1-2. (a) Mara go fo nagana ka lephelo la Jeso le mmereko wage wa go tšhomayela di ka maka gore re tikwe ka mokgo mang? (b) Re nyoko petapeta ka ying ga hlogotaba yowa?

 MO RE hlokofalele ke lešaga, re dula re gopola motho yene ka matla! Sa mathomo, re ka kwisa go baba ke mo re gopola nthago ga matšatši ya mo a šele a le thina le go re šiya, ka matlamatla mo nkare o thomme a hlupega ka matla mo a soko bane a hlokofala. Mara mo goya-goya, re thomisa go jabola fote mo re nagana ka tso a yyeng a re tšhutisa tsona kela mo re nagana ka se sengwana so a yyeng a se maka kela a se hlaya sa gore se yye sa re hlohletsela kela sa maka gore re ngwalangwale.

² Ka mokgonone, di re kwisa go baba ka matla mo re bala ka taba ya ka mokgo Jeso a yyeng a hlupega a boya a kgwa. Ka dinako tsa Segopotso, re berekisa nako ya go tlala re ghayela ka taba ya ka mokgo sehlabelo sa go lepolla sa Jeso se re gelepang. (1 Makor. 11:24, 25) Mara, di re jabodisa ka matla mo re gopola dilo ka mokana ga tsona tso Jeso a di hlayyeng le tso a di makiyeng nakwela a sa le ho lefaseng. Fote di re hlohletsela ka matla go nagana ka tso a tshwaraganneng ka tsona gana byalo le tso a nyoko di makang ku mahlong. Mo re ya mahlong re ghayela ka dilo tsa mošaga wowa, re boya re ghayela ka taba ya gore o re nyaka ka matla tsotsone di nyoko re tšhofa gore re tlogamele re make se sengwana go šupetsa gore re ya leboga, fote hlogotaba yowa yi nyoko re gelepa ga taba yonone.

3. King so se re tšhofang gore re šupetse gore re ya yi leboga taba ya go lepolliwa?

³ Wa tšiba mo re nagana ka tsa lephelo la Jeso le likgu lage re tikraya re sa tšibi gore re leboge re re king. Nako ka mokana ga yona mo Jeso a maka mmereko wa go tšhomayela ho lefaseng, o tšhutisiye batho ka dilo tsa go bafala tso Mmušo wa Modimo wo nyoko ba rufang ka tsona. Byalo, le rune nnete yowa ya go bolabola ka Mmušo  re yi tšhutiye ka Bhayibeleng fote re yi leboga re sa fetsi. Re leboga go lepolliwa ka taba la gore go re thulele lešuba la gore re thogo nghanelana le Jehova le Jeso. Bo ba šupetsang gore ba na le tumelo ga Jeso ba na le tshepo ya go phela go ya go yye fote ba nyoko bona mašaga ya bona ya ma hlokofeleng ma boya gaye. (Joh. 5:28, 29; Marom. 6:23) Go fo bolabola nnete a se šiyo so re ka reng re se makiye mo re šinya re rufiwa ka mokgo fote re ka sa tsoge re di kgonne go patela tso Modimo le Kreste ba re makeleng tsona. (Marom. 5:8, 20, 21) Mara re ka di kgona go šupetsa gore re ba leboga di tšwa pelong. Tsotsone re ka di maka byang mara?

4. Mariya Magdalina o šupetsiye ka mokgo mang gore wa di leboga tso Jeso a mo makeleng tsona? (Lebelela sethombhe.)

⁴ Lebelela mošupetso wa mosadi ye mongwana wa Lejuda ye ba reng Mariya Magdalina. Seyemo sage ke mo se kwisa go baba ka matla, ke mo a hlorisa ke madimona. Di ka makega gore ne a sa tšibi gore a ka kena kakaye. A re kamake gore o yye a leboga ka matla mo Jeso a mo phonisa ga madimona yane! Ka taba la gore ke mo a nyaka go šupetsa gore wa leboga, o yye a ba lelata la Jeso ke mokane a berekisa nako yage, matšhika yage le tso a nang natso gore a thege mmereko wa go tšhomayela. (Luk. 8:1-3) Le mo Mariya ne a leboga tso Jeso a mo makeleng tsona di tšwa pelong, ke mo a sa nape a kwisisa gore go na le tse dingwana tse dikgolo tso Jeso a sa nyoko mo makelang tsona ku mahlong. Ke mo a nyoko neyela lephelo lage gore a phonise ba go tlala, “gore ye mongwana le ye mongwana ye a dumelang gage” a jabolele lephelo la go ya go yye. (Joh. 3:16) Le mo go le ka mokgonone, Mariya o yye a šupetsa gore wa di leboga tso Jeso a mo makeleng tsona ka go dula a tshepega gage. Nakwela Jeso a kwa go baba hala phateng ya mohlupego, Mariya ke mo a kene a le gana hone thina a šupetsa gore wa mo thega fote a boya a tiyisa ba bangwana. (Joh. 19:25) Ka nthago ga mo Jeso a kgwile, Mariya le basadi ba bangwana ka babedi ba yye ba leya tsa go nkgela gore ba thogo tlotsa setopo sa Jeso. (Mar. 16:1, 2) Ka taba la gore Mariya o šupetsiye gore wa tshepega, ba yye ba mo rufa la go sa hlayisegi. O yye a thulegela ke lešuba la gore a bone Jeso wa gore ba mo tsusiye ga bo ba kgwileng a boya a bolabola naye. Di ya hloka go  thulegela ke lešuba la mošaga wonone, malata ya mangwana a maa le kraya.—Joh. 20:11-18.

5. Rune re ka šupetsa ka mokgo mang gore re ya di leboga ka mokana ga tsona tso Jehova le Jeso ba re makeleng tsona?

⁵ Le rune re ka šupetsa gore re ya di leboga tso Jehova le Jeso ba re makeleng tsona ka go berekisa nako ya rune, matšhika le tso re nang natso gore re thogo thega mmereko wa Mmušo wa Modimo. Mo re beyisa, re ka maka gore re tšhele letsogo ga taba ya go yaga meyago yo re rapelang Jehova ga yona fote re boye re yi pasope gore yi dule yi le gabutši.

6. Mara ke ntaba re re sehlabelo sa Jeso ke selo sa gabutši so Modimo a se neyyeng ye mongwana le ye mongwana?

⁶ Mo re ghayela ka taba ya gore Jehova le Jeso ba re šupetsiye gore ba re nyaka ka matla, di re tšhofa gore le rune re ba nyake tsa nkare ke moka. (1 Joh. 4:10, 19) Fote re napa re ba nyakisa tsa mohlolo mo re di bona tsa gore Jeso o kgwele ye mongwana le ye mongwana wa rune. Phela Pawulo wa lepostola ke mo a šihlela yona taba yowa mo a šupetsa gore wa leboga, nakwela a ngwalela Magalata a re: “Morwayi wa Modimo . . . o nnyakiye ka matla fote a neyela ka lephelo lage ka taba laka.” (Magal. 2:20) Ga sehlabelo sa Jeso, Jehova o go gogiye gore o thogo nghanelana naye. (Joh. 6:44) Nje a yi go tikisi mara taba ya gore Jehova go na le sa gabutši so a se bonneng ho gago ke mokane a ntsha patela ya go tura ka matla a makela gore wene o thogo ba monghanage? Ayitsano tsotsone a di make gore ga Jehova le Jeso o nape o ro ba mamarela? Re ko ba re maka gabutši mo ka mokana ga rune re tiputsisa gore, ‘Ka taba la gore Jehova le Jeso ba šupetsiye gore ba nnyaka ka matla, tsotsone di ntšhofa gore ke make ying?’

7. Mo re lebelele sethombhe sowa, re ka šupetsa ka mokgo mang gore ga Jehova le Jeso re ba nyaka ka matla? (2 Makorente 5:14, 15; 6:1, 2)

⁷ Mo re nyaka Modimo le Kreste ka matla di nyoko re tšhofa gore re šupetse ba bangwana gore re ba nyaka ka matla. (Bala 2 Makorente 5:14, 15;  6:1, 2.) Fote re ka šupetsa gore re mo nyaka ka matla ga Modimo le Kreste ka go maka mmereko wa go tšhomayela ka matšato. Re bolabola le batho ka mokana ga bona bo re gahlanang nabo. Aa re yi ka gore motho ke wa mohlobo mang, o tšwa ga setšhaba sefeng, setšo sefeng, o ghannye kela dho, o tšhutegiye kela dho. Mo re maka ka mokgonone, re tshwarisanne le Jehova ga so a tikemiseleng sona sa gore “batho ka mokana ga bona ba phonisiwe fote ba tšibe mong yona nnete.”—1 Thim. 2:4.

8. Re ka šupetsa ka mokgo mang gore magageru re ma nyaka ka matla?

⁸ Fote mo re šupetsa magageru gore re ma nyaka ka matla, tsotsone di napa di šihlela taba ya gore ga Modimo le Kreste re ba nyaka ka matla. (1 Joh. 4:21) Re pasopa magageru ka tso ma di gayelang fote re ya ma thega mo ma gahlana le dintshitshire. Re ya ma kgomoletsa mo ma hlokofalele ke mašaga, re ya ma vakašela mo ma sa titsose fote re karakara ka matla gore re ma tiyise mo ma kgongwele. (2 Makor. 1:3-7; 1 Mathes. 5:11, 14) Fote re dula re ba rapelela re gopola taba ya gore mo “motho wa go loka a rapela di nyoko gelepa batho ba bangwana ka matla.”—Jak. 5:16.

9. King se sengwana so o ka se makang gore o thogo šupetsa gore magageru o ma nyaka ka matla?

⁹ Re šupetsa magageru gore re ma nyaka ka matla mo re karakara gore go dule go bebiye. Re wa re tsoga gore re kopisele ga mošupetso wa Jehova wa go tshwarela ba bangwana. Mo nkare Jehova o yye a dumela gore Morwayi wage a kgwele tso rune re di sinnyeng, rune re ko ba re kenne king mo re sa tshwarele magageru? A re nyake go tshwana le lelata la pelo ye phifadu lo Jeso a bolabodiyeng ka lona ga mošupetso wage. Le mo ye a hiriyeng lelata lone a yye a sula sekoloto sa lona, lona le yye la šitega go tshwarela lelata le lengwana la gore ne le kolota ka gonyana. (Mat. 18:23-35) Mo nkare go na le ye le sa fitisanang gabutši ka ho phutegong, ke ntaba wene o sa thomisi o tlogamela o lukise ditaba o make gore go bebe go soko bane go segela Segopotso? (Mat. 5:23, 24) Mo o ka maka ka mokgonone, o nyoko ba o šupetsa gore o kwana le Jehova le Jeso ka matla.

10-11. Bagolo ba ka šupetsa ka mokgo mang gore ga Jehova le Jeso ba ba nyaka ka matla? (1 Petro 5:1, 2)

¹⁰ Bagolo ba ka šupetsa ka mokgo mang gore ga Jehova le Jeso ba ba nyaka ka matla? Selo se segolo so ba ka se makang ke gore ba pasope dinku tsa Jeso ka tso ba di gayelang. (Bala 1 Petro 5:1, 2.) Jeso a sanka a yi jikajika taba yowa mo a bolabola le Petro wa lepostola. Ka nthago ga mo Petro a phigiye Jeso gararo, o yye a nyakana le mašuba ya gore a šupetse gore o mo nyaka ka matla ga Jeso. Ka nthago ga mo Jeso ba mo tsusiye o butsisiye Petro gore: “Simone morwayi wa Johane, wa nnyaka mara?” A re kamake gore Petro nke a makiye se sengwana le se sengwana gore a šupetse Mong wage gore o mo nyaka ka matla. Jeso o butsiye Petro gore: “Disa dinku tsaka.” (Joh. 21:15-17) Fote Petro o yye a pasopa dinku tsa Morena wage lephelo lage ka mokana ga lona go šupetsa gore ke mo a mo nyaka ka matla ga Jeso.

¹¹ Lune bagolo le ka šupetsa ka mokgo mang gore mantsu yaa Jeso a ma butsiyeng Petro le ma tseyela gedimo ka matlamatla mo go segele dinako tsa Segopotso? Le ka šupetsa gore ga Jehova le Jeso le ba nyaka ka matla, mo le dula le tipeyela nako ya go vakašela magageru go fo re le ma tiyise le go gelepa bo ba gore baa bata ga tso tsa Modimo gore ba boyele ga Jehova. (Hezek. 34:11, 12) Fote le ka šupetsa bo ba tšhutisiwang Bhayibele gore le ya ba jabolela le boya le maka gore bo ba sa thomisang go tla Segopotsong ba tikwe ba yamogelegiye.

12. Ke ntaba di re tiyisa go fo nagana ka mantsu yaa Jeso a ma hlayyeng bošego bya mo a soko bane a kgwa? (Johane 16:32, 33)

¹² Bošego bya mo Jeso a soko bane a kgwa, o butsiye malata yage gore: “Le nyoko hlupegisiwa ho lefaseng, mara šišimalaneng! Lefase ke le hludiye.” (Bala Johane 16:32, 33.) King so se yyeng sa  gelepa Jeso gore a šišimale le mo manaba yage ma kene ma mo tshosetsa a boya a dula a tshepega go segela a kgwa? Ke mo a tshepele ga Jehova. Ka taba la gore Jeso ke mo a di tšiba gore malata yage mo nyoko lebana le tsa go tshwana le tso a fitiyeng ga tsona, o yye a ma kgopelela ga Jehova gore a ma beye lihlo. (Joh. 17:11) Ke ntaba tsotsone di re tiyisa? Ka taba la gore Jehova o na le matšhika go phala manaba ya rune kgole. (1 Joh. 4:4) Fote Jehova o kgona go bona dilo ka mokana ga tsona. A re kamake gore mo re ka tshepela gage, re ka sa tshosanye ke selo fote re nyoko šupetsa gore re šišimele.

13. Josefa wa Arimathiya o šupetsiye ka mokgo mang gore o šišimele?

¹³ Lebelela mošupetso wa Josefa wa Arimathiya. Ke mo a hlompa ke batho ba Majuda ka matla. Ke mo go le wa mogoba wa Sanhendrini, go leng khota ya Majuda. Mara, nakwela Jeso a tšhomayela ho lefaseng, Josefa ke mo a šišimele. Johane o hlayye gore, “ne a latelela Jeso ka makhukhung ka taba la go tšhaba Majuda.” (Joh. 19:38) Le mo Josefa ne a jabolela molayetsa wa Mmušo, ke mo a wutametsela batho gore yene o na le tumelo ga Jeso. A re kamake gore ne a tšhugela gore batho ba ka sa sa mo hlompa mo ba ka di tšiba gore yene o latelela Jeso. Mara Bhayibele yi re botsa gore ka nthago ga mo Jeso a kgwile, Josefa o yye a feleletsa “a šišimala a ya ga Pilato, a segela a kgopela setopo sa Jeso.” (Mar. 15:42, 43) Ye lune, phela taba ya gore Josefa ke lelata la Jeso ke mo yi šele yi wunyulugiye.

14. O ka maka byang mo nkare o hlupa ke taba ya go tšhaba batho?

¹⁴ Ayitsano le wene o tšhaba batho go tshwana le ka mokgo Josefa ne a ba tšhaba? Ayitsano o kwa di go tšebisa go hlaya gore ke wene Hlatse ya Jehova mo o le sekolong kela mmerekong? Ayitsano wa jikajika mo di tla ga taba ya gore o thomise go ba motšhomayedi kela o kolobetsiwe o tšhaba gore ba bangwana ba nyoko go tseya byang? O sa yikele selo se maka gore o lisetse go maka dilo tsa gore wa di tšiba gore ke mong tsona. O sa lisetse go rapela Jehova. Mo kgopele a go neye lešiši la gore o make tso yene a di nyakang. Mo o kene o di bona gore Jehova o fetola merapelo yago, o nyoko fo ya o tiyelela o boya o šišimala.—Jes. 41:10, 13.

15. Ka nthago ga mo Jeso a nyarele ga malata yage, taba ya gore ne ba jabodiye yi ba tšhofiye gore ba make ying? (Luka 24:52, 53)

¹⁵ Bo ba latelelang Jeso ke mo ba kgongwele ka matla mo Jeso a kgwa. O fo nagana o le sa seyemo so ne ba le ga sona. Taba ya gore ba kgwele ke monghana wa bona ye ba mo nyakang ka matla ke mo ba sa hlupe ke yona yi ntoši mara ne ba hlupa fote ke gore ba kwa nkare a ba sa na tshepo. (Luke 24:17-21) Mara, nakwela Jeso a nyarela ga bona, o  tsere nako a ba gelepa gore ba kwisise ka mokgo a tshwaneleng a make gore seporofeto sa Bhayibele se makege. Fote o ba neyye le mmereko wo mogolo wo ne ba tshwanele ba wo make. (Luk. 24:26, 27, 45-48) Ka nthago ga 40 ya matšatši mo Jeso a yinugela legedimong, malata yage ke mo ma jabodiye la go sa hlayisege ma sa sa kgongwele. Go fo tšiba taba ya gore Mong wa bona wa phela le gore o tikemisele go ba gelepa gore ba thogo segelela mmereko wo a ba neyyeng wona, tsotsone di makiye gore ba jabole stereka. Taba ya go jabola yi ba tšhofiye gore ba ye mahlong ba kene ba berekela Jehova.—Bala Luka 24:52, 53; Meber. 5:42.

16. Re ka ma yekisela ka mokgo mang malata ya Jeso?

¹⁶ Mara re ka ma yekisela ka mokgo mang malata ya Jeso? Re ka di kgona go jabola mo re kene re berekela Jehova go seng ka dinako tsa Segopotso fela mara le mo mongwaga wo kene wo takamela. Tsotsone di rela gore di nyaka re yetisa tsa Mmušo wa Modimo ku mahlong mo re kene re phela. Mo re beyisa, ba go tlala ba timakele letheto la gore ba thogo tšhela letsogo ga mmereko wa go tšhomayela, ba sa lofe megahlano fote ba dule ba maka morapelo wa mutši. Ba bangwana ba kgetiye gore ba sa be le dilo tsa go tlala, mola ba bangwana ba nagana gore go nyakega dilo tsone gore ba thogo ba berekisa ka ho phutegong kela gore ba thogo rorela mo go gayelang batšhomayedi ba Mmušo wa Modimo. Le mo yi le gore di nyaka re tiyisela gore re thogo ya mahlong re kene re berekela Jehova, yene o re tshepisa gore mo re ka yetisa tsa Mmušo wa Modimo mahlong mo re kene re phela o nyoko re rufa ra šala re bafele.—Diy. 10:22; Mat. 6:32, 33.

17. King so o tikemiseleng go se maka ka dinako tsa Segopotso? (Lebelela sethombhe.)

¹⁷ Re di yemele ka maahlo ya makhubedu go ba gona Segopotsong ka Labobedi la di 4 April. Mara, re sa nape re yemela letšatši lone gore re thogo bona tsa lephelo la Jeso le likgu lage le gore re thogo bona ka mokgo Jehova le Jeso ba re šupetsiyeng gore ba re nyaka ka matla. Di nyaka re dule re nagana ka dilo tsowa ka matlamatla mo mabeke ya Segopotso ma soko segela le ka nthago ga mo se šele se fitiye. Mo re beyisa, tipeyele nako ya go bala le go ghayela ka tso di leng ga Sepukwane sa Mogahlano wa Maphelelo le Matšhomayelelo ya Rune ya Sekreste sa April 2019 lephephe 4. Mo o kene o maka ka mokgonone, lebelela ditemanyana tsa Bhayibele tso di ka tiyisang taba ya go šupetsa go leboga, go nyakanana, lešiši le go jabola. Ke mokane o nagane ka so o ka šupetsang ka sona gore o leboga di tšwa pelong. O ko di boneng le wene gore Jeso o di tseyela gedimo dilo ka mokana ga tsona tso o di makang ga taba ya go šupetsa gore wa mo gopola ka dinako tsa Segopotso.—Kut. 2:19.