1. King so Jehova a se nabelelang batho ka mokana ga bona?

 JEHOVA mo a maka batho, o ba makiye gore ba thogo tisegelela dipheto. Re maka dipheto mo bo na bo sile. Sepheto se segolo ka matla sa gore motho a ka se segelela ke go tineyela ga Jehova le go mo rapela a na le magageru. Jehova o nabela nkare ye mongwana le ye mongwana a ka maka ka mokgonone. Ke ntaba mara? Ka taba la gore o kwana le batho ka matla fote o ba nyakela tsa gabutši. O nyaka gore ba nghanelane naye ke mokane ba tikwise ka lephelo go ya go yye.—Dot. 30:​19, 20; Magal. 6:​7, 8.

2. Jehova o tikwa byang ka bo ba gore ba sinnye ka matla mara ba sa sokologe? (1 Johane 2:1)

² Phela Jehova aa gapeletse motho gore a mmerekele. O lisetsa ye mongwana le ye mongwana gore a tikgetele tso a nyoko di makang. Byalo, re re king mo Mokreste wa gore o kolobetsiwwe a tshela molawo wa Modimo, ke mokane a sinya ka matla? Mo a ka sa sokologe, di nyaka ba mo tlose ka phutegong. (1 Makor. 5:13) Mara le mo motho yene ba ka mo tlosa ka phutegong, Jehova o di nyaka ka matla gore motho yene a sokologe a boye a nghanelane naye fote. Gabutšibutši, nka taba lo a re lepolliyeng—gore a thogo tshwarela bo ba gore ba sokologiye ga tso ba di sinnyeng. (Bala 1 Johane 2:1.) Papa wa rune wa go nyakanana o ro fawa ga bo ba gore ba sinnye ka matla, o ba kgopela gore ba sokologe.—Zak. 1:3; Marom. 2:4; Jak. 4:8.

3. Re nyoko fo re handahanda ka ying ga hlogotaba yowa?

³ Jehova o re botsa gore o tikwa byang ka tso tsa go sinya le ka bo ba gore ba sinya ka matla. Fote o nyaka gore le rune re tikwe  ka mokgo a tikwang ka gona. Ga hlogotaba yowa, re nyoko fo re handahanda ka gore tsotsone re ka di maka byang. Mo re kene re ya mahlong ka hlogotaba yowa, lebelela gore (1) ba yye ba tshwaragana byang le taba ya ye mongwana wa gore o sinnye ka matla ga phutego ya Korente ya ku botala, (2) tso Pawulo wa lepostola a hlayyeng gore ba di make mo ye wa gore o sinnye ka matla a sokologa, le (3) gore taba yowa ya ka ho Bhayibeleng yi re thuletsela gore Jehova o tikwa byang ka Mokreste wa gore o sinya ka matla.

KU BOTALA NE BA TSHWARAGANA BYANG LE TABA YA MOTHO WA GORE O SINNYE KA MATLA?

4. King so se makegiyeng phutegong ya Korente? (1 Makorente 5:​1, 2)

⁴ Bala 1 Makorente 5:​1, 2. Nakwela a le ga leyeto lage la kararo go le morumiwa, Pawulo o yye a kwelela ditaba tsa go sa jabodise ka phutego ya nyuwane ya Korente. Mogageru ga phutego yone ke mo a maka tsa ka mapaying le mmangwane wage wa gore ke mosadi wa papage. Phela le mong batho ba gore ne ba sa rapele Modimo ke mo ba di tšiba tsa gore taba yone a makiwi! Phutego ke mo yi se na bothatha le tso mogageru yene ne a di maka fote di ka makega gore ne yi ro mo teyela le matsogo. Nakwenngwana ne ba tseya gore tso ba di makang ne yi le go yekisela ka mokgo Modimo a kwelanang go baba le go naganela batho ba gore a baa yenela. Mara Jehova aa kwane natso mo batho bage ba mo sinyela. Mo mogageru yene a maka dilo tsone tsa go silikisa, ke mo a sinya phutego lebitso. Fote hala ba mo lisetsiye a nama mawoto ka phutegong, Makreste ya mangwana ne ma nyoko thomisa go mo yekisela. Byalo, king so Pawulo a butsiyeng phutego gore yi se make?

5. Pawulo o yye a butsa phutego gore yi make ying, fote tsotsone ne di rela gore king? (1 Makorente 5:13) (Lebelela le sethombhe.)

⁵ Bala 1 Makorente 5:13. Jehova o yye a hlohletsela Pawulo gore a ngwalele phutego borifi bya go hlatolla gore motho wa gore o sinnye ka matla mara a sa tisole, di nyaka ba mo tlose ka phutegong. Makreste ya gore maa tshepega ne di nyaka ma mo tshware byang? Pawulo o ma butsiye gore ma “kganele kgole” naye. Tsone di rela gore king? Pawulo o hlatolliye gore ga molawo wone go kena le taba “ya go sa je naye.” (1 Makor. 5:11) Phela mo o ja tsa go ja le motho ye mongwana, le feleletsa le tshwere ditaba fote le fetsa nako le le ggoši. Di fo ba lekgwaying gore Pawulo ne a rela gore phutego a yi ya tshwanela go fokatsa le motho yene. Tsotsone ne di nyoko tšhireletsa phutego gore a sa yi fokole gore yi tshwane naye. (1 Makor. 5:​5-7) Go tokegela gana hone, mo ba sa nghanelane naye, tsotsone di ka maka gore motho yene a nape a  di bone gore o šohlomele, fote di ka mo tšebisa ke mokane dya mo tšhofa gore a sokologe.

6. King so phutego yi se makiyeng mo yi kraya borifi bya Pawulo, fote morenela wa gore ne a sinya o yye a maka ying?

⁶ Ka nthago ga gore a romele borifi byone ga Makreste ya Korente, Pawulo o yye a thomisa go tiputsisa gore ma nyoko bo tseya byang borifi byone. Ke mokane tšatši le lengwana, Tito o yye a botsa Pawulo ditaba tsa go jabodisa stereka. Phutego yi yye ya yamogela borifi bya Pawulo ka matsogo ka mabedi. (2 Makor. 7:​6, 7) Ba yye ba maka tso a di hlayyeng. Go tokegela gana hone, mo dikgwedi di kene di takamela ka nthago ga gore Pawulo a romele borifi byone, ye wa gore ne a sinnye ka matla o yye a sokologa! Ke mo a lisetsiye tso ne a di maka le ka mokgo ne a tseya dilo ke mokane a thomisa go yetetsa ke melawo ya Jehova ya go loka. (2 Makor.  7:​8-11) Pawulo o yye a botsa phutego gore yi make ying sa go latela?

PHUTEGO NE YI TSHWANELE YI MO TSHWARE BYANG MOTHO YELA WA GORE NE A SINYA WA GORE O ŠELE A SOKOLOGIYE?

7. Morenela o yye a maka ying ka nthago ga gore ba mo tlose ka phutegong? (2 Makorente 2:​5-8)

⁷ Bala 2 Makorente 2:​5-8. Pawulo o yitseri “motho yene o šele a wolodiwwe.” Mo re fo yi beya nje, taba ya gore ba yye ba mo wolola yi mmerekele. Yi mmerekele ka mokgo mang? Yi mo gelepiye gore a sokologe.—Maheb. 12:11.

8. Ke selo sefeng sa go latela so Pawulo a yyeng a botsa phutego gore yi se make?

⁸ Pawulo o yye a botsa phutego gore: “Di nyaka le mo tshwarele fote le kgomoletse” mogageru yene wa gore ne a sinnye, fote le “šupetseneng motho yene gore le mo nyaka ka matla.” Lebelela gore Pawulo ne a sa fo nyaka gore ba fo yamogela morenene ka phutegong ke mokane dya felela gana hone. Pawulo ne a nyaka gore magageru ma šupetse morenene ka tso ma di hlayang le tso ma di makang gore ma mo tshwarele fote ma mo nyaka ka matla. Tsotsone ne di nyoko maka gore mogageru yene a tikwe a le gaye.

9. Ke ntaba ba bangwana ba ka fo ba ba yye ba goga mawoto ga taba ya go tshwarela morenela wa gore o sokologiye?

⁹ Ayitsano ba bangwana ka phutegong ba yye ba goga mawoto ga taba ya go yamogela ye wa gore ne a sinnye ka matla? Bhayibele a yi hlaye selo, mara di ka fo makega gore ne go le ka mokgonone. Phela tso a di makiyeng di leyele phutego ka mokana ga yona mathatha fote di ka makega gore di šiyye ba bangwana ba tšebiye. Ba bangwana ba ka fo ba ba yye ba nagana gore a di gabutši go fo yamogela morenela ka matsogo ka mabedi nkare a gwa makega selo hala go le bona ba gore ba karakariye ka matla gore ba dule ba yediye. (Tshwanisa le Luka 15:​28-30.) Ke ntaba ne go le selo se segolo gore phutego yi šupetse mogageru wa gore o buyye ka phutegong gore yi mo nyaka tsa mannete?

10-11. Ne go ka makega ying hala bagolo ba ganne go tshwarela morenela wa gore o sokologiye?

¹⁰ Morenela ne a nyoko tikwa byang mara hala bagolo ba sa dumela gore a boye ka phutegong ka nthago ga mo a šele a sokologiye? Kela ne a nyoko tikwa byang ka nthago ga mo a šele a buyye ka phutegong, ke mokane magageru ma sa yi kene yage? Phela ne a nyoko “kgongwela ka matla.” Ne a nyoko tikwa nkare a ka sa tsoge a berekele Jehova fote. Fote ne a nyoko fo napa a phuta matsogo a sa sa liketsa go lukisa senghana sage le Modimo.

¹¹ King se sengwana sa gore ne se ka makega hala magageru ma ganne go tshwarela morenela wa gore o sokologiye? Ne ma ka sinya senghana sa wona le Jehova. Ke ntaba mara? Ka taba la gore ma ko ba ma sa yekisele Jehova wa gore o tshwarela bo ba gore ba sokologiye, mara ma ko ba ma yekisela Sathane wa gore aa na taba le motho fote tsa go kwelana go baba a yi layini yage. Gabutšibutši, Diyabolo ne a nyoko berekisa magageru yane gore ma tape morenene matšhika ya gore a berekele Jehova.—2 Makor. 2:​10, 11; Maef. 4:27.

12. Phutego ne yi ka mo yekisela byang ga Jehova?

¹² Phutego ya Korente ne yi ka mo yekisela byang mara ga Jehova, ya sa yekisele Sathane? Tsotsone ma ka di maka ka go tshwara bo ba gore ba sokologiye ka mokgo Jehova a ba tshwarang. Lebelela tso ba bangwana ba gore ba ngwadiye Bhayibele ba di hlayyeng ka Jehova. Dafita o yitseri, Jehova o “lukiye fote o tikemisele go tshwarelana.” (Pis. 86:5) Mmika o ngwadiye gore: “Ke mang Modimo wa go tshwana nago mara, wa go tshwarelana ga tso re di kekemisiyeng wa gore fote tso re sa di makang gabutši o di takisa maahlo?” (Mmik. 7:18) Ke mokane Jesaya a hlaya gore: “Nkare ye wa pelo ye phifadu a ka lisetsa tso a di makang fote ye  wa go sa loka a lisetsa tso a di naganang; a boyele ga Jehova Modimo wa rune, wa gore o nyoko mo kwela go baba, ka gore o tshwarelana ka matla.”—Jes. 55:7.

13. Ke ntaba ne di le gabutši gore ba busetse morenela wa gore o sokologiye ka phutego? (Lebelela lebhokisi la gore “ Morenela wa Hala Korente ba Mmusetsiye Leng ka Phutegong?”)

¹³ Gore phutego ya Korente yi thogo yekisela Jehova, ne di nyaka yi yamogele morenela wa gore o sokologiye ke mokane ba mo šupetse gore ba mo nyaka ka matla. Pawulo o yitseri mo ba tshwarela motho ye wa gore wa tisola, ba nyoko ba ba šupetsa gore baa “theetsela ga dilo ka mokana ga tsona.” (2 Makor. 2:9) Le mo nkare go fediye dikgwedinyana morenela ba mo tlusiye ka phutegong, o yye a sokologa. Byalo, ke mo go sa hlokege gore bagolo ba yeme nako ya go lefa gore ba mmusetse ka phutegong.

RE KA MO KOPISELA BYANG GA JEHOVA GA TABA YA GO LOKA GAGE LE KA MOKGO A KWELANANG GO BABA?

14-15. Re tšhuta ying ga tso di makegiyeng ku Korente? (2 Petro 3:9) (Lebelela le sethombhe.)

¹⁴ Ditaba tsa go bolabola ka mokgwa wo ba yyeng ba tshwaragana le taba yo yi makegiyeng ku Korente ya botala, ba di ngwadiye ba boya ba di tšhela ka ho Bhayibeleng gore ba thogo “re tšhutisa.” (Marom. 15:4) Ga taba yone, re tšhuta gore Jehova a ka sa ro di tiyela tsa gore bo ba gore ba sinya ka matla ba boya ba sa sokologe, ba dule ba le ka phutegong. Ba bangwana  ba ka fo tseya gore ka taba la gore Jehova o kwelana go baba, a ka fo lisetsa motho wa gore aa sokologe gore a ye mahlong a le ka phutegong, mara a yi ka mokgo Jehova a šupetsang gore o kwelana go baba. Le mo nkare Jehova o kwelana go baba, mara aa yamogele mekgwa ka mokana ga yona yo batho ba titshwarang ka yona. Melawo yage ya go bolabola ka go maka dilo tsa gabutši le tsa gore a yi tsa gabutši, yi ka sa ro tsoga yi tšhentšhiye le ka tšatši la mohlolo. (Juda 4) Mo Jehova a ka fo lisetsa bo ba gore baa sinya ba gore a ba sokologe gore ba fo kokobala ka ho phutegong, phela tsotsone ne di ka sa šupetse gore o kwelana go baba ka taba la gore tsone ne di nyoko kwaletsa phutego.—Diy. 13:20; 1 Makor. 15:33.

¹⁵ Le mo go le ka mokgonone, re tšhuta gore Jehova aa nyake gore go kgwe le motho ka wwoši. O nyaka go phonisa batho mo di kgonega. O kwela go baba bo ba gore baa tisola ba boya ba nyaka go lukisa senghana sa bona naye. (Hezek. 33:11; bala 2 Petro 3:9.) Byalo, mo morenela wa ku Korente a sokologa a boya a lomoga ga tso ne a di maka, Jehova o yye a hlaya gore phutego yi tshwarele morenene fote yi mo yamogele ka phutegong.

16. O tikwa byang ka mokgwa wo ba yyeng ba tshwaragana le taba yo yi makegiyeng ku Korente?

¹⁶ Mošupetso wa phutego ya Korente wo napa wo di beya lekgwaying gore Jehova o kwana ka matla le batho, o lukiye fote o maka tsa gabutši. (Pis. 33:5) Ayitsano tsone a di go tšhofe gore o nape o ro mo thanaka ga Modimo wa rune? Phela tsa go sinya ke tsa rune—ye mongwana le ye mongwana wa rune—fote re ya di hloka tsa gore a re tshwarele. Re leboga Jehova re sa fetsi ka gore o re lepolliye gore a thogo re tshwarela ga tso re di sinnyeng. Di re thoba pelo go fo tšiba gore Jehova o nyaka batho bage ka matla fote o ba nyakela tsa gabutši!

17. Re nyoko bolabola ka ying ga dihlogotaba tsa go latela?

¹⁷ Lekgono gee, ba tshwaragana byang le taba ya mo motho a sinnye ka matla? Bagolo ba phutego ba ka yi yekisela byang taba ya gore Jehova wa nyakanana ke mokane ba gelepe motho wa gore o sinnye ka matla gore a sokologe? Phutego yi tshwanele yi titshware ka mokgo mang mo bagolo ba segelela sepheto sa go tlosa motho ka phutegong kela mo ba mmusetsa? Re nyoko bolabola ka diputsiso tsowa ga dihlogotaba tsa go latela.