Ke ntaba mo Jeso a šele a le thina le go kgwa a hlayye mantsu ya ma bolabodiyeng ke Dafita ya ma leng ga Pisalema 22:1?

Ga mantsu ya gore ma hlayye ke Jeso mo a le thina le go kgwa, ke mo go na le ya ma leng ga Matewu 27:46 ya gore: “Modimo waka, Modimo waka, anthe ke ntaba o nlesetsiye?” Mo Jeso a hlaya mantsu yawa, ke mo makega tso di hlayyeng ke Dafita wa mopisalema ga Pisalema 22:1. (Mar. 15:34) Re nyoko ba re sa hlaye nnete mo re re Jeso o bolabodiye mantsu yawa ka taba la gore ne a tseya nkare Jehova o mo tšebisiye kela gore tumelo yage ke mo yi šele yi tekateka. Jeso ke mo a di kwisisa gabutši gore ke ntaba a tshwanele a kgwe, fote ke mo a tikemisele go di maka. (Mat. 16:21; 20:28) Ke mo a di tšiba le tsa gore mo a šele a nyoko kgwa, Jehova ke mo a nyoko tlosa ‘legora’ lo ne a mo yagelele ka lona. (Jobo 1:10) Mo Jehova a maka tsotsone, o lesetsiye go mo pasopa ga Jeso ka taba la gore ke mo a nyaka a šupetsa gore a ka fo dula a tshepega le mo a ka kwa go baba go šinye go segela le mo a kgwang.—Mar. 14:35, 36.

Byalo ke ntaba Jeso a hlayye mantsu ya pisalema yowa? A re nape re tšiba gabutši, mara tla re bolaboleneng ka tso di ka fo bang di makiye gore a bolabole mantsu yane. *

Mo Jeso a bolabola mantsu yawa, ayitsano ke mo a ra gore Jehova a ka sa mo phonisi? Ne di nyaka Jeso a lepolle batho a sa gelepe ke Jehova. Nakwela a le ho lefaseng ke mo go le yene motho wa nama, byalo ke mo a tshwanele a kgwe a le ka  mokgonone gore a thogo “kgwela batho ka moka.”—Maheb. 2:9.

Mo Jeso a hlaya mantsu ya go tšwa ga pisalema yone, ayitsano ke mo a bolabolela pisalema ka mokana ga yona? Majuda ka dinako tsetsela ke mo ma di maka gatleletlele tsa go kraya ma tšiba dipisalema tsa go tlala ka hlogo. Mo motho a ka fo hlaya temanyana ka yyoši ya pisalema, tsotsone ne di maka gore ma yakgoswe ma gopola pisalema ka mokana ga yona. Mo nkare Jeso ke mo a naganne tsotsone, di ra gore o yye a gelepa Majuda ya ne ma mo latelela gore ma gopole diporofeto tsa go tlala tsa pisalema yowa tsa gore di bolabola ka dilo tso di nyoko makegang mo a kgwa. (Pis. 22:7, 8, 15, 16, 18, 24) Go tokegela gana hone, mo pisalema yowa yi šele yi ya mafelelong, yi hlaya gore mokgwa wa Jehova wa go lawola wo nyoko hlula go segela mo lefase le felelang gona.—Pis. 22:27-31.

Mo Jeso a bolabola mantsu yawa ya Dafita, ayitsano ke mo a šupetsa gore a gwa sinya yene? Mo Jeso a šele a le thina le go kgwa, ke mo a tshwanele a tiyisele mo ba mo sekisa ka mokgwa wa gore a wo molawong ke mokane ba fetsa ba mo yahlula ba re o rogelela Modimo. (Mat. 26:65, 66) Taba yage ba yi sekiye go le bošego fote ke mo yi sa yelane le ka mokgo molawo ne wo re dilo di makege ka gona. (Mat. 26:59; Mar. 14:56-59) Mo Jeso a butsisa putsiso yowa ya go sa nyake go fetodiwa, di ka makega gore ke mo a fo nyaka go šupetsa gore yene aa sinya selo la gore ba ka šinya ba mmolaya.

Ayitsano Jeso ke mo a gopotsa ba bangwana gore Jehova ke mo a sa mo lahla ga Dafita wa gore o ngwadiye pisalema yewa, nakwela a mo lesetsa a hlupegisiwa? Putsiso ya Dafita ne yi sa rele gore o gayela tumelo. Mo a šele a butsisiye putsiso yone, o yye mahlong a šupetsa gore o tshepa matšhika ya Jehova gore o nyoko mo phonisa fote Jehova o yye mahlong a mo rufa. (Pis. 22:23, 24, 27) Le mo Jeso wa gore ke “Morwayi wa Dafita” a yye a hlupegisiwa phateng ya mohlupego, le gage tsotsone ne di sa rele gore Jehova aa sa mo yamogela.—Mat. 21:9.

Ayitsano Jeso ke mo a kgongwele ka matla ka taba la gore Jehova ne a ka sa sa mo pasopa gore a thogo šupetsa gore o tshepega go segela kaye? Ku mathomisong, ke mo go se tso Jehova ne a di nyakiye tsa gore Morwayi wage a tle a hlupegisiwe a boye a kgwe. Tsotsone di yye dya tshwanela gore di makege ka nthago ga gore Adamo le Efa ba sa theetsele Modimo. Jeso ke mo a sa sinya selo, mara ne di nyaka a hlupegisiwe fote a kgwe gore a thogo lukisa mathayithayi ya ma thommeng ke Sathane le gore a thogo lepolla batho. (Mar. 8:31; 1 Pet. 2:21-24) Tsotsone ne di nyoko makega mo Jehova a ka maka taba ya gore ke mo go le mong la mathomothomo a yi maka, ya go lesetsa go pasopa Jeso lephelong lage.

Ayitsano Jeso ke mo a leketsa go gelepa bo ba mo latelelang gore ba bone gore ke ntaba Jehova a mo lesetsiye a kgwa ka mokgo? * Jeso ke mo a di tšiba tsa gore mo a bolayiwa phateng ya mohlupego go tshwana le sekgohlane, ba go tlala ke mo ba ka sa kwane natso. (1 Makor. 1:23) Hala bo ba mo latelelang ba yye ba lebelela gore gabutšibutši o makiye king gore a šinye a kgwe, ne ba nyoko kwisisa gore tsotsone di ra gore king. (Magal. 3:13, 14) Ne ba nyoko bona go le yene a ba phonisang, ba sa mo tseye go le sekgohlane.

A re nape re di tšiba gabutši gore Jeso o makiye king gore a šinye a bolabola mantsu yawa, mara ke mo a di tšiba tsa gore mo a šinya a kgwa, ke mo a maka tso Jehova a nyakang gore a di make. Mo Jeso a fetsa go bolabola mantsu ya pisalema yowa, o yitseri: “Di makegiye!” (Joh. 19:30; Luk. 22:37) Taba ya gore Jehova o lesetsiye go gelepa Jeso ka senakonyana yi makiye gore Jeso a thogo segelela gabutši tso ne a tlele go di maka mo lefaseng. Yi makiye le gore a thogo segelela tso ba di ngwadiyeng ka yene “ga Molawo wa Moše, ga Diporofeto le ga Dipisalema.”—Luk. 24:44.