1-2. (a) Tso tsa go sinya king, fote re ka maka byang gore re di hlule? (Lebelela le “Hlatollo ya Mantsu.”) (b) Re nyoko bolabola ka ying ga hlogotaba yowa le ga dihlogotaba tse dingwana tsa gore re di kraya ga Sewokamelo sowa? (Lebelela le taba ya gore, “Lune bo le Balang, Molayetsa ke Wowa” ya gore yi nyarela ga kgatiso yowa.)

 AYITSANO o ka jabolela go di tšiba tsa gore Jehova o go nyaka ka matla go segela kaye? Mokgwa wa gabutši wa gore o ka kraya phetolo ke wowa: Tšhuta ka tso a di makiyeng gore a thogo go phonisa ga tso tsa go sinya le likgu. Tso tsa go sinya a ke lenaba le legolo, lenaba la gore a go na le motho ye a ka le hlulang. Ka mokana ga rune re fo dulela go sinya mo bo na bo sile fote re ya kgwa ka taba la tso tsa go sinya. (Marom. 5:12) Mara go na le ditaba tsa go bafala. Re ka di hlula tso tsa go sinya mo re gelepa ke Jehova. Gabutšibutši, taba ya gore re nyoko hlula a yi setori!

² Go šele go fitiye gana hala ga 6 000 ya mengwaga Jehova a kene a gelepa batho gore ba thogo hlula tso tsa go sinya. Ke ntaba mara? Ka taba la gore o re nyaka ka matla. Ke mo a kene a nyaka batho ka matla go tlugisela a ba maka, byalo o makiye dilo tsa go tlala gore a thogo ba gelepa gore ba hlule tso tsa go sinya. Modimo wa di tšiba gore maphomela ya tso tsa go sinya ke likgu, fote aa nyake gore re kgwe. O nyaka gore re phele go ya go yye. (Marom. 6:23) Ke tso a go nabelelang tsona. Ga hlogotaba yowa, re nyoko bolabola ka diputsiso kararo ya tsona, ke tsowa: (1) Jehova o makiye gore batho ba gore baa sinya ba be le tshepo yifeng? (2) Batho ba go sa yenela ba gore ba phidiye ka dinako tsa Bhayibele ba makiye ying gore ba thogo jabodisa Jehova? (3) King so Jeso a se makiyeng gore a phonise batho ga tso tsa go sinya le likgu?

 JEHOVA O MAKIYE GORE BATHO BA GORE BAA SINYA BA BE LE TSHEPO YIFENG?

3. King so se makiyeng gore Adamo le Efa ba sinye?

³ Mo Jehova a maka monna le mosadi ba mathomo, ke mo a nyaka gore ba jabole. O ba neyye ga go dula ga gore go bafele, a maka gore ba šadhe, a ba neya le mmereko wa go jabodisa. Ke mo ba tshwanele gore ba tlatse lefase ka bana ba bona, lefase ka mokana ga lona ne go nyoko ba pharadeyisi go tshwana le tšhomo ya Edeni. O ba neyye molawo ka wwoši wa gore a wo robe. Fote o ba butsiye gore mo ba ka sa theetsele molawo wone, ke mo ba nyoko kgwa. Re ya di tšiba tsa gore go yye gwa makega ying. Lengeloyi la pelo ye phifadu la gore ne le sa kwane le Modimo kela batho, le yye la woka Adamo le Efa gore ba sa theetsele Modimo. Adamo le Efa ba f’lo maka tso lengeloyi la pelo ye phifadu, Sathane, ne le nyaka gore ba di make. A sanka ba tshepa Papa wa bona wa gore ne a ba nyaka ka matla, mara ba yye ba theetsela Sathane ke mokane ba sinya. Tso Jehova a di hlayyeng di f’lo makega ka mokgonone. Go tlugisela ka letšatši lolone go ya mahlong, ne ba nyoko kraya maphomela ya tso ba di makiyeng: ba yye ba thomisa go tsofala ke mokane ba feleletsa ba kgwile.—Gen. 1:​28, 29; 2:​8, 9, 16-18; 3:​1-6, 17-19, 24; 5:5.

4. Ke ntaba Jehova a hloyye tso tsa go sinya fote ke ntaba a re gelepa gore re thogo di hlula? (Maroma 8:​20, 21)

⁴ Jehova o makiye gore taba yowa ba yi ngwale ka ho Bhayibeleng gore re thogo kwisisa taba ye nngwana ye kgolo. Yi re gelepa gore re thogo kwisisa gore ke ntaba a hloyye tso tsa go sinya. Tso tsa go sinya di maka gore senghana sa rune le Jehova se sinyege dya boya di maka gore re kgwe. (Jes. 59:2) Sathane o hloyye Jehova le batho. Nka taba lo a yyeng a woka Adamo le Efa gore ba sinye, fote o fo ya mahlong a maka ka mokgonone le lekgono. A ka fo ba a yye a nagana gore o hludiye hala tšhomong ya Edeni. Mara ke mo a sa di kwisisi gore Jehova o nyakanana ka matla. Modimo a sanka a tšhentšha tso ne a nyoko di makela ditlogolwane tsa Adamo le Efa. Batho o ba nyaka ka matla, byalo o yye a yakgoswa a maka gore batho ka moka ba be le tshepo. (Bala Maroma 8:​20, 21.) Jehova ke mo a di tšiba gore ditlogolwane tse dingwana ke mo di nyoko kgeta go mo mamarela fote ne di ko nyaka go gelepiwa gore di lwe le taba ya go sinya. Fote Jehova o makiye gore di be lula gore ditlogolwane tsone di šutele thina naye le gore di thogo phonisiwa ga tso tsa go sinya le likgu. Mara Jehova ne a nyoko maka ying gore dilo tsowa ka mokana ga tsona di pase?

5. Jehova o šupetsiye leng la mathomo gore batho ba go sinya ba na le tshepo? Hlatolla. (Genesi 3:15)

⁵ Bala Genesi 3:15. Jehova o napiye a re o nyoko fetsa ka Sathane ke mokane a maka gore batho ka mokana ga bona ba be le tshepo. Modimo o hlayye gore go nyoko ba le “ngwana” wa gore o nyoko phonisa batho. Ngwanene o nyoko feleletsa a potannye Sathane ke mokane a lukisa mathatha ka mokana ga wona yaa Sathane a ma thomisiyeng ku tšhomong ya Edeni. (1 Joh. 3:8) Mara ngwanene ne a nyoko hlupegisiwa. Sathane ne a nyoko mo hlasela, a maka gore a kgwe. Tsotsone ne di nyoko maka gore Jehova a kwe go baba ka matla. Mara Jehova ke mo a tikemisele go kwa go baba fote a lisetsa “ngwana” gore le yene ba mo kwise go baba gore a thogo phonisa batho ba go tladisa mohlolo ga taba ya go sinya le likgu.

BATHO BA GO SA YENELA BA GORE BA PHIDIYE KA DINAKO TSA BHAYIBELE BA MAKIYE YING GORE BA THOGO JABODISA JEHOVA?

6. Abele, Nnowa le ba bangwana ba go tshepega ba makiye ying gore ba thogo šutela thina le Jehova?

⁶ Mo mengwaga yi kene yi takamela, Jehova o yye a yi yedisa ka gonyana ka gonyana taba ya gore batho ba gore baa sinya ba ka maka byang gore ba šutele thina naye. Abele, wa gore ke morwayi wa mabedi wa Adamo le Efa, ke mo go le motho wa mathomo wa go ba le tumelo ga Jehova ka nthago ga gore ba sa Mo theetsele ku Edeni. Ka taba la gore Abele ne a mo nyaka ka matla ga Jehova fote  a nyaka go mo jabodisa a boya a šutela thina naye, o yye a makela Jehova sehlabelo. Abele ke mo go le motho wa go disa, byalo o yye a tseya tse dingwana tsa dinkunyana tsage a di hlaba gore a thogo makela Jehova sehlabelo. Jehova o yye a tikwa byang? Ke mo “a jabodisa ke Abele le sehlabelo sage.” (Gen. 4:4) Jehova o yye a jabodisa ke dihlabelo tsa batho ba bangwana ba gore ne ba mo nyaka ka matla fote ba tshepele gage—ba go tshwana le Nnowa. (Gen. 8:​20, 21) Mo a yamogela dihlabelo tsa mošaga wonone, Jehova ke mo a šupetsa gore a ka yamogela batho ba gore a baa yenela fote ba ka nghanelana naye. b

7. King so re se tšhutang ga taba ya gore Abhrahama ne a tikemisele go maka sehlabelo ka morwayi wage?

⁷ Jehova o kgopele Abhrahama, monna wa go ba le tumelo, gore a make taba ye nngwana ya gore yi thathafa ka matla—gore a make sehlabelo ka morwayi wage Isaka. Phela taba yo Abhrahama ba mo kgopeleng gore a yi make, ne yi roba la go sa hlayisege. Le mo go le ka mokgonone, o yye a theetsela Jehova. Mara Modimo o yye a mo yemisa go šele ka go twii gore a make sehlabelo sone. Mošupetso wowa wo re tšhutisa tso Jehova ne a nyoko di maka ku mahlong—ne a tikemisele go neyela ka Morwayi wage wa gore o mo nyaka ka matla gore go be sehlabelo. Nka mokgo Jehova a šupetsang batho bage gore o ba nyaka ka matla.—Gen. 22:​1-18.

8. Dihlabelo tsa go tlala tsa gore Molawo ne wo hlaya gore ba di make, di re gelepa gore re kwisise ying? (Lefitiko 4:​27-29; 17:11)

⁸ Ka nthago ga mengwaga, Molawo wa gore ne ba wo neyye setšhaba sa Israyele ne wo nyaka gore ba make dihlabelo tsa go tlala gore batho ba Modimo ba thogo ba tshwarela ga tso ba di sinnyeng. (Bala Lefitiko 4:​27-29; 17:11.) Dihlabelo tsowa di fo šupetsa gore Jehova ne a nyoko re neya sehlabelo sa go di phala ka moka sa gore ne se nyoko phonisa batho ga tso tsa go sinya. Baporofeta ba Modimo ba ba hlohletsele gore ba hlatolle gore ngwana ye ba ba tshepisiyeng yene, wa gore go yye gwa ba Morwayi wa go hlawolega wa Modimo, ne di nyaka gore a hlupegisiwe le go bolayiwa. Ne a nyoko tshwana le nku ya gore ba maka sehlabelo ka yona. (Jes. 53:​1-12) O fo nagana nje: Jehova ne a nyoko neyela ka Morwayi wage wa gore o mo nyaka ka matla gore go be sehlabelo sa go phonisa batho ga tso tsa go sinya le likgu—gana hone go kena le wene!

KING SO JESO A SE MAKIYENG GORE A PHONISE BATHO GA TSO TSA GO SINYA?

9. King so Johane wa go Kolobetsa a se hlayyeng ka Jeso? (Maheberu 9:22; 10:​1-4, 12)

⁹ Ka mongwaga wa 29 C.E., Johane wa go Kolobetsa o bonne Jeso wa Nazareta ke mokane a re: “Bonaneng Nku ya Modimo, ya gore yi nyoko tlosa go sa yenele ga batho!” (Joh. 1:29) Mantsu yawa ma šupetsa gore Jeso ke mo go le ngwana wa go hlawolega wa gore Modimo ne a mo tshepisiye. Jeso ne a nyoko neyela ka lephelo lage. Mafelelong, ngwana wa Jehova wa gore o nyoko phonisa batho ga tso tsa go sinya ne a šele a segele.—Bala Maheberu 9:22; 10:​1-4, 12.

10. Jeso o šupetsiye byang gore o ‘tlele go bitsa’ bo ba go sinya?

¹⁰ Jeso ne a gelepa ka matlamatla bo ba gore ne ba kgongwetsa ke taba ya go sinya fote o yye a ba fawa gore go be malata yage. Ke mo a di tšiba tsa gore so se makang gore batho ba šinye ba hlupege, nka taba la tso tsa go sinya. Byalo, ke mo a gelepa banna le basadi ba gore ne ba tšibega go le batho ba go sinya ka matla. O yye a berekisa mošupetso, a re: “Batho ba go phelega a ba nyake togotela, mara ba go lwala baa yi nyaka.” O tokegele ka gore: “A ke ya tlela go bitsa batho ba go loka, mara ke tlele ba go sinya.” (Mat. 9:​12, 13) Fote Jeso o f’lo maka ka mokgo a hlayyeng. Mo mosadi ye mongwana a mo hlapisa mawoto ka dinepedi tsage, Jeso o yye a bolabola naye monate ke mokane a mo tshwarela ga tso a di sinnyeng.  (Luk. 7:​37-50) Jeso o tšhutisiye mosadi wa Lesamariya dinnete tse dikgolo le mo a kene a di tšiba tsa gore mosadi yene ne a dula le monna wa gore a yi wage. (Joh. 4:​7, 17-19, 25, 26) Modimo o neyye Jeso matšhika ya go lukisa maphomela ya dilo ka moka tsa go sinya—re ra likgu. Byang mara? Jeso o yye a tsosa batho ba gore ba hlokofele—o tsusiye banna le basadi, bana le batho ba bagolo.—Mat. 11:5.

11. Ke ntaba bo ba gore baa sinya ne ba tikwa ba lokolugiye mo ba na le Jeso?

¹¹ A di makatse mo batho ba gore ne ba ro tlungwela ga tso tsa go sinya ba kwana le Jeso. Ne a kwisisa gore ne ba tikwa byang fote o yye a ba tshwara gabutši. Ne ba sa tšhabe go ya gage. (Luk. 15:​1, 2) Fote Jeso o yye a thanaka a boya a rufa ba mošaga wonone ka taba la gore ne ba dumela gage. (Luk. 19:​1-10) Jeso ke mo a kwelana go baba, go fo tshwana le Papage. (Joh. 14:9) Ga tso Jeso a di makiyeng le ka mokgo ne a tshwara batho ka gona, re tšhuta gore Jehova o kwelana go baba fote bo ba gore a baa yenela o ba nyaka ka matla a boya a nyaka go ba gelepa. Jeso o gelepiye batho gore ba nabele go tšhentšha maphelelo ya bona le gore ba mo latelele.—Luk. 5:​27, 28.

12. King so Jeso a se tšhutisiyeng ka likgu lage?

¹² Jeso ne a di tšiba tso ne di nyoko mo makegela ku mahlong. O butsiye malata yage ga tleletlele gore ba nyoko mo sepela ka fase fote ba nyoko mmolaya phateng ya mohlupego. (Mat. 17:22; 20:​18, 19) Ke mo a di tšiba tsa gore sehlabelo sage ne se nyoko tlosa tso tsa go sinya lefaseng, go fo ya ka mokgo Johane le baporofeta ba hlayyeng. Jeso o hlayye le gore ka nthago ga gore a neyele ka  lephelo lage, ke mo a “nyoko gogela batho ba mehlobohlobo” ho gage. (Joh. 12:32) Bo ba gore ne ba dumela ga Jeso ba boya ba theetsela melawo yage ne ba nyoko jabodisa Jehova. Hala ba makiye ka mokgonone, ne ba nyoko fetsa ba “lokolliwe ga tso tsa go sinya.” (Marom. 6:​14, 18, 22; Joh. 8:32) Byalo, Jeso o yye a šišimala fote ke mo a tikemisele go kgwa likgu la go baba gore a thogo re phonisa.—Joh. 10:​17, 18.

13. Jeso o kgwile byang, fote likgu lage le re tšhutisa ying ka Jehova Modimo? (Lebelela le sethombhe.)

¹³ Jeso ba yye ba mo sepela ka fase, ba mo tshwara, ba mo kweranya, ba mo sinya lebitso, ba mo yahlula gore o sinnye, ba boya ba mo hlupegisa. Mafelelong masole ma yye ma kokotela Jeso phateng ya mohlupego gore ma thogo mmolaya. Mo a kene a tiyisele dilo tsa go baba a kene a tshepega, ke mo go na le Ye mongwana wa gore ne a kwa go baba ka matla. Motho yene ke Jehova Modimo. Jehova ke mo a na le matšhika fote a kgona go maka gore morwayi wage a sa hlupege mara aa maka ka mokgonone. Ke ntaba? King sa gore se ka maka gore Papa wa go nyakanana a make dilo ka mokgonone? Ka taba la gore Jehova o re nyaka ka matla. Jeso o hlayye gore: “Modimo o nyakiye lefase ka matla a šinya a neyela ka Morwayi wa gore o fo ba a ntoši, gore ye mongwana le ye mongwana ye a dumelang gage a sa bolayiwi mara a kraye lephelo la go ya go yye.”—Joh. 3:16.

14. Sehlabelo sa Jeso se go tšhutisa ying?

¹⁴ Sehlabelo sa Jeso ke mong selo se segolo sa go šupetsa gore Jehova o kwana ka matla le ditlogolwane tsa Adamo le Efa. Phela taba yowa, yi fo napa yi šupetsa gore wene, Jehova o go nyaka ka matla. O yye a maka sehlabelo ka Morwayi wage wa gore o mo nyaka ka matla a boya a kwa go baba la go sa hlayisege gore a thogo go phonisa ga taba ya go sinya le likgu. (1 Joh. 4:​9, 10) Eya, o nyaka go gelepa ye mongwana le ye mongwana wa rune gore a lwe le tso tsa go sinya—fote o nyaka gore o hlule!

15. King so re tshwaneleng re se make gore sehlabelo sa Jeso so Jehova a re neyyeng se thogo re berekela?

¹⁵ Taba yo Modimo a re makeleng yona, ya go tseya Morwayi wage wa gore o fo ba a ntoši gore go be sehlabelo, yi maka gore di kgonege gore ba re tshwarele ga tso re di sinnyeng. Mara gore Modimo a re tshwarele, di nyaka re make se sengwana. King sosone? Johane wa go Kolobetsa le Jeso ba re botsa gore re make ying: “Sokologaneng, ka taba la gore Mmušo wa magedimo wo šutele.” (Mat. 3:​1, 2; 4:17) Byalo, di nyaka re sokologe ga tso re di sinnyeng mo nkare re nyaka go šutela thina le Jehova le gore a re tshwarele ga tso re di sinnyeng. Mara ba ra gore king mo ba re go sokologa, fote go re gelepa ka mokgo mang gore re thogo jabodisa Jehova le mo nkare a re ya yenela? Hlogotaba ya go latela yi nyoko re neya phetolo.