Jehova o yye a hlohletsela Maisrayele gore di nyaka ma hlawolege. Gore ma thogo hlawolega, o ma butsiye gore: “O sa tsame o sinya lebitso la wa genu mo bathong. O sa make selo sa gore se ka beya lephelo la motho ye mongwana kotsing. Ke nna Jehova.”—Lef. 19:2, 16.

Mantsu ya gore “go ganana” ma hlatolla gabutši mantsu ya ne ba ma berekisiye ga Seheberu, mara ma ra gore king? Tse dingwana tso di hlatollang puku ya Lefitiko tsa Sejuda di re: “Temanyana yowa . . . a di lula go yi hlatolla ka taba la gore mantsu yawa ya Seheberu ya gore ma re ‘o sa lwisane naye’ maa thathafa go ma kwisisa.”

Ba bangwana ba go tšhutega ba nagana gore mantsu yane ma sipidisana le mantsu ya ma leng ga temanyana 15, ya gore: “Di nyaka le yahlule ka go loka. O sa hlawole motho wa go tihlupegela fote o sa kraye o kgeta go yema le wa go ba le mayemo. O yahlule wa genu gabutši.” (Lef. 19:15) Byalo, molawo wo wo leng ga temanyana 16 wa gore ba sa ‘beye lephelo la motho kotsing,’ ne wo rela gore batho ba Modimo ne ba sa tshwanela go maka selo sa gore se ka kwisa motho ye mongwana go baba, go ka ba khota, ga tsa bhizinisi kela ka mutšing fote ne ba sa tshwanela ba make bošakašakane gore dilo di thogo berekela bona beng. Nnete ke gore a re ya tshwanela go maka dilo tsowa, mara go na le taba ye nngwana yo yi ka re gelepang gore re thogo kwisisa gabutši mantsu yawa ma leng ga temanyana 16.

Lebelela mantsu ya mathomo ya ma leng ga temanyana 16. Modimo o yitseri batho bage ba sa tsame ba sinya ba bangwana lebitso. Ke nnete gore mo motho a seba ye mongwana, a ka tsosa mathatha mara mo a sinya ye mongwana lebitso o ko ba a thindiye mokgu. (Diy. 10:19; Mmo. 10:12-14; 1 Thim. 5:11-15; Jak. 3:6) Ga go tlala, motho wa gore o sinya ba bangwana lebitso, o ba a bolabola matsaka ka bona gore ba ba tseye ka mokgo mongwana. Motho wa go sinya ba bangwana lebitso a ka bolabolela motho ye mongwana matsaka le mo a kene a bona gore tsotsone di ka beya lephelo la motho yenene kotsing. O ka fo ba o sa gopola ka banna bala ba gore ba yye ba bolabolela Nabhothe matsaka la go šinya ba mo kgahla ka matlapa. (1 Mag. 21:8-13) Eya, sekopa sa mabedi sa Lefitiko 19:16 se hlayye gore motho wa go sinya ye mongwana lebitso, a ka beya lephelo la motho yenene kotsing.

Go tokegela gana hone, motho a ka sinya ye mongwana lebitso go le ka taba la gore o mo hloyye. Ga 1 Johane 3:15, re bala gore: “Ye mongwana le ye mongwana ye a hloyyeng bhuti wage wa bolaya, fote le ya di tšiba tsa gore motho wa go bolaya a ka sa kraye lephelo la go ya go yye.” Ka nthago ga gore Modimo a re, “O sa make selo sa gore se ka beya lephelo la motho ye mongwana kotsing,” o tokegele ka gore: “O sa hloye bhuti wago ka pelong yago.”—Lef. 19:17.

Byalo, molawo wa go sa tlwayelega wo wo leng ga Lefitiko 19:16, wo yeletsa Makreste ka matlamatla. Di nyaka re kganele kgole le go nagana dilo tsa go befa fote re sa sinyi motho ye mongwana lebitso. Mo re ka “beya lephelo la motho ye mongwana kotsing” go le ka taba la gore a re mo kwisisi kela ra yikela mona wo re kutšetsela gore re mo sinye lebitso, tsotsone di ko ba di šupetsa gore re mo hloyye. Makreste di nyaka ma kganele kgole le taba yonone.—Mat. 12:36, 37.