1-2. (a) Jehova o tikwa byang ka bo ba gore ba sinya ka matla mara ba sa sokologe? (b) King so Jehova a nyakang gore bo ba gore ba sinnye ka matla ba se make?

 JEHOVA aa fo yamogela dilo ka mokana ga tsona tso batho ba di makang. Tso tsa go sinya wa di nyenya. (Pis. 5:​4-6) Jehova o nyaka gore re theetsele melawo yage ya ka ho Bhayibeleng. Phela Jehova a yemela gore batho ba gore a ba yenela ba dule ba di khwaya. (Pis. 130:​3, 4) Ka nthoko ye nngwana, aa ba kgone bo “ba gore ba na le tšhinghi ba tshepiye gore o nyoko ba kwela go baba.” (Juda 4) Gabutšibutši, Bhayibele yi bolabola ka “mo go bolayiwa batho ba gore a ba theetsele Modimo” ka ntwa ya Modimo ya Aremaghedoni.—2 Pet. 3:7; Kut. 16:16.

² Le mo go le ka mokgonone, Jehova aa nyake gore go kgwe le motho ka wwoši. Ga makazini wowa, re tšhutiye gore Bhayibele yi di beya lekgwaying tsa gore Modimo o “nyaka gore ka mokana ga bona ba sokologe.” (2 Pet. 3:9) Go fo tshwana le Jehova, bagolo ba lefisa pelo mo ba liketsa go gelepa motho wa gore o sinnye ka matla gore a sokologe le gore Jehova a mo yamogele. Mara ka dinako tse dingwana, motho wa gore o sinnye ka matla o kraya a sa tisole. (Jes. 6:9) Le mo nkare bagolo ba ka liketsa go ya mahlong ba gelepa motho yene, ba bangwana ba fo ya mahlong ba maka dilo tsa go kekema. Bagolo ba ka maka ying mara?

“TLOSANENG MOTHO YENE WA GO SA LOKA”

3. (a) Bhayibele yi re go tshwanele go makege ying ka bo ba gore ba sinya ka matla mara ba sa sokologe? (b) Mo motho a gana go sokologa, ke ntaba re ka re o ro tikgetela gore ba mo tlose ka phutegong?

³ Mo motho wa gore o sinnye ka matla a sa sokologe, bagolo a ba na polane ye nngwana, di nyaka ba fo latelela tso ba ba yetetsang ka tsona tsa gore di krayega ho ga 1 Makorente 5:​13, tsa gore:  “Tlosaneng motho yene wa go sa loka hone gare ga lune.” Ye wa gore o sinnye ka matla o di tšiba gabutši tsa gore mo a ka sa sokologe, ba nyoko mo ntsha ka phutegong. Byalo, re ka re motho yene o ro tikgetela gore ba mo ntshe ka phutegong. O buna so a a se gašiyeng. (Magal. 6:7) Ke ntaba re ka reyane? Ka taba la gore aa nyaka go tšhentšha le mo bagolo ba liketsiye ga go tlala gore ba mo gelepe. (2 Mag. 17:​12-15) O šupetsiye ka tso a di makang gore aa nyake go theetsela melawo ya Jehova.—Dot. 30:​19, 20.

4. Mo motho wa gore o sinnye ka matla mara a sa sokologe, ba tšibisa phutego gore motho yene ba mo tlusiye, re ka re ke ntaba?

⁴ Mo motho a sa sokologe ke mokane ba mo tlosa ka phutegong, ba nyoko tšibisa phutego gore motho yene a go sa le Hlatse ya Jehova. b Mo ba šinya ba botsa phutego, a ba makisi ke gore ba nyaka go mo tšhelela maahlo motho yene wa gore o sinnye ka matla. Mara, ba botsa phutego gore magageru ma thogo theetsela tso Bhayibele yi di hlayang tsa gore ma “kganele kgole” le motho yene, ‘le go ja ma sa ji naye.’ (1 Makor. 5:​9-11) Go na le di tso di makang gore Jehova a šinye a beye molawo wone. Pawulo wa lepostola o ngwadiye gore: “Komelo ye nyana yi bidisa folawa ya go dubiwa ka mokana ga yona.” (1 Makor. 5:6) Mo motho wa gore aa sokologe ga tso a di sinnyeng ba sa mo tlose ka phutegong, ba bangwana ba ka fo tseya gore a go hlokege gore ba theetsele melawo ya Jehova.—Diy. 13:20; 1 Makor. 15:33.

5. Di nyaka re mo tseye byang motho wa gore ba mo tlusiye ka phutegong, fote ke ntaba?

⁵ Mo mogageru ba mo tlusiye ka phutegong, di nyaka re mo tseye ka mokgo mang? Le mo nkare a re fokatse naye, di nyaka re mo tseye gore o fo tshwana le nku ya gore yi lahlegiye, re sa fetse ka gore ayya, go padiye ka yene. Nku ya gore yi keketlele kgole le morape ke mokane ya lahlega, yi ka boyela ga morape wone fote. O sa lebale gore nku yone, yi tineyele ga Jehova. Sa go kwisa go baba ke gore gana byalo aa phele lephelo la gore le jabodisa Jehova, fote tsotsone di maka gore a be kotsing. (Hezek. 18:31) Mara, solanka go sa na le nako fote Jehova a tikemisele go mo kwela go baba, re ya di tshepa gore motho yene o nyoko tšhentšha. Byalo, bagolo ba ka mo gelepa ka mokgo mang motho wa gore o sinnye ka matla wa gore ba mo tlusiye ka phutegong?

KA MOKGO BAGOLO BA GELEPANG BO BA GORE BA BA TLUSIYE KA PHUTEGONG

6. Bagolo ba nyoko maka ying gore ba gelepe motho wa gore ba mo tlusiye ka phutegong?

⁶ Mo ye mongwana ba mo tlusiye ka phutegong, ayitsano bagolo baa mo ngalela, ba sa sa mo gelepa gore a thogo boyela ga Jehova? Dho! Mo bagolo ba botsa motho wa gore o sinnye wa gore fote o gana go sokologa gore ba nyoko mo tlosa ka phutegong, ba nyoko mo hlatollela gore di nyaka a maka ying gore a thogo boyela ka phutegong. Mara go sa na le tse dingwana tso bagolo ba nyoko di makang. Ga go tlala, ba nyoko botsa motho yene wa gore o sinnye ka matla gore ba ka jabola mo ba ka dula naye fase fote, ka nthago ga mo go fitiye dikgwedinyana gore ba thogo bona gore ayitsano o tšhentšhiye ka mokgo a tseyang dilo. Mo nkare ka nthago ga dikgwedinyana motho yene o dumela go gahlana le bagolo fote, ba nyoko mo hlohletsela gore a sokologe. Le mo nkare aa soko bane a sokologa ka nako yo ba gahlanneng naye, bagolo ba nyoko liketsa go gahlana naye fote ka nthago ga nako ya go lefanyana gore ba mo hlohletsele gore a sokologe.

7. Mo motho ba mo tlusiye ka phutegong, bagolo ba ka yi yekisela byang taba ya gore Jehova o kwelana go baba? (Jeremiya 3:12)

⁷ Bagolo ba yekisela Jehova wa gore o šupetsa  gore o ba kwela go baba bo ba gore ba ba tlusiye ka phutegong. Mo re beyisa, ku botala, Jehova a sanka a yemela batho bage ba gore ke Maisrayele gore ba thomise ba sokologe a soko bane a liketsa go ba gelepa. Mara, go thomisiye yene a romela baporofeta bage gore ba ye ga bona le mo ba soko bane ba šupetsa gore baa tisola. Hlogotaba ya mabedi ya makazini wowa yi hlatolliye ka mokgo Jehova a butsiyeng Hoseya gore a tshwarele mosadi wage, le gore a mo yamogele le mo nkare mosadi yene ne a kene a sa fo ya mahlong a sinya ka matla. Ka mokgonone, Jehova o tšhutisiye batho bage gore o kwelana go baba. (Hos. 3:1; Mal. 3:7) Ka taba la gore bagolo ba gore ke Makreste ba yekisela Jehova, ba nyaka gore ye wa gore o sinnye ka matla a sokologe ke mokane a boye ka phutegong, fote a ba mo thathafisele gore a thogo maka ka mokgonone.—Bala Jeremiya 3:12.

8. Mošupetso wo Jeso a bolabodiyeng ka wona wa morwayi wa gore ne a lahlegiye wo re gelepa byang gore re thogo wo kwisisa gabutši mokgwa wo Jehova a tikwang ka wona mo ye mongwana a mo lahla? (Luka 15:7)

⁸ Ayitsano o sa gopola ka mokgo papa yela a yyeng a maka dilo ka gona ga mošupetso wa morwayi wa gore ne a lahlegiye? Mo papa yene a re o boša lihlo, a bona morwayi wage a boya gaye, o yye a “mo gahlanetsa a segela a mo tlaparela, a mo khisa.” (Luk. 15:20) Nje wa di bona gore papa yewa a sanka a yemela morwayi wage gore a thomise a kgopele tshwarelo? Phela papa yela go thomisiye yene a tabogela ga morwayi wage ka taba la gore o mo nyaka ka matla. Nka mokgo Jehova a tikwang ka bo ba gore ba mo lahliye fote bagolo ba maka so ba ka se kgonang gore ba yekisele Jehova. Ba nyaka gore dinku tsowa tsa gore di lahlegiye di “boye gaye.” (Luk. 15:​22-24, 32) Mo motho wa gore o sinnye ka matla a boya, Jehova, Jeso, mangeloyi le phutego ka mokana ga yona ba jabola stereka!—Bala Luka 15:7.

9. Jehova o nyaka gore bo ba gore ba sinnye ka matla ba make ying?

⁹ Ga tso re šeleng re bolabodiye ka tsona, di fo ba lekgwaying gore Jehova aa dumelele bo ba gore a ba nyake go sokologa gore ba dule ba le ka phutegong. Mara, bo ba gore ba sinnye ka matla aa ba ngalele. O nyaka gore ba boye. Mokgwa wo Jehova a tikwang ka wona ka bo ba gore ba sokologiye, re wo bona ho ga Hoseya 14:​4, o yitseri: “Ke nyoko yalafa go sa tshepege ga bona. Ke nyoko ba šupetsa gore ke ba nyaka ka matla ke sa tšhofe ke motho, ka taba la gore a ke sa fufulela.” Ka taba la gore bagolo baa di tšiba tsa gore Jehova o tikwa byang, ba lebelela le mong selo ka ssoši so se šupetsang gore motho yene o thomisa go sokologa. Fote mantsu yawa ma maka gore bo ba gore ba lahliye Jehova ba sa kamake le ka gonyana gore Jehova o ba nyaka ka matla fote o nyaka gore ba boye gage.

10-11. Bagolo ba nyoko ba gelepa byang bo ba gore ba yye ba ba tlosa ka phutegong ku botala?

¹⁰ Byalo, re re king ka bo ba gore ba yye ba ba tlosa ka phutegong ku botala, nakwenngwana go šele go fitiye mengwaga ya go tlala ba ba tlusiye? Bowa ba ka fo ba ba lomogiye ga dilo tso di makiyeng gore ba šinye ba ba tlose ka phutegong. Ka dinako tse dingwana, o ka fo kraya ba sa sa gopola gore ke ntaba ba ba tlusiye ka phutegong. Di sa yi ka gore batho bone ba tsere mengwaga ka mekaye ba le kgole le phutego, bagolo ba nyoko liketsa go kraya batho bone ke mokane ba ba vakašela. Mo ba ba vakašela, bagolo ba nyoko rapela nabo ke mokane ba ba hlohletsela gore ba boye ka phutegong. Ke nnete gore, mo nkare motho o na le mengwaga ya go tlala a le kgole le phutego, a re kamake gore o ko ba a tekateka ga tso tsa Modimo. Byalo, mo a ka hlaya gore o nyaka go boyela ka phutegong, bagolo ba ka fo kgopela ye mongwana gore a tšhute Bhayibele naye, le mo nkare aa soko busetsiwa. Ga seyemo se sengwana le se sengwana, bagolo ke mmereko wa bona gore ba krayele motho yene ye a nyoko tšhutang naye Bhayibele.

¹¹ Bagolo ba liketsa go yekisela ka mokgo Jehova a kwelang batho go baba. Byalo, magageru  yawa ma nyoko nyakela ka mokana ga bona bo ba gore ba lahliye Jehova ke mokane ba ba hlohletsela gore ba boyele gage. Mo ye wa go sinya ka matla a šupetsa gore o tšhentšhiye ka mokgo a naganang le mekgwa yage, ba ka mmusetsa ka phutegong ba sa sinyi nako.—2 Makor. 2:​6-8.

12. (a) Ke seyemo sefeng so bagolo di nyakang ba ntshe maahlo dikwakweng? (b) Ke ntaba re ka sa fetse ka gore Jehova a ka sa tsoge a ba kwele go baba batho ba gore go na le mošaga wa dilo tso ba di makiyeng tsa go sinya ka matla? (Lebelela le setwaba)

¹² Ga seyemo se sengwana, di nyaka bagolo ba ntshe maahlo dikwakweng mo ba soko bane ba  busetsa motho ka phutegong. Mo re beyisa, mo nkare motho yene ne a hlorisa bana kela o yye a kgeloga kela o makiye bošakašakane gore a thogo hlala, di nyaka bagolo ba di bone gore motho yene wa resa mo a re o sokologiye. (Mal. 2:14; 2 Thim. 3:6) Di nyaka ba pasope morape. Mara, di nyaka re sa lebale taba ya gore Jehova o nyoko yamogela ye mongwana le ye mongwana wa go sinya wa gore o sokologiye tsa mannete fote o lisetsiye mekgwa yage ya go befa. Byalo, le mo nkare bagolo ba nyaka go di bona tsa gore motho wa gore o yye a maka ba bangwana bošakašakane o sokologiye tsa mannete, bagolo a baa tshwanela go nagana gore Jehova a ka sa tsoge a kwele motho yene go baba. c—1 Pet. 2:10.

TSO PHUTEGO YI KA DI MAKANG

13. Mokgwa wo re tshwarang bo ba gore bagolo ba ro ba kgala le mokgwa wo re tshwarang bo ba gore ba ba tlusiye ka phutegong, wo fapana kaye?

¹³ Go fo tshwana le mo re bolabodiye ga hlogotaba ya go fela, ka dinako tse dingwana ba botsa phutego gore moketekete ba ro mo kgala. Ga seyemo sa mošaga wowa, re ka ya mahlong re fokatsa naye, ka taba la gore aa sa nagana tsa go kekema fote aa sa di maka. (1 Thim. 5:20) Phela go sa le wa ka ho phutego fote di nyaka magageru ma ye mahlong ma mo hlohletsela gore a make tsa gabutši. (Maheb. 10:​24, 25) Mara, seyemo a se tshwane mo di tla ga motho wa gore ba mo tlusiye ka phutegong. Re “kganela kgole” le motho yene, ‘le go ja a re sa ja naye.’—1 Makor. 5:11.

14. Makreste ma ka berekisa ka mokgo mang makwalo ya wona ya gore ma tšhutisiye ke Bhayibele mo di tla ga taba ya go tshwara bo ba gore ba ba tlusiye ka phutegong? (Lebelela le sethombhe.)

¹⁴ Ayitsano tso re di krayang ga 1 Makorente 5:11 di rela gore a re ya tshwanela go mema motho wa gore ba mo tlusiye ka phutegong gore a tle megahlanong kela go mo tamisa mo a tlile megahlanong? Awwa. Re ya di tšiba gore re ka sa nghanelane naye. Mara Makreste di nyaka ma berekise makwalo ya wona ya gore ma tšhutisiye ke Bhayibele mo ma tshwanele ma segelele sepheto sa gore ma meme motho wa gore ba mo tlusiye ka phutegong gore a tle megahlanong—di ka makega motho yene go le lešaga kela ne go le monghana. Mo a ka tla gee? Ku botala, motho wa mošaga wonone ne re sa mo tamisi. Mara le ga taba yowa, Mokreste ye mongwana le ye mongwana  di nyaka a berekise lekwalo lage la gore le tšhutisiye ke Bhayibele. Ba bangwana yi ka fo ba yi sa ba hlupi taba ya go tamisa kela go yamogela motho yene mo a segela megahlanong. Mara, re ka sa fetse nako ya go tlala re bolabola le motho yene kela re maka tse dingwana naye.

15. Johane wa Bobedi 9-11 yi bolabola ka batho ba mošaga mang ba go sinya? (Lebelela le lebhokisi la gore, “ Ayitsano Johane le Pawulo ne ba Bolabola ka Mošaga ka Wwoši wa Tso Tsa go Sinya?”)

¹⁵ Ba bangwana ba ka tiputsisa gore, ‘Anthe Bhayibele a yi re mo Mokreste a tamisa motho wa mošaga wonone, o ko ba a tšhela letsogo ga dilo tsa go sa loka tso a di makang?’ (Bala 2 Johane 9-11.) Tso ba bolabolang ka tsona ga lengwalo lowa, di rela bo ba go kgeloga le ba bangwana ba gore ba fo ya mahlong ba kutšetsela ba bangwana gore ba make dilo tsa gore Bhayibele yi di tseya go le tsa go sa loka. (Kut. 2:20) Byalo, mo nkare motho o tšhutisa dilo tsa bo ba go kgeloga kela o kutšetsela ba bangwana gore ba make tsa go kekema, bagolo ba ka sa mo vakašele. Mara, di ka makega gore motho yene a sokologe. Solanka tsotsone di soko makega, motho yene re ka sa mo tamisi fote re ka sa ro mo mema gore a tle megahlanong ya phutego.

GO YEKISELA KA MOKGO JEHOVA A KWELANANG GO BABA KA GONA

16-17. (a) Jehova o nyaka gore bo ba gore ba sinnye ka matla ba make ying? (Hezekiyele 18:32) (b) Bagolo ba ka šupetsa byang gore ba bereka le Jehova mo ba liketsa go gelepa bo ba gore ba sinnye ka matla?

¹⁶ King so re se tšhutiyeng ga kapheta ya dihlogotaba tsowa tsa go lategetsana? Jehova aa nyake gore go kgwe le mong motho ka wwoši! (Bala Hezekiyele 18:32.) O nyaka gore bo ba go sinya ba boyele gage. (2 Makor. 5:20) Nka taba lo Jehova a sanka a lisetsa go hlohletsela malata yage ya gore ma mo lahliye gore ma sokologe ke mokane ma boyele gage. Bagolo ba phutego ba berekisana le Jehova gore ba thogo gelepa bo ba gore ba sinnye ka matla gore ba sokologe.—Marom. 2:4; 1 Makor. 3:9.

¹⁷ O fo nagana gore ku legedimong ba hlakela go segela kaye mo bo ba go sinya ba sokologa! Papa wa rune wa ku legedimong, Jehova, o jabola ka matla ka moka nako mo nku yage ya gore ne yi lahlegiye yi boyela ka phutegong. Phela taba ya rune ya go nyaka Jehova ka matla yi fo ya yi kene yi hluhlutela mo re ghayela ka mokgo a šupetsang gore o kwelana go baba fote o na le pelo ya gabutši le mo di sa re tshwanele.—Luk. 1:78.