Dho. Tso Dafita a di ngwadiyeng dya kwagala fote ke nnete.

Lebelela tso a di ngwadiyeng ga temanyana yone le ga ditemanyana tsa go yelana nayo: “Ke nyoko thanaka lebitso lago go ya go yye mo nkene ke maka tso ke go tshepisiyeng tsona letšatši le letšatši.” “Ke thanaka wene, Wene Jehova Modimo waka, ka pelo yaka ka moka, fote ke nyoko gadimisa lebitso lago go ya go yye.” “Ke nyoko thanaka lebitso lago go ya go yye.”—Pis. 61:8; 86:12; 145:1, 2.

Mo Dafita a ngwala mantsu yawa ke mo a sa nagana gore a ka sa kgwe. Ke mo a di tšiba tsa gore Jehova o hlayye gore batho ba nyoko kgwa ka taba la senyama, Dafita ke mo a di tšiba gore le yene wa sinya. (Gen. 3:3, 17-19; Pis. 51:4, 5) Fote ne a di tšiba tsa gore le mong banna ba gore Modimo o kwana nabo ka matla ba go tshwana le Abhrahama, Isaka le Jakobo ba kgwile. Dafita le yene ke mo a di tšiba tsa gore o nyoko kgwa. (Pis. 37:25; 39:4) Mara mantsu yage ya ma leng ga Pisalema 61:8 ma šupetsa ka mokgo ke mo a tikemisele go thanaka Modimo go ya go yye mo a kene a sa phela. —2 Sam. 7:12.

Ka dinako tse dingwana Dafita ke mo a ngwala ka dilo tso a gahlanneng natso ho lephelong lage, re thogo di bona ga tso a di ngwadiyeng ga lengwalo la Pisalema ditema 18, 51 le 52. Ga Pisalema 23, Dafita o re Jehova ke wa go disa wa gore wa re yetetsa, wa go re yimulla fote le wa go re pasopa. Dafita le yene ne a disa ka mokgonone. Fote ke mo a nyaka go berekela Modimo ‘mo a kene a phela.’—Pis. 23:6.

O sa lebale gore ke Jehova wa go hlohletsela Dafita gore a ngwale dilo ka mokana ga tsona tso a di ngwadiyeng. Ga tso a di ngwadiyeng, go kena le diporofeto tso di hlayang gore go nyoko makega ying ku mahlong. Mo re beyisa ga Pisalema 110, Dafita o ngwadiye ka nako ya mo Morena wage a nyoko “dulang ga letsogo la [Modimo] la go ja” ku legedimong ke mokane a kraya matšhika ya magolo. Gore a make ying? Gore a hlule manaba ya Modimo a boye a “fetse ka go yahlula ditšhaba” ho lefaseng. Dafita ke mo go le makgolokuku wa Mesiya wa gore o nyoko lawola a le ku legedimong fote go le “moprista go ya go yye.” (Pis. 110:1-6) Jeso o hlayye gore seporofeto so se leng ga Pisalema 110 se bolabola ka yene fote se nyoko makega ku mahlong.—Mat. 22:41-45.

Eya, Dafita o hlohletsele ke Jehova gore a ngwale ka dinako tsowa ka dipedi, ka dinako tsage le ka dinako tsa ku mahlong mo ba šele ba mo tsusiye ke mokane a thogo thanaka Jehova go ya go yye. Tsotsone di re gelepa gore re thogo bona gore Pisalema 37:10, 11, 29 yi bereka ga dinako tsa mo ba sa yi ngwala le ga dinako tsa ku mahlong. Tso di makegiyeng ga ditemanyana tsowa, di makegiye ka dinako tsa ku botala ku nageng ya Israyele fote di nyoko makega ku mahlong mo Modimo a maka tso a re tshepisiyeng tsona.—Lebelela serele 8 ga hlogotaba ya gore “O Nyoko ba le Nna Pharadeyising” ga Sewokamelo sowa.

Pisalema 61:8 le ditemanyana tse dingwana tsa go yelana nayo di šupetsa gabutši gore Dafita ke mo a tikemisele go gadimisa Jehova ku Israyele ya botala go segela a kgwa. Fote di šupetsa gabutši gore Dafita o nyoko maka ying ku mahlong mo Jehova a mo tsusiye.