1. Ke ntaba Jeso a yye a kgopela Jehova gore a pasope bo ba mo latelelang?

 BOŠEGO bya mo Jeso a soko kgwa o yye a kgopela se sengwana ga Papage wa ku legedimong. O kgopele Jehova gore a pasope bo ba mo latelelang. (Joh. 17:15, 20) Nnete ke gore, Jehova ke mo a kene a pasopa batho bage a boya a ba tšhireletsa. Mara, Jeso ne a di tšiba tsa gore Sathane o nyoko ba phigisa go baba bo ba mo latelelang. Fote Jeso ke mo a di bonne tsa gore ba nyoko di nyaka tsa gore Jehova a ba gelepe gore ba thogo khwanyudisa ga ye wa pelo ye phifadu go leng Diyabolo.

2. Pisalema 33:18-20, yi re ke ntaba di sa nyake re hlagasedisa ke mathatha?

² Lefase lowa la Sathane a le ma wonisi le ka gonyana Makreste lekgono. Re gahlana le mathatha ya magolo ya gore ma maka gore re kgongwele fote maa re liketsa le ga taba ya gore ayitsano re ya tshepega ga Jehova. Mara hlogotaba yowa, yi nyoko re gelepa gore re di bone tsa gore a di nyake re hlagasela. Phela Jehova wa re pasopa fote wa di bona le tso re gahlanang natso, o tikemisele gore a re gelepe re thogo hlula. Tla re boneneng mešupetso ka mmedi yo yi leng ka Bhayibeleng yo yi šupetsang gore Jehova o “lebelele bo ba gore baa mo hlompa” ka mokgo mang—Bala Pisalema 33:18-20.

3. Go ko ba go ro maka byang mo re šinya re tikwa nkare re fo ba re ntoši?

³ Le mo re na le magageru ya go tlala ka phutegong di ka makega gore re tikwe nkare re fo ba ntoši. Mo re beyisa, bo ba gore ba sa gola ba ka tikwa ba fo ba ntoši mo di nyaka ba yema ka tlelaseng ke mokane ba hlatolla tso ba di dumelang kela mo di nyaka ba rorela ga phutego ye nngwana. Ba bangwana ba rune re ka fo kwa di re kgahleletsiye fote re kgongwetsa ke taba ya go nagana gore di nyaka rune beng re tirwalele mathatha yane ya rune. Re ka tšhaba go botsa ba bangwana re nagana gore ba ka sa kwisisi ka mokgo re tikwang. Fote ka dinako tse dingwana o ka kraya ba tiputsisa gore nje o gona wa gore wa tihlupa ka rune. Mo nkare go na le so se makang  gore o fele o tikwa nkare o ntoši tsotsone di nyoko maka gore o kgongwele o boye o šekele. Mara Jehova aa nyake le ka gonyana go bona re tikwa ka mokgonone. Ke ntaba re reyane?

4. Ke ntaba moporofeta Eliya a yitseri: “Go šele nna ke le ntoši”?

⁴ Lebelela mošupetso wa monna wa go tshepega ye ba reng ke Eliya. O fetsiye 40 ya matšatši a kene a tšhabelelana le Jezebhele wa gore ne a tshepisiye gore o nyoko fetsa ka yene. (1 Mag. 19:1-9) Mafelelong mo a šele a le ku lekoring a le ntoši o yye a llela ga Jehova a re: “Ke nna [moporofeta] ye a šeleng.” (1 Mag. 19:10) Ke mo go na le baporofeta ba bangwana hone polekeng, Obadiya o yye a phonisa 100 ya baporofeta ba gore Jezebhele ke mo a tikemisele go ba bolaya. (1 Mag. 18:7, 13) Byalo king so se makang gore Eliya a tikwe a fo ba ntoši? Ayitsano ke mo a nagana gore baporofeta bo Obadiya a ba phonisiyeng ba kgwile ka mokana ga bona? Kela ne a tikwa a le ntoši ka taba la gore ba bangwana a sanka ba mo thega ga taba ya go berekela Jehova ka nthago ga mo Jehova a šupetsiye gore ke yene Modimo wa mannete ku Thabeng ya Kharamela? Di ka makega gore ke mo a fo tikwa a le ntoši ka taba la gore ne a tseya gore a go na le a wwoši ye a tšibang tso yene a gahlanang natso kela le mong wa gore wa tihlupa ka yene? Taba yowa a yi nape yi hlatolla gabutši gore Eliya ke mo a tikwa ka mokgo mang. Mara so re se tšibang ke gore Jehova ke mo a di kwisisa tsa gore ke ntaba Eliya a fo tikwa a le ntoši fote ke Jehova a le ntoši wa gore ne a ka di kgona go mo gelepa.

5. Jehova o gelepiye Eliya gore a di tšibe gore aa ntoši ka mokgo mang?

⁵ Jehova o yye a gelepa Eliya ga go tlala. O yye a hlohletsela Eliya gore a bolabole tso di mo hlupang. Ke ga mabedi a kene a butsisa Eliya gore: “Go ro maka byang?” (1 Mag. 19:9, 13) Ka nako ye nngwana le ye nngwana Jehova ne a theetsela gabutši mo Eliya a ntsha so se leng ka ho pelong. Jehova yene o yye a fetola Eliya ka go maka tso di šupetsang gore o fo ba ho thina naye a boya a mo šupetsa le matšhika yage. O yye a gelepa Eliya gore a sa kamake le ka gonyana o sa na a na le malata ya go tlala. (1 Mag. 19:11, 12, 18) A re kamake gore Eliya o yye a tikwa a yimulugiye ka matla ka nthago ga mo a butsiye Jehova ka mokana ga tsona tso di mo kokonang fote a kwile mo a mo fetola. Jehova o yye a neya Eliya mebereko ye  mogolo. O mo kgopele gore a ye a kgete Hazayele gore go be kgoši ya Siriya, Jekgu go be kgoši ya Israyele ke mokane Eliša go be moporofeta. (1 Mag. 19:15, 16) Taba yonone ya gore Jehova o yye a neya Eliya mebereko yi gelepiye Eliya gore a dule a nagana tsa gabutši. Fote Modimo o yye a mo neya monghana wa gore o ko tshwarisana naye go leng Eliša. Mo nkare le wene o fo tikwa nkare o ntoši Jehova a ka go gelepa ka mokgo mang?

6. Mo o kwa o fo ba ntoši king tso o ka di hlayang mo o rapela? (Pisalema 62:8)

⁶ Jehova wa di nyaka tsa gore o mo rapele. Wa di bona tso di go kayakayisang fote o nyaka gore o sa yi kamake taba ya gore o nyoko go theetsela mo o rapela ka moka nako. (1 Mathes. 5:17) Phela di mo jabodisa ka matla go theetsela mo malata yage ma rapela. (Diy. 15:8) Mara o nyoko rapela o re king mo o tikwa nkare o fo ba ntoši? Kgotolela Jehova tso di leng ka ho pelong, go fo tshwana le ka mokgo Eliya a makiyeng. (Bala Pisalema 62:8.) Mmotse tso di go kokonang le gore di maka gore o tikwe ka mokgo mang. Kgopela Jehova gore a go gelepe o thogo tšiba tso o ka di makang mo o kwa o kgongwele kela o kwa nkare o lahlegiye. Mo re beyisa, mo o kwa nkare o ntoši kela o tshosanya ke taba ya gore di nyaka o hlatolla tso o di dumelang ga ba bangwana ku sekolong kgopela Jehova gore a go neye lešiši gore o thogo bolabola. Fote o ka mo kgopela gore a go hlalefise gore o thogo beya ditaba gabutši mo o hlatolla tso o di dumelang. (Luk. 21:14, 15) Mo nkare o hlupa ke taba ya go kgongwela kela go šekela ka matla kgopela Jehova gore a go hlohletsele go bolabola le Mokreste wa gore o butšwiye ka taba yone. Fote o ka kgopela Jehova gore a gelepe ye o bolabolang naye gore a go theetsele a boye a go kwisise gabutši. Botsa Jehova tso di leng ka ho pelong yago o sa mo wutametsele selo ke mokane o lebelele gore o nyoko fetola merapelo yago ka mokgo mang fote o dumele mo ba bangwana ba go gelepa ke mokane o ko kweng le wene gore taba ya go tikwa o le ntoši ya pomega.

7. Re tšhuta ying ga taba yowa ya Mauricio?

⁷ Ka mokana ga rune Jehova o re neyye mmereko wo mogolo wo re tshwaneleng re wo make. O ka sa kamake le ka gonyana gore wa di bona fote o leboga tso o di makang mo o kene o karakara o maka mmereko wa ka phutegong le mmereko wa go tšhomayela. (Pis. 110:3) Taba yo ya go dula re tshwaraganne ka mmereko yi ka go gelepa byang gore o sa tikwe o le ntoši? Lebelela mošupetso wa mogageru wa gore o sa gola ye ba reng ke Mauricio. * Ka nthagonyana ga mo a kolobetsiwwe monghana wage wa thina ka matla o yye a fo lisetsa nnete ka gonyana ka gonyana. Mauricio o re “Mo ke mmona a keketlela tsotsone di yye dya maka gore ke fo kwa ke titšhoga. Ne ke tiputsisa gore ayitsano nna nko di kgoneng go maka tso ke di tshepisiyeng Jehova le gore ke dule ke le ka mutšing wage. Ne ke tikwa nkare ke lahlegiye fote ke tseya gore aa šiyo le ka wwoši ye a nyoko kwisisang  ka mokgo ke tikwang.” Mara Mauricio o gelepiye king? O re “Ke yye ka yeketsa ga mmereko waka wa go tšhomayela, tsotsone di n’gelepiye gore ke sa fo dulela go nagana ka tso di n’kgongwetsang le tso di nšekedisang. Ne ke kwa ke jabola ka matla fote le taba ya go tikwa ke le ntoši ke mo yi pomega mo ke bereka le ba bangwana tšhomong.” Nnete ke gore, le mo re sa di kgone go tšhomayela re gahlanne le magageru di re tiyisa ka matla go tšhomayela re berekisa mangwalo re boya re tšhomayela ka fowunu. King se sengwana so se gelepiyeng Mauricio? O re: “Ne ke dula ke tshwaraganne ka phutegong. Ne ke karakara ka matla gore ke lukiselele dipolabolo ke boye ke di beye. Mebereko yone ke mo yi n’gelepa gore ke tikwe gore Jehova le magageru ba ntseyela hlogong.”

8. Dintshitshire tsa gore di re tlela di kene di pepulanne di ka re yama ka mokgo mang?

⁸ Re ya di tšiba gore ka dinako tso tsa mafelelo re nyoko tlela ke dintshitshire tsa go sa fele. (2 Thim. 3:1) Mara, ka dinako tse dingwana dintshitshire tsone di nyoko fo re wela re sa nagana. Di ka fo makega gore tsa lephelo di sa gahlane, ra wela ke bolwele bya go tshosa kela ra hlokofalela ke lešaga. Ka nako yonone re ka tikwa re kgongwela fote di re kgahleletsiye la gore re sa sa tšiba ditaba tsa rune ka matla-matla mo nkare tso di re welang di fo tla di lategetsanne kela di pepulanne. Mara o sa lebale gore Jehova wa re pasopa fote mo a re gelepa re nyoko teya re tshwarelele ga dintshitshire tsone.

9. Re hlatollele dintshitshire tse dingwana tso Jobo a yyeng a gahlana natso.

⁹ Lebelela gore Jehova o yye a mo gelepa ka mokgo mang monna wa go tshepega ye ba reng ke Jobo. O yye a tlela ke dintshitshire tsa go fo tla di kene di lategetsanne ka nakonyana ye nyana. Jobo ba mmutsiye ka bokgohlane byo bo yyeng bya maka gore a lobe merape yage, go kgwe malata yage fote sa go kwisa go baba ka matla ke gore go kgwile le bana bage. (Jobo 1:13-19) Ka nthagonyana ga mone, mo Jobo a sa re o tikgomoletsa ka tso di mo makegeleng o yye a fo thomisa go lwala a kena ke bolwele ba gore bo mo šiya a sa bonale le gore ke yene. (Jobo 2:7) Seyemo sa Jobo ke mo se gakele ka matla la go šinya a hlaya gore: “Lephelo laka le ya gakga; a ke sa di nyaka go ya mahlong ke phela.”—Jobo 7:16.

10. Jehova o mo neyye ka mokgo mang ga Jobo tso a di gayelang gore a thogo tiyisela dintshitshire? (Lebelela sethombhe sa ka tawong.)

¹⁰ Jehova ke mo a kene a mo pasopa ga Jobo. Ka taba la gore Jehova ke mo a mo nyaka ka matla ga Jobo, O yye a mo neya tso ne a di gayela gore a thogo tiyisela dintshitshire. Jehova o bolabodiye le Jobo, a mo gopotsa taba ya gore yene beng o hlalefiye fote dilo ka mokana ga tsona tso a di makiyeng o di pasopa a boya a di šupetsa gore o di nyaka ka matla. O bolabola ka diphoolwane tsa go tlala tsa go makatsa. (Jobo 38:1, 2; 39:9, 13, 19, 27; 40:15; 41:1, 2) Jehova fote o yye a berekisa monna wa go tshepega ye ba reng ke Elikgu gore a thogo tiyisa Jobo a boye a mo kgomoletse. Elikgu o yye a gopotsa Jobo taba ya gore Jehova o dula a rufa malata yage mo ma tiyisela. Mara Jehova o yye a hlohletsela Elikgu gore a wolole Jobo a kene a mo tšhutisa gore o mo nyaka ka matla. Elikgu o yye a gelepa Jobo gore a lisetse go fo hlupega ka matla ka tso di mo kgongwetsang ke mokane a gopole taba ya gore ke ye monyana ka matla mo re mo likanisa le Jehova wa gore o Makiye dilo ka mokana ga tsona. (Jobo 37:14) Fote Jehova o yye a neya Jobo mmereko wo di nyakang a wo maka, o mmutsiye gore a rapelele banghana bage ka bararo ba gore ba sinnye. (Jobo 42:8-10) Mara rune Jehova o re thega ka mokgo mang lekgono mo re gahlana le dintshitshire?

11. Bhayibele yi re kgomoletsa ka mokgo mang mo re gahlana le dintshitshire?

¹¹ Jehova aa bolabole le rune go tshwana le ka mokgo ne a bolabola le Jobo, mara o bolabola le  rune a berekisa Lentsu lage go leng Bhayibele. (Marom. 15:4) Wa re tiyisa ka tshepo yo a re neyang yona ya dilo tsa ku mahlong. Lebelela tse dingwana tso di tšwang ka Bhayibeleng tsa gore di ka re tiyisa mo re gahlana le dintshitshire. Ka Mangwalong, Jehova o re tshepisa gore le mong dintshitshire tsa go tla di lategetsanne “di ka sa ro re yahluganya le Modimo wa rune.” (Marom. 8:38, 39) Fote o re tshepisa gore “o thina le batho ka mokana ga bona bo ba mmitsang” ka thapelo. (Pis. 145:18) Jehova o re botsa gore mo re ka tikokotlela ka yene re nyoko tiyisela ntshitshire ye nngwana le ye nngwana re kene re jabodiye le mo di sasamela. (1 Makor. 10:13; Jak. 1:2, 12) Fote Lentsu la Modimo le re gopotsa gore dintshitshire tso re gahlanang natso ke tsa senakonyana mo re di likanisa le lephelo la go ya go yye lo a re tshepisang lona. (2 Makor. 4:16-18) Jehova o re neya tshepo ya mannete ya gore o nyoko tlosa dilo ka mokana ga tsona tso di re leyelang dintshitshire go leng Sathane Diyabolo le bo ba kopiselang tsa go befa tso a di makang. (Pis. 37:10) Ayitsano go na le mangwalo ya ka Bhayibeleng ya gore o ma tshwere ka hlogo ya gore ma nyoko go gelepa gore o tiyisele dintshitshire ku mahlong?

12. Jehova o nyaka gore re make ying gore Lentsu lage le thogo re berekela?

¹² Jehova o nyaka gore re be le nako ya go tšhuta Bhayibele ka moka matšatši re boye re ghayele ka tso re di tšhutang. Mo re berekisa tso re di tšhutang tumelo ya rune yi nyoko tiya fote ra šutela thina le Papa wa rune wa ku legedimong. Tsotsone di nyoko re gelepa gore re tiyisele mo re gahlana le tsa go re ghula. Fote Jehova o neya bo ba tikokotlelang ka Lentsu lage moya wa go hlawolega. Moya wone wo re neya “matšhika yawa ya gore a ma tlwayelega” gore re thogo tiyisela dintshitshire.—2 Makor. 4:7-10.

13. Tso di lukiselelang ke “lelata la go tshepega la gore fote le hlalefiye” di re gelepa ka mokgo mang gore re tiyisele mo re gahlana le dintshitshire?

¹³ Jehova o gelepa “lelata la go tshepega la gore fote le hlalefiye” gore le lukiselele dihlogotaba, dividiyo le dikoša tsa gore di nyoko re gelepa go tiyisa tumelo le gore re sa kobole ga tso tsa Modimo. (Mat. 24:45) Di nyaka re di berekisa tsa go ja tso tsa gore ba di tshulele ka nako. Mogageru wa mosadi wa go tšwa ku United States o šupetsiye gore wa di leboga tsa go ja tso tsa go tšwa ga Modimo. O yitseri: “Ga 40 ya mengwaga ya mo ke berekela Jehova taba yaka ya go tshepega gage yi yye ya liketsiwa gatleletlele.” O yye a gahlana le dintshitshire tsa go sa fele kokwane wage o yye a bolaya ke motho wa go dhrayiva a tlayidiye ke mokane babelegi bage ba kena ke bolwele bya go tshosa yene a kena ke bolwele bya khensa gabedi. King so se yyeng sa mo gelepa gore a tiyisele? O hlatolla ka gore: “Jehova o yye a dula a mpasopa.  Tsa go ja tsa go tšwa ga Modimo tso re di neyang ke lelata la go tshepega la gore fote le hlalefiye di n’gelepiye gore ke tiyisele. Ka taba la tsotsone ke tikwa go tshwana le Jobo wa gore o yitseri: ‘Nko šinya ke kgwa, nkene ke tshepega!’”—Jobo 27:5.

14. Jehova o ma berekisa ka mokgo mang magageru gore ma re thege mo re gahlana le dintshitshire? (1 Mathesalonika 4:9)

¹⁴ Jehova o tšhutisiye malata yage gore ma nyakanane fote ma kgomoletsane ka dinako tsowa tsa go thathafa. (2 Makor. 1:3, 4; bala 1 Mathesalonika 4:9.) Magageru ma kopisela Elikgu ga taba ya go re gelepa gore tumelo ya rune yi sa šehle mo re gahlana le mathatha. (Meber. 14:22) Mo re beyisa, lebelela gore phutego yo Diane a leng ga yona yi yye ya mo gelepa ka mokgo mang gore a sa kobole ga tso tsa Modimo ka nthago ga mo monna wage a kenne ke bolwele bya go tshosa. O yitseri: “Ke mo di thathafa. Mara re kwile gore letsogo la Jehova ke mo le re ngangarele ga dikgwedi tsone tsa go thathafa. Phutego ya rune a ya jikajika yi yye ya re thega. Ke mo ba re vakašela, ba re fowunela ba boya ba ro re tlaparela go leng mong tsona tso di re gelepiyeng gore re sa khwanyudisi. Ka taba la gore a ke dhrayive, magageru ma yye ma maka dipolane gore ke sa phuki ke megahlano fote ke di kgone tsa go ba gona ga mmereko wa go tšhomayela mo di kgonega.” Re ya resa mo re re go ba ka mutšing wa go nyakanana ka mokgo ke mong go rufiwa!

15. Ke ntaba re sa yi kamake taba ya gore re nyoko ma hlula mathatha?

¹⁵ Ka mokana ga rune di nyoko re tlela dintshitshire. Mara re tšhutiye gore a di nyake re bonana natso re le ntoši. Ka taba la gore Jehova o tshwana le papa wa go nyakanana ka matla o dula a re pasopa. O fo dula a le ho thina a tikemisele go re kwa mo re mo kgopela gore a re gelepe fote o tikemisele go re thega. (Jes. 43:2) A re kamake gore re nyoko di hlula dintshitshire ka taba la gore o re neya tso re di gayelang gore re thogo tiyisela. O re neyye selo sa go bafala go leng taba ya go rapela, Bhayibele, tsa go ja tsa go tlala tsa go tšwa gage le magageru ya gore maa re gelepa mo go bifiye.

16. Re ka maka byang gore re sa keketlele kgole le taba ya go pasopa ke Jehova?

¹⁶ Re yi leboga re sa fetsi taba ya gore re na le Papa wa rune wa ku malenghelengheng wa gore o dula a re pasopa! “Dipelo tsa rune di jabola ka matla ka taba lage.” (Pis. 33:21) Re ka šupetsa Jehova gore re ya yi leboga taba ya gore wa re pasopa ka gore re berekise dilo ka mokana ga tsona tso a re makelang tsona gore a thogo re gelepa. Fote di nyaka re wa re tsoga gore re sa keketlele kgole le taba yowa ya go pasopa ke Modimo. Gabutšibutši mo re ka fo ya mahlong re karakara gore re theetsele Jehova fote re make so a reng se lukiye o nyoko re pasopa go ya go yye!—1 Pet. 3:12.