Ka taba la gore malata ya Jeso 70 ya wona ke mo ma se šiyo mo ba ja Selalelo sa Morena, a di nyake re tseya gore Jeso ke mo a ma lahliye kela a sa sa ma yamogela. Jeso ke mo a fo tinyakela go ba le mapostola yage ka letšatši lone.

Ke mo a yamogela malata yage 12 ya wona le yala ya mangwana 70 ya wona. Ga malata yage ya go tlala, Jeso o yye a thomisa ka go kgeta 12 ya banna ba gore o ba bitsa gore ke mapostola. (Luk. 6:12-16) Ke mo a le Galeliya mo a “bitsa malata yage 12 ya wona” fote a “ma roma gore ma tšhomayele ka Mmušo wa Modimo le go yalafa batho.” (Luk. 9:1-6) Ka nthago ga mo a le Judiya, Jeso o yye a “hlawola 70 ya bona, a ba roma go le ka babedi ka babedi.” (Luk. 9:51; 10:1) Byalo, Jeso ke mo a na le malata ga dipoleke tsa gore a di tshwane fote ma tšhomayela ka yene.

Majuda ya gore ke mo go le malata ya Jeso ke mo ma tshwara Paseka ka mongwaga le ba mutši wa bona. (Ek. 12:6-11, 17-20) Mo nako ya gore a bolayiwe yi šele yi šutele, Jeso o yye a ya le malata yage Jerusalema. Mara a sanka a bitsa malata yage ka mokana ga wona ya gore ma tšwa Judiya, Galeliya le Pereya gore ma tle ma jabolele Paseka ggoši. Di fo ba lekgwaying gore Jeso ke mo a nyaka go ba le malata yage ka letšatši lone. O yye a ma botsa gore: “Ne nkene ke nabela go ja Paseka yowa le lune ba soko nhlorisa.”—Luk. 22:15.

Phela se gona selo se segolo so se makiyeng gore Jeso a make ka mokgonone. Jeso ke mo a šele a le thina le go kgwa go le “Nku ya Modimo, ya gore yi nyoko tlosa go sa yenele ga batho.” (Joh. 1:29) Tsone ke mo di nyoko makega Jerusalema, ga gore ke mo ba makela Modimo dihlabelo gona. Nku ya Paseka ne yi gopotsa Maisrayele gore Jehova o yye a ma ntsha Egepita. Mara ka sehlabelo sage, Jeso ke mo a nyoko maka tsa go feta tsotsone. Phela o nyoko lokolla batho ka mokana ga bona ga senyama le likgu! (1 Makor. 5:7, 8) Jeso o yye a dumelela 12 ya mapostola gore go be fandhiši ya phutego ya Sekreste. (Maef. 2:20-22) Sa go jabodisa ke gore mutši wa go hlawolega Jerusalema wo na le “12 ya matlapa ya fandhiši” ya gore ga wona ba ngwadiye “12 ya mabitso ya mapostola ya Nku.” (Kut. 21:10-14) Byalo, mapostola ya go tshepega ma nyoko ba le mmereko wa go tseyediwa gedimo ka matla wa go maka gore tso Jehova a tikemiseleng go di segelela di makege. Byalo, re napa re di kwisisa gabutši gore ke ntaba Jeso ne a nyaka gore a be nabo ga Paseka ya mafelelo le so a yyeng a se maka ka nthago—go leng Selalelo sa Morena.

Malata ya Jeso 70 ya wona le ya mangwana a sanka ma ba gona ga tsa go ja tsone le Jeso. Le mo go le ka mokgonone, malata yane ka mokana ga wona ya gore ma yye ma šupetsa gore maa tshepaga ma nyoko berekela ke so Jeso a yyeng a se thomisa—Selalelo sa Morena. Ka mokana ga bona ba gore go yye gwa ba Makreste ya go tlotsiwa ne ma nyoko maka kwano ya mmušo, ya gore Jeso o yye a botsa mapostola yage ka yona bošego byobyone.—Luk. 22:29, 30.