Ayitsano a go na so o se takisiyeng maahlo mo o kene o bala Diwokamelo tsa mongwaga wowa? Lebelela gore ayitsano o ka sa pumutsi mo o fetola diputsiso tsowa:

Mo o beya nako ya go bolabola, go theetsela le go nagana ka Jehova tsotsone di nyoko go berekela ka mokgo mang?

Re nyoko segelela dipheto tsa gabutši, re nyoko ba mathitšere ya gabutši, tumelo ya rune yi nyoko tiyelela, fote re nyoko fo ya re mo nyaka ka matla ga Jehova.—w22.01, maph. 30-31.

Di nyoko re berekela ka mokgo mang mo re ka tshepa Jehova le bo ba yemelang lebitso lage?

Gana byalo ke nako ya gore re di tshepe tsa gore Jehova aa pumutsi mo a maka dilo, re sa kamake tso ba re yetetsang ka tsona kela dipheto tso bagolo ba di segelelang. Mo motšhatšhamelo wo mogolo wo segela, re nyoko theetsela le mo re ka kwa nkare tso ba re yetetsang ka tsona a di ya tlwayelega, di ka sa make kela a di kwale.—w22.02, maph. 4-6.

Lengeloyi ne le ra gore king nakwela le botsa Zakariya ka “vaterepase kela theyipi ya gore yi tshwere ke Zerubhabele [wa gore ke Ndhuna ya Lejuda] ka letsogo”? (Zak. 4:8-10)

Mmono wone wo tiyisiye batho ba Modimo gore tempele yi nyoko fela fote yi nyoko ba ka mokgo Jehova a yi nyakang.—w22.03, maph. 16-17.

O ka maka byang gore o “beyisele . . . ka tso o di bolabolang”? (1 Thim. 4:12)

Re bolabola re kgibiye fote re šupetsa gore re ya hlompa mo re le tšhomong, re yepelela ka pelo ka moka, re dula re fetola megahlanong, re bolabola nnete, re bolabola tsa gore di yagisa ba bangwana fote re kganela kgole le mehlobo ka mokana ga yona ya go kgwasolana.—w22.04, maph. 6-9.

Ke ntaba dilo tso diphoolwane ka dine (kela mmemušo) di tšibegang ka tsona tsa gore ba bolabodiye ka tsona ga Daniyele tema 7 ba di gahlanisiye gwa ba phoolwane ka yyoši yo ba bolabolang ka yona ga Kutullo 13:1, 2?

Phoolwane yo yi leng ga Kutullo 13 a yi fo yemela mmušo ka wweši go tshwana le wa Roma. Byalo, phoolwane yowa yi yemela memmušo ka moka ya dipolotiki ya gore yi na le matšhika ga batho ka moka.—w22.05, leph. 9.

Ke mokgwa wofeng wo re ka šupetsang ka wona gore a re kamake taba ya gore Modimo o lukiye?

Mo nkare ye mongwana o go rogelele, o go kwatisiye kela o go sinyele, kgeta go fo mo tshwarela, o fitise taba yone ya go fo dulela go mo kwatela, ke mokane o lisetse Jehova gore go be yene ye a tshwaraganang le taba yone. O nyoko lukisa tsa go kekema tso ba di sinnyeng.—w22.06, maph. 10-11.

Mo mogageru ba mo kgopele gore a rapele mogahlanong di nyaka a sa lebale ying?

Mo o rapela a wa tshwanela go berekisa nako yone go le ya go wolola phutego kela go ba botsa se sengwana. A di nyake o berekisa “mantsu ya go tlala” ka matlamatla mo mogahlano wo sa thoma. (Mat. 6:7)—w22.07, maph. 24-25.

Ke ka mokgo mang “bo ba makiyeng dilo tsa go sa loka” ba nyoko “tsusiwa gore ba yahludiwe”? (Joh. 5:29)

Ba ka sa ba yahlule ka mokgwa wa gore a yi wona, ba ya ka gore ne ba phela byang ku botala. Ba nyoko ba pombhola ba lebelele gore ba titshwara ka mokgo mang ka nthago ga mo ba ba tsusiye.—w22.09, leph. 18.

Ke polabolo yifeng ya gore yi beyye ke J. F. Rutherford mogahlanong wo mogolo ka September 1922?

Mogahlanong wo mogolo ku Cedar Point, Ohio, U.S.A., o hlayye gore: “Kgoši ya lawola! Byalo lune le na le mmereko wa gore le botse batho ka mokana ga bona ka taba yowa. Byalo, sabalatsaneng, sabalatsaneng, sabalatsaneng ka Kgoši le Mmušo wage!”—w22.10, maph. 3-5.

Jesaya tema  30 yi bolabola ka mekgwa yifeng ka meraro ya gore Modimo wa yi berekisa gore a thogo re gelepa gore re tiyisele dintshitshire?

Tema yowa yi šupetsa gore wa (1) re theetsela fote o fetola merapelo ya rune, (2) wa re yetetsa, fote (3) o re rufa gana byalo le ku mahlong o nyoko maka ka mokgonone.—w22.11, leph. 9.

Ke ntaba re fetsa le pelo gore mantsu ya ma leng ga Pisalema 37:10, 11, 29 ma makegiye ku botala fote le ku mahlong ma sa nyoko makega?

Mantsu ya Dafita ma hlatolla gabutši tso ne di makega ku Israyele, go tshwana le nakwela go lawola Solomoni. Jeso o bolabodiye ka Pharadeyisi yo yi sa tlang fote o hlayye mantsu ya ma leng ga temanyana 11. (Mat. 5:5; Luk. 23:43)—w22.12, maph. 8-10, 14.