1-2. Ga hlogotaba yowa re nyoko petapeta ka ying?

KA DINAKO tse dingwana re ka nagana ka taba ya gore lephelo a le ya lefa fote matšatši ya rune ma “tlele ka mesasamelo.” (Jobo 14:1) Byalo, dya kwisisega mo re fela re kgongwela. Malata ya go tlala ya Jehova ya ku botala, ke mo ma tikwa ka mokgonone. Ba bangwana ke mo ba nabela le go kgwa. (1 Mag. 19:2-4; Jobo 3:1-3, 11; 7:15, 16) Mara Jehova Modimo wa gore ba mo tshepiye ka matla, o yye a sa lesetse go ba tiyisa. Dilo tsowa ka mokana ga tsona di ngwadiwwe gore di thogo re kgomoletsa le go re yetetsa.—Mrm. 15:4.

² Ga hlogotaba yowa, re nyoko petapeta ka malata ya mangwana ya Jehova ya gore ma yye ma tiyisela tsa go ma kgongwetsa, malata yane ke Josefa morwayi wa Jakobo, mosadi wa go kgwela ke monna ye ba reng ke Nawumi le makoti wage ye ba reng ke Ruthi, Lelifi la gore le yye la ngwala Pisalema 73 le Petro wa lepostola. Jehova o yye a ba tiyisa byang? Fote king tso re ka di tšhutang mo ga bona? Diphetolo tsa gona di fo ba lekgwaying gore “Jehova o thina le ba dipelo tsa go kwa go baba,” fote o “phonisa bo ba gore ba kgongwele.”—Pis. 34:18.

3-4. King so se yyeng sa makegela Josefa mo a sa le mosogana?

³ Josefa ke mo a na le gana hala ga 17 ya mengwaga mo a tlela ke meloro ka mmedi ya gore yi tšwa ga Modimo. Meloro yone yi šupetsa gore Josefa tšatši le lengwana ke yene a nyoko tshwarang mutši wa gabo. (Gen. 37:5-10) Mara ka nthago ga mo Josefa a loriye, lephelo lage le yye la tšhentšha ka matla. Tsela tsa gore o nyoko hlompiwa a dya makega, bo bhuti bage ba yye ba mo rekisa. Ke mokane a ba lebhantiti ga ndhuna ya ku Egepita ye ba reng ke Potifaro. (Gen. 37:21-28) Di so yi kgole, Josefa wa gore papage  ke mo a kwana naye ka matla, o yye a feleletsa go le lebhantiti la ndhuna ya ku Egepita ya gore a yi rapele Modimo.—Gen. 39:1.

⁴ Mathatha ya Josefa ke mo ma le thina le go tokegelana. Mogatsa Potifaro o yye a bolabolela Josefa matsaka ya gore ke mo a nyaka go mo reyipa. Potifaro a sanka a tihlupa ka go nyakolla ditaba, o yye a fo fošela Josefa jele ba boya ba mo tšhokela ka diketane. (Gen. 39:14-20; Pis. 105:17, 18) O fo nagana nje gore mosogana ye ba reng Josefa o yye a tikwa byang mo ba mo thomela matsaka ya gore ke mo a nyaka go reyipa. O fo nagana gore matsaka yane ma psyirelannye lebitso la Jehova ka mokgo mang. Wa tšiba a di makatse mo Josefa a tikwa a kgongwele!

5. Josefa o yye a hlula go kgongwela ka mokgo mang?

⁵ Nakwela go le lebhantiti ke mokane a fošediwa jele ke mo go se na so a ka se makang. O yye a tseya dilo byang? Tsa gore ke mo a sa sa kgona go di maka a sanka a dulela go nagana ka tsona, o f’lo ya mahlong a maka mmereko wo ba mo neyyeng wona. Ga go tlala Josefa ke mo a beyye Jehova mahlong lephelong lage. Ke mokane Jehova a rufa dilo ka mokana ga tsona tso Josefa a di makang.—Gen. 39:21-23.

6. Tso Josefa a yyeng a di lora di ka fo ba di yye dya mo kgomoletsa go segela kaye?

⁶ Di ka makega gore mo Josefa a fela a nagana ka meloro ya tso di nyoko makegang ku mahlong, tsotsone di yye dya mo tiyisa ka matla. Ke mo yi šupetsa gabutši gore o sa nyoko bona ba gabo fote, le gore seyemo so a leng ga sona se nyoko tšhentšha. Fote tsotsone di yye dya makega. Mo Josefa a na le gana hala ga 37 ya mengwaga, tso a di loriyeng di yye dya makega nkare ke mohlolo!—Gen. 37:7, 9, 10; 42:6, 9.

7. Petro wa Mathomo 5:10, yi re king so se ka re gelepang gore re tiyisele mo re gahlana le tsa go re ghula?

⁷ Tso re di tšhutang. Re gopotsiwa gore batho ba lefase lowa ba na le lešidi fote a ba tshwarane gabutši. Le mong magageru ma ka re kwisa go baba. Mara mo nkare re tseya Jehova go le mo re ka tšhabelang gona, re ka sa šepisi  kela ra lesetsa go mmerekela. (Pis. 62:6, 7; bala 1 Petro 5:10.) O sa lebale gore Josefa ke mo a na le gana hala ga 17 ya mengwaga mo Jehova a maka gore a lore. Di fo ba lekgwaying gore Jehova malata yage ya gore ma sa gola wa ma tshepa. Lekgono ba go tlala ga bo ba gore ba sa gola, ba tshwana le Josefa. Le bona ba na le tumelo ga Jehova. Ba bangwana ba yye ba fo fošediwa jele ka taba la go tshepegela Modimo.—Pis. 110:3.

8. King so se makegeleng Nawumi le Ruthi?

⁸ Ka taba la gore polekeng ya mo ne ba dula gona ku Juda ne go wile tlala ye kgolo, Nawumi le ba mutši wage ba yye ba tloga ke mokane ba ye dula Mowaba. Mo ba le gana ku Mowaba, monna wa Nawumi ye ba reng ke Elimeleke o yye a hlokofala, ke mokane a mo šiya le barwayi bage ka babedi. Mo nako yi kene yi ya, barwayi bala ba yye ba tseya basadi ba gana ku Mowaba, bo ba reng ke Ruthi le Oropha. Mo go šele go fetiye gana hala ga lesome la mengwaga, barwayi ba Nawumi ba yye ba hlokofala, ba šiya go se na le mong ngwana. (Rut. 1:1-5) O fo nagana gore basadi bowa kararo ga bona ba yye ba kwa go baba go segela kaye! Nnete ke gore Ruthi le Oropha ba ka fo tseyiwa fote. Byalo mokgekolo yewa o nyoko bona ke mang barena? Nawumi di yye dya mo kgahleletsa ka matla la go šinya a re: “Le sa sa mpitsa Nawumi. Mpitseneng Mara, ka taba la gore wa Matšhika ka mokana ga wona o makiye gore lephelo laka le galake.” Nawumi wa gore o kwile go baba ka matla o yye a fetsa ka gore o boyela Bhetlelehema, fote Ruthi a mo šala nthago.—Rut. 1:7, 18-20.

9. Ruthi 1:16, 17, 22, yi re Ruthi o yye a mo tiyisa byang ga Nawumi?

⁹ So se makiyeng Nawumi gore a tikwe a kgibiye ke go tšiba gore o nyakiwa ka matla. Mo re beyisa, Ruthi o šupetsiye gore ga Nawumi o mo nyaka ka matla ka go šika naye. (Bala Ruthi 1:16, 17, 22.) Ruthi ke mo a šikilela yene le Nawumi ka go hlokotša korong ku Bhetlelehema. Tsotsone di makele Ruthi lebitso la gabutši ka matla.—Rut. 3:11; 4:15.

10. Jehova o šupetsiye ka mokgo mang gore bo ba go tihlupegela go tshwana le Nawumi le Ruthi o ba nyaka ka matla?

¹⁰ Jehova o neyye Maisrayele molawo wa go šupetsa go kwelana go baba a makela bo ba go tihlupegela go tshwana le Nawumi le Ruthi. O butsiye batho bage gore mo ba buna ba sa nape ba nota ka moka, ba šiye ku mathoko gore bo ba go tihlupegela ba thogo hlokotša gona. (Lef. 19:9, 10) Byalo ke mo di sa nyake gore Nawumi le Ruthi ba tsame ba zombhela tsa go ja. Ne di nyaka ba kraye tsa go ja ka mokgwa wa go ba le serithi.

11-12. Bhowase o yye a maka ying sa gore Nawumi le Ruthi ba yye ba šala ba jabodiye?

¹¹ Mong wa tšhomo yo Ruthi ne a hlokotša korong ga yona ke mo go le morene mongwana wa go ghanya ka matla ye ba reng ke Bhowase. O yye a tseya Ruthi gore go be mosadi wage ka taba la gore o yye a tikisa ke ka mokgo ne a tshwere matsalage ye ba reng ke Nawumi ka gona ke mokane a boya a ba gelepa gore ba kraye tso go leng tsa mutši wa bona. (Rut. 4:9-13) Bhowase le Ruthi ba yye ba ba le ngwana ye lebitso lage ba reng ke Obete, wa gore o yye a ba kokwane wa Kgoši Dafita wa monna.—Rut. 4:17.

¹² O fo nagana ka mokgo Nawumi a yyeng a jabola ka gona mo a kakudiye Obete a kene a kgotolela Jehova so se leng ka pelong yage! Mara ke mo go sa na le tsa gabutši tso di sa ba yemeleng ku mahlong. Mo ba tsusiwa, ba nyoko di kwelela tsa gore Obete ke mo go le makgolokuku wa Mesiya ye ne a tshepisiwwe, Jeso Kreste!

13. Ke taba yifeng ye kgolo ya gore re ka yi tšhuta ga Nawumi le Ruthi?

¹³ Tso re di tšhutang. Mo re gahlana le tsa go re ghula re ka tikwa re kgongwele fote re kwa go baba. O ka kraya re sa tšibi gore re ka kena ka kaye. Mo go makega tsa mošaga wonone di nyaka re tshepele ga Papa wa rune wa ku legedimong  re boye re mamarelane le magageru. Nnete ke gore a yi ka moka nako mo Jehova a ka tlusang mathatha ya rune. Mo re beyisa, a sanka a maka gore mogatsa Nawumi le barwayi bage ba boye nthago. Mara o nyoko re gelepa gore re thogo tiyisela a berekisa magageru gore ma make dilo tsa go šupetsa gore ma re nyaka ka matla.—Diy. 17:17.

14. Ke ntaba Lelifi le lengwana le yye la kgongwela ka matla?

¹⁴ Ye a ngwadiyeng Pisalema 73 ke mo go le Lelifi. Tsotsone di rela gore ne a na le mmereko wa mayemo ya gedimo wa go berekela Jehova ga poleke yo ba mo rapelang ga yona. Le mo go le ka mokgonone, ke mo a fela a kgongwela. Ke ntaba? O yye a thomisa go jelasela bo ba dipelo tse diphifadu ba gore fote ba na le magetla, go se ka taba la tsa go befa tso ba di makang mara ka taba la gore ba bonala di ba sepelela gabutši. (Pis. 73:2-9, 11-14) Di bonala nkare a ba gayele selo—ba ghannye, ba phela mothebenene, fote a ba šekele ka selo. Go phomelela ga bona ka tsa lephelo go kgongwetsiye mopisalema yewa la go šinya a re: “Nnete ke gore ke leketsiye ka matla go maka dilo gabutši ke boya ke kganela kgole le go maka tsa go kekema mara a dya mperekela.” Di fo ba lekgwaying gore ke mo a le thina le go goromela.

15. Pisalema 73:16-19, 22-25, yi re Lelifi lo le ngwadiyeng puku ya pisalema le yye la hlula go kgongwela ka mokgo mang?

¹⁵ Bala Pisalema 73:16-19, 22-25. Lelifi le “kenne ga poleke ya go hlawolega ya Modimo.” Gana hone di ka makega gore ke mo a dula a na le bo a rapelang nabo, a thogo beba, a nagana gabutši a boya a rapela ka seyemo sage. O yye a feleletsa a di bona gore tso ne a di nagana ke tsa bophokophoko, fote di ka maka gore a keketlele ku kgole le Jehova. Fote o di bonne gabutši gore bo ba dipelo tse diphifadu ba yemme “ga go thelela,” tsa bona di nyoko fela “ka go sasamela.” Ke mo di nyaka gore mopisalema yewa wa Lelifi a lebelele dilo ka lihlo la Jehova gore a thogo lesetsa go ba le jelase le go fela a kgongwela. Go maka ka mokgonone, go yye gwa maka gore a boyele a kgibe fote a boye a jabole. O yitseri: “Mo ke na le [Jehova] a ke gayele selo.”

16. King so re ka se tšhutang ga Lelifi lowa?

¹⁶ Tso re di tšhutang. Tla re sa jelaseleneng batho ba dipelo tse diphifadu mo ba bonala nkare  di ba sepelela gabutši. Mojabolo wa bona yi fo ba moya fote a wo tshwarelele. (Mmo. 8:12, 13) Go jelasela bona go fo tshwana le go tipitsela go kgongwela le go keketlela kgole le Modimo. Mo nkare le wene dya go kena tsa go jelasela bo ba go bonala nkare di ba sepelela gabutši, yakgoswa o make so Lelifi le yyeng la se maka. Theetsela mo Modimo a go yetetsa o boye o nghanelane le bo ba gore ba maka tso Jehova a di nyakang. Mo nkare ga Jehova o mo nyaka ka matla, o nyoko jabola tsa mannete. O nyoko dula o sepela ga pata ya “lephelo la mannete.”—1 Thim. 6:19.

17. King so se makiyeng Petro gore a kgongwele?

¹⁷ Petro wa lepostola ke mo go le monna wa matšato; mara ka dinako tse dingwana ke mo a na le magaba a boya a tabogela go bolabola ka mokgo a tikwang. Ka dinako tse dingwana ne a bolabola kela a maka dilo tsa gore ne a feleletsa ka go tisola. Mo re beyisa, mo Jeso a botsa mapostola yage gore o nyoko hlupegisiwa a boya a kgwa, Petro o yye a re: ‘O ka sa lesetse dilo tsone di go makegela le ka gonyana.’ (Mat. 16:21-23) Jeso o yye a wolola Petro. Mo mogoba wa batho wo tl’le tshwara Jeso, Petro ka magaba o yye a tlupula tsebe ya lebhantiti la moprista ye mogolo. (Joh. 18:10, 11) Fote Jeso o yye a boya a wolola lepostola lone. Go tokegela gana hone, Petro o yye a titeya sekguba ka gore le mo mapostola ma ka lahla Kreste yene a ka sa tsoge a di makiye tsotsone! (Mat. 26:33) Go titshepa ka matla hone ga Petro go yye gwa šaša ka taba la go tšhaba batho, fote o yye a phiga Jeso gararo. Petro wa gore o kgongwele ka matla “o yye a tšwela ka tawong, a thomisa go lla ka sethakga.” (Mat. 26:69-75) Ke mo a tiputsisa gore nje Jeso o nyoko tsoga a mo tshwarele.

18. Jeso o gelepiye Petro ka mokgo mang gore a thogo hlula go kgongwela?

¹⁸ Le mo go le ka mokgonone, Petro a sanka a yikela go kgongwela go maka gore a lesetse go berekela Jehova. Ka nthago ga tsa go kekema  tso a di makiyeng, o yye a boyela a ba le mapostola ya mangwana. (Joh. 21:1-3; Meber. 1:15, 16) King so se mo gelepiyeng gore a tiyelele fote? Jeso o yye a rapelela taba ya gore tumelo ya Petro yi sa šehle, tsotsone Petro ke mo a sa di gopola fote Jeso o yye a mo hlohletsela gore a ye a tiyise mapostola ya mangwana. Jehova o yye a fetola morapelo wone wa go tšwa pelong. Ka nthago, a re kamake gore mo Jeso a nyarela ga Petro ke mo tl’le mo tiyiseng. (Luk. 22:32; 24:33, 34; 1 Makor. 15:5) Jeso o yye a nyarela ga mapostola yage ka nthago ga mo ma leketsiye go loba dihlapi mara ma sa kraye selo. Ka nako yonone, Jeso o yye a šupetsa Petro gore o sa na a mo nyaka ka matla. Jeso o šupetsiye gabutši gore o mo tshwarele ga monghanage a boya a mo neya le mmereko wo mongwana fote.—Joh. 21:15-17.

19. Pisalema 103:13, 14, yi re mo re maka tsa go kekema Jehova o re tseya byang?

¹⁹ Tso re di tšhutang. Ka mokgo Jeso a yyeng a tshwara Petro ka gona di šupetsa gore o kwelana go baba le gore fote o tseyele ga Papage. Le rune mo re ka tšhoga re kekemisiye go gongwana re sa nape re fetsa ka gore go fediye ka rune. Re sa lebale gore Sathane o nyaka re tikwa ka mokgonone. Mara tla re leketseneng ka matla go tshwarela bo ba re kwisiyeng go baba re boye re titseye ka mokgo Papa wa rune wa legedimong wa gore o kwelana go baba a re tseyang ka gona.—Bala Pisalema 103:13, 14.

20. Ga hlogotaba ya go latela re nyoko petapeta ka ying?

²⁰ Mošupetso wa Josefa, Nawumi le Ruthi, Lelifi le Petro wo re šupetsa gore “Jehova o thina le ba dipelo tsa go kwa go baba.” (Pis. 34:18) Ka dinako tse dingwana o lesa tsa go sasamela le tsa go re kgongwetsa di re wela. Le mo go le ka mokgonone, mo Jehova a re gelepa gore re tiyisele tsa go re ghula, tumelo ya rune yi napa yi ro hluhlutela. (1 Pet. 1:6, 7) Ga hlogotaba ya go latela re nyoko bona ka mokgo Jehova a thegang malata yage ya go tshepega ya gore ma kgongwele, di ka makega go le ka taba la go sa yenela ga wona kela ka taba la seyemo so ma hlakanang naso sa go gakga.