Nje o ka di kgona go fetola diputsiso tsowa o berekisa Diwokamelo tsa 2019?

Modimo ke mo a ra gore king mo a tshepisa gore: ‘Segale so ba se makelang go lwa le lune se ka sa phomelele’? (Jes. 54:17)

Re ka di tshepa tsa gore Modimo o nyoko re tšhireletsa ga “dikgohlane tsa dipelo tse diphifadu.” (Jes. 25:4, 5) Manaba ya rune ma ka sa tsoge ma re kwaletsiye la gore re šitege le go tlogamela.—w19.01, maph. 6-7.

Ka mokgo Modimo a makamakiyeng dilo le Makanana le Maisirayele ya go woma dihlogo di šupetsiye byang gore o kwana le go loka?

Jehova o yye a teya Maisrayele go baba mo ba tshwara basadi ba go sa kgone go tilwela le bana lešidi. Jehova ke mo a rufa batho bage mo ba tshepega le mo ba tshwarana gabutši.—w19.02, maph. 22-23.

Mo go rapela motho wa gore a yi hlatse, king so re ka se makang?

Re ka fo tikgomolelela le go šupetsa gore re ya hlompa mara a re make gore “amene” kela go tshwaranana ka matsogo le batho ba bangwana ba gore ba ko ba ba le gana hone. Re ka fo tirapelela ka borunebeng ka ho pelong.—w19.03, leph. 31.

Taba ya bana ba go hlorisiwa yi tseyediwa gedimo go segela kaye?

Motho ye a hlorisang ngwana o sinyela ngwanene, o sinyela phutego, o sinyela ba mmušo le Modimo. Mo nkare di nyaka taba yone yi tl’lagiwe ga ba go lawola ba mmušo, bagolo a ba ganetse.—w19.05, maph. 9-10.

Ka mokgo o ka tšhentšhang mo monagano wago wo tlaleleng gona?

Tse dikgolo tsa gona ke tso: Bolabola le Jehova ka thapelo. Ghayela ka go tinyakolla gore o tlalele ka kaye. Kgeta banghana ba gabutši.—w19.06, leph. 11.

O ka tilukiselela go hlorisiwa ka mokgo mang?

Di nyaka re tiyise senghana sa rune le Jehova. Re di tšibe gore Jehova o re nyaka ka matla fote a ka sa ro re lahla. Bala Baebele ka moka matšatši fote o sa lesetse go rapela. Tshepa gore tso Modimo a di bolabodiyeng ka Mmušo wage di nyoko makega. Mangwalo ya ma go jabodisang le dikoša o di tshware ka hlogo.—w19.07, maph. 2-4.

Re ka maka byang gore re gelepe mašaga ya rune gore ma thogo phona?

Di nyaka re ba kwele go baba, re make gore mekgwa ya rune go be yona yi re bolabolelang, re lefise pelo fote re pasope gore re sa ba kwaletse.—w19.08, maph. 15-17.

Ga Matewu 11:28, Jeso o re tshepisiye gore re nyoko yimuluga, byalo re yimullugiye byang?

Re na le bayetamahlong ba gabutši, re na le banghane ba gabutši fote re na le mmereko wa go yi phala ka mokana ga yona.—w19.09, leph. 23.

Modimo o re yetetsa byang? (Mafil. 2:13)

Mo re bala Lentsu la Modimo le go ghayela ka lona, Modimo a ka maka gore re nabele go maka tso yene a di nyakang. Matšhika yage ma ka maka gore re thogo karakara.—w19.10, leph. 21.

King tso o ka di makang mo o soko segelela sepheto?

Ke tsowa dilo tsa kaphetha (5) tso o ka di makang mo o soko bane o segelela sepheto: Nyakolla gabutši. Rapela Jehova gore a go hlalefise. Tšiba gore ke ntaba o nyaka go segelela sepheto sone. Tšiba so o nyakang go se segelela. Tšiba tso o kgonang go di segelela.—w19.11, maph. 27-29.

Nje taba ya gore moya a wo kgwe yi thomisiye ga tso Sathane a di butsiyeng Efa?

A di šupetse ka mokgonone. Mo Sathane a botsa Efa gore a ka sa kgwe, ne a sa rele gore go na le so se šalang se phela. Batho ba go tšhutisa matsaka ka mokana ga bona ba kgwile ka nakwela ya Mogogola wa nakwela ya Nnowa. Di ka makega gore taba yowa ya gore moya a wo kgwe, yi tlalaganne mo Modimo a soko dhunghanya batho bala ba gore ne ba yaga ku Bhabele.—w19.12, leph. 15.