1. Ke ntaba re fetola mo re le megahlanong?

 ANTHE re yela ying megahlanong ya phutego? Sa mathomothomo, ke gore re thanake Jehova. (Pis. 26:12; 111:1) Fote re ya megahlanong gore re thogo tiyisana ga dinako tsowa tsa go thathafa. (1 Mathes. 5:11) Mo re yemisa letsogo ke mokane re fetola, re ba re tšhela letsogo ga dilo tsowa ka dipedi.

2. Re thulegele ke mašuba mafeng ya go fetola mo re le megahlanong ya rune?

² Beke ye nngwana le ye nngwana, re thulegela ke lešuba la go fetola mo re le megahlanong ya rune. Mo re beyisa, re ka fetola ga Setšhuto sa Sewokamelo sa phutego ka Mokibela le ka Masonto. Ga megahlano ya gare ga beke, re ka fetola ga sekopa sa Tso di Wutammeng ka Bhayibeleng, Go Tšhuta Bhayibele re le Phutego le ga dikopa tse dingwana tsa gore di nyaka bo ba theetseleng ba fetole.

3. Ke dintshitshire difeng tso re ka gahlanang natso fote Maheberu 10:24, 25 yi ka gelepa ka mokgo mang?

³ Ka mokana ga rune re ya di nyaka go thanaka Jehova re boya re tiyisa magageru. Mara mo re fetola, re ka gahlana le dintshitshire. Re ka tikwa re tšhoga mo re tshwanele re fetole kela re ka fo kwa re nabela go fetola ga go tlala mara ka dinako tse dingwana magageru a ma re kgete mo re yemisa letsogo. King so se ka re gelepang gore re thogo lebeletsana le dintshitshire tsowa? Tso Pawulo a di ngwaleleng Maheberu di ka re gelepa gore re thogo kraya phetolo. Mo a bolabola ka mokgo taba ya go gahlana ggoši go leng ye kgolo ka gona, o yitseri di nyaka re lebelele taba ya go “tiyisana.” (Bala Maheberu 10:24, 25.) Re ka sa nape re tšhoga ka  matla mo re tshwanele re yemise letsogo mo re ka fo gopola gore re ka tiyisa ba bangwana le ka phetolo ya gore a ya napa yi lefa ya go šupetsa tumelo ya rune. Fote mo nkare a ba duli ba re kgeta, re ka jabodisa ke taba ya gore ba bangwana ka ho phutegong ba thulegele ke lešuba la gore ba fetole.—1 Pet. 3:8.

4. Ke dilo difeng kararo ya tsona tso re nyoko petapetang ka tsona ga hlogotaba yowa?

⁴ Ga hlogotaba yowa, re nyoko thomisa ka go petapeta ka gore re ka tiyisana ka mokgo mang mo re le ga phutego ye nyana ya gore a gona batho ba go tlala ba go fetola. Ke mokane ra lebelela gore re ka tiyisana byang mo re le ga phutego ye kgolo ya gore batho ba go tlala ba yemisa matsogo gore ba fetole. Sa mafelelo, re nyoko petapeta ka gore re ka maka byang gore re tiyise ba bangwana ka tso re di hlayang mo re fetola.

5. Re ka tiyisana ka mokgo mang le mo re sa tlala?

⁵ Ga phutego ye nyana kela mogoba, a go na batho ba go tlala bo ye a tšhutisang a ka kgetang bona. Ka dinako tse dingwana, a ka yema nako ya go lefanyana go soko bane go ba le ka wwoši ye a yemisang letsogo. Mogahlano wo ka bonala nkare wa tshwatisa fote tsotsone di kgole le taba ya go tiyisana. O ka maka ying mara? Tikemisele go dula o yemisa letsogo. Mo o maka ka mokgonone, o ka hlohletsela ba bangwana gore le bona ba dule ba fetola.

6-7. Re ka maka byang gore re pome letšhogo la go tšhaba go fetola?

⁶ O ka maka byang mo o fo kwa o rurumela mo di nyaka o fetole? Ba go tlala ba tikwa ka mokgonone. Mara, gore o thogo tiyisa magageru, ke ntaba o sa nyakele mekgwa yo o ka yi berekisang gore o thogo poma letšhogo la go tšhaba go fetola? Tsotsone o ka di maka byang?

⁷ O ka gelepa ke go lebelela dilo tse dingwana tso o ka di makang tsa gore di krayega ga dikgatiso tsa go fela tsa Sewokamelo. b Mo re beyisa, di nyaka o lukiselele gabutši. (Diy. 21:5) Mo o šele o kwisisa tso di nyoko tšhutiwang, o nyoko tikwa o lukulugiye gore o fetole. Fote o sa lefisi mo o fetola. (Diy. 15:23; 17:27) O ka sa nape o tšhoga ka matla mo o fetola tsa gore a dya lefa. Phetolo ya gore a ya lefa, nakwenngwana ya gore yi na le lefoko ka lloši kela ka mabedi, yi ka ba lula ga magageru gore ma yi kwisise go phala ya gore yi lefiye fote yi fagaganne ka ditaba tsa go tlala. Mo o fetola phetolo ya go sa lefa o berekisa mantsu yago, o ko ba o šupetsa gore o lukiselele gabutši fote taba yo go tšhutiwang ka yona o yi kwisisa gabutši.

8. Mara Jehova o di tseya byang tso re karakarang go di maka?

⁸ Re ka re king mo nkare o liketsa tse dingwana tsa dilo tsowa mara o sa na o kwa o tšhoga gore o ka fetola go feta gateya kela gabedi? O sa kamake gore Jehova o di tseyela gedimo dilo tso o karakarang go di makang. (Luk. 21:1-4) Phela go maka tso o ka di kgonang a go rele gore o nape o tiyimetse. (Mafil. 4:5) Lebelela gore ke difeng tso o ka di kgonang, tipotse gore o nyoko di segelela ke mokane o rapelele taba ya gore o fo kwa o kgibiye. Mathomisong, o ka nyaka go segelela taba ya go maka gore phetolo yago yi fo ba ye kopana.

9. Ke ntaba go ka ba ntshitshire gore o fetole ga phutego ye kgolo?

⁹ Mo nkare phutego yo o leng ga yona yi na le batšhomayedi ba go tlala, yone ke taba ye nngwana. Di ka makega gore go yemisa magageru ya go tlala mara lago letsogo ba sa le kgete. Mo re beyisa, Danielle ne a kwana le go dula a fetola megahlanong. c O tseya taba yone go le  mokgwa wo mongwana wa go rapela Jehova, wa go tiyisa ba bangwana fote go le mokgwa wa go tiyisa tumelo yage ga tso Bhayibele yi di tšhutisang. Mara mo a rurela ga phutego ye kgolo, ne ba sa duli ba mo kgeta—ka dinako tse dingwana mogahlano wo šinye wo fele ba sa mo kgeta. O yitseri, “Ne di sa ndula gabutši. Ke kwile nkare ke gayela se sengwana. Mo di fo makega di boyelela, ke šala ke tiputsisa gore nje a ba make ka bomu.”

10. Re ka maka byang gore re thulegele ke mašuba ya go tlala ya gore re fetole?

¹⁰ Ayitsano le wene o yye wa tikwa go tshwana le Danielle? Mo nkare go ka mokgonone, di ka fo go botsa gore o lahle tewu ke mokane o fo titheetselela mogahlano. Barena o sa lisetsi go liketsa go fetola. King so o ka se makang? O ka gelepa ke taba ya go lukiselela diphetolo tsa go tlalanyana ga mogahlano wo mongwana le wo mongwana. Ke mokane mo ba sa go kgete gore o fetole mo setšhuto se sa tšwa go thomisa, o ko ba o sa thulegelele ke mašuba ya go fetola mo mogahlano wo kene wo ya mahlong. Mo o lukiselela Setšhuto sa Sewokamelo, nagana ka mokgo serele se sengwana le se sengwana se yelanang le hlogotaba yone. Mo o ka maka tsotsone, o ko ba le diphetolo tsa gabutši tso o ka di fetolang ga setšhuto sone ka moka. Go tokogela gana hone, o ka lukiselela go fetola ga direle tsa gore dya thathafa go di hlatolla tsa gore di bolabola ka nnete ya go kenelela ya gore a di lula go yi kwisisa. (1 Makor. 2:10) Ke ntaba? Ka taba la gore ga tsona o kraya go se na ba go tlala ba gore ba yemisiye matsogo. Re ka re king mo nkare o berekisiye dilo tsowa, fote go šele go fitiye megahlano ya go tlalanyana mara a o soko thulegela ke lešuba la gore o fetole? Mo mogahlano wo soko bane wo thoma, o ka ya ga ye a tšhutisang ke mokane o mmotse ka putsiso yo o ka jabolelang go yi fetola.

11. Mafilipi 2:4 yi re hlohletsela gore re make ying?

¹¹ Bala Mafilipi 2:4. Pawulo wa lepostola o tšhofiye ke moya wa go hlawolega gore a hlohletsele Makreste gore ma nyake tsa go jabodisa ba bangwana. Re ka berekisa mayele yawa ka mokgo mang mo re le megahlanong? Ka go dula re gopola gore, phela le ba bangwana baa di nyaka go fetola go fo tshwana le rune.

12. Ke mokgwa wofeng wa gabutši wa go tiyisa ba bangwana megahlanong? (Lebelela sethombhe.)

¹² O fo nagana taba yowa ka mokgo. Mo o bolabodisana le banghana bago, nje ne o ka fo bolabolanya  ka matla la gore le bona ba šitega le go lahlela la bošuwana? Awwa, o ka sa di make tsotsone! O nyaka gore le bona ba hlaye se sengwana. Go fo ba ka mokgonone le megahlanong, re nyaka gore go fetole batho ba go tlala mo di kgonega. Gabutšibutši, mokgwa wa gabutši ka matla wa go tiyisa magageru ke wa go ba thulela lešuba la gore ba bolabole ka so ba se dumelang. (1 Makor. 10:24) Tla re lebeleleneng gore re ka di maka byang tsotsone.

13. Re ka maka byang gore batho ba go tlala ba thogo fetola?

¹³ Se sengwana, re ka maka gore diphetolo tsa rune go be tse di kopana, tsotsone di nyoko maka gore go be la nako ya gore ba bangwana ba fetole. Bagolo le batšhomayedi ba gore ba butšwiye ba ka re beyela mošupetso. Le mo phetolo yago go le ye kopana, di nyaka o kganele kgole le taba ya go bolabola ka dilo tsa go tlala. Mo o ka fo notelela serele ka mokana ga sona, barena ba bangwana ba nyoko kota ying? Mo re beyisa, ga serele sowa, ba re neyye dilo ka dipedi tso re ka di makang—maka gore diphetolo tsago di sa lefe fote o kganele kgole le taba ya go bolabola ka dilo tsa go tlala. Mo ba ka fo kgeta wene la mathomo gore o fetole ga serele sowa, ke ntaba o sa fo tseya ka ssoši sa tsona?

14. Re ka gelepa king gore re thogo bona gore ke leng mo re tshwaneleng go yemisa letsogo? (Lebelela sethombhe.)

¹⁴ Di nyaka o lebelele gore ke leng mo o tshwaneleng go yemisa letsogo. Mo re yemisa ka matla, re maka gore ye a tšhutisang a kwe di mo tšhofa gore a kgete rune a boyelela le mo ba bangwana ba soko bane ba thulegela ke lešuba la go fetola. Tsotsone di maka gore ba bangwana ba kwe ba sa sa nyaka le go yemisa matsogo.—Mmo. 3:7.

15. (a) Di nyaka re make ying mo ba sa re kgete gore re fetole? (b) Bo go tšhutisang bona ba ka šupetsa ka mokgo mang gore ba naganela ye mongwana le ye mongwana? (Lebelela lebhokisi la gore, “ Mo Nkare go Tšhutisa Wene.”)

¹⁵ Mo batšhomayedi ba go tlala ba yemisa matsogo mo re kene re tšhuta, di ka makega gore re sa fetole ga go tlala ka mokgo ne re nyaka ka gona. Ka dinako tse dingwana, di ka makega  gore ye a tšhutisang a sa re kgete. Tsotsone di ka re tapa matšhika, mara di nyaka re liketse ka matla gore di sa re kwatisi mo ba sa re kgete.—Mmo. 7:9.

16. Re ka ba tiyisa byang ba bangwana ba gore baa fetola?

¹⁶ Mo nkare a o kgone go fetola ga go tlalanyana ka mokgo wene o nyakang, ke ntaba o sa theetsele ba bangwana gabutši mo ba kene ba fetola ke mokane ka nthago ga mogahlano o ba thanake ka tso ba di fetodiyeng? Magageru ma ka tiyisa ke taba ya gore o ma thanakiye go fo tshwana le ka mokgo wene ne o nyoko ma tiyisa ka gona mo o fetola. (Diy. 10:21) Go thanakana ke mokgwa wo mongwana wa gore re ka tiyisana ka wona.

17. (a) Babelegi ba ka gelepa bana ba bona ka mokgo mang gore ba thogo lukiselela diphetolo tsa gabutši? (b) Vidiyo yowa yi re ke dilo difeng ka dine tso re tshwaneleng re di make mo re lukiselela so re nyoko se fetolang? (Lebelela setwaba.)

¹⁷ Ke mokgwa wofeng wo mongwana wo re ka tiyisanang ka wona mo re le megahlanong? Mo nkare o mmelegi, gelepa bana bago gore ba lukiselele diphetolo tsa go ba lekana. (Mat. 21:16) Ka dinako tse dingwana, o kraya re tšhuta ka ditaba tse dikgolo tsa go tshwana le mathatha ya mošadho kela taba ya go titshwara, mara di ka makega gore go be le serele ka ssoši kela ka dipedi tsa gore ngwanago a ka fetola ga tsona. Fote di nyaka o gelepe bana bago gore ba thogo kwisisa gore  ke ntaba ka dinako tse dingwana ba ka sa duli ba ba kgeta mo ba yemisa matsogo. Mo o ba hlatollela taba yowa, tsotsone di nyoko ba gelepa gore ba sa kgongwele mo ba kgeta ba bangwana mara bona ba sa ba kgete.—1 Thim. 6:18. d

18. Re ka maka byang gore re kganele kgole le taba ya go titšhelela maahlo mo re fetola? (Diyema 27:2)

¹⁸ Ka mokana ga rune re ka lukiselela diphetolo tsa go yagisa tsa gore fote di thanaka Jehova di boya di tiyisa magageru. (Diy. 25:11) Mo re kene re bolabola ka tso re yyeng ra gahlana natso ka dinako tse dingwana, di nyaka re kganele kgole le taba ya go bolabola ka rune beng ka matla. (Bala Diyema 27:2; 2 Makor. 10:18) Mara di nyaka re karakare matla gore re bolabole ka Jehova, Lentsu lage le batho bage ka moka. (Kut. 4:11) Mo nkare putsiso ya serele sone yi nyaka gore re hlaye ka mokgo re tikwang, di ko ba gabutši gore re make ka mokgonone. Mošupetso wa taba yowa wo nyarela ga serele sa go latela sa hlogotaba yowa.

19. (a) Mo re šupetsa gore re naganela ka moka bo ba leng gona mogahlanong, maphomela go nyoko ba mafeng? (Maroma 1:11, 12) (b) King so wene o se tseyelang gedimo ga taba ya go fetola megahlanong?

¹⁹ Phela le mo go se na molawo wa gore re ka fetola ka mokgo mang, mara ka mokana ga rune re ka liketsa ka matla gore mo re fetola, re tiyisane. Tsotsone di rela gore re fetole ga go tlalanyana. Kela di ka rela gore re kgotsofatse ke lešuba lo re le krayyeng la go fetola fote re jabodise ke gore ba bangwana le bona ba kgonne go fetola. Mo re nyaka tsa go jabodisa ba bangwana mo re le megahlanong ya phutego, ka mokana ga rune re nyoko jabolela go “tiyisana.”—Bala Maroma 1:11, 12.