1. Jehova o nyaka re mo makele ying?

 SELO ka ssoši so se makang gore monna le mosadi ba gore ba šadhiye ba jabole la go sa hlayisege, ke mo ngwana wa bona a belegiwa. Ke nnete gore le mo babelegi ba mo nyaka ka matla ngwanene mara a ba nyake go bona a fo gagarela a sa gole. Gabutšibutši, mo ba ka bona ngwana wa bona a sa gole di nyoko ba hlupa ka matla. Go fo tshwana le Jehova, le mo di mo jabodisa ka matla go bona mo re thomisa go tšhuta ka yene mara aa nyake go bona re fo gagarela ga poleke ka yyoši. (1 Makor. 3:1) Phela o boya a ro fawa gore re be Makreste ya gore ma “butšwiye mabyokong.”—1 Makor. 14:20.

2. Re nyoko petapeta ka ying ga hlogotaba yowa?

² Anthe Mokreste wa gore o butšwiye re mmona ka ying? Di nyaka re make ying gore re thogo ba Makreste ya gore ma butšwiye? Mmereko wa tsa go ja tsa go tiya tsa go tšwa ga Modimo wo re gelepa ka mokgo mang gore senghana sa rune le Jehova se gole? Fote ke ntaba re tshwanele re kganele kgole le taba ya go titshepa ka matla? Ga hlogotaba yowa, re nyoko petapeta ka diphetolo tsa diputsiso tsone.

ANTHE MOKRESTE WA GORE O BUTŠWIYE RE MMONA KA YING?

3. Anthe Mokreste wa gore o butšwiye re mmona ka ying?

³ Ka Bhayibeleng, lentsu la Segerika lo ba le hlatolliyeng go le ‘go butšwa’ le ka rela “go gola.” a (1 Makor. 2:6) Re ba re re re Makreste ya gore ma butšwiye mo re gola ga tso tsa Modimo ke mokane re ba banna kela basadi ba gore ba na le senghana sa go tiya le Jehova. Le mo re ka ba re šele re butšwiye ga tso tsa Modimo, a di nyake re napa re lisetsa go ya mahlong ke mokane re tipotsa gore re pasiye. (1 Thim. 4:15) Ka mokana ga rune, re ra le bo ba gore ba sa gola re ka ba Makreste ya gore ma butšwiye. Mara re ka di bona byang gore Mokreste yewa o butšwiye?

4. Mara Mokreste wa gore o butšwiye o byang?

 ⁴ Mokreste wa gore o butšwiye ke motho wa gore o phela ka mokgo Modimo a nyakang, aa tobolle kela go kgeta tso yene a nyakang go di latelela. Ke nnete gore ka taba la go sa yenela o nyoko fela a kekemisa. Mara ka moka matšatši mo a kene a phela o maka so a ka se kgonang gore a nagane a boye a make dilo tsa go yelana le tso Modimo a di nyakang. O na le mekgwa ya nyuwane fote o liketsa ka matla gore a nagane go tshwana le Modimo. (Maef. 4:22-24) O titšhutisiye gore a segelele dipheto a lebelele gore melawo ya Jehova yi re king go tokegela le ditšhiko tsa yona, byalo aa hloke letheto la melawo gore le mmotse a make ying kela a sa make ying. Mo a segelela dipheto, o liketsa ka matla gore a di latelele.—1 Makor. 9:26, 27.

5. King tso di ka makegang ga Mokreste wa gore aa butšwa? (Maefeso 4:14, 15)

⁵ Go gongwana Mokreste wa gore aa butšwi di ka ba lula gore a fokole ke “bo ba go tšhutisa matsaka” fote a ka tshepa bo ba gore ba sabalatsa ditaba tsa gore di ya lahletsa, mabarebare le ditaba tsa gore ke matsaka. Kela a ka tshokanya ke bo ba go kgeloga. b (Bala Maefeso 4:14, 15.) O ka kraya a jelaselana le ba bangwana, a šuhlašuhlana nabo, a yakgoswa a kwata kela a maka tsa go sa hlamatsega mo a liketsiwa.—1 Makor. 3:3.

6. Ke ntaba re tshwanisa taba ya go butšwa ga tso tsa Modimo le ngwana wa gore o sa gola? (Lebelela le sethombhe.)

⁶ Re šele re tšhutiye gore Mangwalo ma tshwanisa taba ya go gola ga tso tsa Modimo lela la go napa o ro butšwa le taba ya go gola o ba motho ye mogolo. Go na le dilo tsa go tlala tsa gore ngwananyana aa di tšibi, byalo o hloka motho ye mogolo gore a mo pasope a boye a mo yetetse. Mo re beyisa, mmane a ka tshwara morwediya wage ye monyana ka letsogo mo ba tshela pata. Mo ngwannyana yene a kene a gola, mmane a ka mo lisetsa gore a titshelele yenemong mara o ko ba a kene a mo gopotsa gore a lebelele dikoloyi mo a tshela. Mo ngwananyana a gola ke mokane a ba motho ye mogolo, o nyoko kganela kgole le dikotsi tsa mošaga wonone. Go fo tshwana le mo bananyana ba nyaka gore batho ba bagolo ba ba gelepe gore ba sa tikraye ba goromele go gongwana, Mokreste wa gore aa soko butšwa ga go tlala o nyaka gore Mokreste wa gore o butšwiye a mo gelepe gore a kganele kgole le ga dilo tsa gore di ka šehlollanya senghana sage le Jehova le ga taba ya gore a thogo segelela dipheto tsa gabutši. Go gongwana, mo Mokreste wa gore o butšwiye di nyaka a segelela sepheto, o thomisa ka go nagana ka ditšhiko tsa  Bhayibele gore a thogo bona gore king so Jehova a se naganang ga taba yone ke mokane a maka so a tshwaneleng a se make.

7. Ayitsano Mokreste wa gore o butšwiye dya hlokega gore a gelepe ke ba bangwana?

⁷ Ayitsano tsotsone di rela gore Mokreste wa gore o butšwiye aa nyake go thuša ke motho? Awwa. Ka dinako tse dingwana bo ba gore ba butšwiye le bona di nyaka ba kgopele gore ba ba gelepe. Mara motho wa gore o butšwiye, a ka nyaka gore ba bangwana ba mmotse gore a make ying kela a segelele sepheto sa gore yene mong o tshwanele a se segelele. Se sengwana ke gore Mokreste wa gore o butšwiye a ka kgopela bo ba gore ba hlalefiye le ba gore ke botala ba di bona, gore ba mo gelepe mara a sa lebale taba ya gore Jehova o nyaka a “rwala morwalo wage.”—Magal. 6:5.

8. Nka mekgwa yifeng ya gore motho wa gore o butšwiye aa tshwane le ba bangwana?

⁸ Go fo tshwana le mo batho ba bagolo ba sa tshwane ka difahlego, le Makreste ya gore ma butšwiye a ma tshwane ka mekgwa yo ma tšibegang ka yona ya go tshwana le go hlalefa, lešiši, go sa konane le go kwelana go baba. Go tokegela gana hone, mo Makreste ka mabedi ya gore ma butšwiye ma gahlana le seyemo sa gore se ya tshwana, di ka makega gore ma segelele dipheto tsa go sa tshwane mara wa kraya le gore ka mokana ga tsona a di ganane le Mangwalo. Phela tsotsone di sipidisana le lekwalo la motho. Ga taba ya mošaga wonowa ya gore a ba make dilo go tshwana, ba liketsa ka matla gore ba sa yahlulane. Mara ba dula ba mamarelanne.—Marom. 14:10; 1 Makor. 1:10.

DI NYAKA RE MAKE YING GORE RE THOGO BA MAKRESTE YA GORE MA BUTŠWIYE?

9. Ayitsano go ba motho wa gore o butšwiye di fo titlela ka mohlolo? Hlatolla.

⁹ Ke hlago gore mo nako yi kene yi ya re gole ke mokane re be batho ba bagolo mara taba ya gore motho a gole ga tso tsa Modimo a boye a butšwe yi ka sa makege ka mohlolo. Mo re beyisa, magageru ya ku Korente ma yye ma yamogela ditaba tsa go bafala, ma kolobetsiwa, ma kraya moya wa go hlawolega ma boya ma berekela ke tso Pawulo wa lepostola a ma yetetsiyeng ka tsona. (Meber. 18:8-11) Ke nnete gore ka nthago ga mengwaganyana ba šele ba kolobetsiwwe, ba go tlala ke mo ba sa gagarele ba soko bane ba butšwa. (1 Makor. 3:2) Mara re ka maka byang gore le rune re sa tikraye re sa gole ga tso tsa Modimo?

10. Re ka maka byang gore re be batho ba gore ba butšwiye? (Juda 20)

¹⁰ Mo nkare re ya di nyaka go ba batho ba gore ba butšwiye, di nyaka re thomise ka go nabela gore re be batho ba go butšwa. Bo ba gore ba “kwana le go sa tšhuti selo,” ba fo nyaka go ba ka mokgo ba leng ba ka sa tsoge ba butšwiye. (Diy. 1:22) A re nyake go tshwana le bo ba gore ke ba bagolo mara ba maka nkare a baa ba lomola ka gore ba sa nyaka gore babelegi ba bona ba ba segelele dipheto. Mara re nyaka go tiyemela ga taba ya go maka gore senghana sa rune le Jehova se ye mahlong se tamologa. (Bala Juda 20.) Mo nkare o sa yi lwela taba ya gore o feleletse o butšwa, rapela Jehova yene o nyoko maka gore o “nabele go maka mmereko a boya a [go] neya le matšhika ya go wo maka.”—Mafil. 2:13.

11. King so Jehova a re gelepang ka sona gore re thogo ba batho ba gore ba butšwiye? (Maefeso 4:11-13)

¹¹ Jehova aa litela gore re butšwe ka runebeng ga tso tsa Modimo. O re neyye ba go disa le mathitšere ka ho phutegong ba gore ba ka re gelepa gore re be ba gore re “butšwiye” ga tso tsa Modimo, “gore re šupetse gore re gudiye go segela re tshwana le Kreste.” (Bala Maefeso 4:11-13.) Fote Jehova o re neya moya wage wa go hlawolega gore wo re gelepe re thogo “nagana go tshwana le Kreste.” (1 Makor. 2:14-16) Go tokegela gana hone, Modimo o re neyye Diebangedi ka dine gore a thogo re šupetsa ka mokgo Jeso ne a nagana ka gona, a bolabola ka gona le ka mokgo ne a maka dilo ka gona nakwela a tšhomayela ho lefaseng. Mo o ka yekisela ka mokgo Jeso ne a nagana ka gona le ka mokgo ne a maka dilo ka gona, a go jiki o nyoko yi segelela taba ya gore o be Mokreste wa gore o butšwiye.

 MMEREKO WA TSA GO JA TSA GO TIYA TSA GO TŠWA GA MODIMO

12. Anthe king “dilo tso re di tšhutiyeng ku mathomisong ka Kreste”?

¹² Gore re thogo ya mahlong re kene re butšwa, di nyaka re tshepa “dilo tso re di tšhutiyeng ku mathomisong ka Kreste,” tsa gore ke tso Makreste ma tshwaneleng ma di tšhute. Tse dingwana tsa tsona tso re šeleng re di tšhutiye ke tsa go tshwana le go sokologa, go ba le tumelo, go kolobetsiwa le taba ya tsogo. (Maheb. 6:1, 2) Tsotsone ke tsona tso di tšhutisiwweng tsa gore Makreste ka mokana ga wona maa di tshepa. Byalo, mo Petro a tšhomayelela batho ka Pentekoste o yye a bolabola ka dilo tsone. (Meber. 2:32-35, 38) Di nyaka re yamogele dilo tso re di tšhutiyeng ku mathomisong gore re thogo ba malata ya Kreste. Mo re beyisa, Pawulo o pasopisiye ka taba ya gore ye mongwana le ye mongwana ye a sa dumeleng ga taba ya tsogo o ganana le tumelo ya Sekreste ka mokana ga yona. (1 Makor. 15:12-14) Mara, tla sa fo kgotsofatsa ke go fo ba re tšhutiye nnete yonone ye nyana re ye mahlong re kene re tšhuta tse dingwana.

13. Di nyaka re make ying gore re thogo berekela ke tsa go ja tsa go tiya tso ba bolabolang ka tsona ga Maheberu 5:14? (Lebelela le sethombhe.)

¹³ Dilo tso re di tšhutiyeng ku mathomisong a di tshwane le tsa go ja tsa go tiya tsa go tšwa ga Modimo tsa gore ga tsona a go kene melawo ya Jehova fela mara go kena le ditšhiko tsa gona tsa gore di re gelepa gore re kwisise ka mokgo Jehova a naganang. Gore tsa go ja tsone di thogo re berekela, di nyaka re tšhute Bhayibele, re ghayele ka tso re di tšhutiyeng ke mokane re liketse ka matla go maka tso re di tšhutiyeng. Mo re maka ka mokgonone, re ko ba re titšhutisa go segelela dipheto tsa gore di jabodisa Jehova. c—Bala Maheberu 5:14.

14. Pawulo o gelepiye Makorente ka mokgo mang gore ma thogo butšwa ga tso tsa Modimo?

¹⁴ Makreste ya gore a ma soko butšwa ga go tlala dya ma thathafela go segelela sepheto sa gabutši mo go se na molawo wa go hlaya taba yone wa gore wo fo re kwatla le so Bhayibele yi se hlayang. Ba bangwana ba nagana gore ba ka maka so ba se nyakang mo nkare ga taba yone Bhayibele a yi hlaye selo. Ba bangwana bona ba ka kgopela molawo le ga gore a go na molawo wo wo nyakegang. Mo re beyisa, di bonala nkare Makreste ya ku Korente ma yye ma kgopela Pawulo molawo wa gore ma tshwanele ma je kela ma sa ji tsa go ja tsa gore ba makele modimo wa sethombhe sehlabelo. Pawulo a sanka a ba botsa gore ba make ying kela ba sa  make ying mara o yye a fo bolabola ka mmereko wa lekwalo gore ye mongwana le ye mongwana a sa lebale “taba ya gore le ka tikgetela so le nyakang go se maka.” O yye a bolabola ka ditšhiko tsa gore di ka gelepa ye mongwana le ye mongwana gore a sa šale a kikita ke lekwalo ke mokane ka ho thoko a sa kwaletse ba bangwana. (1 Makor. 8:4, 7-9) Gabutšibutši Pawulo ke mo a tšhutisa Makorente gore ma berekise Mangwalo mo ma tisegelela dipheto, ma sa nape ma tshepela ga batho ba bangwana kela go tinyakela melawo ya gore a yi šiyo.

15. Pawulo o gelepiye Maheberu ka mokgo mang gore ma hluhlutele ga tso tsa Modimo?

¹⁵ Re tšhuta taba ye kgolo ka matla ga tso Pawulo a di ngwaleleng Makreste ya Maheberu. Ba bangwana a sanka ba gola ga tso tsa Modimo; ba sa na ba ‘nyaka lebese go tshwana le ku botala, a ba nyake tsa go ja tsa go tiya [tsa go tšwa ga Modimo].’ (Maheb. 5:12) A sanka ba tšhuta fote ba yamogela dilo tsa nyuwane tso Jehova ne a ba tšhutisa tsona a berekisa phutego. (Diy. 4:18) Mo re beyisa, Majuda ya go tlala ya gore ne ma dumela ga Modimo ke mo ma sa berekisa Molawo wa Moše le mo go fitiye 30 ya mengwaga Molawo wone go šele go fediye ka wona ka taba la sehlabelo sa Kreste. (Marom. 10:4; Tito 1:10) Ye lune, phela mengwaga yone 30 ya yona yi neyye Makreste nako ya go tlala gore ma thogo kwisisa taba ya gore a go sa hlokega gore ma latelele Molawo wa Moše! Ye mongwana le ye mongwana wa gore o yye a bala lengwalo lo Pawulo a yyeng a le ngwalela Maheberu a ka kgona go di bona gore puku yowa yi tshwere tsa go ja tsa go tiya tsa gore di tšwa ga Modimo. Tsotsone ke tso Makreste yane ne ma di hloka gore ma thogo tiyisa tumelo ya wona le go bona gore mokgwa wa nyuwane wa go rapela wa gore Jehova o makiye gore wo be gona a berekisa Jeso ke wona-wona, fote wo boya wo maka gore ma kraye lešiši la go ya mahlong ma tšhomayela le mo Majuda ma ba phigisa.—Maheb. 10:19-23.

KGANELA KGOLE LE TABA YA GO TITSHEPA KA MATLA

16. Gore re thogo ya mahlong re le batho ba gore re butšwiye, di nyaka re make ying?

¹⁶ Liketsa ka matla gore o sa fo ba motho wa gore o butšwiye mara o dule o le ka mokgonone. Tsotsone di nyaka gore re kganele kgole le taba ya go titshepa ka matla. (1 Makor. 10:12) Di nyaka re “sa lisetse go tinyakolla” runebeng gore re thogo di bona gore ayitsano re ya mahlong kela awwa.—2 Makor. 13:5.

17. Lengwalo lo Pawulo a le ngwaleleng Makolosi le šupetsa ka mokgo mang gore di ya nyakega gore re dule re le batho ba gore ba butšwiye?

 ¹⁷ Ga lengwalo lo Pawulo a le ngwaleleng Makolosi, o yye a yi šihlela fote taba ya gore di nyaka re dule re butšwiye ga tso tsa Modimo. Le mo yi le gore Makolosi ne ma kene ma le Makreste ya gore ma butšwiye, Pawulo o ba butsiye gore ba pasope o sa kraye ma fokola nka mokgo batho ba lefase lowa ba naganang. (Makol. 2:6-10) Fote Epaforase wa gore ne a ba tšiba gabutši bo ba leng ka phutegong, o yye a rapela a šwennye gore ba “sa thogathoge” kela ba be ba gore ba butšwiye. (Makol. 4:12) Re tšhuta ying ga taba yowa? Phela Pawulo le Epaforase ne ba yi kwisisa gabutši taba ya gore motho a dule a butšwiye di nyaka gore a karakare fote a kgopele Modimo a mo thege. Ke mo ba nyaka gore Makolosi ma dule ma butšwiye kela go be Makreste ya gore ma gudiye ga tso tsa Modimo le mo ma kene ma gomele ke dintshitshire.

18. King so se ka makegang ga Mokreste wa gore o butšwiye? (Lebelela le sethombhe.)

¹⁸ Pawulo o yye a pasopisa Maheberu ga taba ya gore le Makreste ya gore ma butšwiye di ka makega gore Modimo a sa sa ma yamogela. Pelo ya Mokreste yi ka thomisa go thathafa la go šinya a sa sa kgona go tisola le gore Modimo a mo tshwarele. Sa go jabodisa ke gore Maheberu a sanka ma potlomela ga seyemo sa mošaga wonone. (Maheb. 6:4-9) Byalo re re king ka bo ba gore gana byalo baa bata kela ba ntshiwwe ka ho phutegong mara ka nthago ke bobone baa tisola? Taba ya go tinyanafatsa ga bona ba boya ba tisola ba šupetsa gabutši gore a ba tshwane le bo Pawulo a ngwadiyeng lengwalo ka bona. Ke nnete gore, mo ba boyela ga Jehova ba nyaka gore a ba gelepe. (Hezek. 34:15, 16) Bagolo ba ka kgopela mogageru wa monna kela wa mosadi gore a ba gelepe ba thogo tsosa senghana sa bona le Jehova.

19. Di nyaka re tikemisele go segelela ying?

¹⁹ Mo nkare wa karakara gore o šupetse gore o Mokreste wa gore o butšwiye, phela o ka sa pumutsi ga taba ya go segelela tso o nyakang go di segelela! Ariye mahlong o ja tsa go ja tsa go tiya tsa gore di tšwa ga Modimo ke mokane o beye monagano wago thina ka matla le wa Jehova. Fote mo nkare o šele o butšwiye ga tso tsa Modimo, barena maka ka mokgo o ka kgonang gore o sa tšwi seporong.