Ga Makorente wa Mathomo 15:8, Pawulo o hlayye gore: “Mara mafelelong o nyarele gaka, tsa nkare ke belegiwwe nako yi soko segela.” Ku nthago, re šele re bolabodiye gore Pawulo ke mo a bolabola ka tso di mo makegeleng nakwela ga mmono a bona Jeso a khanya ku legedimong. Ke mo go le nkare o thulegele ke lešuba la gore a belegiwe kela a tsusiwe a le ka mmele wa moya nako yi soko segela, mengwaga ya go tlala mo di soko makega tsa gore go tsusiwe batho ka mokgonone. Byalo, mo temanyana yowa yi kene yi badiwa di šupa di nyaka re tšhentšha hlatollo ya temanyana yowa.

Nnete ke gore Pawulo howa o bolabola ka tso di mo makegeleng nakwela a sokologa. Mara ke mo a ra gore king mo a re ke “belegiwwe nako yi soko segela”? Di tlele tso ke mo a ka fo ba a rela tsona.

O sokologiye ka go yakgoswa fote di makegiye ka mokgwa wa go tshosa. Ga go tlala taba ya gore ngwana a belegiwe nako yi soko segela yi makega batho ba sa nagana. Mo Sawulo (wa gore ka nthago o yye a tšibega go le Pawulo) a tshwara tsela a ya Damasekhase gore a ye hlorisa Makreste ya gana hone, ke mo a sa nagana gore a ka bona mmono wa Jeso wa gore ba mo tsusiye. Taba ya gore Pawulo o yye a sokologa ne yi sa makatsa yene a le ntoši, yi makatsiye le Makreste ya gore ne a tikemisele go ma hlorisa ga toropo yone. Go tokegela ga na hone, tso a di bonneng di mo tshusiye ka matla la go šinya a popela maahlo tsa senakonyana.—Meber. 9:1-9, 17-19.

O sokologiye ka ‘nako ya gore a yi ya gabutši.’ Lentsu la Segerika la gore wo“belegiwwe nako yi soko segela” le ka rela le gore “wa gore o belegiwa ka nako ya gore a yi ya gabutši.” Bhayibele ya The Jerusalem yi beya taba yowa ka mokgo: “ke belegiwwe ba sa litela.” Nakwela Pawulo a sokologa, Jeso ke mo a šele a le ku legedimong. Bo ba gore Pawulo o bolabodiye ka bona ga ditemanyana tsa mathomo, a sanka ba bona Jeso wa gore ba mo tsusiye a ya legedimong. (1 Makor. 15:4-8) Jeso o nyarele ga Pawulo a sa nagana a mo thulela lešuba la gore a mmone, le mo yi le gore di šupa nkare o nyarele “nako yi soko segela.”

Tso a di hlayyeng di šupetsa gore ke mo a tinyanafatsa. Ba bangwana ba gore ba tšhutegiye ka matla ba re, mantsu ya Pawulo a ma berekisiyeng howa ma maka gore a tseyediwe fase. Mo nkare ke so Pawulo ne a se naganne, di rela gore ke mo a sa yi phigisi taba ya gore tso ba mo makeleng tsona a di ya mo tshwanela. Gabutšibutši o yye mahlong a hlaya mantsu yawa: “Ke nna lepostola la go sa re selo, fote a di ntshwanele gore ba mpitse lepostola ka gore ke hlorisiye phutego ya Modimo. Mara ka taba la gore Modimo o nkwele go baba, le nna gana byalo ke lepostola.”—1 Makor. 15:9, 10.

Byalo, di šupa nkare Pawulo ke mo a rela taba ya gore Jeso o f’lo nyarela gage a sa nagana, a sokologa ka nako ya gore a yi ya gabutši kela taba ya gore ke mo a sa tlalela ka matla ga tso tsa Modimo la gore ba ka mo wunyullela dilo tsa go makatsa ka mokgo. Le mo go le ka mokgonone, a re kamake gore tso Pawulo di mo makegeleng o di tseyela gedimo. Gage ke mo di šihlela gore ke nnete gore Jeso ke mo ba mo tsusiye ga bo ba kgwileng. A di makatse mo a kwana le gore mo a tšhomayelela ba bangwana ka taba ya gore Jeso ba mo tsusiye a fela a bolabola le ka tso tsa gore di mo makegele a sa nagana.—Meber. 22:6-11; 26:13-18.