1. King selo se segolo sa gore re ya se jabolela?

KE SELO se segolo ka matla go ba ka phutegong ya Jehova! Di re tikisa pelo mo re na le magageru re berekela Jehova ga poleke ya gore yi bebiye fote re kene re jabodiye. Wene o maka mmereko wofeng ka ho phutegong?

2. Pawulo wa lepostola o berekisiye mošupetso wofeng ga mangwalo ya a ma ngwadiyeng ka ho Baebeleng?

² Re ka tšhuta tsa go tlala ga mošupetso wo Pawulo wa lepostola a wo berekisiyeng ga mangwalo ya a ma ngwadiyeng. Ga mangwalo yane, o tshwanisiye phutego le mmele wa motho. Fote o tshwanisiye ye mongwana le ye mongwana ka ho phutegong le dilo tsa ho mmeleng.—Mrm. 12:4-8; 1 Makor. 12:12-27; Maef. 4:16.

3. Ga hlogotaba yowa re nyoko tšhuta dilo difeng ka ditharo?

³ Ga hlogotaba yowa re nyoko bolabola ka dilo ka ditharo tso re ka di tšhutang ga mošupetso wa Pawulo. Sa mathomo, re nyoko bolabola ka gore ye mongwana le ye mongwana wa rune *go na le so a tshwaneleng a se make ka phutegong ya Jehova. Sa bobedi, re nyoko bolabola ka so re ka se makang mo re kwa nkare a di lula go bona gore go na le so re tshwaneleng go se maka ka ho phutegong. Sa boraro, re nyoko bolabola gore ke ntaba re tshwanele go dula re karakara ga mmereko wo Modimo a re neyyeng wona ka ho phutegong.

4. Re tšhuta ying ga Maroma 12:4, 5?

⁴ So re se tšhutang ga mošupetso wa Pawulo ke gore ye mongwana le ye mongwana wa rune go na le so a tshwaneleng go se maka ka mutšing wa Jehova. Pawulo o thomisa ka gore: “Go fo tshwana le mo mmele wo na le dilo tsa go tlala mara dilo tsowa di sa bereke mmereko wa go tshwana, le rune re selo ka ssoši le Kreste le mo re tlele, ka mokana ga rune a re tshwane mara re mmele ka wwoši.” (Mrm. 12:4, 5) Mara Pawulo ne a leketsa gore king? Ne a leketsa gore a re make mmereko wa go tshwana ka ho phutegong mara ka mokana ga rune re tseyediwa gedimo.

5. Jehova o re ‘neyye’ ying ka diphutegong?

⁵ Mo o nagana ka bo ba makang mmereko ka diphutegong, o ka fo yakgoswa o nagana ka bo ba go yeta mahlong. (1 Mathes. 5:12; Maheb. 13:17) Nnete ke gore Jehova o re “neyye banna” ka diphutegong, a berekisa Kreste. (Maef. 4:8) ‘Banna bo a re neyyeng’ bona ke ba Mogoba wa go Lawola, ba go gelepa Mogoba wa go Lawola, ba Komiti ya Lekala, bapotolugi, ba go tšhutisa dikolong tsa Baebele, bagolo le malata. Magageru yawa ya banna ka mokana ga wona ma kgetiwwe ka moya wa go hlawolega gore ma thogo pasopa le go tiyisa dinku tsa Jehova ka diphutegong.—1 Pet. 5:2, 3.

6. Mathesalonika wa Mathomo 2:6-8 yi re magageru ya gore ma kgetiwwe ka moya wa go hlawolega ma karakarela go maka ying?

⁶ Magageru ya banna ma kgetiwa ka moya wa go hlawolega gore ma thogo maka mebereko ya mehlobohlobo. Go fo tshwana le mo matsogo le mawoto ma berekisana, magageru ya gore ma kgetiwwe ka moya wa go hlawolega le wona maa berekisana gore dilo di thogo sepela gabutši. A ma nyake go thanakiwa. Mara ma karakara ka matla gore ma thogo yagisa le go tiyisa magageru ya mangwana. (Bala 1 Mathesalonika 2:6-8.) Wa tšiba re leboga Jehova ka banna bo a re neyyeng bona ba gore ba yetisa tsa ba bangwana mahlong!

7. Magageru ya gore ma maka mmereko wa nako ka moka ma rufiwa byang?

⁷ Ba bangwana ka phutegong ba ka kgetiwa gore ba bereke go le barumiwa, maphayona ya go hlawolega kela maphayona ya nako ka moka. Gabutšibutši, magageru ya mangwana lefaseng ka mokana ga lona ma kgetiye mmereko wa go tšhomayela gore go be wa nako ka moka. Sepheto so ma se segeleleng se makiye gore ba go tlala go be malata ya Kreste Jeso. Le mo yi le gore magageru yawa ya go bereka nako ka moka a ma na dilo tsa go tlala tsa majabajaba mara Jehova o ma neyye dilo tsa go tlala tsa gabutši. (Mar. 10:29, 30) Magageru yawa re ma nyaka ka matla fote re jabola la go sa hlayisege ka gore le wona ma ka ho phutegong!

8. Ke ntaba Jehova a tseyela gedimo ye mongwana le ye mongwana wa gore o tšhomayela ditaba tsa go bafala?

⁸ Anthe mmereko wa ka diphutegong o maka ke magageru ya banna ya gore ma kgetiwwe ka moya wa go hlawolega le magageru ya gore ma berekela Jehova ka nako ka moka? Dho! Jehova o tseyela gedimo ye mongwana le ye mongwana wa gore o tšhomayela ditaba tsa go bafala fote le ka ho phutegong ba tseyediwa gedimo. (Mrm. 10:15; 1 Makor. 3:6-9) Re maka sowa ka taba la gore re nyaka go maka batho malata ya Morena wa rune Jeso Kreste. (Mat. 28:19, 20; 1 Thim. 2:4) Batšhomayedi ba gore ba kolobetsiwwe le ba gore a baa kolobetsiwa, ba maka so ba ka se kgonang gore ba thogo yetisa mmereko wowa mahlong.—Mat. 24:14.

9. Ke ntaba re tseyela gedimo magageru ya basadi?

⁹ Jehova o šupetsa gore magageru ya basadi o ma tseyela gedimo ka go ma neya mmereko wo mogolo ka ho phutegong. O tseyela gedimo basadi ba gore ba šadhiye, bo mmane, bo ba  hlokofaleleng ke banna le magageru ya basadi ya gore a maa šadha, mo ba kene ba mmerekela ka go tshepega. Baebele yi bolabola gatleletlele ka basadi ba gore ba yye ba jabodisa Modimo. Ba thanakiwa yi le mešupetso ya gabutši ka taba la gore ke mo ba šupetsa gore ba hlalefiye, ba na le tumelo, matšato, lešiši, a ba konane le gore ke mo ba maka mebereko ya gabutši. (Luk. 8:2, 3; Meber. 16:14, 15; Mrm. 16:3, 6; Mafil. 4:3; Maheb. 11:11, 31, 35) Re leboga Jehova re sa fetse ka go re neya magageru yawa ya basadi ka diphutegong tsa rune, ya gore ma tšibega ka dilo tso tsa gabutši!

10. Ke ntaba re tseyela gedimo bo ba gore ba tsofele?

¹⁰ Re jabola ka matla ka taba la gore re na le bo ba gore ba tsofele diphutegong tsa rune. Diphutego tse dingwana di na le magageru ya go tsofala ya gore ma berekele Jehova lephelo la wona ka moka. Ya mangwana ma ka fo ba ma sa tšo tšhuta nnete. Le mo go le sone, ya mangwana maa lwalalwala ka taba la go tsofala. Tsotsone di ka maka gore ma sa sa kgona go maka tso ne ma kgona go di segelela ka phutegong le ga mmereko wa go tšhomayela. Mara magageru yawa ma maka so ma ka se kgonang ga mmereko wa go tšhomayela fote ma karakara ka matla gore ma thogo tšhutisa ba bangwana mmereko le go ba tiyisa! Fote re tšhuta tsa go tlala ga bona. A re kamake gore Jehova o ma tseyela gedimo, le rune re tikwa ka mokgonone.—Diy. 16:31.

11-12. Bo ba sa golang ka phutegong ya lune ba go hlohleletsiye byang?

¹¹ Nagana le ka bo ba sa golang. Ba ghulana le dilo tsa go tlala mo ba kene ba gola ga lefase lowa la go lawola ke Sathane Diyabolo wa gore o kutšetsela dilo tso batho ba tikhandelang tsona tsa go kekema. (1 Joh. 5:19) Mara re kwa re tiyelele ka matla mo re bona bo ba sa golang ba fetola megahlanong, ba karakara tšhomong fote ba yemela tso ba di dumelang ba kene ba šišimele. Nnete ke gore bo ba sa golang ba na le tsa go tlala tso ba di makang ka phutegong ya Jehova!—Pis. 8:2.

¹² Mara ka dinako tse dingwana a di lula ga magageru ya mangwana gore ma di tshepe gore ma tseyediwa gedimo ka diphutegong. King so se ka gelepang ye mongwana le ye mongwana  wa rune gore a ro di tshepa tsa gore o tseyediwa gedimo ka phutegong? Tla re boneneng.

13-14. Ke ntaba ba bangwana ba nagana gore a ba tseyediwe gedimo ka phutegong?

¹³ Bona selo sa bobedi so re se tšhutang ga mošupetso wa Pawulo. O bolabola ka bothatha bya gore ba go tlala ba na le byona lekgono; ba nagana gore a ba tseyediwe gedimo ka phutegong. Pawulo o ngwadiye gore: “Mo loto le ka re ‘Ka taba la gore a yi nna letsogo, a ke wele ga mmele,’ sosone a se rele gore a le ho mmeleng. Fote mo tsebe yi ka re, ‘Ka taba la gore a yi nna lihlo, a ke wele ga mmele,’ sosone a se rele gore a yi ho mmeleng.” (1 Makor. 12:15, 16) King so Pawulo ne a re tšhutisa sona?

¹⁴ Mo o leketsa go titshwanisa le ba bangwana ka phutegong, le tso o kgonang go di segelela di ka sa go jabodise. Ba bangwana ka ho phutegong ke digele ka tso tsa go tšhutisa, ba kgona go maka dilo ka letheto kela ba kgona go kgomoletsa le go tiyisa ba bangwana. Mohlomongwana o ka fo nagana gore a wo kgone go maka dilo go tshwana le ka mokgo ba bangwana ba di makang ka gona. Sosone se šupetsa gore o tinyanafatsiye. (Mafil. 2:3) Mara di nyaka o pasope. Mo nkare o dula o leketsa go tshwana le ba bangwana ka tso ba kgonang go di segelela, o nyoko fo dula o kgongwele. O ka feleletsa o nagana ka mokgo Pawulo a bolabodiyeng, gore a wo tseyediwe gedimo ka phutegong. King so se ka go gelepang gore o sa tobe?

15. Makorente wa Mathomo 12:4-11 yi re king tso re tshwaneleng re di tšibe ka dilo tso Jehova a re neyyeng tsona?

¹⁵ Bona taba ye nngwana ke yowa: Jehova o makiye gore Makreste ya mangwana ya dinako tsa mapostola ma thogo maka mehlolo ma gelepa ke moya wa go hlawolega mara Makreste yawa ka mokana ga wona ke mo ma sa fiwa go tshwana. (Bala 1 Makorente 12:4-11.) Jehova o ma neyye dilo tsa mehlobohlobo le gore ma kgone go maka dilo tsa go sa tshwane mara Mokreste ye mongwana le ye mongwana ke mo a mo tseyela hlogong. Lekgono a re kgone go maka mehlolo re gelepa ke moya wa go  hlawolega. Mara tšhiko ya Baebele nka yyoši. Re ka fo ba re sa kgone go maka dilo tsa go sa tshwane mara ka mokana ga rune Jehova o re tseyela gedimo.

16. King so Pawulo a re hlohletselang gore re se make?

¹⁶ A di nyake re titshwanisa le Makreste ya mangwana mara di nyaka re make tso Pawulo a re hlohleletsang gore re se make mo a re: “Ye mongwana le ye mongwana a nyakolle tso a di makang, ke mokane o ko thogo ba le so se jabodisang yene mong, a sa titshwanisi le motho ye mongwana.”—Magal. 6:4.

17. Di re gelepa ka mokgo mang mo re maka tso Pawulo a di hlayyeng?

¹⁷ Mo re ka berekisa tso Pawulo a di hlayyeng mo re tipombhola, re ka thomisa go bona gore go na le tso re kgonang go di segelela tsa gore ba bangwana a ba di kgone. Mo re beyisa, mogageru wa mogolo a ka fo ba a se segele sa go tšhutisa ku seralong mara ga mmereko wa go tšhomayela a fo teya a beyelele. Kela a ka fo ba a šiteganyana go maka dilo ka letheto mara batšhomayedi ba ya gage gore a ba gelepe ka tso di ba phiriketsang ka taba la gore o kgona go ba tiyisa a berekisa Mangwalo. Kela a tšibega ka go yamogela divakaši. (Maheb. 13:2, 16) Mo re titšiba gore re kgona go segelela ying, di nyoko re jabodisa ka matla ka taba la gore re ko ba re tšiba gore le rune go na le so re se makang ka phutegong. Fote re nyoko lesetsa go titshwanisa le magageru ya mangwana.

18. King so re ka se makang gore re thogo ba mathitšhere ya gabutši?

¹⁸ Di sa yi ka gore re maka mmereko wo feng ka phutegong, ka mokana ga rune di nyaka re nabele go lokotša matšhomayelelo ya rune. Jehova o re neyye dilo tsa go re gelepa gore re thogo lokotša matšhomayelelo ya rune a berekisa mokgahlo wage. Mo re beyisa, ga megahlano ya rune ya gare ga beke re tšhutisiwa gore re ka ba digele byang ga mmereko wa go tšhomayela. Ayitsano o di tseyela gedimo tsotsone?

19. King so re ka se makang gore re thogo ya Sekolong sa Baebangedi ba Mmušo?

¹⁹ Mokgwa wo mongwana wa go re gelepa gore re thogo tšhutisa gabutši ke mo re ya Sekolong sa Baebangedi ba Mmušo. Magageru ya gore ma tšhomayela ka nako ka moka ya gore fote ma na le 23 ya mengwaga go segela ga 65 ma ka ya Sekolong sone. Di ka fo bonala nkare o ka sa kgone go se segelela sone. O sa nagane ka tso di ka go šitisang goya mara dula o nagana ka gore ke ntaba o nyaka go ya ga sona. Ke mokane o make letheto lo le ka go gelepang gore o thogo phomelela. Mo Jehova a go gelepa fote le wene o karakara ka matla, so ne o nagana gore se ka sa makege se nyoko fo ya mahlong se makega.

20. Maroma 12:6-8 yi re tšhutisa ying?

²⁰ Selo sa boraro so re se tšhutang ga mošupetso wa Pawulo re se kraya ga Maroma 12:6-8. (Bala.) Howa le gona Pawulo o šupetsa gore ka phutegong a re ya fiwa go tshwana. Mara gana byalo o kikitela taba ya gore re berekise so re kgonang go se maka gore re thogo tiyisa le go yagisa phutego.

21-22. King so re se tšhutang ga Robert le Felice?

²¹ Nagana ka so se makegeleng mogageru ye mongwana wa gore re nyoko mmitsa Robert. Ka nthago ga gore a berekele Jehova ga naga ye nngwana, ba yye ba mmitsa gore a tl’le bereka Bethele ya nageng yo a belegiwweng ga yona. Le mo nkare magageru ma yye ma mmotsa gore aa sinya selo mo ba šala ba mmitsa, o yitseri: “Go fediye dikgwedi tsa go tlalanyana ke sa jabola ka taba la gore ne ke nagana gore mmereko wo ne ko wo maka, ke mo ke sa wo kgone. Ke mo go na le dinako tso ne ke nagana go fo lesetsa go bereka Bethele.” King so se  makegiyeng gore a thogo jabola fote? Mogolo ye mongwana o mo gopotsiye gore Jehova o mo lokotšiye ga mmereko wo ne a wo maka botala gore a thogo berekisiwa gabutši ga mmereko wo a wo makang gana byalo. Robert o yye a napa a di bona gore ke mo di nyaka a lesetse go nagana ka matla ka mmereko wo ne a wo maka ke mokane a berekise matšhika yage ga mmereko wo a wo makang gana byalo.

²² Mogageru Felice Episcopo o gahlanne le tsa go mo phiriketsa tsa go tshwana le tsa mogageru Robert. Yene le mosadi wage ba yalogiye sekolong sa Gilead ka 1956 ke mokane ba potuluga nageng ya Bolivia. Ka 1964 ba yye ba ba le ngwana. Felice o yitseri: “Ke mo di se lula go lesetsa mmereko wo ne re wo jabolela ka matla. Ke yye ka kgongwela ngwaga ka moka. Mara Jehova o yye a n’gelepa gore ke thogo tšhentšha ka mokgo ne ke nagana ka gona ke mokane ka ya mahlong ke karakarela go maka tso mmelegi a tshwaneleng go di maka.” Ayitsano o tikwa ka mokgo Robert kela Felice ne ba tikwa ka gona? Ayitsano o kgongwetsa ke taba ya gore gana byalo a wo make mmereko wo ne o wo maka ku botala? Mo nkare go ka mokgonone, o nyoko jabola mo o ka lesetsa go nagana ka mokgo, ke mokane wa maka tso o kgonang go di maka gana byalo gore o thogo berekela Jehova le go gelepa magageru. Dula o tshwareganne ka go berekisa tso Jehova a go neyyeng tsona le tso o kgonang go di maka go gelepa ba bangwana ke mokane o nyoko jabola mo o kene o yagisa phutego.

23. Di nyaka re tineye nako ya go maka ying fote re nyoko bolabola ka ying ga hlogotaba ya go latela?

²³ Jehova o tseyela ye mongwana le ye mongwana wa rune gedimo. O nyaka gore re be ba mutši wage. Mo re tseya nako re ghayela ka mokgo re ka yagisang magageru ka gona ke mokane ra karakara ka matla gore re thogo ma yagisa, re ka sa sa kwa nkare a re tseyediwe gedimo ka ho phutegong! Mara ba bangwana re ba lebelela byang ka ho phutegong? Re ka ba šupetsa byang gore re ba tseyela gedimo? Hlogotaba ya go latela yi nyoko bolabola ka taba yowa.