1. Maheberu 12:1 yi re di nyaka re make ying gore re thogo fetsa go taboga lebelo la rune la lephelo?

 BHAYIBELE yi tshwanisa lephelo la rune re le Makreste le go taboga lebelo. Bo ba tabogang go segela mafelelong ba nyoko ba neya lephelo la go ya go yye. (2 Thim. 4:7, 8) Di nyaka re make so re ka se kgonang gore re dule re taboga, ka taba la gore re šele re le thina ka matla le mafelelong. Pawulo wa lepostola wa gore o fetsiye go taboga lebelo lage la lephelo, o hlayye dilo tso di ka re gelepang gore re hlule ga motabogo wone. O re yeletsiye gore “re lisetseneng dilo ka mokana ga tsona tsa gore di ya re roba . . . re tiyisele mo re kene re taboga lebelo lo Modimo a nyakang re taboga lona.”—Bala Maheberu 12:1.

2. Ba ra gore king mo ba re, “re lisetseneng dilo ka mokana ga tsona tsa gore di ya re roba”?

² Mo Pawulo a ngwala gore di nyaka “re lisetseneng dilo ka mokana ga tsona tsa gore di ya re roba,” ayitsano ne a rela gore a go na morwalo wo Mokreste a tshwaneleng go wo rwala? Awwa, ne a sa rele tsotsone. Mara, ke mo a ra gore di nyaka re kganele kgole le dilo ka mokana ga tsona tsa go re robela mahala. Morwalo wa mošaga wowa wo ka re tshwarelela ke mokane wa maka gore re tinwe. Gore re thogo tiyisela, di nyaka re yakgoswe re di bona gore ayitsano re rwele morwalo wa gore a wo hlokege wa gore wo ka re tsosa fase. Mara ka nthoko ye nngwana, a re nyake go lahla le merwalo yo di nyakang re yi rwale. Ka taba la gore tsotsone di ka maka gore re sa sa tshwanelega go taboga lebelo lowa. (2 Thim. 2:5) Ke merwalo yifeng yo re tshwaneleng go yi rwala?

3. (a) Magalata 6:5 yi re re tshwanele go rwala ying? (b) Re nyoko lebelela ying ga hlogotaba yowa fote ke ntaba?

 ³ Bala Magalata 6:5. Pawulo o bolabodiye ka se sengwana so re tshwaneleng go se rwala. O ngwadiye gore, “ye mongwana le ye mongwana o nyoko rwala morwalo wage.” Howa Pawulo o bolabola ka morwalo wa runebeng wa gore Modimo o yemele gore ye mongwana le ye mongwana wa rune a wo rwale, aa šiyo ye a ka re rwalelang wona. Ga hlogotaba yowa, re nyoko lebelela gore go kena ying ga “morwalo” wa rune le gore re ka wo rwala byang. Re nyoko boya re lebelela gore ke morwalo wofeng wa gore a di nyake re wo rwala wa gore fote di nyaka re wo bošele ku kgole. Mo re rwala morwalo wa rune re boya re lahla wa gore a wo hlokege, tsotsone di nyoko re gelepa gore re thogo taboga lebelo la lephelo gabutši.

4. Ke ntaba kano yo re yi makiyeng mo re tineyela go se morwalo? (Lebelela le sethombhe.)

⁴ Mo re tshepisa go berekela Jehova go ya go yye. Nakwela re tineyela ga Jehova, re yanne gore re nyoko mmerekela re boya re maka tso a di nyakang. Re tshwanele go dula re maka tso re di tshepisiyeng. Go dula re maka tso re di tshepisiyeng Jehova ke mmereko wo mogolo,  mara a yi morwalo. Phela Jehova o re makele gore re make tso yene a di nyakang. (Kut. 4:11) O re makiye gore re kwe re nabela go mo tšiba le go mmerekela fote o makiye gore re tseyele gage. Byalo, tsotsone di maka gore re thogo šutela thina naye re boye re jabodise ke go maka tso a di nyakang. (Pis. 40:8) Go tokegela gana hone, mo re maka tso Modimo a di nyakang re boya re latelela Morwayi wage, re “nyoko šala re yimulugiye.”—Mat. 11:28-30.

5. O ka gelepa king gore o thogo maka tso o di tshepisiyeng? (1 Johane 5:3)

⁵ Mara o ka wo rwala byang morwalo? O ka gelepa ke dilo ka dipedi. Sa thoko, ariye mahlong o maka gore taba ya go nyaka Jehova ka matla yi kumatele. Tsotsone o ka di maka ka go ghayela ka dilo ka mokana ga tsona tso a šeleng a go makele tsona le dilo tsa gabutši tso a nyoko go makelang tsona. Mo taba ya go nyaka Modimo ka matla yi fo ya mahlong yi hluhlutela, di nyoko ba lula gore o mo theetsele. (Bala 1 Johane 5:3.) Sa mabedi, yekisela Jeso. O yye a di kgona go maka tso Modimo a di nyakang ka taba la gore o rapele Jehova gore a mo gelepe ke mokane a dula a beyye patela yage lihlo. (Maheb. 5:7; 12:2) Go fo tshwana le Jeso, rapela Jehova gore a go neye matšhika fote o dule o nagana ka tshepo ya lephelo la go ya go yye. Mo o kene o tšheletsa taba ya go nyaka Modimo ka matla o boya o kopisela Morwayi wage, o ko thogo maka dilo ka mokana ga tsona tso o di tshepisiyeng Jehova.

6. Ke ntaba di nyaka re make mmereko wo re nang nawo ka ho mutšing? (Lebelela le sethombhe.)

⁶ Mmereko wo re nang nawo ka ho mutšing. Ga motabogo wa rune wa lephelo, re tshwanele re nyake Jehova le Jeso ka matla go phala ka mokgo re nyakang mašaga ya rune. (Mat. 10:37) Mara, tsotsone a di rele gore re takise maahlo mmereko wa rune wa ka ho mutšing, re re re makisa ke gore mmereko wone wo re tshwarelela gore re thogo jabodisa Modimo le Kreste. Mara gore re thogo yamogelega ga Modimo le Kreste, di nyaka re make mmereko wa rune wa ka ho mutšing. (1 Thim. 5:4, 8) Mo re ka wo maka, re nyoko jabola stereka. Phela Jehova wa di tšiba gore mitši yi nyoko jabola mo monna le mosadi wage ba nyakanana ba boya ba hlompana, mo babelegi ba nyaka bana ba bona ka matla ba boya ba ba tšhutisa fote le mo bana ba theetsela babelegi ba bona.—Maef. 5:33; 6:1, 4.

7. O ka wo maka byang mmereko wago wa ka ho mutšing?

⁷ Mara o ka wo rwala byang morwalo? Mo nkare o monna, o mosadi kela ngwana, di nyaka o berekise mayele ya go hlalefa ya ka ho Bhayibeleng. O sa fo maka tso wene o bonang nkare di lukiye kela di tlwayelegiye mo o dulang kela wa maka tso di hlayang ke bo ba tipotsang gore ba tšhutegiye. (Diy. 24:3, 4) Berekisa dikgatiso tsa rune tsa go bolabola ka Bhayibele. Dikgatiso tsowa di ka go yeletsa ka mokgo o ka berekisang ditšhiko tsa Bhayibele. Mo re beyisa, dihlogotaba tsa go lategetsana tsa gore, “Thušo Bakeng sa Lapa” di na le ditaba tsa go jabodisa ka matla tsa gore di bolabola ka dintshitshire tso bo ba šadhiyeng, babelegi le bo ba gore ba sa gola ba gahlanang natso lekgono. b Dula o tikemisele go berekisa tso Bhayibele yi di hlayang le mo ba bangwana ba genu ba sa di berekisi. Mo o ka maka ka mokgonone, tsotsone di nyoko berekela ba ka ho mutšing fote le nyoko tikwisa ka tso Jehova a le rufang ka tsona.—1 Pet. 3:1, 2.

8. Dipheto tso re di segelelang di ka re yama ka mokgo mang?

⁸ Re tshwanele re yemele dipheto tso re di segelelang. Jehova o makiye gore re thogo tikgetela fote o nyaka gore re jabole ka taba la gore re segelele dipheto tsa gabutši. Mara fote aa re tšhireletsi ga maphomela ya dipheto tso re di segeleleng  tsa gore a yi tsona. (Magal. 6:7, 8) Byalo, re yamogela mathatha ya ma re tlelang ka taba la go sa segelele dipheto tsa gabutši, dilo tso re di hlayyeng tsa go fo tikela ku le dilo tso re di makiyeng re sa nagana. Re ka fo kokona ke lekwalo, mara di ya ka gore re makiye ying. Le mo go le ka mokgonone, mo re ka yemela dipheto tso re segeleleng tsotsone di nyoko re tšhofa gore re hlaye tso re di sinnyeng, re lukise fote re kganele kgole le taba ya go boyelela tso re di kekemisiyeng. Mo re ka maka dilo tsowa, di nyoko re gelepa gore re dule re taboga lebelo la lephelo.

9. O ka maka ying mo nkare a wa segelela sepheto sa gabutši? (Lebelela le sethombhe.)

⁹ Mara o ka wo rwala byang morwalo? O ka maka ying mo nkare a wa segelela sepheto sa gabutši? Di nyaka o dule o gopola gore o ka sa di kgone go tšhentšha tso di makegiyeng botala. O sa tisinyeli nako yago le matšhika o liketsa go šupetsa gore wene a wa sinya kela wa liketsa go sola ba bangwana ga dipheto tso wenebeng o di segeleleng tsa gore a yi tsona. Mara, di nyaka o yamogele gore o kekemisiye ke mokane o make so o ka se kgonang gana byalo. Mo o kwa taba yo o yi makiyeng yi go ja, rapela Jehova o kene o tinyanafatsiye, o yamogele gore o sinnye fote o mo kgopele gore a go tshwarele. (Pis. 25:11; 51:3, 4) Kgopela tshwarelo ga bo o ba kwisiyeng go baba fote mo di hlokega, o kgopele bagolo gore ba go gelepe. (Jak. 5:14, 15) Tšhuta ga dilo tso o di kekemisiyeng fote o liketse ka matla go kganela kgole le go di maka fote. Mo o kene o maka ka mokgonone, o ka sa kamake gore Jehova o nyoko go kwela go baba a boya a go thega.—Pis. 103:8-13.

10. Ke ntaba go tikwa o nyaka go maka tsa go feta ka mokgo o ka kgonang go le morwalo wa go roba? (Magalata 6:4)

¹⁰ Go tikwa o nyaka go maka tsa go feta ka mokgo o kgonang. Re ka tiyimetsa ka go nyaka go maka tsa go feta ka mokgo re ka kgonang mo re titshwanisa le ba bangwana. (Bala Magalata 6:4.) Mo re ka fo dulela go titshwanisa le ba bangwana, re ka feleletsa re jelaselana fote re phadisana le ba bangwana. (Magal. 5:26) Mo re ka liketsa go maka tso ba bangwana ba di makang re kene re di tšiba gore a re di kgone, re ka feleletsa re tikwaletsiye. Fote mo nkare “go thisathisa so o se yemeleng, go maka gore pelo yi thomise go lwala,” o fo nagana ka mokgo o nyoko kgongwetsang ke taba ya go yemela selo sa gore o ka sa tsoge o se krayye! (Diy. 13:12) Phela taba yone yi ka re tapa matšhika ke mokane ya re tshwarelela ga lebelo lo re le tabogang la lephelo.—Diy. 24:10.

11. O ka gelepa king gore o kganele kgole le taba ya go nyaka go maka tsa go feta ka mokgo o kgonang?

¹¹ Mara o ka wo lahla byang morwalo wone? O sa make dilo tsa go feta tso Jehova a di nyakang gago. Aa yemela gore o make dilo tsa gore wene o ka sa di kgone. (2 Makor. 8:12) Barena, o di tšibe tsa gore Jehova aa tshwanisi tso wene o di makang le tso di makang ke ba bangwana. (Mat. 25:20-23) O tseyela gedimo mmereko wo o wo makang ka pelo yago ka moka, go tshepega gago le go tiyisela gago. Di nyaka o tinyanafatse fote o yamogele gore o ka sa sa kgona go maka tso o nabelang go di maka gana byalo ka taba la gore mengwaga yi šele yi yye, a o sa titsosa kela ka taba la seyemo so o leng ga sona. Go fo tshwana le Bhazilayi, di nyaka o gane mo ba go neya mmereko wa gore di nyoko go thathafela go wo maka ka taba la bolwele kela go tsofala. (2 Sam. 19:35, 36) Yamogela gore ba bangwana ba go thuše fote o neye ba bangwana mmereko mo di hlokega, go fo tshwana le ka mokgo Moše a makiyeng. (Ek. 18:21, 22) Mo o tšiba mo o kgerang, o ka sa nyake go maka tsa go feta ka mokgo o ka kgonang tsa gore di ka go muma matšhika mo o kene o taboga lebelo la lephelo.

12. Ayitsano re tshwanele go tisola ga dipheto tsa gore a yi tsona tso ba bangwana ba di segeleleng? Hlatolla.

¹² Go tisolela dipheto tsa go kekema tso ba bangwana ba di segeleleng. Re ka sa segelele ba bangwana dipheto; fote re ka sa dulele go ba tšhireletsa ga maphomela ya dilo tso ba di hlawodiyeng tsa gore a yi tsona. Mo re beyisa, mo nako yi kene  yi ya morwayi kela morwediya a ka fo kgeta go lisetsa go berekela Jehova. Sepheto sone a se segeleleng se ka tlerola pelo ya babelegi bage. Le mo go le ka mokgonone, babelegi ba gore baa tisola bonabeng ka taba la sepheto sa go kekema so se segeleleng ke ngwana bona, ba tiyimetsa ka morwalo wa go roba. Phela wone a yi morwalo wo Jehova a nyakang ba wo rwale.—Marom. 14:12.

13. Mmelegi a ka lebana byang le sepheto sa go kekema so se segeleleng ke ngwanage?

¹³ Mara o ka wo lahla byang morwalo wone? Di nyaka o di gopole gore Jehova o re makiye gore re thogo tikgetela. O lisetsa ye mongwana le ye mongwana gore a tikgetele tso a di nyakang. Gana hone go kena le taba ya go mmerekela. Jehova wa di tšiba gore o mmelegi wa gore aa yenela; yene o fo nyaka gore o make so o ka se kgonang. Tso ngwanago a di hlawolang di ko šala naye, wene a o kene felo. (Diy. 20:11) Mara di ka makega gore o fo dulela go nagana ka tso wene o sa di makang gabutši o le mmelegi. Mo nkare go ka mokgonone, thuletsela Jehova ka mokgo o tikwang fote o mo kgopele a go tshwarele. Jehova wa di tšiba gore o ka sa kgone go tšhentšha tso di makegiyeng ku botala ke mokane wa maka dilo gabutši. Fote aa yemela gore wene o kogetse ngwanago gore a sa buni so a se gašiyeng. O dule o gopola gore mo nkare ngwanago o karakara ka matla gore a boyele ga Jehova, Jehova o ko ba a tikemisele go mo yamogela.—Luk. 15:18-20.

14. Ke ntaba go dulela go tikwa molato go le morwalo wa gore di nyaka re wo lahlele ku kgole?

¹⁴ Go dulela go tikwa molato. Wa tšiba di ya kwisisega gore mo re sinnye, re teye ke lekwalo. Le mo go le ka mokgonone, go dulela go kokona ke lekwalo a yi morwalo wo re tshwaneleng re wo rwale. Mara ke morwalo wa gore di nyaka re wo bošele ku kgole. Byalo, re ko di tšiba byang gore re dulela go tikwa molato? Mo nkare re hlayye tso re di sinnyeng, ra sokologa ke mokane ra maka tso re ka di kgonang gore re sa boyelele tso re di sinnyeng, re ka sa kamake gore Jehova o re tshwarele. (Meber. 3:19) Ka nthago ga mo re makiye dilo tsone, Jehova aa nyake re tikwa molato. Wa di tšiba gore taba yone yi nyoko re kwaletsa. (Pis. 31:10) Mo re ka fo ya mahlong re kokona ke lekwalo, re ka lahla tewu ga lebelo lo re le tabogang la lephelo.—2 Makor. 2:7.

15. O ka gelepa king gore o thogo hlula taba ya go dulela go kokona ke lekwalo? (1 Johane 3:19, 20) (Lebelela le sethombhe.)

 ¹⁵ Mara o ka wo lahla byang morwalo wone? Mo taba ya go dulela go kokona ke lekwalo yi go tshwere ka diwašeni, di nyaka o gopole gore Modimo o “tshwarelana tsa mannete.” (Pis. 130:4) Mo a tshwarela bo ba gore ba sokologiye tsa mannete, o tshepisa gore: “Tso ba di sinnyeng nka sa sa di gopola.” (Jer. 31:34) Tsotsone di rela gore Jehova a ka sa tsoge a gopodiye dilo tso o di sinnyeng tsa gore o šele a go tshwarele ga tsona. Byalo, o sa tsoge o naganne gore dintshitshire tso o nang natso gana byalo ka taba la tso o di sinnyeng, di rela gore aa soko go tshwarela. Fote o sa tigatelele ka taba la gore o ka fo ba o sa sa kgona go maka mmereko wo mongwana ka ho phutegong. Jehova aa duleli go nagana ka tso o di sinnyeng fote le wene a wa tshwanela go maka ka mokgonone.—Bala 1 Johane 3:19, 20.

16. King so di nyakang re se kwisisa mo re kene re le batho ba go taboga?

¹⁶ Mo re kene re taboga lebelo lowa la lephelo, di nyaka ‘re tabogeneng di šupetsa gore re nyaka go hlula.’ (1 Makor. 9:24) Tsotsone re ko thogo di maka mo re ka fo kwisisa gore merwalo yo re tshwaneleng re yi rwale le yo re tshwaneleng re yi lahle yi fapana mo di tla kaye. Ga hlogotaba yowa, re bolabodiye ka mešupetso ya go tlalanyana ya merwalo yo re tshwaneleng re yi rwale le yo di nyakang re yi lahle. Mara re ka bolabola le ka ye mengwana. Jeso o yitseri re ka “kgahleletsa ke go šekela ka tsa lefase lowa, go ja le go nwa ka matla.” (Luk. 21:34) Mešupetso yowa le mangwalo ya mangwana ma ka go gelepa gore o thogo bona ho di nyakang o lukisa gona mo o kene o taboga lebelo lago la lephelo.

17. Ke ntaba re sa kamake gore re nyoko hlula ga lebelo lo re le tabogang la lephelo?

¹⁷ Re bolabola re sa nghanghamele gore re ka hlula ga lebelo lo re le tabogang la lephelo ka taba la gore Jehova o nyoko re neya matšhika ya re ma hlokang. (Jes. 40:29-31) Byalo, o sa taboge nkare ke wene khudu! Kopisela ga Pawulo wa gore o yye a taboga ka matla gore a thogo kraya patela yo yi leng mahlong gage. (Mafil. 3:13, 14) Aa šiyo ye a nyoko go tabogelang sekala, mara o ka gelepa ke Jehova gore o thogo phomelela. Jehova a ka go gelepa gore o rwale merwalo yago le go lahla merwalo ya gore a yi hlokege. (Pis. 68:19) Mo Jehova a le nago, o ko thogo taboga lebelo lago o kene o tiyisele ke mokane wa hlula!