A RE kamake gore o tikwisa ka dilo tsa go tlala tso Jehova a re neyyeng tsona fote o yi leboga ka matla taba ya gore aa gane gore o tikgetele ka mokgo o nyakang go di jabolela ka gona. Sa go jabodisa ke gore Bhayibele yi re wayini re ro neya ke Modimo fote yi re: “Tsa go ja ba di makele gore re jabole, fote wayini yi maka gore re tikwise ka lephelo.” (Mmo. 10:19; Pis. 104:15) Mara o ka fo ba o di bonne tsa gore batho ba bangwana mokgete wo ba tshwarisiye ntshitshire. Fote batho lefaseng ka mokana ga lona a ba tseye taba ya go nwa mokgete go tshwana. King so se ka gelepang Makreste gore ma segelele sepheto sa gabutši mo di tla ga taba ya go nwa mokgete?

Di sa yi ka gore re dula kaye kela re gudisiwwe ga setšo sa mošaga mang, mo re ka lisetsa Modimo gore a re yetetse mo di tla ga taba ya mokgete, tsotsone di nyoko berekela rune dya maka le gore re jabole go ya go yye.

Nakwenngwana o šele o di bonne tsa gore batho ba go tlala ho lefaseng ba kukutlela mokgete ka matla. Ba bangwana ba nwa mokgete ka taba la gore wo maka gore ba fo kwa ba kgehlemele. Ba bangwana ba nwa ka taba la gore ba nyaka gore ba lisetse go šekedisa ke mathatha ya bona. Fote ga dipoleke tse dingwana, batho ba gore ba gaputlela mokgete ka matla ba ba tseya go le dikokotla.

Mara Makreste wona, ma na le tsa go hlalefa tsa go ba yetetsa tsa gore di tšwa ga ye a Makiyeng dilo wa gore wa nyakanana. Mo re beyisa, o re pasopisiye ka dilo tsa go baba tsa gore di leya ke taba ya go nwa mokgete ka matla. Re ka fo ba re badiye ga Diyema 23:​29-35 ka dilo tsa go tlala tsa go bolabola ka motho wa go tlayila le maphomela ya go sa jabodisi. a Daniel wa gore ke mogolo ku Yuropo, o gopola ka mokgo lephelo lage ne le le ka gona mo a soko bane a tšhuta ka Jehova le go maka tso a mo yeletsang ka tsona. O yitseri, “Ne ke ro gaputlela mokgete ka matla fote tsotsone di yye dya maka gore ke segelele dipheto tsa gore a di gabutši. Ka taba la tsotsone ke yye ka gahlana le dilo tsa go baba ka matla fote le gana byalo ke kwa go baba ka matla mo ke nagana ka tsona.”

Re ka maka byang gore re segelele dipheto tsa go šupetsa gore re hlalefiye mo di tla ga taba ya go nwa mokgete fote le go kganela kgole le mathatha ya gore ma leya ke taba ya go nwa mokgete ka matla? So se ka re gelepang ke gore re lisetse Modimo a re yetetse mo re segelela dipheto.

Tla re boneneng ša gore Bhayibele yi re king ka taba ya go nwa mokgete le gore ke ntaba batho ba bangwana ba nwa mokgete.

Lentsu la Modimo a le yi gane taba ya go nwa mokgete. Gabutšibutši, Bhayibele ya dumela gore go nwa wayini go ka ba selo sa go jabodisa. Re bala gore: “O tijele tsa go ja tsago o jabodiye fote o tinwele wayini wago pelo yago yi yediye.” (Mmo. 9:7) Jeso ne a fela a nwa wayini fote le malata ya Jehova ya mangwana ya go tshepega ma yye ma maka ka mokgonone.—Mat. 26:​27-29; Luk. 7:34; 1 Thim. 5:23.

Le mo yi le gore Lentsu la Modimo a le gane taba ya go nwa mokgete mara le ganana le taba ya go tlayila. Le bolabola le sa jikajiki le re: “Le sa tlayili ke mokgete.” (Maef. 5:18) Fote le hlaya le gore “ba go kwana le go tlayila . . . ba ka sa kene Mmušong wa Modimo.” (1 Makor. 6:10) Eya, Jehova o ganana ka matla le taba ya go gaputlela mokgete le go tlayila. Re sa yekisele tso batho bo re phelang nabo ba di makang, mara re segelele dipheto re lebelele gore king so se nyoko jabodisang Modimo.

Ba bangwana ba tseya nkare ba ka fo gaputlela mokgete wa go tlala mara ba sa tlayili. Phela tsotsone di kotsi ka matla. Mangwalo ma yi beya lekgwaying taba ya gore go ‘kwana le mokgete’ go ka maka gore motho a sinye ka matla fote a sinye senghana  sage le Jehova. (Tito 2:3; Diy. 20:1) Le Jeso o re pasopisiye gore go “nwa ka matla” go ka paraka motho gore a sa kene ga lefase la nyuwane la Modimo. (Luk. 21:​34-36) Byalo, king so se ka gelepang Mokreste gore a sa goromele ga mathatha ya gore ma ka makega lula ma leya ke taba ya go nwa mokgete?

Mo re segelela dipheto ga taba ya go nwa mokgete go kotsi ka matla go fo lebelela gore king so batho ba go tlala ga setšo sa rune ba se makang. Makreste ma maka tsa go jabodisa Jehova go šupetsa gore ma hlalefiye mo di tlala ga taba ya go tshwana le tsa go ja le tsa go nwa. Bhayibele yi re gopotsa gore: “Mo le ja kela le nwa kela le maka se sengwana le se sengwana, le bone gore dilo ka mokana ga tsona tso le di makang di gadimisa Modimo.” (1 Makor. 10:31) Diputsiso tse dingwana le ditšhiko tsa Bhayibele tsa gore o ka nagana ka tsona ke tsowa:

Ayitsano ke nwa mokgete gore ke jabodise ba bangwana? Eksoda 23:2 yi re: “O sa latelele mogoba.” Mowa Jehova ne a pasopisa Maisrayele gore ma sa yekisele batho ba gore ne ba sa mo jabodisi. Tso a ma pasopisiyeng ka tsona di sa na di bereka le ga Makreste ya lekgono. Mo nkare re lisetsa dithaka tsa rune gore di kutšetsele ka mokgo re naganang le dipheto tso re di segelelang ga taba ya go nwa mokgete re ka fo tikraya re šele re kganela kgole le Jehova fote le ga melawo yage.—Marom. 12:2.

Ayitsano ke nwa mokgete gore ba bangwana ba nagane gore ke sekokotla? Ga ditšo tse dingwana go nwa mokgete ka matla go tlwayelegiye fote gwa yamogelega. (1 Pet. 4:3) Mara lebelela so 1 Makorente 16:13 yi re hlohletselang gore re se make, yi re: “Dulaneng le ntshiye maahlo dikwakweng, le tumelo ya lune yi sa tekateke, le šišimale fote le be le matšhika.” Ayitsano mokgete wo ka gelepa motho gore a be le matšhika? Dho. Mokgete wo ka maka gore o sa nagane gabutši fote o make dilo tsa bophokophoko. Byalo, go nwa mokgete wa go tlala a di rele gore motho ke sekokotla. Jesaya 28:7 yi hlatolla motho wa gore o keketlela a tshetsha fote a rapogana ka taba la go nwa mokgete.

Matšhika ya mannete ya re ma hlokang gore re thogo maka dilo gabutši ma tšwa ga Jehova fote ma maka gore re dule re ntshiye maahlo dikwakweng le tumelo ya rune yi sa tekateke, fote re šišimale. (Pis. 18:32) Mokreste wa gore wa tshepega a ka gona go maka tsotsowa ka go dula a ntshiye maahlo dikwakweng fote le ka go segelela dipheto tsa gore di ka sa sinyi senghana sa rune le Jehova. Jeso ke mo a na le senghana sa go tiya ka matla le Jehova fote batho  ba go tlala ne ba mo hlompa ka taba la gore ke mo a na le lešiši fote a tikemisele go maka tsa gabutši.

Ayitsano ke nwa mokgete gore ke sa kwe ke šekedisa ke mathatha yaka? Mopisalema ba mo hlohletsele gore a ngwale gore: “Mo ke kgahleletsa ke mešekelo, o yye wa nkgomoletsa [Jehova] wa boya wa maka gore ke kgibe.” (Pis. 94:19) Mo nkare o šekedisa ke se sengwana tshepela ga Jehova gore a go gelepe o sa tshepele ga mokgete. Mokgwa wa gabutši wo o ka go gelepang gore o sa nape o šekela ka matla ke go rapela. Fote ba go tlala ba krayye gore tso banghana ba bona ba gore ba butšwiye ba ka ho phutegong ba ba yeletsang ka tsona dya ba berekela. Gabutšibutši, go nwa mokgete gore o thogo lebana le dintshitshire go ka maka gore motho a nape a fo totoba mo a tshwanele a make tsa gabutši. (Hos. 4:11) Daniel, ye re bolabodiyeng ka yene, o re: “Ne ke hlupa ke go šekela le go kikita ke lekwalo. Ne ke nwa mokgete gore ke thogo lebana le seyemo sone, mara mathatha ma yye ma fo ya ma pepulana fote ka sa sa ba le banghana le go titshepa.” Mara king so se yyeng sa feleletsa se gelepiye Daniel? O re, “Ke di bonne tsa gore ke hloka Jehova ho thina gaka, a ke hloke mokgete. Ke yye ka feleletsa ke kgona go lebana le mathatha yaka fote ke ro ma hlula.” Taba ke gore Jehova o dula a le gona gore a re yimulle le mo di bonala nkare seyemo se ka sa loke.—Mafil. 4:​6, 7; 1 Pet. 5:7.

Mo nkare ka dinako tse dingwana o nwa mokgete, ke ntaba o sa pombhole ka mokgo o nwang mokgete o berekisa diputsiso tsowa: ‘Ayitsano lešaga lago kela monghanago o yye a bolabola se sengwana ga taba ya ka mokgo o nwang mokgete ka gona?’ Mo nkare go ka mokgonone, sowa se ka šupetsa gore o thomisa go ba le mokgwa kela bothatha bya gore ne o sa bo boni. ‘Ayitsano ke nwa mokgete go phala mathomisong?’ Sone go ka ba seyemo sa motho wa gore o thomisa go ba lebhantiti la mokgete. ‘Ayitsano ke tikraya di nthathafela go sa nwe mokgete matšatšinyana kela go feta hone?’ Mo nkare go ka mokgonone, di ra gore go nwa mokgete go mading kela o mong lebhantiti la mokgete. Di ka nyaka gore o gelepe ke bo ba berekang ka batho ba gore ba topele ga mokgete gore o kgone go hlula bothatha byone.

Ka taba la gore go nwa mokgete go ka leya mathatha, Makreste ya mangwana ma kgetiye gore ma sa tikisi so go leng mokgete. Ba bangwana ba kgetiye go sa nwe mokgete ka taba la gore ba fo kwa  nkare wa tooka. Mo nkare ye mongwana wa banghana bago wo segelele sepheto sa mošaga wonone, o ka mo šupetsa gore o mo kwela go baba ka go hlompa sepheto sage o sa mo solasole.

Kela o bonne di le gabutši gore o mete gore o nwa go segela kaye. Mokreste a ka fo tikgetela gore o nwa go segela kaye. Kela a ka fo tipeyela gore o nyaka go nwa ga kaye, nakwenngwana ga teya ka beke kela a nwa gabutši mo a kene a ja. Ba bangwana ba tikgetele gore ba nyoko nwa mokgete wa mošaga mang, go tshwana le go nwa wayini kela go nwa bhiya gabutši nje mara a sa nwe dipayoni, le mo ba di tebiye ka namoneti. Mo motho a tikgetele gore o nwa go segela kaye, di nyoko ba moroba ho gage gore a sa fitisi. Fote a di hlokege gore Mokreste wa gore o butšwiye a tikwe a tšeba mo nkare o segelele sepheto sone fote a se ngangarele.

Go naganela ba bangwana ke taba ye nngwana ya gore a ra tshwanela go yi lebala. Maroma 14:21 yi re: “Di kawone gore o sa je nama kela wa nwa mokgete kela wa maka selo sa gore se ka phiriketsa mogagenu.” O ka ma berekisa ka mokgo mang mayele yawa? Ka go šupetsa magageru gore o ma nyaka ka matla. Mo o kwa nkare go nwa mokgete go ka fo kwatisa ye mongwana, go nyakanana go nyoko go tšhofa gore o sa nwe mokgete ka letšatši lolone. Mo o maka ka mokgonone o šupetsa gore wa hlompa, o nyaka ba bangwana fote o maka tsa go jabodisa ba bangwana, a o make tsa go jabodisa wene fela.—1 Makor. 10:24.

Go tokegela gana hone, mmušo wo na le melawo ya go bolabola ka mokgete. A go jiki gore Mokreste o nyoko theetsela melawo yone. Melawo yone yi ka go metela mengwaga ga taba ya go nwa mokgete kela ya thibela batho gore ba sa dhrayivi ba kene ba nwa mokgete kela ba berekisa metšhini.—Marom. 13:​1-5.

Jehova o re neyye dilo tsa go tlala tsa go bafala ka matla se sengwana sa tsona ke taba ya go tikgetela gore re di berekisa ka mokgo mang dilo tso a re neyyeng tsona. Ga taba yone go kena le taba ya go tikgetela gore re ja ying le gore re nwa ying. Nkare tso re tikgetelang tsona di ka šupetsa gore re yi tseyela gedimo ka matla taba ya gore re lukulugiye go maka so re se nyakang fote re yi berekise gabutši gore re thogo jabodisa Papa wa rune wa ku legedimong Jehova.