Sa go kwisa go baba ke gore mo ke thoma go ba lethari, senghana saka le Jehova se yye sa thomisa go šehla. Bo ne ke kena nabo sekolo ke mo ba šupetsa nkare ba natefela ke lephelo, le nna ne ke nyaka go kwa tso ba di kwang. Melawo ya babelegi baka le maphelelo ya Sekreste ne di thomisa go nroba fote ke tseya nkare go berekela Modimo go tshwana le separako. Ke mo ke di tshepa tsa gore Jehova o gona, mara ne ke tikwa nkare ke kgole naye.

Ke mo ke sa nyake ba tla ba mpotsa gore ke ya bata ga tso tsa Jehova, byalo ke mo ke fo makela moyano mo ke tšhomayela. Ne ke sa lukiselele mo ke ya tšhomong, tsotsone ne di maka ke kwe nkare lleme lo le ya tanya mo ke re ke bolabola le batho. Tsotsone di makiye gore mo ke ya tšhomong go be nkare ke ro tšhofiwa fote ke mo ke sa jabola, ka thomisa le go solasola dilo tsa go tlala. Ne ke tiputsisa gore, ‘Anthe bo ba gore ba ya tšhomong beke le beke, kgwedi le kgwedi, ba ro ba byang?’

Mo ke tshwara 17 ya mengwaga, ke mo ke sa sa nyaka go ba le motho ye a mpotsang gore ke phele byang. Ke yye ka paka dijumbha tsaka, ka tloga  gaye, ke mokane ka rurela Australia. Tsotsone di kwisiye babelegi baka go baba. Ne ba šekela mara ne ba fo re kela nko ya mahlong ke berekela Jehova.

Ke napiye ke šepisa ka matla ga tso tsa Modimo mo ke segela ku Australia. Ke yye ka thomisa go lofa megahlanong. Ke thomisiye go nghanelana le bo ba gore ba sa gola ba gore le bona ke mo ba ya megahlanong mara ka motshwana wa gona o kraya ba kenne mokgeteng ba boya ba ro ya le ga dipoleke tsa gore ba bina bošego ka moka. Mo ke nagana ka tsona, ke di bonne gore ne ke gatiye ka howa le ka howa mara ne ke fo kwa ke sa lokologe ga tsona di le ka dipedi.

Ka nthago ga gana hala ga mengwaga ka mmedi, ke gahlanne le mogageru ye mongwana wa mosadi wa gore le mo yene a sa di tšibi, o makiye gore ke ghayele ka lephelo laka. Ne ke dula le magageru ya basadi kapheta ya wona ya gore a maa šadha, byalo re yye ra mema mopotulugi le mosadi wage ye ba reng ke Tamara gore ba dule le rune beke ka moka. Mo monna wa Tamara a sa tshwaraganne ka mmereko wa phutego, Tamara ke mo a fokatsa le rune, re titshegela, go natefa. Tsotsone ne di njabodisa. Ne go le motho wa batho fote ne di le lula go bolabola naye. Ne ke makatsa ke gore o tlalele ka mo ga tsa Modimo mara aa tshwatisi mo o le naye.

Tamara ke mo a na le matšato. Ke mo a kwana le nnete le tšhomo ka matla, le nna ka fo kwa di thomisa go nkena. Ne a jabodisa ke go makela Jehova so a ka se kgonang mara nna ke mo ke sa jabola ka taba la gore ne ke fo makela moyano. Ka mokgo ne a titshwere ka gona le ka mokgo ne a jabodiye ka gona di ntikisiye ka matla. Mo ke mo lebelele, ke yye ka thomisa go nagana ka nnete ya ka ho Baebeleng ya gore: Jehova o nabela gore ka mokana ga rune re mmerekele “re jabodiye” fote “re yahlamele re kene re jabodiye.”—Pis. 100:2.

Ne ke nyaka go jabola go tshwana le Tamara, mara ne di nyaka ke karakara ka matla gore ke thogo tšhentšha. Tsona di tsere nako mara ke yye ka lukisa ka gonyana ka gonyana. Ke yye ka thomisa go lukiselela mo ke ya tšhomong fote ke mo ke fela ke ba mošupatsela wa go gelepa. Di n’gelepiye gore  ke sa sa tšhoga ka matla le gore ke titshepe. Ke yye ka thomisa go berekisa Baebele ka matla mo ke le tšhomong, tsotsone dya maka gore ke kwe ke kgotsofele. Ke tikrayye ke šele ke le mošupatsela wa go gelepa kgwedi ye nngwana le ye nngwana.

Ke yye ka nghanelana le magageru ya go sa lekane ya gore ma maka gabutši ka mo ga tsa Modimo ya gore fote ne ma jabodisa ke go mo berekela. Mošupetso wa bona wo n’gelepiye gore ke tšibe tso ke tshwaneleng ke di yetise mahlong le gore ke thogo bala Baebele ka moka matšatši. Ke thomisiye go kwana ka matla le tšhomo, ka fetsa ke le mošupatsela wa nako ka moka. Ke mo ke ro thoma go tikwa ka mokgo ka nthago ga mengwaga ya go tlala, fote ke jabolela go ba ka phutegong.

Ka nthago ga mongwaga, ke gahlanne le Alex wa gore ke mo a tilukele fote a sa timakisi mo a re o kwana le Jehova le tšhomo. Ke mo go le lelata fote ne a na le kobodi ya mengwaga go le mošupatsela. Alex o tsere mengwaga ya go tlala a bereka mo go gayelang batšhomayedi ku Malawi. Ne a berekisana le barumiwa ba gore ba mo gelepiye gore a sa lesetse go yetisa tso tsa Mmušo mahlong.

Nna le Alex re šadhiye ka 2003 fote re yye mahlong ka mmereko wa nako ka moka. Re tšhutiye dilo tsa go tlala ka matla fote Jehova o re rufiye la go sa hlayisege.

Ka 2009, ba re hlawodiye gore re be barumiwa ga naga ye nyana yo ba reng ke Timor-Leste ya gore yi ga poleke ya go dukuluga ke meetši ya ku Indonesia. Ne re makele, re jabodiye fote re tšhugiye. Ka nthago ga kapheta ya dikgwedi, re yye ra rurela toropong ya Dili.

Go rura ga rune go tšhentšhiye dilo tsa go tlala. Ke mo di nyaka re tlwayele setšo, mmolabolo, tsa go ja le maphelelo ya gana hone. Ga go tlala mo re le tšhomong ke mo re bona batho ba go tihlupegela, ba gore a baa tšhutega kela a baa kena sekolo le ba gore ba hlupa ke mešekelo. Re bonne batho  ba go tlala ba gore ne ba kgongwele fote ba na le mabadi ya go tlala ka taba la dintwa. *

Go tšhomayela ke mo go natefa ka matla! Mo ke beyisa, ke yye ka gahlana le ngwannyana ye mongwana wa go ba le 13 ya mengwaga wa gore ke mo a kgongwele ye ba reng ke Maria. * Ke mo go le botalanyana mmane wage a hlokofele fote ke mo a tseya nako a sa bone papage. Go fo tshwana le dibananyana tsa gore ne di lekana naye, Maria ke mo a sa tšibi gore lephelo lage le bakiye kaye. Ke gopola nakwenngwana a lla mo a mpotsa ka mokgo ne a tikwa ka gona. Mara ke mo ke sa mo kwi gore o re king ka taba la gore ne ke soko tšiba segagabo gabutši. Ke rapele Jehova gore a n’gelepe ke thogo mo tiyisa, ke mokane ka thomisa go mmalela mangwalo ya go mo kgomoletsa. Mo mengwaga yi kene yi ya, ke bonne nnete yi tšhentšha ka mokgo Maria ne a titshwara ka gona, ka mokgo ne a le ka gona le maphelelo yage. O kolobetsiwwe, fote gana byalo go na le batho bo a ba tšhutisang Baebele. Maria o ka gare ga mutši wo mogolo wa batho ba Jehova fote batho bane ba mo nyaka ka matla.

Jehova o rufa mmereko wa go tšhomayela ku Timor-Leste. Ga 10 ya mengwaga ya go feta go na le batšhomayedi ba go tlala ba gore ba kolobetsiwwe, fote ba go tlala ba bona ke mašupatsela, malata kela bagolo. Ba bangwana ba bereka ga diofisi tsa go hlatolla fote ba gelepa ka go hlatolla dikgatiso tsa go bolabola ka Baebele ka mmolabolo wa gana hone. Ke mo di njabodisa go bona mo ba yepelela mo ba le megahlanong, ba ngwalangwala, le mo ba kene ba tlalela ka matla ga tso tsa Modimo.

Lephelo la ku Timor-Leste ke mo le sa tshwane le la ku Australia, mara ke mo ke sa nagane gore nka jabola ka mokgo. Nakwenngwana, ke mo re kalama bhesi ye nyana ya gore ne re pitegetsana ka teng ga yona, go na le dihlapi tsa gore ba di tšokiye fote go na le dijumbha tsa go ba le merogo tsa gore ba di rekiye mmakete wa gana hone. Ka matšatši ya mangwana ke mo re balela motho Baebele ga ntlo ye nyana ya gore ya fisa fote yi kutelanne, ba yi kgakgapiye ho fase le dikgokgo di fo taboganya. Le mo go le ka mokgonone, ne ke fo fela ke re, ‘Gwa jabodisa!’

Mo ke nagana ka tsa ku nthago, ke leboga babelegi baka ka taba la gore ba makiye so ba ka se kgonang gore ba ntšhutise tso Jehova a di nyakang le gore ba yye mahlong ba n’gelepa nakwela senghana saka le Jehova se šehliye. Tso di mmakegeleng ne di fo šupetsa gore Diyema 22:6 yi bolabola nnete. Mmane le Papa ba titeya sekguba ka nna le Alex fote di ba jabodisa ka matla mo ba bona Jehova a re berekisa. Go tlugisela ka 2016 ke mo re maka mmereko wa go potuluga ga tšhomo ya lekala la Australasia.

A ke tshepe gore ne ke tseya mmereko wa go tšhomayela go le morwalo. Gana byalo ke kwana le tšhomo stereka! Ke di bonne gore le mo lephelo le ka gakga byang, re jabola tsa mannete mo re berekela Modimo ka dipelo ka moka. Nnete ke gore 18 ya mengwaga yo nna le Alex re yi fetsiyeng re berekela Jehova ke mo yi jabodisa ka matla. Gana byalo ke ya di kwisisa gore dilo tso di hlayyeng ke mopisalema Dafita ke nnete nakwela a botsa Jehova gore: “Bo ba tšhabelang gago ka mokana ga bona ba nyoko jabola; ba nyoko dula ba yahlamela ba jabodiye. . . . Fote le bo ba kwanang le lebitso lago ba nyoko jabola.”—Pis. 5:11.