Ga hlogotaba yone, re tšhutiye gore go na le taba ye kgolo ka yyoši ya gore yi yama batho ka mokana ga bona le mangeloyi, ke ya gore: go gadimisa ga lebitso la Jehova. Taba ya gore ka mokgo Jehova a lawolang go di phala ka moka kela dho, yi yelana le taba ya go gadimisa lebitso lage. Go fo tshwana le taba ya gore motho wa tshepega ga Modimo kela dho, le yona yi yelana le taba ya go gadimisa lebitso la Jehova.

Ke ntaba gana byalo re šihlela gore taba ye kgolo ke lebitso la Jehova le go le gadimisa? Tla re lebeleleneng kararo ya dilo.

Sa mathomo, Sathane o yye a sinya Jehova lebitso ku tšhomong ya Edeni. Putsiso yo Sathane a yi butsisiyeng Efa ya gore ke ya bošakašakane ne yi šupetsa gore Jehova ne a sa kwelane go baba fote tso a butsiyeng Adamo le Efa ne di sa kwale. Ke mokane Sathane o yye a ganana le mantsu ya Jehova, gabutšibutši a re Modimo o na le matsaka. Byalo, o thilafatsiye lebitso la Jehova. O yye a ba “Diyabolo,” ya gore yi rela “wa go hlaya matsaka ka ba bangwana.” (Joh. 8:44) Ka taba la gore Efa o yye a tshepa matsaka ya Sathane, o yye a sa theetsele Modimo tsotsone ne di rela gore ne a sa nyake go lawola ke Modimo. (Gen. 3:1-6) Go segela le lekgono lowa, Sathane o sa fo sinyanya lebitso la Modimo, o sa fo ya mahlong a tlatsanya matsaka ka Jehova gore ke motho wa mohlobo mang. Bo ba theetselang matsaka ya mošaga wowa ga go tlala ga Modimo a ba mo theetsele. Byalo, ga batho ba Modimo go sinyanya lebitso la Jehova la gore le hlawolegiye ke mong bošidi byo bogolo. Ke tsona tso di makiyeng gore go tlale dilo tsa go befa le go hlupega ka matla ho lefaseng.

Sa mabedi, Jehova o tikemisele go gadimisa lebitso lage, a yedise tso ba mo psyireleng ka tsona gore di thogo berekela dilo ka mokana ga tsona tso a di makiyeng. Phela sone ke mong selo se segolo ga Jehova. Nka taba lo a reng: “Ke nyoko maka gore lebitso laka le gadimisiwe.” (Hezek. 36:23) Fote le Jeso o yi beyye lekgwaying taba ya gore king selo sa mathomo sa go tseyediwa gedimo sa gore malata ya Jehova ma tshwanele ma se hlaye mo ma rapela, mo a re: “Lebitso lago le hlawolege.” (Mat. 6:9) Bhayibele yi bolabola yi kene yi boyelela yi šihlela gore ke ntaba go le taba ye kgolo go gadimisa lebitso la Jehova. O fo lebelela mešupetso ka mmedi ke yowa: “Gadimisa Jehova ka taba la lebitso lage.” (1 Dikor. 16:29; Pis. 96:8) “Yepelela dikoša gore o thanakise lebitso lage.” (Pis. 66:2) “Ke nyoko gadimisa lebitso lago go ya go yye.” (Pis. 86:12) Letšatši le lengwana ga matšatši yaa Jehova a yyeng a bolabola ka boyene mong a le ku legedimong ke tempeleng ku Jerusalema ga gore Jeso o yitseri: “Papa gadimisa lebitso lago.” Ka nthago Jehova a fetola a re: “Ke le gadimisiye fote ke sa nyoko le gadimisa.”—Joh. 12:28. a

Sa kararo, tso Jehova a tikemiseleng go di maka di dula di sipidisana le lebitso lage kela ka mokgo a tšibegang. Nagana ka sowa: Go nyoko makega ying ka nthago ga go liketsiwa la mafelelo ga gore go latela ke Sekete sa Mengwaga sa mo go Lawola Kreste? Ka nako yonone mangeloyi le batho ka mokana ga bona ba nyoko tikwa byang ka lebitso la Jehova? Gore re thogo kraya phetolo ya putsiso yone tla re naganeneng ka ditaba ka dipedi tsa gore dya yelana —go tshepega ga batho le ye a lawolang lefase wa matšhika ka moka. Ayitsano batho ba gore ba šupetsiye ba tshepega ba sa nyoko ya mahlong ba gahlana le ntshitshire ya go dula ba tshepega? Dho. Ba ko ba ba yenele fote ba liketsiwwe ka matla. Ba nyoko ba ba krayye lephelo la go ya go yye. Ayitsano mangeloyi le batho ba nyoko dulela go bolabola ka ye a lawolang lefase wa matšhika ka moka? Dho. Ka taba la gore ka nako yonone mangeloyi ku legedimong le batho ho lefaseng ba ko ba go le ngata ka yyoši fote ba nyoko ba ba lawola ke Jehova Modimo. Byalo re re king ka lebitso la Jehova?

Ka nako yonone ye mongwana le ye mongwana o ko ba a tšiba nnete ka Jehova fote lebitso lage le nyoko ba le šele le gadimisiwwe. Le mo go le ka mokgonone, lebitso la Jehova go nyoko fo ba selo sa go tseyediwa gedimo ka matla ga malata yage. Ke ntaba? Ka taba la gore ba ko ba ba bona Jehova mo a kene a ya mahlong a maka dilo tsa go jabodisa. Lebelela taba ke yowa: Ka taba la gore Jeso o ko busetsa mmušo ga Jehova a tinyanafatsiye, Modimo o nyoko ba “dilo ka moka ga batho ka mokana ga bona.” (1 Makor. 15:28) Ka nthago ga tsotsone, batho mo lefaseng ba nyoko jabodisa ke gore ‘bana ba Modimo ba lokologa ba kene ba gadimisiwa.’ (Marom. 8:21) Fote Jehova o nyoko maka gore bana bage ba ho lefaseng le ba ku legedimo go be mutši ka wwoši ka gore ke selo sa gore ke botala a nyaka go se maka.—Maef. 1:10.

Ka nthago ga mo dilo tsone di makega, mutši wa Jehova wa ku legedimong le ho lefaseng wo nyoko tikwa ka mokgo mang? Nnete ke gore re nyoko fo ya re kwa re nabela go thanaka lebitso la Jehova la go bafala. Mopisalema Dafita di yye dya mo tšhofa gore a ngwale gore: “Nkare Jehova Modimo a ka thanakiwa . . . Nkare go gadima ga lebitso lage go ka thanakiwa go ya go yye.” (Pis. 72:18, 19) Re nyoko fo ya mahlong re kraya dilo tsa nyuwane le tsa gore dya jabodisa tsa go maka gore re thanake lebitso la Modimo go ya go yye.

Lebitso la Jehova le yemela se sengwana le se sengwana ka yene. Ga go tlala mo re nagana ka lebitso la Jehova, mo monaganong go fo tla taba ya gore wa nyakanana. (1 Joh. 4:8) Re ka sa lebale gore Jehova o re makiye ka taba la gore o re nyaka ka matla, o re neyye sehlabelo ka taba la gore wa re nyaka, fote di fo ba lekgwaying gore ka mokgo a lawolang ka go loka aa kgarametse ke motho o ro di nyaka. Mara re nyoko fo ya mahlong re bona ka mokgo Jehova a re šupetsang gore o re nyaka ka matla. Re nyoko fo tikwa re mamarelanne le Papa wa rune fote re yepelela dikoša tsa go thanaka lebitso lage la gore le hlawolegiye.—Pis. 73:28.