1. Ke dilo difeng tsa gabutši tsa gore ba go tlala ba gore ba sa gola ba šele ba di segelele?

 MONGWAGA wo mongwana le wo mongwana go kolobetsiwa Makreste ya go tlala ya gore ma sa gola. Ayitsano le wene o šele o fitiye gana hone? Mo nkare go ka mokgonone o di tšibe gore magagenu ma jabola nago fote Jehova le yene o jabola ka matla! (Diy. 27:11) O fo nagana ka tso wene o šeleng o di segelele. O yye wa bala Bhayibele o kenelela fote di ka makega gore tsotsone di go tsere mengwaga. Tso o di tšhutiyeng ka Bhayibeleng di go gelepiye gore o sa yi kamake taba ya gore Bhayibele ke Lentsu la Modimo. Fote go tokegela gana hone o šele o mo tšiba gabutši ye a Ngwadiyeng puku yowa ya go hlawolega. Se sengwana fote ke gore ga Jehova o napa o ro mo nyaka ka matla la go šinya o tineyela o ba lelata lage la go kolobetsiwa. Taba ye ka!

2. Re nyoko petapeta ka ying ga hlogotaba yowa?

 ² A re kamake gore tumelo yago yi yye ya tšukatšukisiwa ka matla mo o šele o nyaka go kolobetsiwa. Mara mo o kene o gola o sa nyoko gahlana le dintshitshire tsa go tlala. Sathane o nyoko liketsa go go lahlisa taba ya go mo nyaka ka matla ga Jehova fote o khwanyudisa le ga taba ya go mmerekela. (Maef. 4:14) Wene o sa dumele yi makega taba ya mošaga wonone. Mara king so se ka go gelepang gore o dule o tshepega ga Jehova o boye o make tso o mo tshepisiyeng tsona? Tshwarelela ga taba ya go gola o sa fetsi o boye o “karakare” gore o be Mokreste wa gore o butšwiye. (Maheb. 6:1) Mara o nyoko di maka ka mokgo mang tsotsone?

3. Makreste ka mokana ga wona di nyaka ma šupetsa ka mokgo mang gore maa gola ka nthago ga mo ma kolobetsiwwe?

³ Ka nthago ga mo re kolobetsiwe ka mokana ga rune di nyaka re tseyela hlogong tso Pawulo a yeletsiyeng Makreste ya ku Efeso gore ma di make. O ma hlohletsele gore go be Makreste ya gore ma “gudiye.” (Maef. 4:13) Phela gabutšibutši ne a rela gore di nyaka re ‘Gole re sa fetsi.’ Re di kwisisa gabutši tso Pawulo a di hlayyeng mo a tshwanisa taba ya go gola ga tso tsa Modimo le mo sengwananyana se gola. Phela sengwananyana se jabodisa babelegi ba sona ka matla. Mara se ka sa fo dula se le se senyana go ya go yye. Mo goya-goya di nyaka se lisetsa go maka “dilo tsa dibananyana.” (1 Makor. 13:11) Taba yowa yi fo tshwana le ga Makreste. Ka nthago ga go kolobetsiwa di nyaka re ya mahlong re gola. Tla re boneneng dilo tse dingwana tso di ka re gelepang gore re phomelele ga taba yowa.

4. Ke mokgwa wofeng wo wo ka go gelepang gore o gole ga tso tsa Modimo? Hlatolla. (Mafilipi 1:9)

⁴ O nape o mo nyaka ka matla ga Jehova. Phela wene o šele o mo nyaka ka matla ga Jehova. Mara o ka yeketsa ga taba yonone. Ka mokgo mang? Pawulo wa lepostola o hlayye so re ka se makang ga Mafilipi 1:9. (Bala.) Pawulo o yye a rapelela gore ‘yi ye mahlong yi yeketsega’ taba ya gore Mafilipi ma mo nyake ka matla ga Jehova, byalo di ya kgonega gore le ga rune taba ya go mo nyaka ka matla yi yeketsege. Tsotsone re ka di maka mo re ka ‘tšiba tso Modimo a di nyakang, fote re boya re di kwisisa.’ Mo ga Jehova re kene re mo tšiba re nyoko napa re ro mo nyaka tsa nkare ke moka fote re tseyela gedimo mekgwa yage ya go bafala le ka mokgo a makang dilo. Re nyoko wa re tsoga ga taba ya go nyaka go mo jabodisa fote re ka sa liketse le ka gonyana re maka selo sa go mo tšebisa. Re karakara ka matla gore re kwisise tso a di nyakang re boye re nyake le go tšiba gore re ka di segelela ka mokgo mang tsotsone.

5-6. Re ka maka byang gore taba ya go nyaka Jehova yi fo ya mahlong yi kene yi hluhlutela? Hlatolla.

⁵ Phela re ka di kgona tsa go napa re nyaka Jehova ka matla mo re ka liketsa ka matla gore re tšibe Morwayi wage wa gore tsa Papage o di tsere ka mokana ga tsona. (Maheb. 1:3) Mokgwa wa lula wa go tšiba Jeso ke gore re tšhute Diebangedi ka dine. Mo nkare a re soko wo tlwayela mokgwa wa gabutši wa go bala Bhayibele ka moka matšatši, ke ntaba re sa nape re kena fase gana byalo? Mo re bala tsa lephelo la Jeso di nyaka re sa takisi maahlo mekgwa yage ya gabutši. Ke mo a bolabodisega fote a kwana natso tsa go kakola-kakola dibananyana. (Mar. 10:13-16) O yye a maka gore bo ba mo latelelang ba kwe dipelo tsowa di kgehlemele ba sa tšhabe go bolabola tso ba di naganang a kene a le gana howa. (Mat. 16:22) Ga taba yowa Jeso o yye a mo kopisela thina ka matla ga Papage wa legedimong. Phela Jehova wa bolabodisega. Fote re ka llela gage ka thapelo. Mo re rapela re napa re ro mo kgotolela tso di leng ka ho dipelong. A re kamake le ka gonyana gore a ka sa tsoge a hlayye gore yi padiye ga rune. O re nyaka ka matla fote wa tihlupa ka rune.—1 Pet. 5:7.

⁶ Jeso ne a kwela batho go baba. Matewu wa lepostola o hlayye gore: “Mo a bona megoba, a yi kwela go baba, ka taba la gore ke mo yi šigamme fote yi lahlegiye go tshwana le dinku tsa gore a di na wa go di disa.” (Mat. 9:36) Mara Jehova yene o fo re king? Jeso o yitseri: “Byalo di fo tshwana le ka Papa wa ku magedimong, le yene o ba ka mokgonone mo ka wwoši ga bowa ba go tshwana le bana a keketlela.” (Mat. 18:14) Phela taba yowa ya jabodisa wa tšiba! Mo re kene re tšiba Jeso gabutši taba ya go nyaka Jehova ka matla yi ko fo ya mahlong yi kene yi hluhlutela.

7. Mo o tšibanana le Makreste ya gore ma butšwiye tsotsone di ka go gelepa ka mokgo mang?

⁷ Fote o ka tšhuta go yeketsa ga taba ya go nyakanana le go gola ga tso tsa Modimo ka go tšibanana le magageru ya gore ma butšwiye ka ho phutegong. Lebelela gore ba jabodiye ka mokgo mang. A ba tisole ka sepheto so ba se segeleleng  sa go berekela Jehova. Kgopela ba go botse tso ba gahlanneng natso mo ba kene ba berekela Jehova. Mo nkare go na le sepheto se segolo so di nyakang o se segelela ba kgopele barena gore ba go yeletse. Phela, “dilo dya phomelela mo go na le ba go yeletsa ba go tlala.”—Diy. 11:14.

8. O nyoko maka byang mo o ka tšhoga o tlela ke taba ya go kamaka tso Bhayibele yi di hlayang?

⁸ Hlula tso di makang gore o kamake. Re šele re hlayye ga  serele 2, gore Sathane o nyoko liketsa go go thibelela gore o sa gole ga tso tsa Modimo. So a nyoko se berekisang ke go maka gore o thomise go kamaka tso o di tšhutang ka ho Bhayibeleng. Mo re beyisa, mo goya-goya o ko di kweng tso ba di hlayang ba dhelela Modimo ba re dilo di f’lo timakegela. Nakwela o sa le ye monyana di ka makega gore a sanka wa kenelela ka matla ga taba yowa mara gana byalo ka taba la gore o šele o gudiye di ka makega gore o gahlane nayo taba yone ku sekolong. Tso mathitšere ma di bolabolang mo ma tla ga taba ya gore dilo di f’lo timakegela di ka bonala nkare di ya kwagala fote ke tsona. Mara, o ka kraya ba sa tihlupe ka go lebelela tso di šupang gore nnete o gona ye a Makiyeng dilo. O sa lebale tšhiko yo yi leng ga Diyema 18:17: “Motho wa mathomo mo a beya taba di ka kwala nkare wa resa, mara dilo di ya tšhentšha mo ye mongwana a thomisa go mo nyakolla ka diputsiso.” Di gabutši ka matla gore o sa fo wela ka hlogo o tshepa se sengwana le sengwana so o kwang ba se bolabola ku sekolong, di nyaka o sekela nnete ka Lentsung la Modimo go leng Bhayibele. O sa yi tshwatele taba ya go nyakolla ka dikgatisong tsa rune. Bolabola le magageru ya gore ku botala ke mo ma yi tshepa taba ya gore dilo di f’lo timakegela. O ma butsise gore king so se makiyeng gore ma thomise go yi tshepa taba ya gore go na le ye a Makiyeng dilo wa gore fote o re nyaka ka matla. Mo o bolabola ka dilo tsa mošaga wonone di nyoko go gelepa gore o sa fo wokola taba ka gedimo.

9. Tso Melissa a gahlanneng natso di go tšhutisa ying?

⁹ Mogageru wa mosadi ye ba reng ke Melissa di yye dya mo gelepa ka matla go nyakolla taba yowa ya dilo tsa go makiwa. *O yitseri: “Ku sekolong taba ya gore dilo di ro timakegela ba yi yatlala la go šinya o nyaka le go yi tshepa. Mathomisong ne ke sa nyake go dumela gore le nna go na le tso di makang gore ke kamake. Ne ke tšhaba gore nka sa di kgone go yemela tso ke di tshepang mo ba ka fo nhlaba ka diputsiso. Mara ke yye ka tipotsa gore Jehova aa nyake re mmerekela re ponnye kela letshwifing. Byalo, di yye dya nyaka gore ke make se sengwana ka taba yone ya go kamaka.  Ke yye ka bala puku ya gore Is There a Creator Who Cares About You? Fote le sepukwane sa gore Was Life Created? le sa The Origin of Life—Five Questions Worth Asking. Tsotsone ke mong tsona tso ne ke di gayela. Ke nabela nkare nke ke yi makiye botala taba yone.”

10-11. King so se ka go gelepang gore o kganele kgole le dilo tsa go sa hlamatsega? (1 Mathesalonika 4:3, 4)

¹⁰ Kganela kgole le taba ya go maka tsa go sa hlamatsega. Mo motho a thomisa go gola-gola taba ya go maka tsa ka mapaying yi fo duma ka ho hlogong, byalo tsotsone di ka mo tšhofa gore a make dilo tsa go sa hlamatsega. Sathane o nyaka gore o nape o ro tlungwela ga tso o di nabelang. Mara king so se ka go gelepang gore o kganele kgole le go maka dilo tsa go sa hlamatsega? (Bala 1 Mathesalonika 4:3, 4.) Mo o rapela o le ntoši botsa Jehova ka mokgo o tikwang. O sa mo wutametsele selo mo kgopele gore a go tiyise. (Mat. 6:13) O sa lebale gore Jehova o tikemisele go go gelepa fote a ka sa tabogele go go yahlula. (Pis. 103:13, 14) Se sengwana fote ke gore Lentsu la Modimo le ka go gelepa. Melissa ye re bolabodiyeng ka yene ku mathomisong wa gore ke mo a hlupa ke taba ya go fo dula a nagana ka dilo tsa go sa yela. O yitseri: “Go bala Bhayibele ka moka matšatši go n’gelepiye gore ke sa lahle tewu. Le gore ke sa lebale taba ya gore ke nna wa Jehova fote ke mo nyaka ho thina mo nkene ke phela.”—Pis. 119:9.

¹¹ O sa rwale mathatha yago o le ntoši. Botsa babelegi bago gore o kokona king. Wa tšiba a di lula go botsa ba bangwana ka mathatha yago mara di ka ba gabutši barena gore o bolabole. Melissa o yitseri: “Ke yye ka rapela gore ke thogo šišimala ke mokane ka bolabola le papa ka tso di nhlupang. Ka nthago ke yye ka kwa nkare ba nrudiye morwalo wo mogolo. Ne ke di tšiba fote gore Jehova o titeya sekguba ka nna.”

12. O ka segelela dipheto tsa gabutši ka mokgo mang?

¹² Yetetsa ke ditšhiko tsa Bhayibele. Mo goya-goya o nyoko thomisa go tisegelela dipheto wene beng. Mara tsone a di rele gore o šele wa di tšiba tsa lephelo. Mara o ka maka byang gore o sa tikraye o maka dilo tsa gore di ka sinya senghana so o nang naso le Jehova? (Diy. 22:3) Mogageru wa mosadi ye ba reng ke Kari o re botsa so se mo gelepiyeng gore a thogo segelela dipheto tsa gabutši. O di bonne tsa gore Makreste ya gore ma butšwiye a maa yemela gore go be le molawo ga se sengwana le se sengwana so ma tshwaneleng ma se make. O yitseri: “Ne di sa fo nyaka ke tšiba molawo mara ne di nyaka ke kwisisa di tšhiko tsa Bhayibele.” Mo o bala Bhayibele tiputsise gore: ‘Tso ke di balang di mpotsa gore Jehova o re king ka taba yowa? Ayitsano go na le ditšhiko tso nka di berekisang tsa gore di ka ng’yetetsa mo nkene ke phela? Mo nkare go ka mokgonone tsotsone di nyoko n’gelepa ka ying?’ (Pis. 19:7; Jes. 48:17, 18) Mo o bala Bhayibele o boya o ghayela ka ditšhiko tsa yona o nyoko di bona gore di lula go segelela dipheto tsa gore di ka jabodisa Jehova. Mo o kene o ya mahlong o gola o ko di boneng le wene gore a di nyake go ba le molawo ga seyemo se sengwana le se sengwana ka taba la gore o ko ba o kwisisa gore Jehova o tseya ditaba ka mokgo mang.

13. Banghana ba gabutši ba ka re hlohletsela ka mokgo mang? (Diyema 13:20)

¹³ Kgeta banghana ba gore ga Jehova ba kwana naye ka matla. Re di kwile ku mathomisong gore banghana bo o ba kgetang ba ka yama ka mokgo o golang ga tso tsa Modimo. (Bala Diyema 13:20.) Ga mogageru ye mongwana wa mosadi ye ba reng ke Sara tsa go jabola ke mo di fo ya di fela. Mara go yye gwa makega se sengwana so se mo gelepiyeng gore a thomise go jabola fote. Sara o re: “Banghana ba gabutši ba f’lo re palakata ka nako yo ke ba hlokang. Nna le mogageru wa mosadi wa gore o sa gola ke mo re gahlana re tšhuta Sewokamelo re le ggoši. Monghana ye mongwana waka o n’gelepiye gore ke thomise go fetola mo ke le mogahlanong. Ka taba la gore banghana bone baka ke mo ba nhlohletsela go maka tsa gabutši, ke yye ka thomisa go yi tseyela gedimo taba ya go bala Bhayibele ke le ntoši le go rapela ke  šwennye. Tsotsone di makiye gore senghana so ke nang naso le Jehova se nape se tiyelela ke mokane ka boyela ka thomisa go jabola fote.”

14. Julien o tikgetele banghana ba gabutši ka mokgo mang?

¹⁴ Mara o ka tikgetela banghana ba go go hlohletsela go maka tsa gabutši ka mokgo mang? Julien, wa gore gana byalo ke mogolo ka phutegong, o re: “Nakwela ke sa gola ke yye ka tikgetela banghana ba gabutši mo nkene ke maka mmereko wa go tšhomayela. Banghana bo ba gore ke mo ba na le matšato ba yye ba n’gelepa gore ke thogo di bona gore mmereko wa tšhomo wa natefa. Ke yye ka thomisa go tseya mmereko wa go tšhomayela wa nako ka moka go le selo so ke nyakang go se segelela. Fote ke di bonne tsa gore ke mo ke feta ke tsa go tlala ga taba ya go fokatsa le banghana ka taba la gore ke mo ke fo kgeta banghana ba gore ba lekana le nna ka mengwaga. Ka nthagonyana, ke yye ka tikgetela banghana ba gabutši ku Bethele. Mešupetso ya bona yi n’gelepiye gore ke kgete gabutši tso ke tijabodisang ka tsona fote tsotsone di nšutetsiye thina le Jehova.”

15. Pawulo o yye a pasopisa Thimothi gore a sa nghanelane le batho ba mošaga mang? (2 Thimothi 2:20-22)

¹⁵ Byalo o nyoko maka byang mo o bona gore ye mongwana ka phutegong di ka sa make gore go be monghanago wa gabutši? Pawulo ke mo a di tšiba tsa gore ba bangwana ga phutego ya Sekreste ya ku botala ke mo ba sa tlalela ga tso tsa Modimo, byalo o yye a pasopisa Thimothi gore a kganele kgole le batho ba mošaga wone. (Bala 2 Thimothi 2:20-22.) Senghana so re nang naso le Jehova ke mong lekolwane. Byalo a di nyake re fo lisetsa motho ye mongwana a hlafolanyana senghana so re nang naso le Papa wa rune wa ku legedimong sa gore re ro karakara ka matla gore se šinye se tiyelele.—Pis. 26:4.

16. Di nyaka o kgeta go segelela dilo tsa mošaga mang?

¹⁶ O bone gore tso o nyakang go di segelela ke tsa gore di nyoko go berekela. Kgeta go segelela dilo tsa gore di nyoko go tiyisa di boya di go lokotša. (Maef. 3:16) Mo re beyisa, o ka segelela dipheto tsa gore o mamarele letheto lago ga taba ya go titšhutisa le go bala Bhayibele. (Pis. 1:2, 3) Kela di ka fo ba di nyaka gore o rapele ka moka nako fote o rapele di tšwa pelong. Kela di nyaka o titšhutisa go titshwara ga taba ya go kgeta tso o tijabodisang ka tsona le ga taba ya go berekisa nako. (Maef. 5:15, 16) Mo Jehova a di bona tsa gore o karakara ka matla gore o thogo hluhlutela o nyoko jabola tsa nkare ke moka.

17. Taba ya go gelepa ba bangwana yi kgotsofatsa mo di tla kaye?

 ¹⁷ O nyoko ba Mokreste wa gore wa gola mo o gelepa batho ba bangwana. Jeso o yitseri: “Mo le neya batho ba bangwana dilo di jabodisa ka matla go phala mo ba neya lune.” (Meber. 20:35) Di nyoko go berekela ka matla mo o berekisa nako yago le matšhika yago gore o thogo gelepa ba bangwana. Mo re beyisa, o ka maka gore taba ya go gelepa ba gore ba gudiye le ba gore a ba titsose gabutši ka ho phutegong go be so o nyakang go se segelela. O ka ba gelepa ka go ba makela mebereko ye mengwana kela wa ba gelepa ga tso ba di berekisang tsa elektroniki. Mo nkare ke wene mogageru, o ka karakara ka matla gore go be wene lelata ka ho phutegong gore o thogo berekela magageru. (Mafil. 2:4) O ka šupetsa ba bangwana ba gore a yi ba ka ho phutegong gore o ba nyaka ka matla ka go ba ngathela ditaba tsa go bafala tsa Mmušo wa Modimo. (Mat. 9:36, 37) Mo nkare di ya kgonega, tikgetele ga mebereko yo ka mokana ga yona ya nako ka moka gore wene o ka tšhela letsogo kaye ga gona.

18. Mmereko wa go tšhomayela wa nako ka moka wo ka go gelepa ka mokgo mang gore o gole ga tso tsa Modimo?

¹⁸ Mo o maka mmereko wa go tšhomayela wa nako ka moka tsotsone di ka go thulela mašuba ya gore o thogo gola ga tso tsa Modimo. Fote go bereka go le wene mošupatsela go nyoko go gelepa gore le wene o thogo tshwanelega go ya ga Sekolo sa Batšhomayedi ba Mmušo. O ka bereka Bethele kela wa maka mmereko wa go yaga meyago ya go thega tso tsa Mmušo wa Modimo. Mogageru wa mosadi wa gore o sa gola ye ba reng ke Kaitlyn o re: “Go berekisa nako yaka ga mmereko wa go tšhomayela ke na le magageru ya gore ke botala ba kene ba maka mmereko wo wa go tšhomayela go n’gelepiye gore ke gole ga tso tsa Modimo ka nthago ga mo ke kolobetsiwwe. Mešupetso ya bona yi nhlohletsele gore ke kwisise Bhayibele gabutši fote ke lokotše matšhutiselo yaka.”

19. Mo o gola o sa fetsi ga tso tsa Modimo o nyoko rufega ka mokgo mang?

¹⁹ Mo o kene o gola o sa fetsi ga tso tsa Modimo o nyoko jabolela go rufiwa ka tsa go tlala. Fote o ka sa tikraye o sinya matšhika yago o lelekisana le dilo tsa gore a di gelepi ka selo. (1 Joh. 2:17) Fote taba ya go kokona ke lekwalo ka taba la gore o makiye dipheto tsa go tikela ku yi ka sa go makegele. Mara o nyoko phomelela o boya o ro jabola. (Diy. 16:3) Mošupetso wago wa gabutši wo nyoko hlohletsela magageru ya gore ma sa le ya manyana le ya gore ma šele ma gudiye. (1 Thim. 4:12) Mong selo se segolo ke gore o nyoko kwa o bebiye fote o kgotsofele ka taba la gore o jabodisiye Jehova fote o na le senghana sa thina naye.—Diy. 23:15, 16.