1. King so Jeso a nyoko se makang go se botala?

 RE PHELA ga nako ya gore yi ka fo tšhentšha go tshwana le lewobu! Go se botala, Jeso o nyoko yahlula motho ye mongwana le ye mongwana ye a phelang. Jeso o butsiye malata yage gore ma nyoko “bona ka ying” gore o segele ka “dinako tsa mafelelo.” (Mat. 24:3) Seporofeto sowa se ga Matewu tema 24 le tema 25 fote le ga puku ya Mareka tema 12 le Luka tema 21.

2. Re nyoko petapeta ka ying ga hlogotaba yowa fote ke ntaba tsotsone di ka re gelepa?

² Jeso o re pasopisiye a berekisa kararo ya mešupetso. Ke mešupetso ya dinku le dipudi, makgareba ya go hlalefa le ya diphokophoko le ya ditalente. Mošupetso wo mongwana le wo mongwana wo re gelepa gore re kwisise gore maphelelo ya motho ma nyoko yama ka mokgo a nyoko yahludiwang ga gona. Mo re kene re lebelele mešupetso yowa, tla re boneneng gore re ka kota ying so re ka se tšhutang re boya re se berekisa. Mošupetso wa mathomo wo re nyoko tšhutang ka wona ke wa dinku le dipudi.

DINKU LE DIPUDI

3. Ke leng mo Jeso a nyoko yahlulang batho?

³ Ga mošupetso wa dinku le dipudi, Jeso o bolabodiye ka taba ya go yahlula batho ba gore ne ba thulegele ke lešuba la gore ba yamogele ditaba tsa go bafala fote ba thege bobhuti bage ba go tlotsiwa. (Mat. 25:31-46) Ka nako ya “motšhatšhamelo wo mogolo,” o nyoko tshwaragana le taba yone ya go yahlula Aremaghedoni yi soko segela. (Mat. 24:21) Go fo tshwana le mo wa go disa a yahluganya dinku ga dipudi, Jeso o nyoko yahluganya bo ba yyeng ba thega malata yage ya go tlotsiwa ga bo ba gore ne ba sa yi kene le go yi kena.

4. Mo re lebelela Jesaya 11:3, 4, ke ntaba re sa kamake gore Jeso o nyoko yahlula batho gabutši? (Lebelela le sethombhe sa ka tawong.)

 ⁴ Bhayibele yi re Jeso o nyoko dula a yahlula batho ka go loka ka taba la gore mmereko wone o wo neyye ke Jehova. (Bala Jesaya 11:3, 4.) O lebelela tso batho ba di makang, tso ba di naganang le tso ba di bolabolang—go tokegela le ka mokgo ba tshwarang bobhuti bage ba go tlotsiwa. (Mat. 12:36, 37; 25:40) Jeso o ko ba a di tšiba gore ke bomang bo ne ba thega bobhuti bage ba go tlotsiwa ba boya ba thega le mmereko wa bona. a Selo se segolo so bo ba gore ba tshwana le dinku ba thegang bobhuti ba Kreste, ke ga mmereko wa go tšhomayela. Bo ba thegang mmereko wone ba nyoko ba yahlula go le “ba go loka” fote ba nyoko tikwisa ka “lephelo la go ya go yye” ho lefaseng. (Mat. 25:46; Kut. 7:16, 17) Ye lune, phela a yi patela a yi patela yo yi nyoko krayang ke bo ba dulang ba tshepega! Phela go fo dula ba tshepega ka dinako tsa motšhatšhamelo wo mogolo le ka nthago ga wona, ba maka gore mabitso ya bona ma dule ma le gona ka “pukung ya lephelo.”—Kut. 20:15.

5. Re tšhuta ying ga mošupetso wa dinku le dipudi fote wo ka berekela bomang?

⁵ Šupetsa gore wa tshepega. Mošupetso wa Jeso wa go bolabola ka dinku le dipudi wo bereka ka matla ga bo ba nang le tshepo ya go phela go ya go yye ho lefaseng . Phela a ba fo šupetsa gore ba na le tumelo ka go gelepa bobhuti ba Kreste ga mmereko wa go tšhomayela fela mara ba boya ba latelela ba kene ba tshepegiye tso ba yetetsang ke paranyana ya mogoba wa bo ba go tlotsiwa ba gore Jeso o ro ba kgeta ka boyene mong. (Mat. 24:45) Mara di nyaka bo ba nang le tshepo ya go ye phela legedimong le bona ba sa wo takisi maahlo molayetsa wo wo leng ga mošupetso wowa. Ke ntaba? Ka taba la gore le ga bona Jeso o kene o lebelele tso ba di makang, tso ba di naganang le tso ba di bolabolang. Le bona di nyaka ba tshepege. Gabutšibutši, Jeso o re hlatollele gabutši ka mešupetso ye mengwana ka mmedi ya gore yi pasopisa ka matlamatla bo ba go tlotsiwa. Re boya re kraya mešupetso yowa ga Matewu tema 25. Byalo, tla re petapeteneng ke mošupetso wa makgareba ya go hlalefa le ya diphokophoko.

MAKGAREBA YA GO HLALEFA LE YA DIPHOKOPHOKO

6. Kapheta ya makgareba ma šupetsiye ka mokgo mang gore ma hlalefiye? (Matewu 25:6-10)

⁶ Ga mošupetso wa makgareba Jeso o bolabodiye ka lesome la wona ya gore ma ye gahlanetsa mokgwenyane. (Mat. 25:1-4) Ka mokana ga bona ne ba na le tshepo ya gore ba nyoko ba le mokgwenyane ga monyanya wage wa mošadho. Jeso o yye a hlatolla kapheta ya bona go le ba go “hlalefa” ke mokane kapheta ye nngwana go le “diphokophoko.” Makgareba yawa ya go hlalefa ke mo ma tilukiselele fote ma ntshiye maahlo dikwakweng. Ne ma tikemisele go yemela mokgwenyane le mo a ka segela bošego. Byalo, ba yye ba tla le makgura ya go tšhela malampeng gore ba thogo khanyisa letshwifing. Fote ba yye ba rwala le makgura ya mangwana ya go tlatsisa go fo re mo mokgwenyane a ka leta o sa kraye nkare a ba tšibi ditaba tsa bona. Byalo, ke mo ba tilukiselele gore malampa ya bona ma dule ma tuka. (Bala Matewu 25:6-10.) Mo mokgwenyane a segela, makgareba ya go hlalefa ma yye ma kena naye monyanyeng wa mošadho. Byalo, le Makreste ya go tlotsiwa ya gore ma šupetsa ma tilukiselele ka go dula ma hlalefiye fote ma tshepega le ka nako ya mo Kreste a segela, ma nyoko rufega ka go ba le mokgwenyane, Jeso ga Mmušo wage wa ku legedimong. b (Kut. 7:1-3) Byalo, re re king ka makgareba yala ya diphokophoko?

7. Go makegiye ying ka kapheta ya makgareba ya diphokophoko fote ke ntaba?

⁷ Makgareba ya go hlalefa ne ma sa tshwane le yawa kapheta ya wona ka taba la gore yanane ya diphokophoko ne ma sa tilukiselela mo  mokgwenyane a segela. Malampa ya wona ne ma le thina le gore phii fote le makgura ya go tlatsisa ne ma se nawo. Byalo, mo ba di bona gore mokgwenyane o nyoko segela go se botala, ke gona ba rwalagana ba re ba ye reka makgura. Mo mokgwenyane a segela, bona ke mo ba sa yye. Ka nako yonone, “makgareba yala ya gore ne ma mo yemele ma kena naye mone monyanyeng, ke mokane ba kwala sekwalo.” (Mat. 25:10) Ka nthago mo makgareba yala ya diphokophoko ma segela fote ma nyaka go kena, mokgwenyane o ma butsiye gore: “A ke le tšibi.” (Mat. 25:11, 12) Makgareba yane ke mo ma sa tilukiselela go yemela mokgwenyane nako yi sa le gona. Bo ba go tlotsiwa ba tšhuta ying ga taba yowa mara?

8-9. Bo ba go tlotsiwa ba ka tšhuta ying ga mošupetso wa makgareba? (Lebelela le sethombhe.)

⁸ Šupetsa gore o tilukiselele fote o ntshiye maahlo dikwakweng. Jeso a sanka a re go nyoko ba le megoba ka mmedi ya go sa tshwane ya bo ba go tlotsiwa—wa gore wo nyoko ba wo tilukiselele go segela go fela ka lefase lowa le wa gore ne wo sa tilukiselela. Mara ke mo a hlatolla ka tso di nyoko makegang ga bo ba go tlotsiwa mo nkare ne ba sa tilukiselela go tiyisela ba kene ba tshepegiye go segela mafelelong. Ne ba ka sa kraye patela ya bona mo nkare ne ba sa tilukiselela. (Joh. 14:3, 4) Phela yone a yi taba ye nyana! Ka mokana ga rune di nyaka re sa yi tseyi ka gonyana taba yo ba re pasopisang ka yona ga mošupetso wowa wa makgareba yawa di sa yi ka gore re na le tshepo ya go ye phela legedimong kela ho lefaseng. Ye mongwana le ye mongwana ho ga rune di nyaka a dule a ntshiye maahlo dikwakweng, a tilukiselele fote a dule a tikemisele go tiyisela go segela mafelelong.—Mat. 24:13.

⁹ Ka nthago ga mo Jeso a bolabodiye ka mošupetso wa makgareba go šupetsa gore ke taba ya gore a di nyake re yi takisa maahlo, o yye a boya a bolabola ka mošupetso wa ditalente. Ga mošupetso wone ne ba fo šihlela taba ya gore re be le matšato.

DITALENTE

10. Malata ka mabedi ma šupetsiye ka mokgo mang gore maa tshepega? (Matewu 25:19-23)

¹⁰ Ga mošupetso wa ditalente, Jeso o bolabodiye ka malata ka mabedi ya gore ne ma tshepegela mong wa wona le lelata ka lloši la gore a sanka la di  maka tsotsone. (Mat. 25:14-18) Malata ka mabedi ma šupetsiye gore maa tshepega ka go bereka ma na le matšato gore ma thogo tswadisa tšheleta ya mong wa wona. Mo a soko bane a sepela a vakašela ga poleke ya kgole, o yye a šupetsa gore o tshepa malata yage ka go ma neya ditalente tsa gore ke tšheleta ya go bafala ka matla. Malata ka mabedi ya gore maa tshepega ke mo ma na le matšato fote ma yye ma berekisa tšheleta yone ka go šupetsa gore ma hlalefiye. Go yye gwa makega ying? Mo mong wa bona a boya ke mo ba šele ba tswadisiye tšheleta yela gabedi yo a ba neyyeng yona. Mong wa bona o yye a ba thanaka—ke mokane ba “jabola le mong wa [bona].” (Bala Matewu 25:19-23.) Byalo re re king ka lelata la kararo? Le yye la maka ying ka tšheleta yo mong wa lona a le neyyeng?

11. Go makegiye ying ka lelata lela la go “tshwata” fote ke ntaba?

¹¹ Lelata la kararo ne ba le neyye talente ka yyoši mara ne le “tshwata” stereka. Mong wa lona ne a nyaka gore le berekise talente yone le kene le šupetsa gore le hlalefiye. Mara le yye la fo fatela talente yone. Mo mong wa lona a boya, lelata lowa ne le se na sa go tokegela so le ka se neyang mong wa lona. Lelata lone ne le fo maka tsa lona tsa go fo minikana. Ye barena, phela a sanka la tihlupa le re le kgopela tshwarelo ga mong wa lona ka taba la go šitega go tswadisa tšheleta yone mara ka gore le ya dhelela, le yye la re ga mong wa lona “wa garatsa.” Lelata lone, mong wa lona a sanka a le yamogela. Go tokegela gana hone, ba yye ba le yamoga talente yela ba boya ba le bošela ka tawong ga ntlo ya mong wa lona.—Mat. 25:24, 26-30.

12. Malata ka mabedi ya go tshepega ma yemela bomang lekgono?

¹² Malata ka mabedi ya go tshepega ma yemela Makreste ya go tshepega ya gore ma tlotsiwwe. Mong wa bona, Jeso, o ba memme gore ba thogo “jabola le mong wa [bona].” Ba kraya patela ya bona ya ku legedimong ya gore ke tsogo ya mathomo. (Mat. 25:21, 23; Kut. 20:5b) Fote go gongwana, mošupetso wowa wa go sa loka wa lelata la go tshwata wo pasopisa bo ba go tlotsiwa. Byang mara?

13-14. Bo ba go tlotsiwa ba ka tšhuta ying ga mošupetso wa ditalente? (Lebelela le sethombhe.)

¹³ Šupetsa gore o na le matšato. Ga mošupetso wa ditalente le ga mošupetso wa makgareba, Jeso ke mo a sa re bo ba go tlotsiwa ba nyoko tshwata. Mara, ke mo a fo hlatolla gore go nyoko makega  ying mo ma ka šepisa. Ba ko šitega go ba ‘batho ba Modimo fote ba ka sa tshwanelege,’ fote tsa go kena ga Mmušo ku legedimong ba ka sa ro di bona.—2 Pet. 1:10.

¹⁴ Mešupetso yowa ya Jeso ya go bolabola ka makgareba le ditalente yi fo napa yi di beya lekgwaying gore di nyaka Makreste ka mokana ga wona ya go tlotsiwa ma tišupetse gore ma tilukiselele, ma ntshiye maahlo dikwakweng fote ma šupetse gore ma na le matšato. Mara, ayitsano Jeso o hlayye se sengwana sa gore se pasopisa bo ba go tlotsiwa? Eya, o hlayye! Tso Jeso a di hlayyeng tsa gore di ga Matewu 24:40, 41 di boya di bolabola ka go yahludiwa ga mafelelo ga bo ba go tlotsiwa.

BA NYOKO “TSEYA” MANG?

15-16. Matewu 24:40, 41 yi šihlele ka mokgo mang gore di nyaka bo ba go tlotsiwa ba ntshe maahlo dikwakweng?

¹⁵ Mo Jeso a soko bane a bolabola ka kararo ya mešupetso, o yye a hlatolla taba ya go yahlula la mafelelo ya bo ba go tlotsiwa ya gore yi nyoko wunyulla gore ke mang wa gore ba mo yamogele. O bolabodiye ka banna ka babedi ba gore ba bereka mašomong le basadi ka babedi ba gore ba bereka tšhilong. Ne di šupetsa nkare banna ne ba maka mmereko wa go tshwana le basadi di bonala nkare ba maka mmereko wa go tshwana mara Jeso o yitseri, ye mongwana ba nyoko “mo tseya, ye mongwana ba nyoko mo šiya.” (Bala Matewu 24:40, 41.) Ke mokane a hlohletsela bo ba mo latelelang ka gore: “Byalo, dulaneng le hlahlamme ka taba la gore a le tšibi gore Morena wa lune o nyoko tla leng.” (Mat. 24:42) Jeso o hlayye dilo tsa go tshwana ka nthago ga mo a bolaboladiye ka mošupetso wa makgareba. (Mat. 25:13) Ayitsano tso a di hlayyeng di ya nyalelana? Di bonala ka mokgonone wa tšiba. Phela ke bo ba go tlotsiwa ba gore baa tshepega fela, ba gore ba nyoko “tseya” ke Jeso ba ye ga Mmušo wa ku legedimong.—Joh. 14:3.

¹⁶ Šupetsa gore o ntshiye maahlo dikwakweng. Ye mongwana le ye mongwana ga bo ba go tlotsiwa wa gore a sanka a dula a ntshiye maahlo dikwakweng ga tso tsa Modimo, a ka sa kraye ga go pategela ga “bo ba hlawodiwweng.” (Mat. 24:31) Go tokegela gana hone, batho ba Modimo ka mokana ga bona di sa yi ka gore ba na le tshepo ya gore ba ye phela kaye, di nyaka ba tseye mantsu ya Jeso go le ya go ba pasopisa gore ba dule ba ntshiye maahlo dikwakweng le ya gore ba sa tinwi mo di tla ga taba ya go tshepega.

17. Ke ntaba di sa nyake re pipegana mo Jehova a kgeta bo ba go tlotsiwa ka dinako tso tsa rune?

¹⁷ Phela ga Jehova re mo tšiba mong go mo tšiba, byalo taba ya gore o yahlula ka go loka a yi mohlolo ga rune. A di re hlupi mo Jehova a kgetiye go tlotsa ba bangwana ba gore baa tshepega ga dinako tsotsowa tsa gana byalo. c Re sa gopola tso Jeso a di hlayyeng ka dibereki tsela tsa gore di thomisiye go bereka ka 5 ya ka sethewo ga mošupetso wage wa didhriva. (Mat. 20:1-16) Bo ba yyeng ba ba thola ka sethewo gore ba bereke ga tšhomo ya didhriva ba yye ba gola go lekana le bala ba gore ba thomme ka phu. Go fo tshwana le ga bo ba go tlotsiwa, a di yi ka gore ba ba hlawodiye leng, so se šalang ke gore patela ya bona ke ya go ye phela legedimong mo ba ka fo dula ba tshepega.

DI TSEYELE HLOGONG TSO BA GO PASOPISANG KA TSONA

18-19. Re tšhutiye ying ga mešupetso yowa?

¹⁸ Re kotiye ying? Bo ba nang le tshepo ya go phela go ya go yye ho lefaseng, mošupetso wa dinku le dipudi wo šihlela taba ya gore di nyaka ba dule ba tshepega ga Jehova—gana byalo le ka dinako tsa motšhatšhamelo wo mogolo wa gore wo sa tla. Ka nako yone ya gore yi sa tla, Jeso o nyoko yahlula bo ba go tshepega ka mokgwa wa go šupetsa gore di ya ba tshwanela go “kraya lephelo la go ya go yye.”—Mat. 25:46.

¹⁹ Se sengwana so re se tšhutiyeng ke mešupetso ka mmedi ya gore yi pasopisa le bo ba go tlotsiwa. Ga mošupetso wa Jeso wa go bolabola ka makgareba  ya go hlalefa le ya diphokophoko, kapheta ya wona ma šupetsiye gore ma hlalefiye. Ke mo ma tilukiselele fote ma ntshiye maahlo dikwakweng, ma tikemisele go yemela mokgwenyane a šinye a segela. Mara makgareba ya diphokophoko wona ke mo ma sa tilukiselela. Byalo, mokgwenyane a sanka a ma yamogela gore ma kene monyanyeng wa mošadho. Le rune di nyaka re tilukiselele, re lite le mo di ka tseya nako ya go lefa go segela kaye gore Jeso a tle a fetse ka lefase lowa. Fote ga mošupetso wa Jeso wa ditalente re petapetiye ka malata ka mabedi ya go tshepega ya gore ma šupetsa gore ma na le matšato. Ma yye ma berekela mong wa wona ke mokane tsotsone dya maka gore a ma yamogele. Mara, lelata la go tshwata, lona a sanka ba le yamogela. Re tšhuta ying? Di nyaka re dule re tshwaraganne ga taba ya go berekela Jehova gana byalo le go segela mafelelong. Sa mafelelo, re petapetiye ka gore bo ba go tlotsiwa ba ka dula ba ntshiye maahlo dikwakweng gore Jeso a thogo ba “tseya” ke mokane ba kraye patela ya bona ya ku legedimong. Phela ba di yemele ka maahlo ya makhubedu go “kgobaketsiwa” gore ba be le Jeso ku legedimong. Ka nthago ga ntwa ya Aremaghedoni ba nyoko ba ba šadha le Jeso ga mošadho wa Nku.—2 Mathes. 2:1; Kut. 19:9.

20. Jehova o nyoko ba makela ying bo ba gore a ba di takisi maahlo tso a ba pasopisang ka tsona?

²⁰ Le mo re di bona gore nako ya go yahlula yi kene ya šutela, a di nyake re hlagasela. Mo re ka dula re tshepega, phela Papa wa rune wa ku legedimong o nyoko re neya “matšhika … ya gore a maa tlwayelega” gore re “thogo phona . . . le gore [re] thogo yema mahlong ga Morwayi wa motho.” (2 Makor. 4:7; Luk. 21:36) Le mo tshepo ya rune go le ya ku legedimong kela go le ya ho lefaseng, wa tšiba re ko jabodisa Papa wa rune mo re ka sa di takisi maahlo tso ba re pasopisang ka tsona ho ga mešupetso ya Jeso. Ka taba la gore Jehova o re kwela bo baba, mabitso ya rune re nyoko ma “kraya ba ma ngwadiye ga puku” ya lephelo.—Dan. 12:1; Kut. 3:5.