1. Ke ntaba Abhrahama a yye mahlong a tshepa gore o nyoko ba le morwayi?

 JEHOVA o tshepisiye monghanage Abhrahama gore o nyoko ba le morwayi fote ditšhaba ka mokana ga tsona ho lefaseng di nyoko rufiwa ka taba lage. (Gen. 15:5; 22:18) Ka taba la gore Abhrahama ke mo a na le tumelo ya go tiya ga Modimo, ke mo a sa kamake le ka gonyana gore tso Modimo a mo tshepisiyeng tsona di nyoko makega. Le mo go le ka mokgonone, mo Abhrahama a na le 100 ya mengwaga fote mosadi wage yene a na le 90 ya mengwana, bagatša bone ka babedi ke mo ba soko ba le morwayi. (Gen. 21:​1-7) Le mo go le ka mokgonone, Bhayibele yi re: “[Abhrahama] ke mo a tshepa fote a na le tumelo ya gore o nyoko ba papa wa ditšhaba tsa go tlala le mo tsotsone ne di bonala nkare di ka sa makege. O tshepiye tso Modimo a mmutsiyeng.” (Marom. 4:18) Le wene wa di tšiba gore tso Abhrahama ba mo tshepisiyeng tsona di yye dya makega. O yye a ba papa wa morwayi wa gore ke botala ne a tshepa gore o nyoko ba naye, ye ba reng ke Isaka. Ke ntaba Abhrahama ne a sa kamake gore Jehova o nyoko maka tso a mo tshepisiyeng tsona?

2. King so se makiyeng gore Abhrahama a sa kamake gore Jehova o nyoko maka tso a di tshepisiyeng?

² Phela senghana sa thina so Abhrahama ne a le naso le Jehova ke sona so se makiyeng gore a nape a “tshepa gore tso Modimo a di tshepisiyeng” di nyoko makega. (Marom. 4:21) Jehova o yye a yamogela Abhrahama fote a re o lukiye ka taba la gore ne a na le tumelo. (Jak. 2:23) Maroma 4:18 yi hlayye gore Abhrahama ke mo a na le tumelo le tshepo. Gana byalo tla re lebeleleneng tso Pawulo wa lepostola a di hlayang hala ga Maroma tema 5 ka taba ya tshepo.

3. King so Pawulo a se hlatollang ka tshepo?

³ Pawulo o hlatolla gore ke ntaba di nyaka re sa kamake gore tso “re di dumelang di ka sa re tšebisi.” (Marom. 5:5) Fote o re gelepa  go kwisisa ka mokgo tshepo ya rune ya Sekreste yi ka hluhlutelang. Mo re kene re lebelela tso Pawulo a di hlayyeng ga Maroma 5:​1-5, nagana ka tso di yyeng dya go makegela. Mo o maka ka mokgonone, o ko di boneng mo nako yi kene yi ya gore tshepo yago ya tsa ku mahlong yi napa yi ro tiyelela. Fote mo re kene re petapeta ka hlogotaba yowa, yi nyoko re šupetsa gore o ka maka byang gore tshepo yago yi tiyelele go phala gana byalo. Tla re thomiseneng ka go lebelela tshepo yo Pawulo a hlayyeng gore yi ka sa re tšebisi.

4. King so ba petapetang ka sona ga Maroma 5:​1, 2?

⁴ Bala Maroma 5:​1, 2. Pawulo o ngwalele phutego ya Roma mantsu yane. Magageru ya gana hone ne ma tšhutiye ka Jehova le Jeso, ma šupetsa gore ma na le tumelo fote go šele go le Makreste. Nka taba lo Modimo a hlayyeng gore ‘ma lukiye ka taba la tumelo ya wona,’ fote o yye a ma tlotsa ka moya wa go hlawolega. Eya, ma yye ma ba le tshepo ya mannete ya gore fote yi bafele ka matla.

5. Bo ba go tlotsiwa ba na le tshepo yifeng?

⁵ Ka nthago, Pawulo o yye a ngwalela Makreste ya gore ma tlotsiwwe ya ku Efeso ka tshepo yo Modimo a ma neyyeng yona. Ga tshepo yone ne ma nyoko kraya “dilo tse dikgolo tsa gabutši tso a di tshepisiyeng bo ba go hlawolega.” (Maef. 1:18) Fote Pawulo o butsiye Makolosi gore ma nyoko kraya tshepo ya wona kaye. O yitseri ke ‘patela ya bona yo ba yi yemeleng ya ku legedimong.’ (Makol. 1:​4, 5) Ku botala, Makreste ya gore ma tlotsiwwe ne ma na le tshepo ya gore ba nyoko ma tsosa gore ma ye phela go ya go yye ku legedimong ga gore ma nyoko lawola le Kreste.—1 Mathes. 4:​13-17; Kut. 20:6.

6. Mogageru ye mongwana wa gore o tlotsiwwe o yitseri king ka tshepo yo a nang nayo?

⁶ Makreste ya gore ma tlotsiwwe ma na le tshepo yonone. Ye mongwana wa wona ye ba reng ke Mogageru Frederick Franz, o hlayye ka mokgo a tikwang ka tshepo yone, o yitseri: “A ke kamake gore tshepo ya rune yi nyoko makega fote ye mongwana le ye mongwana wa rune ga bo ba 144 000, o nyoko kraya tso Modimo a re tshepisiyeng tsona. Patela ya rune yi nyoko phala selo se sengwana le se sengwana so re nang naso.” Ka 1991, ka nthago ga gore Mogageru Franz a berekele Modimo mengwagangwaga a  kene a tshepega, o hlaye gore: “[Re] sa na re yi tseyela gedimo tshepo ya rune. . . . Mo re yi yemela nako ya go lefa, re napa re yi leboga ka matla. Re tikemisele go yi yemela, re ra le mong miliyoni ya mengwaga. Tshepo ya rune ke yi tseyela gedimo ka matla go phala botala.”

7-8. Malata ya go tlala ya Jehova ma na le tshepo yifeng? (Maroma 8:​20, 21)

⁷ Lekgono batho ba go tlala ba gore ba rapela Jehova ba na le tshepo ya go sa tshwane le yela. Ke tshepo yo Abhrahama ne a le nayo—lephelo la go ya go yye ho lefaseng ga gore go ko ba go lawola Mmušo wa Modimo. (Maheb. 11:​8-10, 13) Pawulo o ngwadiye ka dilo tsa go bafala tso di yemeleng bo ba gore ba na le tshepo yowa. (Bala Maroma 8:​20, 21.) Nakwela go le la mathomo o tšhuta ka tso Bhayibele yi di tshepisang tsa ku mahlong, king sa gore o napiye o se yemela ka maahlo ya makhubedu? Ayitsano ke taba ya gore tšatši le lengwana o nyoko yenela, o sa sa hlupa ke taba ya go sinya? Kela o yye wa jabodisa ke go tšiba gore mašaga yago ya gore ma hlokofele, ma nyoko boya ma phela fote, ga lefase la gore ke pharadeyisi? Ka taba la tshepo yo Modimo a re neyyeng yona, o na le dilo tsa go tlala tsa go bafala ka matla tso o di yemeleng ka maahlo ya makhubedu.

⁸ Le mo nkare re yemele go tikwisa ka lephelo go ya go yye legedimong kela ho lefaseng, ka mokana ga rune re na le tshepo ya go bafala ya go maka gore re jabole tsa nkare re ro booga. Fote tshepo ya rune ya go jabodisa stereka, yi napa yi hluhlutela ka matla. Tso Pawulo a di ngwalang tsa go latela, di hlatolla ka mokgo taba yone yi ka makegang ka gona. Tla re lebeleleneng tso a di ngwadiyeng ka tshepo ya rune. Mantsu yage ma nyoko re gelepa gore re tshepe re tiyisiye gore nnete tshepo yo re nang nayo yi nyoko makega, yi ka sa re šiyi re tšinnye.

9-10. Mo re lebelele mošupetso wa Pawulo, king so Makreste ma ka se yemelang? (Maroma 5:3) (Lebelela le dithombhe.)

⁹ Bala Maroma 5:3. Pawulo o hlayye gore mo ba re kwisa go baba, tshepo ya rune yi napa yi ro tiyelela. Taba yowa yi ka fo re makatsa. Gabutšibutši, ka mokana ga bona bo ba latelelang Kreste, di nyaka ba yemele go hlupegisiwa. Lebelela mošupetso wa Pawulo. O butsiye bo ba leng Thesalonika gore: “Nakwela re na le lune, ke mo re  fela re le botsa gore re nyoko hlupegisiwa, fote . . . go f’lo makega ka mokgonone.” (1 Mathes. 3:4) Fote a ngwalela Makorente gore: “Re nyaka gore le di tšibe magageru, tsa gore re hlorisiwwe . . . Ke mo re sa tšibi gore re ko pheleng kela byang.”—2 Makor. 1:8; 11:​23-27.

¹⁰ Le Makreste lekgono di nyaka ma dule ma di tšiba gore le wona ma ka hlupegisiwa. (2 Thim. 3:12) Wene gee? Ayitsano o yye wa hlupegisiwa ka taba la gore o dumela ga Jeso le gore o thomisiye go mo latelela? O ka fo ba o poyilannye ke banghana le mašaga. Ba ka fo ba ba go tshwere bošidi. Ayitsano taba ya gore o tikemisele go tshepega ga dilo ka mokana ga tsona, yi go bakele mathatha mmerekong? (Maheb. 13:18) Ayitsano o yye wa phigisa ke ba mmušo ka taba la gore o tšhomayelele ba bangwana ka tshepo yo o nang nayo? Le mo go le ka mokgonone, ga seyemo se sengwana le se sengwana so re yyeng ra hlupegisiwa ga sona, Pawulo o re di nyaka re jabole. Ke ntaba?

11. Ke ntaba di nyaka re tikemisela go tiyisela ntshitshire ye nngwana le ye nngwana?

¹¹ Re ka jabola mo re gahlana le tsa go re kwisa go baba ka taba la gore re ya di tšiba gore di nyoko re gelepa gore re be le mokgwa wa gabutši. Maroma 5:3 yi re, “tso di re kwisang go baba di maka gore re tiyisele.” Makreste ka mokana ga wona ma nyoko tlela ke tsa go ma kwisa go baba, byalo di nyaka Makreste ka mokana ga wona ma tiyisele. Di nyaka re tikemisele go tiyisela ntshitshire ye nngwana le ye nngwana yo re gahlanang nayo. Mo re ka maka ka mokgonone, ke gona mo re ko thogo bona tso ba re tshepisang tsona di makega. A di nyake re tshwana le bo Jeso a yyeng a ba tshwanisa le pewu ya gore yi wele matlapeng. Ba thomisiye ka go jabolela lentsu mara ‘mo go nyarela tsa go ba phiriketsa kela tsa go ba kgahleletsa,’ le bona ba yye ba phiriketsega. (Mat. 13:​5, 6, 20, 21) Ke nnete gore go phigisiwa le dintshitshire a di natefe, mara di berekela rune beng mo re fo tiyisela ga tsona fote re ya mahlong re berekela Jehova. Ka mokgo mang mara?

12. Mo re tiyisela dintshitshire, tsotsone di re berekela ka mokgo mang?

¹² Jakobo wa lepostola o šihlele ka mokgo taba ya go tiyisela yi ka re berekelang. O ngwadiye gore: “Mo le kene le ya mahlong le tiyisela le nyoko fetsa le tlwayele, gore le sa be le selabi fote le make dilo ka mokana ga tsona gabutši le sa gayele selo.” (Jak. 1:​2-4) Jakobo o hlatolla taba ya go tiyisela nkare yi na le mmereko wo yi tshwaneleng yi wo make. Ke mmereko wofeng wo taba ya go tiyisela yi tshwaneleng yi wo make? Yi ka go gelepa gore o yeketse ga mekgwa yowa ya go bafala ya go tshwana le go lefisa pelo, tumelo le go tisamela ka Modimo. Le mo go le ka mokgonone, taba ya go tiyisela yi sa na yi re berekela ka mokgwa wo mongwana.

13-14. Go makega ying mo re tiyisela, fote tsotsone di maka gore tshepo ya rune yi be byang? (Maroma 5:4)

¹³ Bala Maroma 5:4. Pawulo o re mo re tiyisela, tsotsone di maka gore “Modimo a re yamogele.” Byalo, mo o tiyisela, Jehova wa go yamogela. Phela tsotsone a di rele gore Jehova o ro hlakela mo wene o gahlana le tsa go go phiriketsa kela mathatha. Mara wa jabola ka taba la gore wene o tiyisela o kene o tshepega. Di re tiyisa ka matla go tšiba gore mo re tiyisela re jabodisa Jehova. Ye lune, mo re ka sa re tsowa ke go rufega, a re sa tšiba!—Pis. 5:12.

¹⁴ Phela o sa lebale gore Abhrahama o yye a gahlana le dintshitshire ke mokane mo a tiyisela a kene a tshepega, Jehova o yye a mo yamogela. Jehova ke mo a tseya Abhrahama go le monghanage fote a lukiye. (Gen. 15:6; Marom. 4:​13, 22) Le ga rune go ka ba ka mokgonone. Modimo aa fo re yamogela fela ka taba la gore mmereko wo re mmakelang wona wo tlele go segela kaye kela re mmerekela re le kaye. Mara Jehova o re yamogela mo re dula re tshepega le mo re kene re thuthana le dintshitshire. Fote a di yi ka gore re na le mengwaga ka mekaye, re ga seyemo sefeng kela re kgona go maka ying, mara ka mokana ga rune re ka di kgona go tiyisela. Ayitsano gana byalo go na le ntshitshire ya gore o yi tiyisele o kene o  tshepega? Mo nkare go ka mokgonone, barena o ka kgomoletsa ke go tšiba gore Modimo wa go yamogela. Mo re di bona tsa gore Modimo wa re yamogela, tshepo ya rune ga dilo tso a nyoko re rufang ka tsona yi napa yi tiyelela.

15. Pawulo o ya mahlong ka gore king fote ke ntaba tsotsone di ka makatsa ba bangwana?

¹⁵ Pawulo o šele a hlatolliye gore Jehova wa re yamogela mo re tiyisela dintshitshire re kene re tshepega. Lebelela gore Pawulo o re king mo a ya mahlong ka taba yage, o re: “Go re yamogela gage go maka gore re be le tumelo. Re ka tshepa gore tso re di dumelang di ka sa re tšebisi.” (Marom. 5:​4, 5) Taba yowa yi ka makatsa ba bangwana. Ke ntaba? Ka taba la gore hala nthagonyana ga Maroma 5:​2, Pawulo o hlayye gore Makreste yane ya Roma ke mo ma na le tshepo, ke mo ma “tshepa gore Modimo o nyoko [ma] gadimisa.” Byalo, ye mongwana a ka butsisa gore, ‘Mo nkare Makreste yane ma šele ma na le tshepo, ke ntaba Pawulo a bolabola ka tshepo ka nthagonyana ga mo a šele a bolabodiye ka tse dingwana?’

16. Tshepo yi thomisa go gola byang ga motho? (Lebelela le dithombhe.)

¹⁶ Re ka napa re di kwisisa gabutši gore Pawulo ke mo a rela ying mo re gopola gore tshepo ke selo sa gore se fo dula se gola. Mo re beyisa: Ayitsano o sa gopola mo o thomisa go kwa ka tshepo ya go bafala ya gore yi ka Lentsung la Modimo? O ka fo ba o naganne gore taba ya go phela go ya go yye ga lefase la gore ke pharadeyisi yi jabodisa ka matla mara ne o sa nape o tshepa gore yi ka makega. Mara, ka nthago ga gore o tšhute tsa go tlala ka Jehova le ka tso Bhayibele yi di tshepisang, o napiye o di tshepa tsa gore tshepo yowa yi nyoko makega tsa mannete.

17. Tshepo yago yi ya mahlong yi gola ka mokgo mang ka nthago ga mo o tineyele o boya o kolobetsiwa?

¹⁷ Le ka nthago ga mo o šele o tineyele o boya o kolobetsiwa, mo o ya mahlong o tšhuta tsa go tlala fote o butšwa ga tso tsa Modimo, tshepo yago yi napiye yi hluhlutela. (Maheb. 5:13–6:1) Nakwenngwana o bonne o makegela ke tso di hlayang ke Maroma 5:​2-4. O yye wa gahlana le dintshitshire tsa mohlobohlobo, mara o tiyisele ga tsona ke mokane wa di bona mo Jehova a go yamogela.  Ka taba la gore wa di tšiba tsa gore Jehova o go nyaka ka matla fote wa go yamogela, gana byalo o na le dilo tso di makang gore o sa kamake gore o nyoko di kraya tso a di tshepisang. Tshepo yago yi tiyye mong go tiya go phala mathomisong. Ke mong yona-yona ho gago, ba bangwana ba ka sa di kwisisi. Yi go yama la go sa hlayisege, yi yama selo se sengwana le se sengwana ga lephelo lago fote yi tšhentšha ka mokgo o tshwarang ba genu kela mutši wago, ka mokgo o segelelang dipheto re ra le mong ka mokgo o berekisang nako yago.

18. Jehova o re tshepisa ying?

¹⁸ Lepostola le tokegela ka taba ye nngwana ye kgolo ga taba ya tshepo yo o nang nayo ka nthago ga mo Modimo a go yamogele. O tshepisa gore tshepo yago yi nyoko makega. King so se makang gore re sa yi kamake taba yowa? Pawulo o tokegela ka tso Modimo a di tshepisang Makreste, ka gore: “Re ka tshepa gore tso re di dumelang di ka sa re tšebisi ka taba la gore Modimo o berekisa moya wa go hlawolega wo a re neyang wona go šupetsa gore wa re nyaka.” (Marom. 5:5) Byalo, a go na so se ka makang gore o kamake tshepo yone—re ra tshepo yago.

19. King sa gore o ka tshepa o tiyise mo di tla ga tshepo yago?

¹⁹ Ghayela ka tso Jehova a di tshepisiyeng Abhrahama le ka mokgo a yyeng a mo yamogela fote a mo tseya go le monghana Wage. Tso Abhrahama ne ba mo tshepisiye tsona di yye dya makega. Bhayibele yi re: “Abhrahama o yye a lefisa pelo ke mokane a kraya tso ba mo tshepisiyeng tsona.” (Maheb. 6:15; 11:​9, 18; Marom. 4:​20-22) A sanka a tšeba le ka gonyana. Le wene o ka tshepa o tiyise gore o nyoko kraya patela yo ba go tshepisiyeng yona. Wa tšiba, o na le dilo tsa go tlala tso di makang gore o jabole ka taba la gore tso ba go tshepisang tsona di nyoko makega, o ka sa šale o tšebiye! (Marom. 12:12) Pawulo o ngwadiye gore: “Nkare Modimo wa gore o le tshepisiye tsa ku mahlong a ka maka gore le jabole fote le bebe mo le kene le mo tshepa, nkare le moya wa go hlawolega wo ka maka gore le nape le tshepa le tiyisiye ka tso di nyoko makegang ku mahlong.”—Marom. 15:13.