1-2. Mantsu ya Jehova ya ma leng ga Jesaya 65:16, 17 ma re gelepa byang gore re sa šepisi?

“O SA ŠEPISI!” yowa ke mo go le hlogotaba ya go jabodisa ka matla ya letheto la mogahlano wo mogolo wa 2017. Letheto lone le šupetsiye gore re ka tiyisela byang le mo go na le tsa go re kgahleletsa. Go šele go fitiye kanne ya mengwaga, mara le gana byalo lowa, re sa na re tiyisele dilo tsa lefase lowa.

² Wene o kene o kikirisana le ying? Ayitsano go na le lešaga kela monghanago ye a hlokofeleng, kela o kenne ke bolwele bya gore bo ka go bolaya, kela o tikwela go tsofala? Ayitsano mo o dulang gona ke mo go na le kotsi ya hlago, batho baa lwa kela le ya hlorisiwa? Kela go na le bolwele bya go tshwana le byowa bya go sabalala bya COVID-19 bya gore bo go leyele mathatha? Re le yemele ka maahlo ya makhubedu letšatši la mo dilo tsowa ka mokana ga tsona di ko ba di fitiye, re di libele fote di ka sa sa tsoga di makegiye!—Bala Jesaya 65:16, 17.

3. Di nyaka re make ying gana byalo, fote ke ntaba di nyaka re maka tsotsone?

³ Lephelo le ya baba, fote di ka makega gore ku mahlong re kwe nkare go nyoko thuhluga le tšhika. (Mat. 24:21) Tsotsone di napa di fo šupetsa gore taba yowa ya go tiyisela, yi ka sa fele gana byalo. Ke ntaba? Akere le Jeso o yitseri: “Le nyoko phona mo le ka tiyisela.” (Luk. 21:19) Mo re nagana ka tso di makang gore ba bangwana ba thogo tiyisela dintshitshire tsa go tshwana le tsa rune, re thogo tiyisela.

4. Ke ntaba Jehova go le yene wa go re phala ka mokana ga rune ga taba ya go tiyisela?

⁴ Ke mang wa go re phala ka mokana ga rune ga taba ya go tiyisela? Ke Jehova Modimo. Ayitsano ya go makatsa taba yone? Nakwenngwana di maka ke gore a o soko yi nagana. Lefase lowa le lawola ke Diyabolo, fote mathatha ma yeketsega ma yeketsegiye. Jehova o na le matšhika ya gore a ka fetsa ka wona gana byalo nyana, mara o yemele letšatši lage gore le segele. (Marom. 9:22) Gana  byalo, Modimo wa rune o fo ba a tiyisele gore nako yone yi šinye yi segela. Tla re bolaboleneng ka nkokwane ya dilo tso Jehova a di tiyiseleng.

5. Lebitso la Modimo ba le poyilannye byang, wene o tikwa byang ka taba la tsotsone?

⁵ Lebitso lage ba le psyirelanya ka maraga. Jehova le mo jabodisa ka matla lebitso lo lage, fote o nyaka gore batho ka mokana ga bona ba le hlompe. (Jes. 42:8) Go šele go fitiye 6 000 ya mengwaga batho ba kene ba poyilanya lebitso lage. (Pis. 74:10, 18, 23) Dilo tsowa ka mokana ga tsona di thomisiye ku tšhomong ya Edene nakwela Diyabolo (Wa go Leba) a hlayela Modimo matsaka, a re o kona Adamo le Efa se sengwana sa gore se nyoko ba jabodisa. (Gen. 3:1-5) Go tlugisela ka nako yone, Jehova ba sa na ba mo hlayela matsaka, ba re o kona batho dilo tsa gore baa di nyaka. Jeso ke mo yi mo hlupa ka matla taba yowa ya gore batho ba psyirelanya lebitso la Papage ka maraga. O makiye ke tsotsone gore a tšhutise malata yage gore ma rapele ma re: “Papa wa rune wa magedimong, lebitso lago le hlawolege.”—Mat. 6:9.

6. Ke ntaba Jehova a lisetsiye gore go fete nako ya go lefa mo a soko šupetsa gore ke mang ye a tshwaneleng go lawola?

⁶ Batho ba phigisana le mokgwa wage wa go lawola. Jehova ke yene a tshwaneleng go lawola magedimo le lefase, fote a go na tsela ye nngwana ya go lawola ya gore yi phala yage. (Kut. 4:11) Diyabolo o liketsiye go fokola mangeloyi le batho, a nyaka gore ba tseye gore Modimo wa šitega go lawola. Ke mo di nyaka go fete nako ya go lefa gore go lukisiwe taba yowa ya gore Jehova ke yene a tshwaneleng go lawola. Modimo o hlalefiye, byalo o lisetsiye gore go fete nako ya go lefa a kene a lisetsiye batho gore ba tilawole gore ba thogo bona gore mo ye a ba makiyeng a se šiyo ho thina, ba nyoko dula ba rapogana go baba. (Jer. 10:23) Modimo o lefisiye pelo, byalo taba yowa yi nyoko wolologa. Re nyoko thanaka yene ka taba la gore o nyoko berekisa Mmušo wage gore a leye go beba le go tšhireletsega ho lefaseng.

7. Ke bomang ba gore ba jikele Jehova, fote yene o nyoko ba maka ying?

⁷ Bana bage ba bangwana ba mo jikele. Nakwela Jehova a maka batho le mangeloyi, ke mo ba yenele, go se na ga go kekema. Mara lengeloyi lo ba reng ke Sathane (Wa go Phigisa) le yye la maka gore le Adamo le Efa ba gore ke mo ba yenele, ba jikele Jehova. Batho ba bangwana le mangeloyi ba yema nabo. (Juda 6) Ka morago ga nako, le mong wona Maisrayele, ba gore ke mo go le batho bo Modimo a tikgeteleng bona, ba yye ba sa sa yi kena yage, ba thomisa go rapela medimo ya matsaka. (Jes. 63:8, 10) Jehova a kwa ba mo sipidiye ka fase. Mara a fo tiyisela, fote o nyoko fo tiyisela go šinye go segele nako ya gore a nape a fetsa ka bona. Ka nthago ga mone, Jehova le bo ba yyeng ba mo theetsela ba nyoko ba ba jabodiye ka taba la gore di ka sa sa nyaka gore ba tiyisele dilo tsa go baba tsa lefase lowa!

8-9. Batho ba re king mo ba hlayela Jehova matsaka, mara rune re ka maka ying?

⁸ Diyabolo o fo dula a mo hlayela matsaka. Jobo ke mo go le lelata la Jehova la go loka, mara Sathane o yye a fo mo hlayela matsaka go na go le ka mokgonone, gabutšibutši ke mo a re batho ka mokana ga bona ba gore baa tshepega ga Jehova Modimo ba mmerekela ka taba la gore ba lebelele go kraya se sengwana. (Jobo 1:8-11; 2:3-5) Tso tsa go hlayela batho matsaka, Diyabolo aa soko lahla. (Kut. 12:10) Mo re tiyisela tsa go re ghula re boya re šupetsa Jehova gore re mo nyaka ka matla ka go tshepega gage, di ko napa di yela gore Sathane o bolabola matsaka. Mo re ka tiyisela, Jehova o nyoko re rufa go tshwana le Jobo.—Jak. 5:11.

⁹ Sathane o berekisa baruti go botsa batho gore Jehova o na le pelo ye phifadu fote ke yene a makang gore batho ba hlupege. Mo bananyana ba hlokofala, ba bangwana ba re Modimo o tsere,  ba re ke mo a nyaka go yeketsa mangeloyi yage ku legedimong. Wa tšiba batho bowa baa mo dhelela ga Modimo! Rune re tšiba gabutši gore go makega ying. Mo re lwala ka matla kela go hlokofala wa gore ne re mo nyaka ka matla, a re sole Modimo. Mara re ya tšiba gore tšatši le lengwana, o nyoko di lukisa dilo tsowa ka moka. Mo motho a nyaka go tšiba, re ya mmotsa gore Jehova Modimo o re nyaka ka matla. Mo re ka maka ka mokgonone, Jehova o ko thogo fetola yewa wa go mo šuhlašuhla.—Diy. 27:11.

10. Pisalema 22:23, 24 yi re Jehova ke wa mošaga mang?

¹⁰ Malata yage ya gore o ma nyaka ka matla maa hlupega. Jehova ke Modimo wa go kwelana go baba. Mo a re bona re kene re kgohlelele go hlorisiwa, go lwala kela gore re fela re kekemisa go gongwana ka taba la gore a ra yenela, di mo kwisa go baba ka matla. (Bala Pisalema 22:23, 24.) Jehova wa di kwisisa gore re kwa go baba; o nyaka go di tlosa dilo tsone ka moka, fote o nyoko di tlosa. (Tshwanisa le Eksoda 3:7, 8; Jesaya 63:9.) Le nyoko segela letšatši la gore “o nyoko sula dinepedi ka moka maahlong ya bona, malikgu ma ko ba ma sa sa le šiyo, le go lla kela go gotla kela go kwa go baba.”—Kut. 21:4.

11. King sa gore Jehova o se hlologele ka malata yage ya go tshepega ya gore gana byalo ma hlokofele?

¹¹ Aa sa kgona go bolabodisana le banghana bage ba gore ba hlokofele. Jehova o tikwa byang ka banna le basadi ba gore ke mo ba tshepega, ba gore gana byalo ba hlokofele? O ba hlologele ka matla! (Jobo 14:15) O bona nkare Jehova o mo hlologele go segela kaye ga monghanage Abhrahama? (Jak. 2:23) Moše yene, wa gore ke mo a bolabola naye “ba lebeletsanne”? (Ek. 33:11) Le ga Dafita le bomopisalema ba bangwana di šupa nkare o fo kwa a nabela go kwa mo ba kene ba yepelela dikoša tsa bona tsa go natefa tsa go mo thanaka! (Pis. 104:33) Re ya di tšiba gore banghana bowa ba Jehova Modimo ba kgwile, mara aa ba lebala. (Jes. 49:15) O gopola selo se  sengwana le se sengwana ka bona. Bhayibele yi re ho “gage baa phela ka mokana ga bona.” (Luk. 20:38) O nyoko ba tsosa ka letšatši le lengwana, o nyoko ba kwa mo ba mo rapela di tšwa pelong fote o nyoko ba theetsela. Mo nkare le wene o hlokofalele ke wa genu kela lešaga, nkare mantsu yawa ma ka go kgomoletsa barena.

12. King sa gore se kwisa Jehova go baba ka matla ka nako yowa ya mafelelo ya gore go tlele batho ba dipelo tse diphifadu?

¹² Batho ba dipelo tse diphifadu ba tshwara ba bangwana lešidi. Nakwela Jehova a bona batho ba ku Edeni ba mo jikela, ke mo a tšiba gore go sa nyoko sinyega ka matla. Dilo tsa go befa, batho ba go makana lešidi le bokgohlane tso di makegang ho lefaseng, Jehova aa kwane natso. Ke botala ka matla a kene a šupetsa gore o kwelana le bo ba gore baa lelemela le ba gore a baa pasopega, ba gore a ba na babelegi le ba go hlokofalela ke banna kela basadi. (Zak. 7:9, 10) Jehova o kwa go baba ka matla mo a bona batho bage ba go tshepega ba tshwariwa lešidi ba boya ba kwalediwa jele. Lune ba gore le kene le kgohlelele go tshwana naye, le sa kamake gore o le nyaka ka matla.

13. Modimo o bona batho ba maka dilo tsa mošaga mang tsa go silikisa, fote o nyoko maka ying ka tsona?

¹³ Batho a ba sa titshwara gabutši. Mo Sathane a bona batho ba gore ba makiwwe ka setshwano sa Modimo ba sa titshware gabutši, o jabola ka matla. Nakwela ya Nnowa mo Jehova Modimo a bona “gore batho ba thomisa go sinya ka matla” ‘o yye a tisola gore mara motho ke mo a sa re o mo makela ying ho lefaseng, pelo yage ya kwa go baba ka matla.’ (Gen. 6:5, 6, 11) Go byang lekgono? Go sa na go fo titshwanela! Diyabolo o jabola ka matla mo a bona batho ba kwana le mehlobo ka mokana ga yona ya bonghwahla, go tshwana le mo motho a yetsela le motho wa gore aa šadha naye, kela mo banna ba yetsela le banna le basadi ba yetsela le basadi! (Maef. 4:18, 19) Mo Sathane a bona batho ba gore ba tipotsa gore ba tshwere nnete ba sinyela Modimo, o napa a ro hlakela. Mo nako yo Jehova a yi beyyeng yi segela, o nyoko šupetsa gore batho ka mokana ga bona ba go maka bonghwahla, ba mo silikisa ka matla.

14. Batho ba le tshwere byang lefase la Modimo le diphoolwane?

¹⁴ Batho ba sinya lefase lage. Mo motho a le ka ‘kgakala ga motho ye mongwana, o mo kwisa go baba’ fote aa le tshware gabutši lefase lowa le diphoolwane tso Jehova a mo neyyeng gore a di pasope. (Mmo. 8:9; Gen. 1:28) Bo ba go tšhutega ba re tso batho ba di makang di ka šinya di maka gore ga mengwaganyana yo yi tlang, go nyamalale gana hala ga miliyoni ya mehlobo ye mengwana ya dimilane le diphoolwane. * Ba maka ke tsotsone mo ba šinya ba hlupa ke seyemo sa lefase sa gana byalo! Sa go re jabodisa ke gore Jehova o tshepisiye gore o nyoko “fetsa ka bo ba go sinya lefase” a boya a tšhentšha lefase ka mokana ga lona gore go be pharadeyisi.—Kut. 11:18; Jes. 35:1.

15-16. Di nyaka re tšhofe king gore re kgohlelele go tshwana le Jehova? Beyisa.

¹⁵ O fo nagana nje ka mešekelo ya go kgahleletsana ka matla ya gore yi kgohlelele ke Papa wa rune wa legedimong ka diketekete tsa mengwaga. (Lebelela lebhokisi la “ Tso Jehova a di Tiyiseleng.”) Nako ye nngwana le ye nngwana, Jehova ke mo a ka fo napa a fetsa ka lefase lowa la batho ba dipelo tse diphifadu. Mara di re thušiye ka matla gore o lefisiye pelo! Tla re fo beyisa ka mokgo. Tla re fo re togotela yi botsa babelegi gore ngwananyana wa bona wa gore o sa le ka mpeng ya mmane wage aa philega fote le mo a šele a segele lefaseng, o nyoko fo dula a lwalalwala a boya a hlokofala go sa le ye monyana.  Babelegi baa di tšiba gore tsotsone di nyoko ba kwisa go baba, mara baa jabola mo ba bona ngwana yewa a belegiwa. Ba mo nyaka ka matla ga ngwananyana yewa wa bona, byalo ba tiyisela dintshitshire ka moka gore ngwananyana wa bona a thogo jabolela lephelo.

¹⁶ Bana ba Adamo le Efa le bona ba belegiwa ba sa yenela. Mara Jehova o sa na a ba nyaka fote wa ba pasopa. (1 Joh. 4:19) Jehova aa tshwane le babelegi bala re bolabodiyeng ka bona, yene a ka maka gore ba sa sa kwa go baba. O beyye nako ya go tlosa mehlupego ya batho ka mokana ga yona. (Mat. 24:36) Akere re di tšiba gabutši gore o re nyaka ka matla, ayitsano tsotsone a yi tsona di tshwaneleng di re hlohletsele gore re kgohlelele naye?

17. Mo re lebelele ka mokgo Maheberu 12:2, 3 yi beyang ditaba mo yi hlatolla Jeso, tsotsone di re hlohletsela byang gore re ye mahlong re tiyisela?

¹⁷ Jehova o re beyisele gabutši gore ba ra ying mo ba re motho wa kgohlelela. Jeso o tseyele ga Papage, le yene o yye a kgohlelela. Nakwela Jeso a le ho lefaseng, o f’lo kgohlelela mo ba kene ba bolabolela thoko ka yene, ba mo poyilanya ke mokane ba mo kokotela phateng ya mohlupego ka taba la rune. (Bala Maheberu 12:2, 3.) A re kamake gore Jeso o tšhutiye ka matla ga Jehova gore le yene a kwe a na le matšhika gore a thogo kgohlelela. Le rune re ka tšhuta gage, ra kwa re na le matšhika.

18. Petro wa Bobedi 3:9 yi re yedisela byang gore ke ntaba Jehova a lefisiye pelo?

¹⁸ Bala 2 Petro 3:9. Jehova o tšiba nako ya gabutši ya go napa a fetsa ka lefase lowa la go sa loka. O lefisiye pelo gore re thogo kgobeketsa mogoba wo mogolo wa batho, gana byalo ba taboga ga dimiliyoni, batho ba gore baa mmerekela fote baa mo thanaka. Ka mokana ga bona ba jabodisa ke gore Jehova o yye a kgohlelela ba šinya ba belegiwa, ba tšhuta go kwana le tsage ke mokane ba tineyela ho gage. Mo dimiliyoni tsa rune batho bage re ka fo yi tshwara ka mokgonone go segela mafelelong, di nyoko ba lekgwaying gore Jehova o makiye gabutši mo a lefisa pelo!

19. Di nyaka re tikemisele go maka ying fote patela ya rune go nyoko ba ying?

¹⁹ Re tšhuta ho ga Jehova gore re kgohlelele re kene re jabodiye. Le mo Sathane a kwisiye batho go baba fote a ba hlupegisa, Jehova go sa na go le “Modimo wa gore o jabodiye.” (1 Thim. 1:11) Le rune re ka dula re jabodiye mo re kene re yemele gore Jehova a yedise lebitso lage, a lawole, a tlose dilo ka mokana ga tsona tsa go sa loka a boye a tlose mathatha ya re nang nawo gana byalo. Tla re tikemiseleng go tiyisela fote nkare di ka re kgomoletsa go tšiba gore Papa wa rune wa legedimong le yene o kene o kgohlelele. Mo re ka maka ka mokgonone, mantsu yawa ma nyoko bereka le ho ga rune: “Go jabola motho wa gore o ya mahlong a tiyisela mo go na le tsa go mo kgahleletsa ka taba la gore mo a hlula dilo tsone di mo kgahleletsang, Jehova o nyoko mo patela ka lephelo la gore o le tshepisa ba gore ba ya mahlong ba šupetsa gore ba mo nyaka ka matla.”—Jak. 1:12.