1. Ku botala, batho ba Jehova ne ba maka dilo ka letheto ka mokgo mang?

 WA TŠIBA, mo Jehova a neya batho bage mmereko, o nyaka gore ba wo make ka letheto. (1 Makor. 14:33) Mo re beyisa, tsa gore ditaba tsa go bafala di sabalatsiwe lefaseng ka mokana ga lona, di ro nyaka ke Modimo. (Mat. 24:14) Jehova o neyye Jeso mmereko wowa gore a wo yetetse. Fote Jeso ne a dula a di bona gore mmereko wowa ba wo maka ka letheto. Ku botala, mo ba thomisa diphutego ga dipoleke tsa go fapanafapana, ba yye ba hlawola bagolo gore ba yete mahlong le go ba yetetsa. (Meber. 14:23) Ku Jerusalema, mogoba wa bagolo wa gore ne wo na le mapostola le banna ba bagolo, ne wo segelela dipheto tsa gore diphutego ka mokana ga tsona ne di tshwanele go di latelela. (Meber. 15:2; 16:4) Ka taba la gore magageru yane ma yye ma theetsela tso ba ma yetetsang ka tsona, “diphutego di [yye] mahlong di tiya tumelong fote dya yeketsega.”—Meber. 16:5.

2. Go tlugisela ka 1919, Jehova o makiye byang gore a thogo yetetsa batho bage le go ba neya tsa go ja tso tsage?

² Le lekgono lowa, Jehova o sa na a ya mahlong a yetetsa batho bage gore ba make dilo ka letheto. Go tlugisela ka 1919, Jeso ne a kene a berekisa mogoba wo monyana wa banna ba gore ba tlotsiwwe gore ba bone gore mmereko wa go tšhomayela wo sepela ka letheto le gore wo neye malata yage tsa go ja tso tsa Modimo ka nako ya gabutši. a (Luk. 12:42) Di fo ba lekgwaying gore Jehova o rufa mmereko wa mogoba wone.—Jes. 60:22; 65:​13, 14.

3-4. (a) Re beyisele ka mokgo re berekelang ke taba ya go maka dilo ka letheto. (b) Re nyoko petapeta ka ying ga hlogotaba yowa?

³ Phela hala re sa make dilo ka letheto, ne re ka sa di kgone go maka mmereko wo Jeso a re neyyeng wona. (Mat. 28:​19, 20) Mo re  beyisa, tla re fo re magageru a maa maka letheto la go šupetsa dipoleke tso phutego ya rune yi tshwaneleng yi tšhomayele ga tsona; phela tsotsone ne di ko rela gore ye mongwana le ye mongwana a ka tšhomayela mo yene a nyakang. Fote o ka kraya re tšhomayela dipoleke tse dingwana re boyelela, hala ga dipoleke tse dingwana re sa le beye le go le beya. Ayitsano o ka nagana ka mekgwa ye mengwana ya go šupetsa gore re berekela ke taba yowa ya go maka dilo ka letheto?

⁴ Go fo tshwana le mo Jeso a yye a yetetsa malata yage gore ma make dilo ka letheto nakwela a le ho lefaseng, le lekgono o sa na a maka ka mokgonone ga batho ba Modimo. Ga hlogotaba yowa, re nyoko lebelela mošupetso wo Jeso a re beyiseleng wona le gore mokgahlo wa rune wo wo latelela ka mokgo mang. Re nyoko boya re petapeta ka gore re ka šupetsa ka mokgo mang gore re tshepa mokgahlo wa Jehova.

MOKGAHLO WA RUNE WO LATELELA MOŠUPETSO WA JESO

5. Ke mokgwa wofeng wo wo šupetsang gore mokgahlo wa rune wo latelela mošupetso wa Jeso? (Johane 8:28)

⁵ Tsa gore Jeso a make ying le gore a hlaye gore king, o di tšhutiye ga Papage wa ku legedimong. Mokgahlo wa Jehova wo latelela mošupetso wa Jeso ka go berekisa Lentsu la Modimo go re gelepa gore re thogo tšiba sa go loka le sa gore a se ya loka le go re yetetsa mo re kene re phela. (Bala Johane 8:28; 2 Thim. 3:​16, 17) Ba dula ba re gopotsa gore re bale re boye re berekise Lentsu la Modimo. Di re berekela byang go latelela mayele yawa mara?

6. Ke mokgwa wofeng wo mogolo wa go šupetsa gore re berekela ke taba ya go tšhuta Bhayibele?

⁶ Wa tšiba, di re berekela la go sa hlayisege mo re tšhuta Bhayibele re gelepa ke dikgatiso tsa rune tsa Sekreste. Mo re beyisa, re thogo tshwanisa tso Bhayibele yi di tšhutisang le tso mokgahlo wo re yetetsang ka tsona. Phela mo re bona gore tso ba re yetetsang ka tsona di tšwa ka Mangwalong, re napa re wo tshepa mong go wo tshepa mokgahlo wa Jehova.—Marom. 12:2.

7. Jeso ne a tšhomayela ka molayetsa wofeng, fote mokgahlo wa Jehova wo latelela mošupetso wage ka mokgo mang?

⁷ Jeso o yye a tšhomayela ‘ditaba tsa go bafala tsa Mmušo wa Modimo.’ (Luk. 4:​43, 44) Fote Jeso o yye a botsa malata yage gore ma tšhomayele ka Mmušo wa Modimo. (Luk. 9:​1, 2; 10:​8, 9) Lekgono ka mokana ga bona bo ba leng ka mokgahlong wa Jehova ba tšhomayela ka molayetsa wa Mmušo wa Modimo di sa yi ka gore ba dula kaye kela ba na le mebereko ya go tlala ka ho mokgahlong.

8. Ke mmereko wofeng wo mogolo wo ba re neyyeng wona?

⁸ Ye lune, ke taba ye kgolo ga rune gore re botsa ba bangwana ka Mmušo wa Modimo! Phela mmereko wowa a wo fo maka ke ye mongwana le ye mongwana. Mo re beyisa, nakwela Jeso a le ho lefaseng, a sanka a dumelela madimona ma bolabola ka yene. (Luk. 4:41) Lekgono, mo motho a soko bane a tšhela letsogo ga taba ya go tšhomayela le batho ba Jehova, di nyaka a thomise ka go tshwanelega gore a make mmereko wone. Re šupetsa ka mokgo re wo tseyelang gedimo mmereko wowa ka go tšhomayela go gongwana le go gongwana ho re leng gona le ka mokgo re ka kgonang. Byalo, ka taba la gore re nyaka go tshwana le Jeso, re maka so re ka se kgonang gore re tšhomayelele ba bangwana le go ba tšhutisa nnete.—Mat. 13:​3, 23; 1 Makor. 3:6.

9. Mokgahlo wo maka byang gore batho ba tšibe lebitso la Modimo?

⁹ Jeso o makiye gore batho ba tšibe lebitso la Modimo. Jeso o yye a rapela Papage wa ku legedimong, a re: “Ke ba butsiye lebitso lago.” (Joh. 17:26) Mokgahlo wa Jehova wo kopisela mošupetso wa Jeso ka go maka so wo ka se kgonang gore wo gelepe ba bangwana ba tšibe lebitso la Modimo. Mokgwa wo mongwana wo mokgahlo wo makiyeng taba yone ke go berekisa Bhayibele ya Sekgowa ya New World Translation of the Holy Scriptures. Hlatollo yowa yi busetsiye lebitso la Modimo ka ho Bhayibeleng mo ne le nyarela gona  mathomisong ka mebolabolo yo ba ngwadiyeng Bhayibele ka yona. Hlatollo ya Bhayibele yowa yi krayega ka mebolabolo ya go teya ka ku ga 270 go le Bhayibele ya go felegelela kela go le hafo. Ga Appendix A4 le A5 tsa hlatollo yowa, o ka tšhuta tsa go tlala ga taba ya gore ke ntaba ba busetsiye lebitso la Modimo ka ho Bhayibeleng. Ke mokane ga Appendix C, ya gore yi krayega ga Study Bible ya Sekgowa, o ko kraya mo ba hlatollang gore ke ntaba lebitso la Modimo le nyarela ga yi 237 ga Mangwalo ya Sekreste ya Segerika.

10. O tšhuta ying ga tso di hlayyeng ke mosadi ye mongwana wa go dula hala Myanmar?

¹⁰ Go fo tshwana le Jeso, re nyaka go gelepa batho ba go tlala ka mokgo re ka kgonang gore ba tšibe lebitso la Modimo. Mo mosadi ye mongwana wa gore o na le 67 ya mengwaga wa hala Myanmar a kwa gore Modimo o na le lebitso, o yye a thomisa go lla ke mokane a re: “Go tlugisela ke belegiwa, ke ro thoma le go di kwa tsa gore lebitso la Modimo ke Jehova. . . . Phela le ro ntšhutisa mong selo se segolo so motho a ka se tšhutang.” Taba yowa yi napa yi šupetsa gabutši gore mo batho ba tšhuta lebitso la Modimo, le ka tšhentšha maphelo ya bona!

NAPA O RO SWINELELA GA TABA YA GO TSHEPA MOKGAHLO WA RUNE

11. Bagolo ba šupetsa ka mokgo mang gore ba tshepa mokgahlo wa Jehova? (Lebelela le sethombhe.)

¹¹ Bagolo ba ka šupetsa ka mokgwa wofeng gore ba tshepa mokgahlo wa Modimo? Mo mokgahlo wo yetetsa bagolo ka se sengwana, di nyaka bagolo ba bale ka taba yone gabutši ba sa jaga fote ba make so ba ka se kgonang gore ba yi berekise. Mo re beyisa, a ba ba yetetse fela ga taba ya gore ba tshware megahlano byang le gore ba rapelele phutego ka mokgo mang, mara ba boya ba ba yetetsa le ga taba ya gore ba ka maka byang gore ba thogo pasopa dinku tsa Kreste. Mo bagolo ba berekisa tso mokgahlo wo ba yetetsang ka tsona, magageru ma šala ma kwa gore Jehova o ma nyaka ka matla fote wa ma pasopa.

12. (a) Ke ntaba di nyaka re berekisane le bo ba yetang mahlong? (Maheberu 13:​7, 17) (b) Ke ntaba di nyaka re fo lebelela dilo tsa gabutši tso bo ba yetang mahlong ba tšibegang ka tsona?

¹² Mo bagolo ba re yetetsa, di nyaka re ba theetsele re sa tšhofe ke motho. Phela mo re maka ka mokgonone, re nyoko maka gore bo ba yetang mahlong di ba fefogele go maka mmereko wa bona. Bhayibele yi re hlohletsela gore re theetsele bo ba yetang mahlong re boye re tinyanafatse. (Bala Maheberu 13:​7, 17.) Mara go maka tsotsone go ka ba ntshitshire ka dinako tse dingwana. Ke ntaba? Ka taba la gore banna bowa a baa yenela. Le mo go le ka mokgonone, mo re ka fo dulela go lebelela tsa go kekema tso ba di makang mara ra sa lebelele tso ba tšibegang ka tsona tsa gabutši, go bolabola nnete, re ko ba re gelepa manaba ya rune. Ka mokgo mang mara? Phela manaba ya rune ma nyaka re kamake taba ya gore Modimo o berekisa mokgahlo wage gore a re yetetse. Byalo, mo re nagana tsa gore a yi tsona ka bagolo, re ka thomisa go nagana tsa go kekema ka mokgahlo ke mokane ra sa sa wo tshepa. Re ka maka ying mara gore re thogo bona matsaka ya ma hlayang ke manaba ya rune re boye re ma gane?

O SA YIKELE BA BANGWANA BA ŠEPISA TABA YA GORE O TSHEPA MOKGAHLO WA JEHOVA

13. Manaba ya Modimo ma liketsiye ka mokgo mang go sinya mokgahlo wage lebitso?

¹³ Bo ba go phigisa Modimo ba liketsa go maka dilo tsa gabutši tso mokgahlo wa Jehova wo di makang di bonale nkare a dya loka. Mo re beyisa, re tšhutiye ka ho Mangwalong gore Jehova o nyaka gore re dule re yediye mmeleng, maphelelo ya rune le wona ma dule ma yediye fote re mo rapele ka mokgwa wa gore yene wa wo yamogela. O nyaka gore ye mongwana le ye mongwana wa gore o fo ya mahlong a maka dilo tsa go sa yela fote a sa sokologe, ba mo ntshe ka phutegong. (1 Makor. 5:​11-13; 6:​9, 10) Re theetsela molawo wone wa go tšwa Mangwalong. Mara ka taba la gore re theetsela molawo wowa, bo ba go re phigisa ba re rune a re kwane le batho, re ya ba yahlula fote  re fo kwa re sa mo kgone motho wa gore o maka dilo go sa tshwane le rune.

14. Ke mang ye a khandang matsaka ya ba ma hlayang ka mokgahlo wa rune?

¹⁴ Yi kwisise gabutši taba ya gore ke mang ye a re hlaselang. Sathane Diyabolo ke yene ye a khandang matsaka ya ba ma bolabolang ka mokgahlo wa rune. Phela “matsaka … ma thomisiye ke yene.” (Joh. 8:44; Gen. 3:​1-5) Byalo, di nyaka re dula re di yemele tsa gore Sathane o nyoko berekisa batho bage gore ba bolabole matsaka ka mokgahlo wa Jehova. Tsowa ke tso di makegeleng Jeso le Makreste ya ku botala.

15. King so bo ba go yeta mahlong tsa sedumedi ba se makiyeng Jeso le malata yage?

¹⁵ Le mo yi le gore Morwayi wa Modimo, Jeso, ne a yenele fote a maka mehlolo ya go makatsa, mara Sathane o yye a berekisa batho ba bangwana gore ba sabalatse matsaka ya go tlala ka Jeso. Mo re beyisa, ba go yeta mahlong tsa sedumedi ne ba botsa batho gore Jeso o krayye matšhika ya go raka madimona ga “kgoši ya madimona.” (Mar. 3:22) Nakwela Jeso ba mo yahlula, bo ba go yeta tsa sedumedi mahlong ba yye ba mo sekisa ba re o rogelela Modimo fote ba kutšetsela batho gore ba kgopele gore Jeso ba mmolaye. (Mat. 27:20) Ka nthago, mo malata ya Kreste ma kene ma tšhomayela ditaba tsa go bafala, bo ba gore ne ba ma phigisa ‘ba yye ba dhunghanya batho, ba boya ba kutšetsela ditšhaba” gore ba hlorise Makreste yane. (Meber. 14:​2, 19) Sewokamelo sa December 1, 1998, mo se hlatolla Mebereko 14:​2, se re: “Bo ba gore ne ba thega Sathane ba yye ba gana go theetsela molayetsa wo Makreste ne ma wo tšhomayela ba boya ba hlaya dilo tsa go tshosa ka wona, go fo re batho ba sa ma theetsele le gore ba ma hloye.”

16. Re tshwanele re gopole ying mo re ka fo kwa ditaba tsa gore ke matsaka?

¹⁶ Le lekgono lowa, Sathane o sa na a fo ya mahlong a bolabola matsaka. Phela, o sa na a “fokola lefase ka mokana ga lona.” (Kut. 12:9) Mo di ka makega gore o kwe ditaba tsa gore a yi tsona ka mokgahlo kela ka magageru ya gore ma yeta  mahlong, o sa lebale ka mokgo manaba ya Modimo ma yyeng ma tshwara Jeso le malata ya ku botala ka gona. Jeso o hlayye gore batho ba nyoko phigisa bo ba gore ba berekela Jehova fote ba nyoko ba hlayela matsaka. Fote ke tsotsowa re kene re ya di bona lekgono. (Mat. 5:​11, 12) Re ka sa fo tshepa ditaba tsa gore ke matsaka mo re ka gopola gore ke mang ye a khandang matsaka yane re boya re maka se sengwana ka go yakgoswa gore re titšhireletse ga wona. King so re tshwanele re se make?

17. Re ka maka byang gore re sa kwaletse ke ditaba tsa gore ke matsaka? (2 Thimothi 1:13) (Lebelela lebhokisi la gore “ So o Tshwaneleng o se Make mo o Kwa Ditaba Tsa Gore ke Matsaka.”)

¹⁷ O sa kwane le ditaba tsa matsaka. Pawulo wa lepostola o bolabodiye di kwagala tso re tshwaneleng re di make mo re ka tšhoga re kwa ditaba tsa gore ke matsaka. O butsiye Thimothi gore a ‘botse ba bangwana gore ba sa . . . theetsele ditaba tsa matsaka’ le gore ba “sa kwane le ditaba tsa matsaka tsa go sa yi ka tsela.” (1 Thim. 1:​3, 4; 4:7) O fo nagana ka sowa ša: ngwana wa gore wa phaphula a ka fo kota selo sa gore se thilafele ke mokane a se yisa ganong, mara motho wa gore o gudiye a ka sa tsoge a di makiye tsotsone ka taba la gore wa di tšiba gore selo sone se ka mo kwaletsa. Byalo, re gana go theetsela ditaba tsa gore ke matsaka ka taba la gore re ya di tšiba gore di tšwa kaye. Re ngangarela “mantsu ya go yagisa” ya gore ke nnete.—Bala 2 Thimothi 1:13.

18. Re ka šupetsa ka mokgo mang gore re tshepa mokgahlo wa Jehova?

¹⁸ Ga mekgwa ya go tlala yo mokgahlo wa Modimo wo kopiselang Jeso ga yona, re f’lo bolabola ka kararo ya yona. Mo o kene o tšhuta Bhayibele, liketsa go kraya mekgwa ye mengwana ya go šupetsa gore mokgahlo wo latelela mošupetso wa Jeso. Gelepa ba bangwana ka phutegong ya genu gore ba nape ba tshepa mokgahlo go phala mathomisong. Fote ariye mahlong o šupetsa gore o tshepa mokgahlo ka go berekela Jehova o kene o tshepega fote o dula o ngangarele mokgahlo wo a wo berekisang gore a segelele tso a di nyakang. (Pis. 37:28) Nkare re ka fo ya mahlong re yi tseyela gedimo taba ya gore re berekisana le batho ba Jehova ba gore baa nyakanana fote baa tshepega.