luk. 9:44, 45; Joh. 20:9) Byalo, o yye a ma gelepa gore ma kwisise gore tso ma di balang Mangwalong di rela ying. Lebelela gore o di makiye byang tsotsone nakwela a gahlana le malata yala ka mabedi ya gore ne ma ya Emawuse.

10. Jeso o gelepiye malata yage ka mokgo mang gore ma thogo di bona gore nnete ne go le yene Mesiya? (Luka 24:18-27)

¹⁰ Bala Luka 24:18-27. Lebelela gore Jeso aa yakgoswela go botsa banna bala gore ke yene mang. Mara, o yye a butsisa diputsiso. Ke ntaba? Di ka fo makega gore ne a nyaka ba mo thuletsele so se leng ka pelong le tso ba di nagana. Fote ba f’lo maka ka mokgonone. Ba mmutsiye gore ke mo ba yemele gore Jeso a ba yimulle ga Maroma ya gore ne ma ba kgahleletsiye. Ka nthago ga gore ba hlaye ka mokgo ne ba tikwa ka gona, Jeso o berekisiye Mangwalo gore a ba gelepe ba thogo kwisisa gore go makegiye ying. b Ka malobana wa gona, Jeso o fetsiye nako le malata yage a kene a ma hlatollela gore diporofeto tsone ne di rela ying. (Luk. 24:33-48) Re ka tšhuta ying ga taba yowa?

11-12. (a) Re ka tšhuta ying ga ka mokgo Jeso a tšhutisiyeng dinnete tsa Bhayibele? (Lebelela le dithombhe.) (b) Ye ne a tšhutisa Nortey Bhayibele o mo gelepiye byang?

¹¹ Re ka mo yekisela byang ga Jeso? Sa mathomo,  mo o tšhutisa bo o balang nabo Bhayibele, di nyaka o butsise diputsiso tsa gore di nyoko ribolla so se leng ka dipelong tsa bona le tso ba di naganang. (Diy. 20:5) Mo o thomisa go kwisisa ka mokgo ba tikwang ka gona, ba šupetse gore ba ka ma kraya byang mangwalo ya gore ma ka ba gelepa ga seyemo sa bona. Ke mokane o liketse ka matla gore o sa ba botse gore ba tshwanele ba make ying. Mara, ba butsise diputsiso tsa go sipidisana le ditemanyana tsa Bhayibele ke mokane o ba hlohletsele gore ba nagane ka tso ba di balang le gore ba ka di berekisa byang. Lebelela mošupetso wa mogageru wa ku Ghana ye ba reng Nortey.

¹² Nakwela Nortey a na le 16 ya mengwaga, o yye a thomisa go tšhuta Bhayibele. Ka nthago nyana ga hone, ba gabo ba yye ba mo ganetsa. O gelepiye king gore a ye mahlong a tšhuta Bhayibele? Ye a mo tšhutisang Bhayibele ke mo a berekisiye Matewu tema 10 go mo hlatollela gore Makreste ya mannete ma nyoko hlorisiwa. Nortey o re, “Byalo mo ba thomisa go nhlorisa, ke napiye ke di bona gore ke krayye mong yona nnete.” Ye a mo tšhutisang Bhayibele o mo šupetsiye Matewu 10:16 ya gore yi hlaya gore di nyaka re hlalefe, ke mokane ba bolabola ka gore temenyana yowa yi ka gelepa Nortey byang gore a thogo hlatollela ba gabo tso a di dumelang. Ka nthago ga gore a kolobetsiwe, Nortey ke mo a nyaka go ba mošupatsela, mara papage ke mo a nyaka gore a ye Yunivesithi. Mogageru ye a mo tšhutisang Bhayibele a sanka a botsa Nortey gore a make ying, mara o mmutsisiye diputsiso go mo gelepa gore a nagane ka ditšhiko tsa Bhayibele gore a thogo segelela sepheto sa gabutši. Ditaba tsowa di yye dya felela kaye? Nortey o yye a fetsa ka gore go be mošupatsela. Papage o yye a mo raka gaye. Nortey o yye a tikwa byang? O re, “Ke ya di tšiba tsa gore ke segelele sepheto sa gabutši.” Mo le rune re tineya nako gore re thogo gelepa ba bangwana gore ba ghayele ka Mangwalo, re ka ba gelepa gore ba tiyise tumelo ya bona le gore ba ye mahlong ba berekela Jehova.—Maef. 3:16-19.

GELEPA MAGAGERU GORE GO BE “BANNA BA GORE BA KGONA GO MAKA DILO”

13. King so Jeso a se makiyeng gore mmereko wa go tšhomayela wo ye mahlong le mo a šele a boyele legedimong? (Maefeso 4:8)

¹³ Nakwela Jeso a le ho lefaseng, o makiye tso Jehova a mo kgopeleng gore a di make. (Joh. 17:4) Mara Jeso ke mo a sa nagane gore ke yene a ntoši wa gore a ka maka tso Jehova a mo kgopeleng gore a di make. Ga kararo ya mengwaga le sekopa ya mo Jeso a tšhomayela, o tšhutisiye ba bangwana gore ba make mmereko wone. Mo Jeso a soko bane a boyela legedimong, ke mo a  tshepa malata yage. O ma neyye mmereko wa go tšhomayela le go tšhutisa ditaba tsa go bafala le gore ma pasope dinku tsa Jehova tsa gore o di tseyela gedimo. Di ka fo makega gore malata ya mangwana ya gore ne ma yeta mahlong ga mmereko wone ne ma soko segela ga 30 ya mengwaga. (Bala Maefeso 4:8.) Jeso o ma berekisiye byang 40 ya matšatši yage ya mafelelo gore a gelepe banna bowa ba gore ne ba tineyele, ba gore baa tshepega fote baa karakara gore go be “banna ba gore ba kgona go maka dilo”?

14. King so Jeso a se tšhutisiyeng malata yage nakwela a šalele ke 40 ya matšatši a le ho lefaseng? (Lebelela le sethombhe.)

¹⁴ Jeso o yye a yeletsa malata yage a sa jikajiki mara a kene a ma šupetsa gore wa kwela. Mo re beyisa, o di bonne gore malata ya mangwana ne ba kwana le go kamaka, byalo o yye a ma yeletsa. (Luk. 24:25-27; Joh. 20:27) Fote o ma butsiye gore ma karakare ka matla gore ma pasope batho ba Jehova, ma sa tlalele ka matla ga tso tsa go nyaka go ba le sekwetše sa go tlala. (Joh. 21:15) O ma gopotsiye gore ma sa hlupege ka matla ka mebereko yo ba bangwana ba ka yi krayang ka ho ga Jehova. (Joh. 21:20-22) Fote o yye a ghobolla tso ne ba di nagana tsa gore a yi tsona ka Mmušo ke mokane a ba gelepa gore ba ye mahlong ba tšhomayela ditaba tsa go bafala. (Diy. 1:6-8) Bagolo ba ka tšhuta ying ga Jeso?

15-16. (a) Bagolo ba ka yekisela Jeso byang? Hlatolla. (b) Patrick di mmerekele byang nakwela a wolodiwa?

¹⁵ Bagolo ba ka yekisela Jeso ka mokgo mang? Di nyaka ba tšhutise magageru, ba tšhutise le bo ba gore ba sa gola gore ba karakare ka matla ka phutegong. c Bagolo a ba yemela gore magageru yaa ba ma tšhutisang mmereko, ma teye ma tshwarelele ga wona. Di nyaka gore ba tšhutise bo ba gore ba sa gola ba kene ba ba šupetsa gore ba ba nyaka ka matla gore ba thogo kgona go tinyanafatsa, go tshepega le go dula ba tikemisele go gelepa ba bangwana.—1 Thim. 3:1; 2 Thim. 2:2; 1 Pet. 5:5.

¹⁶ Lebelela gore mogageru ye ba reng ke Patrick yi mo gelepiye byang taba ya go wolodiwa. Nakwela go sa le ye monyana, ke mo a fela a fo bolabola a se na dibhriki, a sa tshware ba bangwana gabutši, tsotsone ke mo a di maka le ga magageru  ya basadi. Mogolo ye mongwana o yye a di bona gore ne di nyaka gore Patrick a tšhentšhe ke mokane a mo wolola mara a kene a mo šupetsa gore wa mo kwela. Patrick o re, “Ke jabola ka matla gore mogolo yewa o nšupetsiye gore di nyaka ke lukise go gongwana. Ke mo di nkgongwetsa mo ke bona magageru ya mangwana ba ma neya mmereko wa gore ne ke wo nabela. Mara mo mogolo yene a n’wolola, tsotsone di n’gelepiye gore ke tinyanafatse mo ke berekela magageru, ke sa tlalele ka matla ga taba ya gore ba nneye mmereko wa go tlala ka phutegong.” Mafelelong, Patrick o yye a ba mogolo mo a na le 23 ya mengwaga.—Diy. 27:9.

17. Jeso o šupetsiye byang gore ke mo a tshepa malata yage?

¹⁷ Jeso aa fo neya malata yage mmereko wa go tšhomayela fela mara o ma neyye le mmereko wa go tšhutisa. Malata yage ma ka fo ba ma yye ma nagana gore ne ma ka sa di kgone go maka mmereko wo Jeso ne a ma neyye wona. Mara Jeso ke mo a sa kamake gore ma nyoko di kgona go wo maka fote aa ma wutetsela taba yone. Jeso o yye a šupetsa gore wa ma tshepa mo a re: “Ke le roma go fo tshwana le ka mokgo Papa a nrommeng.”—Joh. 20:21.

18. Bagolo ba ka yekisela Jeso ka mokgo mang?

¹⁸ Bagolo ba ka mo yekisela byang ga Jeso? Bagolo ba gore ba hlalefiye ba tšhutisa magageru ya mangwana ka go ma neya mebereko ye mengwana. (Mafil. 2:19-22) Mo re beyisa, mogolo a ka kgopela bo ba gore ba sa gola gore ba mo gelepe ka go yedisa Holo ya Mmušo le go yi pasopa. Bagolo ba ka neya magageru mmereko gore ma wo make, ba ma tšhutisa gore ma wo make byang ke mokane ba ma tshepa gore ma ko wo maka gabutši. Mogageru wa gore a yi botala go le mogolo ye ba reng ke Matthew, o hlaya gore o leboga bagolo ba gore ba mo tšhutisiye mmereko ke mokane ba mo tshepa gore a ka wo maka go segela a wo fetsa. O re, “Mo ke kekemisa, ba n’gelepiye gore ke thogo di bona gore nka tšhuta se sengwana gana hone ke mokane ka lukisa.” d

19. Di nyaka re tikemisele go maka ying?

¹⁹ Jeso o berekisiye 40 ya matšatši ya ne a šalele ke wona mo lefaseng gore a thogo tiyisa, a thogo tšhutisa le go gelepa ba bangwana gore ba tšibe mmereko. Nkare re ka tikemisela go maka ka mokgo a makiyeng ka gona. (1 Pet. 2:21) O nyoko re gelepa gore re thogo di segelela tsone. Re ya di tšiba gore o re tshepisiye gore: “Ke na le lune ka moka matšatši, go segela lefase lowa le fela.”—Mat. 28:20.