1. Mošomonyana ye mongwana o yye a hlatolla tshepo yo a nang nayo ga taba ya tsogo ka mokgo mang?

 MOŠOMANYANA ye mongwana ye ba reng ke Matthew, o na le bolwele bya go tshosa bya gore di nyaka a maka diophareyišene tsa go tlala. Mo a na le kašupa ya mengwaga, yene le ba mutši wa gabo ke mo ba lebelele letheto la Setiši sa JW la kgwedi ye nngwana le ye nngwana. Mo letheto lone le šele le le thina le go fela, ba bonne koša ya gore yi na le vidiyo ya go bolabola ka go yamogela mašaga ya gore ma hlokofele mo ba ma tsosa. b Ka nthago ga letheto lone, Matthew o yye a šutela thina le babelegi bage, a ba tshwara ka letsogo ke mokane a re: “Mmane le Papa, akere le di bonne? Gore le mo nka hlokofala, nko tsogeng. Le sa hlupege; le ko fo ng’yemela.” O fo nagana ka mokgo babelegi bane ba yyeng ba jabola ka gona mo ba bona ka mokgo morwayi wa bona a šupetsiyeng gore o na le tumelo ya go tiya ga taba ya tsogo.

2-3. Ke ntaba di le gabutši gore re nagane ka tsogo yo ba re tshepisiyeng?

² Wa tšiba di gabutši ka matla gore re nagane ka taba yo Bhayibele yi re tshepisang yona ya tsogo ya gore yi ku mahlong. (Joh. 5:28, 29) Ke ntaba mara? Ka taba la gore a re di tšibi gore ke leng mo re ka tikrayang re gomele ke bolwele bya go tshosa kela ra fo tšhoga re hlokofalele ke ye re mo nyakang ka matla. (Mmo. 9:11; Jak. 4:13, 14) Byalo, go ba le tshepo ga taba ya tsogo go nyoko re gelepa gore re thogo tiyisela dintshitshire tsa mošaga wonone. (1 Mathes. 4:13) Mangwalo ma re tshepisa gore Papa wa rune wa ku legedimong o re tšiba mong go re tšiba fote o re nyaka la go sa hlayisege. (Luk. 12:7) O fo nagana ka mokgo Jehova a re tšibang ka gona mo a šinya a re tsosa re sa na re le ka mokgonola fote re sa na re gopola dilo ka moka. Jehova o re nyaka ka matla fote o makiye gore di kgonege gore re thogo phela go ya go yye! Le mo re ka kgwa, o nyoko boya a re tsosa fote.

³ Ga hlogotaba yowa, re nyoko thomisa re petapeta ka tso di makang gore re tshepe gore tsogo yi nyoko ba gona. Ra boya re lebelela  taba ya ka ho Bhayibeleng ya gore yi tiyisa tumelo ya gore fote yi na le mantsu ya hlogotaba ya rune ya gore: “Bhuti wago o nyoko tsoga.” (Joh. 11:23) Ke mokane ra korisela ka go tšhuta ka tso re ka di makang gore re nape re tshepa gore tsogo yi nyoko ba gona.

4. Di nyaka re sa kamake ying gore re thogo tshepa taba yo ba re tshepisang yona? Beyisa.

⁴ Mo re šinya re tshepa taba yo re yi tshepisiyeng ke ye mongwana, re ba re sa kamake gore motho yenene a re tshepisiyeng o nabela go yi maka fote o na le matšhika kela o kgona go yi maka taba yonone. Tla re fo beyisa ka gore: O fo nagana ntlo yago yi rutlumolannye ke sedingwana. Ke mokane monghanago o segela a go tshepisa gore, ‘Ke nyoko go gelepa go tsosa ntlo yago.’ Monghanago wa resa fote a o kamake gore wa di nyaka go go thuša. Fote mo nkare ke segele sa tsa go yaga a boya a ro ba le dithulusi tsa gona, le wene wa di bona gore o ko di kgoneng go go gelepa. Byalo, o napa o tshepa tso a go tshepisiyeng tsona. Byalo, re re king ka tso Modimo a re tshepisang tsona ka tsogo? Ayitsano o nabela go di maka fote o na le matšhika ya go di maka?

5-6. Ke ntaba re ka tshepa re tiyise gore Jehova wa di nyaka go tsosa bo ba kgwileng?

⁵ Ayitsano Jehova wa di nyaka go tsosa bo ba kgwileng? Eya, ka pelo yage ka moka. O hlohletsele batho ba go tlalanyana ba go ngwala Bhayibele gore ba ngwale ka tsogo yo a yi tshepisang ya gore yi ko makega ku mahlong. (Jes. 26:19; Hos. 13:14; Kut. 20:11-13) Fote mo Jehova a tshepisa go maka selo, o dula a se maka. (Još. 23:14) Gabutšibutši, Jehova o kwa nkare nako yo a tshwaneleng a tsose bo ba kgwileng nke yi šele yi segele. Ke ntaba re ka reyane?

⁶ Nagana ka mantsu ya ma hlayyeng ke mopatriyareka Jobo. Ke mo a sa kamake gore le mo a ka kgwa, Jehova ne a nyoko nabela go mmona a phela fote. (Jobo 14:14, 15) Jehova o fo tikwa ka mokgonone ka malata yage ka mokana ga wona ya gore ma šele ma hlokofele. O kwa a jagele go ma tsosa, ma philegiye fote ma jabodiye. Jehova o re king mara ka dibhiliyoni tsa batho bo ba kgwileng ba soko bane ba thulegela ke lešuba la gore ba tšhute nnete ka yene? Papa wa rune wa gore o nyakanana ka matla o nyaka go ba tsosa le bona. (Meber. 24:15) O nyaka gore le bona ba thulegele ke lešuba la gore ba be banghana bage fote ba phele go ya go yye ho lefaseng. (Joh. 3:16) Di fo ba lekgwaying gore Jehova wa di nyaka go tsosa bo ba hlokofeleng.

7-8. Re maka king mo re šinya re tshepa gore Jehova o na le matšhika ya go tsosa bo ba hlokofeleng?

⁷ Ayitsano Jehova o na le matšhika ya go tsosa bo ba hlokofeleng? A go jiki! Phela ke “wa Matšhika ka Moka.” (Kut. 1:8) Byalo, o na le matšhika ya go hlula lenaba le lengwana le le lengwana, re ra le mong lona likgu. (1 Makor. 15:26) Go tšiba tsotsone di maka gore re tiyelele fote re kgomoletsege. Tseya ka mošupetso wa mogageru wa mosadi ye ba reng ke Emma Arnold. Ka dinako tsa Ntwa ya Bobedi ya Lefase, yene le ba mutši wage ba gahlanne le dilo tse dikgolo tsa gore di liketsa tumelo ya bona. Gore a thogo kgomoletsa morwediyage ka taba la go hlokofalela ke batho bo a ba nyakang ka matla kampeng ya mahloriso ya Nazi, Emma o yitseri: “Mo nkare bo ba hlokofeleng ba ka sa tsoge ba phidiye fote, tsotsone di rela gore lenaba la rune lo go leng likgu le na le matšhika ya go phala ya Modimo, mara tsotsone a yi nnete akere?” Phela a go na le mong selo ka ssoši sa gore se na le matšhika ya go phala ya Jehova! Modimo wa matšhika ka moka ye a makiyeng gore go be le lephelo, a re kamake gore a ka di kgona go busetsa lephelo ga bo ba šeleng ba hlokofele.

⁸ Se sengwana so se makang gore re tshepe taba ya gore Modimo a ka di kgona go tsosa bo ba hlokofeleng, ke gore aa lebale. O bitsa nanedi ye nngwana le ye nngwana ka lebitso. (Jes. 40:26) Fote o gopola bo ba hlokofeleng. (Jobo 14:13; Luk. 20:37, 38) Aa lebale le mong dilo tse dinyananyana ka bo a nyoko ba tsosang go tokegela le  mekgwa ya bona le ka mokgo ne ba lebelelega ka gona, tso ba yyeng ba gahlana natso mo ba kene ba phela le tso ba di gopolang.

9. Ke ntaba o dumela ga tsogo yo Jehova a re tshepisang yona ya ku mahlong?

⁹ Di fo ba lekgwaying gore re ka dumela ga tsogo ya ku mahlong yo Jehova a re tshepisiyeng yona ka taba la gore re ya di tšiba gore o nabela go di maka tsotsone, fote o na le matšhika ya go di maka. Lebelela se sengwana so se makang gore re dumele ga taba yo Modimo a re tshepisiyeng yona ya tsogo, ke sowa: Jehova o šele a di makiye tsa gore a tsose bo ba kgwileng. Ka dinako tsa Bhayibele, o yye a neya Jeso le banna ba go tlalanyana ba gore baa tshepega matšhika ya gore ba thogo tsosa bo ba kgwileng. Gana byalo tla re lebeleleneng taba ya gore yi bolabola ka tsogo ye nngwana yo Jeso a yi makiyeng ya gore yi krayega ga Johane tema 11.

10. King so se makegang mo Jeso a kene a sa tšhomayela a le mosekola wa Jorodane mo o le Bhethani fote o maka ying? (Johane 11:1-3)

¹⁰ Bala Johane 11:1-3. O fo nagana ka taba yowa mo yi kene yi makega ku Bhethani ka bo 32 C.E. Jeso o na le banghana ga poleke yone—Lazaro le bosesi bage ka babedi go leng Mariya le Mata. (Luk. 10:38-42) Mara Lazaro o thomisa go lwala fote bosesi bage ba hlupa ke taba yone. Ba romela molayetsa ga Jeso, wa gore o mosekola wa Jorodane, ga gore mo o sepela ka mawoto di ka go tseya matšatši ka mabedi go ya gona mo o tloga Bhethani. (Joh. 10:40) Sa go kwisa baba ke gore molayetsa wone wo segele ga Jeso yi šele yi tšhayye ga Lazaro. Le mo Jeso a šele a di tšiba tsa gore monghanage o timele, mara o f’lo dula gana hone go šinya go fela matšatši ka mabedi ke mokane a ya Bhethani. Byalo, mo Jeso a segela ke mo go šele go fitiye kanne ya matšatši Lazaro a hlokofele. Jeso o nyoko maka taba ye nngwana ya gore yi nyoko gelepa banghana bage yi boya yi gadimisa Modimo.—Joh. 11:4, 6, 11, 17.

11. King so re se tšhutang howa mo di tla ga taba ya go ba le senghana le ba bangwana?

¹¹ Re tšhuta se sengwana mo di tla ga taba ya go ba le senghana le ba bangwana. Nagana ka taba yowa: Mo Mariya le Mata ba romela molayetsa ga Jeso, ke mo ba sa mo kgopele gore a tle Bhethani. Ba f’lo mmotsa gore monghanage ye a mo nyakang ka matla wa lwala. (Joh. 11:3) Wa tšiba, mo Lazaro a kgwa, Jeso nke a f’lo mo tsosa a kene a le gana ku kgole. Mara, Jeso o kgetiye go ya Bhethani gore a thogo ba le banghana bage bo go leng Mariya le Mata. Ayitsano wene o naye monghana wa gore a ka tla a taboga gore a tl’le go gelepeng le mo o sa mo kgopela? Wa di tšiba gore o ka tshepela gage gore a go gelepe le ka “dinako tsa mo go bifiye.” (Diy. 17:17) Nkare le rune re ka tshwana le Jeso, ra ba banghana ba mošaga wonone! Gana byalo tla re boyeleneng ga taba yela ke mokane re bone gore go makega ying sa go latela.

12. King so Jeso a se tshepisang Mata fote ke ntaba ne a ka tshepa taba yone? (Johane 11:23-26)

¹² Bala Johane 11:23-26. Mata wa di kwelela tsa gore Jeso o šele a le thina le Bhethani. O tšwa ka go yakgoswa gore a ye mo gahlanetseng ke mokane a re: “Morena, hala nke o le howa, bhuti waka nke a sa kgwa.” (Joh. 11:21) Ke nnete, nke a mo fodisiye ga Lazaro. Mara Jeso o nyoko maka selo se sengwana sa go makatsa. O tshepisa gore: “Bhuti wago o nyoko tsoga.” A boya a botsa Mata taba ye nngwana ya go napa yi maka gore a  dumele ga tso a di tshepisiyeng, ka gore: “Ke nna tsogo le lephelo.” Eya, Modimo o mo neyye matšhika ya gore a thogo tsosa bo ba kgwileng. A yi botalanyana a tsusiye sesinyana ye mongwana ka nthago ga gore a hlokofale fote o yye a tsosa mošomanyana ye mongwana ka letšatši lo a hlokofeleng ka lona. (Luk. 7:11-15; 8:49-55) Mara nje a ka di kgona go tsosa motho wa gore o šele a na le kanne ya matšatši a kgwile fote setopo sage se thomme go sinyega?

13. Johane 11:32-35 yi re Jeso o maka ying mo a bona Mariya le ba bangwana ba lla? (Lebelela sethombhe.)

¹³ Bala Johane 11:32-35. O fo nagana ka taba yo yi makegang ya go latela. Sesi wa Lazaro ye ba reng ke Mariya, wa tšwa o ye gahlanetsa Jeso. O boyelela tso di hlayyeng ke sesi wage, o re: “Morena, hala nke o le howa, bhuti waka nke a sa kgwa.” Mariya le ba bangwana bo ne a le nabo ba kwa go baba ka matla. Jeso mo a ba bona ba lla, tsotsone dya mo kwisa go baba ka matla. A thomisa go lla ka taba la gore o kwela banghana bage go baba. O kwisisa ka mokgo di babang ka gona mo o kgwele ke lešaga. A re kamake gore o nyaka go tlosa selo so se makiyeng gore ba lle!

14. Re tšhuta ying ka Jehova mo re lebelela tso Jeso a di makiyeng mo a bona Mariya a lla?

¹⁴ Tso Jeso a di makiyeng mo a bona Mariya a lla di re tšhutisa gore Jehova ke Modimo wa go kwelana go baba. Ke ntaba re reyane? Re tšhutiye ga hlogotaba ya go fela gore Jeso o šupetsa gabutši ka mokgo Papage a naganang le ka mokgo a tikwang. (Joh. 12:45) Byalo, mo re bala ka taba ya gore Jeso o kwile go baba ka matla mo a bona banghana bage ba gore ba lla ka taba la gore di ba kwisiye go baba, re ka fetsa ka gore Jehova le yene di mo kwisa go baba ka matla mo a re bona re lla. (Pis. 56:8) Mara ayitsano tsotsone a di go tšhofe gore o kwe o nyaka go šutela thina ka matla le Modimo wa rune wa gore o kwelana go baba?

15. Johane 11:41-44 yi re go makega ying lebitleng la Lazaro? (Lebelela sethombhe.)

¹⁵ Bala Johane 11:41-44. Jeso o segela hala lebitleng la Lazaro ke mokane o ba kgopela gore ba tlose letlapa lo ba kwadiyeng ka lona. Mata wa gana ke mokane a re setopo sage se tshwanele se nkga gana byalo. Jeso o mo fetola ka gore: “Anthe a ke ya go botsa gore mo o ka ntshepa o nyoko bona matšhika ya Modimo?” (Joh. 11:39, 40) Jeso a lebelela gedimo ke mokane a rapela batho ba kene ba mo lebelele. O nyaka go thanaka  Modimo ga dilo ka moka tsa go latela tso di nyoko makegang. Ke mokane Jeso wa yahlamela, o re: “Lazaro, tšwang!” Ke mokane Lazaro a tšwa ka ku lebitleng! Jeso o sa tšwa go maka selo sa gore ba bangwana ne ba nagana gore se ka sa kgonege.

16. Taba yo yi leng ga Johane tema 11 yi tiyisa tumelo ya rune ka mokgo mang ga tshepo yo re nang nayo ga taba ya tsogo?

¹⁶ Taba yo yi leng ga Johane tema 11 yi tiyisa tumelo ya rune ga tshepo yo re nang nayo ga taba ya tsogo. Ka mokgo mang? O sa gopola gore Jeso o tshepisiye Mata gore: “Bhuti wago o nyoko tsoga.” (Joh. 11:23) Go fo tshwana le Papage, Jeso o nabela go maka tso a di tshepisiyeng fote o na le matšhika ya go di maka. Dinepedi tsage di yi beya lekgwaying taba ya gore o di nyaka ka pelo yage ka moka go tsosa bo ba hlokofeleng a boye a tlose go baba ho batho ba go kwang ka taba la likgu. Ke mokane mo Lazaro a tšwa ka hala lebitleng, Jeso o šupetsiye fote gore o na le matšhika ya go tsosa bo ba hlokofeleng. O fo nagana fote ka tso Jeso a yyeng a di gopotsa Mata mo a re: “Anthe a ke ya go botsa gore mo o ka ntshepa o nyoko bona matšhika ya Modimo?” (Joh. 11:40) Re na le tso di makang gore re nape re tshepa gore taba yo Modimo a re tshepisiyeng ya gore o nyoko tsosa bo ba hlokofeleng, yi nyoko makega. Byalo, rune re ka maka ying gore re nape re tshepa gore tsogo yi nyoko ba gona?

17. Re tshwanele re gopole ying mo re kene re bala ditaba tsa ka ho Bhayibeleng tsa go bolabola ka tsogo?

¹⁷ Bala o boye o ghayele ka batho bo ba ba tsusiyeng ku botala. Bhayibele yi bolabola ka mabala (8) ya batho ba gore ba ba tsusiye gore ba phele fote ho lefaseng. c Ke ntaba o sa nyakolle ka tsona ditaba tsowa? Mo o kene o maka ka mokgonone, o gopole gore batho bone ke ba mannete—banna, basadi le bana. Lebelela tso o ka di tšhutang ga taba yone. Nagana ka mokgo mošupetso wo mongwana le wo mongwana wo šupetsang gore Modimo o nabela go tsosa bo ba kgwileng fote o na le matšhika ya go ba tsosa. Fote o nagane le ka tsogo  ya Jeso, ya gore yi di phala ka moka. Phela o sa lebale gore tsogo yage yi bonne ke batho ba go tlala fote tsotsone di napa di kikitela tumelo ya rune.—1 Makor. 15:3-6, 20-22.

18. O ka maka byang gore dikoša tsa rune tsa go bolabola ka tshepo ya tsogo di go berekele? (Lebelela setwaba.)

¹⁸ Theetsela o boye o yepelele “dikoša tsa morapelo” tsa gore di bolabola ka tshepo ya tsogo. d (Maef. 5:19) Dikoša tsowa di maka gore re nape re tshepa gore tsogo yi nyoko ba gona fote di tiyisa tumelo ya rune ga tshepo yowa ye kgolo. Di theetsele barena, o titšhutise tsona ke mokane mo le kene le tshwere morapelo wa mutši, le petapeteneng ka gore mantsu ya tsona ma ra gore king. O tshware mantsu ya tsona ka hlogo o boye o ghayele ka wona gore ma thogo tiyisa tumelo yago fote ma tikise pelo yago. Ke mokane mo o ka fo tšhoga o wela ke mathatha ya gore ma ka fetsa ka wene kela wa hlokofalela ke lešaga, moya wa Jehova wo nyoko go gelepa gore o gopole dikoša tsowa gore di thogo go kgomoletsa dya boya di go tiyisa.

19. Ke dilo difeng tso re ka di naganang ka tsogo? (Lebelela lebhokisi la gore “ O ka ba Butsisa Ying?”)

¹⁹ Tipone o le gana hone. Jehova o makiye gore re thogo tipona re le ga lefase la nyuwane. Mogageru ye mongwana wa mosadi o hlatolla ka gore: “Ke fetsiye nako ya go tlala ke tipona ke šele ke le ga lefase nyuwane la go šinya ke kwa nkare ke kgona go nkgelela mabhlomu ya Pharadeyising.” O fo nagana o gahlana le banna le basadi ba go tshepega ba dinako tsa Bhayibele. Wene o yemele go bona mang ka maahlo ya makhubedu? O nyoko mmutsisa diputsiso difeng? Fote o fo nagana ka nako yo o nyoko gahlanang le mašaga yago ya gore ma hlokofele. O fo nagana ka mantsu ya mathomo ya o nyoko ma hlayang ga bona, ka mokgo o nyoko ba tlaparelang le ka mokgo o ko bang o jabodiye ka gona mo o ba bona.

20. Di nyaka re tikemisele go maka ying?

²⁰ Re leboga Jehova re sa fetsi ka tsogo yo a re tshepisang yona! A re kamake le ka gonyana gore taba yowa a re tshepisiyeng yi nyoko makega, ka taba la gore Jehova o nabela go yi maka fote o na le matšhika ya go yi maka. Tla re tikemiseleneng go tiyisa tumelo ya rune ga tshepo yowa ye kgolo. Mo re maka ka mokgonone, re nyoko šutela thina ka matla le Modimo, yene ye a tshepisang ye mongwana le ye mongwana wa rune gore, ‘Mašaga yago ma nyoko tsoga!’