Ke belegiwwe ka 1934. Babelegi baka ba tšwa Switzerland ke mokane ba dula Timmins, poleke ya gore ke mayining ku Ontario, Canada. Gana hala ga bo 1939, mmane waka o yye a thomisa go bala Sewokamelo le go ya megahlanong ya Dihlatse Tsa Jehova. Ke mo a ya le nna le kobodi ya bana ba geru. Go se botala, o yye a ba ye mongwana wa Dihlatse tsa Jehova.

Papa ke mo a sa jabodise ke sepheto so mmane a se segeleleng mara mmane yene, ke mo a kwana le nnete ka matla fote a tikemisele go dula a yi ngangarele. O yye a fo ya mahlong a maka ka mokgonone le ka bo 1940 nakwela mmereko wa Dihlatse tsa Jehova ba wo rakele ku Canada. Fote ne a fo ya mahlong a tshwara papa gabutši a boya a ro mo hlompa le mo yi le gore papa ne a mo hlaba ka mantsu. Mošupetso wage wa gabutši o gelepiye nna le bana ba geru gore re yamogele nnete. Ke mo re jabodiye ka matla mo papa a thomisa go tšhentšha mokgwa wage fote a thomisa go re tshwara gabutši.

Ka selemo sa 1950, ke yye Mogahlanong wo Mogolonyana wa go jabodisa ka matla hala New York City. Phela ka nthago ga go gahlana le magageru ya gore ma tšwa lefaseng ka mokana ga lona le go theetsela mo ba butsisa diyalogane tsa sekolo sa Gilead diputsiso, ke yye ka fo kwa di ntšhofa gore ke make tsa go tlala ka ho ga tso tsa Jehova! Ke yye ka tikemisela ka matla go phala mathomisong gore ke kenele mmereko wa nako ka moka. Mo ke segela gaye, ke yye ka fo napa ke tlatsa fomo ya go ba mošupatsela. Ofisi ya lekala la Canada yi yye ya ngwalela gore di nyaka ke thomise ka go kolobetsiwa. Ke yye ka maka ka mokgonone ka di 1 tsa October 1950. Ka nthago ga kgwedi ka yyoši, ke yye ka ba mošupatsela wa nako ka moka fote ba yye ba nromela Kapuskasing. Toropo yone ke mo yi le kgole ka matla le mo ne ke dula gona ka nako yonone.

Ka 1951 mo mehlare yi thomisa go hloga, ofisi ya lekala yi yye ya mema Dihlatse tsa gore di kgona go bolabola mmolabolo wa Sefrench gore di nagane ka taba ya go rurela Quebec ga dipoleke tsa gore batho  ba gona ba bolabola Sefrench. Gana hone ke mo go gayela batšhomayedi ka matla. Ke gudiye ke bolabola mmolabolo wa Sefrench le Sekgowa, byalo ke yye ka yamogela sememo sone fote ba yye ba nromela Rouyn. Ke mo ke sa tšibi motho gana hone. So ke mo ke le naso ke mo go le adhrese, ka mokgo ke šeleng ke hlayye ku mathomisong. Mara dilo di f’lo sepela gabutši. Nna le Marcel re yye ra ba banghana ba bagolo ka matla fote ke yye ka tikwisa ka go tšhomayela Quebec kanne ya mengwaga ya go latela ke le mošupatsela wa go hlawolega.

Nakwela ke sa le Quebec, ke yye ka jabola ka matla mo ba mema ga sekolo sa Gilead sa tlelase ya bo 26 ku borwa bya Lansing, New York. Ke yalugiye ka di 12 tsa February 1956, fote ba yye ba nromela ga poleke ye nngwana ya gore gana byalo yi tšibega go le Ghana b ya ka Bodikela bya Afrikha. Mara mo ke soko bane ke tloga ke mo ke tshwanele go boyela Canada go segela ke kraya maphephe ya gore ne ma nyakega gore ke thogo rorela Ghana. Ne ke tseya gore ke nyoko fetsa mabeke ka mabedi kela kararo ya wona ke le Canada.

Ke yye ka feleletsa ke yeme ka šupa ya dikgwedi ke yemele maphephe yane ku Toronto. Ka nako yonone ba ga Cripps ba yye ba n’yamogela ka mutšing wa bona fote ke yye ka tšibana le Sheila morwediya wa bona. Ke mokane ra thomisa go kwana. Mo ke sa re ke nyoko mo tshepisa mošadho, maphephe yala ya gore ke mo ke ma yemele ma yye ma segela. Nna le Sheila re yye ra rapela ka taba yone fote ra segelela sepheto sa gore ke ye mo ba nromeleng gona. Mara re yye ra segelela le sepheto sa gore re nyoko ngwalelana marifi le go bona gore na re ka sa šadhe ku mahlong. Phela ke mo di se lula go segelela sepheto sone mara ka nthago re yye ra di bona tsa gore a re ya pumutsa.

Ka nthago ga kgwedi ka yyoši ke sepela ka setimela, sekepe sa go rwala merwalo le elebhreyi, ke yye ka segela Accra, Ghana. Gana hone ke yye ka bereka ke le mopotulugi wa go sepelela megahlano ye megolonyana. Byalo, ke mo ke tshwanele go vakašela Ghana ka mokana ga yona, Ivory Coast (ya gore gana byalo ke Côte d’Ivoire) le Togoland (gana byalo ba re ke Togo). Ga go tlala ke mo ke sepela ke ntoši ka koloyi ya gore ke ya lekala. Phela ke mo ke jabolela go vakašela magageru!

 Ka Mokibela le Lesonto ke mo ke na le mmereko ga megahlano ye megolonyana. Ke mo re se na Diholo tsa Mogahlano wo Mogolonyana. Byalo, magageru ma yye ma fo re makela ga gore re fo tšwa re kenisiye hlogo, ma yye ma fo thiba ka mo gedimo ka diphate tsa gore mo o di lebelele nkare ke moba mara tsona ke tse dikoto gore re sa tšhubi ke letšatši dihlogo tsowa. Ka taba la gore ka khišing ke mo go se na furiji, magageru ke mo ma beya diphoolwane tsa gore di sa phela thina gore ma thogo di hlaba gore ma yapegele bo ba tlileng megahlano ye megolonyana.

Go yye gwa makega dilo tsa go tshegisa ka matla ga megahlano yone ye megolonyana. Herb Jennings, c wa gore ke morumiwa ke mo a kene a beya polabolo mo kgomo yi tšwa ka ku khišing. Yi yye ya taboga ke mokane ya fo yema mo gare ga seralo le gare ga batho bo ne ba tl’le theetsela polabolo. Herb a sanka a ya mahlong a beya polabolo mara o yye a kgomolela fote phoolwane yone yi f’lo yema gana hone nkare yi tšhokegiye. Mara kanne ya magageru ya gore ke dikokotla ma yye ma kgona go yi tshwara ke mokane ma yi busetsa ka ku khišing batho bo ke mo ba theetsele polabolo ke mo ba ma teyela matsogo.

Ga beke ya gore ke mo re nyoko ya mogahlanong wo mogolonyana ka yona, ke yye ka šupetsa batho ba hone dimitšaneng tsa thina filimi ya gore The New World Society in Action. Gore ke thogo maka tsotsone, ke yye ka haka llapi le le tšhwewu ga diphate ka dipedi gore ke thogo ba šupetsa filimi yone ga lona. Phela batho ba gana hone dimitšaneng ba yye ba yi jabolela! Ba go tlala ke mo go le mong la mathomo ba bona filimi. Ba yye ba teya matsogo ka matla mo ba bona batho ba kolobetsiwa ga filimi yone. Filimi yone yi gelepiye bo ba gore ke mo ba yi lebelele gore ba thogo bona gore Dihlatse Tsa Jehova ke mong ngata ka yyoši fote di gona lefaseng ka mokana ga lona.

Ka nthago ga mengwaga ka mmedi ke le Afrikha, ka 1958, ke mo ke jabolele go ya Mogahlanong wo mogolo wa batho ba mafaseng ya mohlobohlobo ku New York City. Ke mo ke jabolele go bona Sheila, ke mo a tšwa Quebec ga gore ke mo a bereka go le mošupatsela wa go hlawolega. Ne re kene re ngwalelana marifi mara ka gore gana byalo re gahlane fote, ke yye ka mo kgopela gore re šadhe o yye a dumela. Ke yye ka ngwalela Mogageru Knorr d ka mmutsisa gore ayitsano Sheila a ka ya sekolong sa Gilead ke mokane ka nthago a ya Afrikha go ye bereka le nna. O yye a dumela. Sheila o yye a segela Ghana. Re šadhiye ka di 3 tsa October 1959 ku Accra. Jehova o yye a re rufa ka taba la gore re yye ra maka gore taba ya go mmerekela go be selo se segolo mo re kene re phela.

Ka 1961 ba yye ba re romela nageng ya Cameroon. Magageru ma yye ma nkgopela gore ke gelepe go thoma ofisi ya lekala ya nyuwane, byalo ke yye ka maka ka mokgonone. Ka taba la gore ke mo ke le lelata la nyuwane la lekala, ke mo ke tshwanele go tšhuta dilo tsa go tlala. Ke mokane ka 1965 re yye ra di kwelela tsa gore Sheila o yimme. Phela taba ya gore re šele re nyoko ba babelegi, yi re tsere nako gore re yi yamogele. Mara mo re sa kene re jabodisa ke taba ya gore re nyoko ba re na le mmereko wa nyuwane fote re sa maka dipolane tsa gore re boyele Canada, go yye gwa makega selo se sengwana sa go kwisa go baba ka matla.

Sheila o yye a folotsa. Togotela o yye a re botsa gore ngwana wa rune ke mo go le mošomanyana. Tsone di makegiye 50 ya mengwaga ya go fela mara re ka sa tsoge re di libele. Le mo yi le gore tso di re makegeleng di re kwisiye go baba ka matla, re yye mahlong re maka mmereko wo ba re nneyyeng wona ga naga ye nngwana fote re kwana nawo ka matla.

Magageru ya ku Cameroon ke mo ma hlorisiwa ka matla ka taba la gore ne ma sa tšhele letsogo ga ditaba tsa dipolotiki. Seyemo ke mo se gakga ka matla nakwela go vowutiwa. Ka di 13 tsa May 1970, selo sa gore ke mo re tseya gore se ka sa makege se yye sa makega—mmereko wa Dihlatse Tsa Jehova ba yye ba wo rakela. Mmušo wo yye wa tseya ofisi ya rune ya lekala ya go bafala ya gore go sa le ya nyuwane ya gore ke mo re na le kapheta ya dikgwedi re rurele ga yona. Mo go soko bane go fela beke, barumiwa ka mokana ga bona—go tokegela nna le Sheila—ba yye ba ba raka ga naga yone. Ke mo di thathafa ka matla gore re šiye magageru ka taba la gore ne re ma nyaka ka matla fote ke mo re šekedisa ke taba ya gore go nyoko makega ying ka wona.

Re yye ra fetsa kobodi ya dikgwedi re le ga ofisi ya lekala la France. Gana hone ke yye mahlong ke maka so nka se kgonang gore ke pasope magageru ya ku Cameroon ka tso ma di gayelang. Ka December ya mongwaga wonone, ba yye ba re romela ga lekala la Nigeria, ke yye ka thomisa go wokamela mmereko wa ku Cameroon. Magageru ya ku Nigeria ma yye ma re yamogela gabutši fote re yye ra jabolela go bereka gana hone mengwaga ya go tlalanyana.

Ka 1973 ke mo re tshwanele re segelele sepheto sa gore se thathafa ka matla. Sheila ke mo a lwala ka matla. Nakwela re le mogahlanong wo mogolo ku New York, o yye a šitega go titshwara ke mokane a lla, a mpotsa gore: “A ke sa kgona barena! Ke tinnwe fote ke ya lwala-lwala.” Phela ke mo a kene a bereka le nna go teya ka ku ga 14 ya mengwaga ka Bodikela bya Afrikha. Ke titeya sekguba ka taba la gore o yye a maka mmereko wowa a kene a tshepega mara ke mo re tshwanele re tšhentšhe go gongwana. Ka nthago ga gore re petapete ka seyemo sa rune le go rapela ka sona re yye ra segelela sepheto sa gore re boyele Canada ga gore o nyoko pasopiwa gabutši. Go lisetsa mmereko wa rune wa borumiwa le mmereko wa nako ka moka ke mo go le mong selo sa go thathafa ka matla fote go le sepheto sa go kwisa go baba ka matla so ne re tshwanele re se segelele.

Ka nthago ga mo re segele Canada, ke yye ka kraya mmereko ga monghanaka wa gore o rekisa dikoloyi ka lebowa la toropo ya Toronto. Re yye ra hirisa ntlo, ra reka le diphahlo tsa ntlo tsa gore a se tsa nyuwane fote re yye ra di kgona tsa go thoma  lephelo la nyuwane re sa titšhela dikolotong. Ke mo re nyaka go phela lephelo la lula, re tseya gore ka letšatši le lengwana re ka boyela ga mmereko wa nako ka moka. Phela ke mo re makele mo re bona tsotsone di makega.

Ke yye ka thomisa go gelepa go yaga Holo ya Mogahlano wo Mogolonyana ka Mokibela wo mongwana le wo mongwana ku Norval, Ontario. Go se botala ba yye ba neya mmereko wa gore ke wokamele Diholo tsa Mogahlano wo Mogolonyana. Sheila ke mo a thomisa go hlakarela fote ke mo re di bona tsa gore mmereko wowa wa nyuwane a ka wo kgona go wo maka. Byalo, ka June 1974 re yye ra rurela ga ntlo ya gore ne yi le ga Holo ya Mogahlano wo Mogolonyana. Phela ke mo re jabodiye la go sa hlayisegi gore re boyele ga mmereko wa nako ka moka!

Sa go jabodisa ke gore Sheila ke mo a hlakarela. Ka nthago ga mengwaga ka mmedi, re yye ra kgona go yamogela mmereko wa go potuluga. Ke mo re nyoko potuluga Manitoba, phrovensi ya Canada ya gore yi tšibega ka gore yi bata ka matla marega. Mara magageru ya gana hone ma nyakanana stereka. So re se tšhutiyeng ke gore a gona taba gore mmereko wowa o wo maka o le kaye ga gona—selo se segolo ke gore re ya mahlong re berekela Jehova go gongwana le go gongwana.

Ka nthago ga mengwaga ya go tlala re putuluga, ka 1978 ba yye ba re mema gore re tl’le bereka Bethele ya Canada. Ke mo go se botala ke makegele ke selo sa go baba mara ke tšhutiye selo se segolo ka matla. Ga mogahlano wa go hlawolega ba yye ba neya polabolo ya gore yi tseya awara ka yyoši le hafo ka Sefrench ku Montreal. Sa go kwisa go baba ke gore polabolo yaka a sanka ya tikisa batho bo ke mo ba yi theetsele fote mogageru wa gore o bereka ga Ba go Garagara o yye a n’wolola. Go bolabola nnete, nke ke yye ka di bona nakwela gore tsa go beya ditaba gabutši a ke di kgone. Mara a sanka ka yamogela mo ba n’wolola. Mekgwa ya rune ke mo yi sa tšhayisane. Ke mo ke tikwa nkare o gorolela maahlo tso re di kekemisang—a sanka a nthanaka ga dilo tsa gabutši tso ke di makang. Ke yi lahliye mo ke tseya mayele yane ke lebelele ka mokgo ba n’yeletsang ka gona le ka mokgo ke tikwang ka motho ye ne a n’yeletsa.

Ka nthago ga matšatšinyana, ye mongwana wa ba Komiti ya Lekala o yye a bolabola le nna ka taba yonone. A ke gane gore a sanka ka yamogela mo ba n’wolola fote ke yye ka tisola. Ka nthago ke yye ka bolabola le mogageru yela wa gore o yye a n’wolola. O yye a ntshwarela. Taba yone yi ntšhutisiye ka mokgo go tinyanafatsa go leng selo se segolo fote nka sa tsoge ke yi libele. (Diy. 16:18) Ke yye ka rapela ga Jehova ka taba yowa ga tleletlele fote ke tikemisele go sa sa tsoga ke tseya taba ya go wolodiwa ka mokgwa wa gore a wo gabutši.

Ke na le 40 ya mengwaga ke bereka Bethele ya Canada fote go tlugisela ka 1985, ke bereka ga Komiti ya Lekala. Ka February 2021, Sheila waka wa gore ke mo nyaka ka matla o yye a hlokofala. Ke mo hlologele stereka fote le nna ke ya tilwalela. Mara mmereko wa Jehova wo maka gore ke dule ke tshwaraganne fote ke jabodiye ka taba la gore a ke di “boni gore matšatši … ya lephelo maa taboga.” (Mmo. 5:20) Le mo yi le gore ne ke na le mathatha ya go tlala ho lephelong laka, ke gahlane le dilo tsa go tlala tsa go maka gore ke jabole ka matla. Taba ya gore ke makiye gore Jehova go be yene a yetang mahlong ho lephelong fote ke yye ka tikwisa ka go ba ga mmereko wa nako ka moka 70 ya mengwaga, ka nnete ke rufegiye ka matla. Ke rapela gore magageru ya banna le ya basadi ya gore ma sa gola le wona ma yetise Jehova mahlong, ka taba la gore ma nyoko tikwisa ka lephelo le go jabola ga gore go leya ke mo o berekela Jehova.