1. Ka Bhayibeleng, batho ne ba tseyela gedimo sekgwa go segela kaye?

 SEKGWA ke mo go le sa go ja sa gore batho ba gore go bolabodiwa ka bona ka Bhayibeleng ne ba se tseyela gedimo. (Gen. 14:18; Luk. 4:4) Gabutšibutši, sekgwa ke mo se tlwayelegiye tsa gore Bhayibele ka dinako tse dingwana ne yi šinya yi berekisa “sekgwa” mo yi rela tsa go ja. (Mat. 6:11) Jeso o berekisiye sekgwa ga mehlolo yage ka mmedi ya gore yi tšibega ka matla. (Mat. 16:​9, 10) Re ka bala ka wo mongwana wa mehlolo yowa ga Johane tema 6. Mo re kene re bolabola ka taba yowa, re nyoko bona tso re ka di tšhutang tsa gore le rune di ka re berekela.

2. Ne go ro makega ying mo go šinya go nyakega tsa go ja?

² Ka nthago ga gore mapostola ya Jeso ma fetse go tšhomayela, Jeso o yye a kalama nawo sekepe ke mokane ba talakanya Lewatle la Galeliya gore ba thogo khutsa. (Mar. 6:​7, 30-32; Luk. 9:10) Ba yye ba segela ga poleke ya gore yi thoko ku Bethsayida. Mara, ka nthago ga hone, dikitikiti tsa batho di yye dya segela ke mokane dya ba dukuluga. Jeso a sanka a ba teyisa ka moya. O yye a tineya nako ya go ba tšhutisa ka Mmušo wa Modimo a boya a yalafa bo ba gore a ba titsose. Ka taba la gore ne le šele le tlulela, malata yage ne ma tiputsisa gore batho bowa ka mokana ga bona ba ka di kraya byang tsa go ja. Ba bangwana ne ba ka fo ba na le tsa go ja tse dinyana, mara ne di nyaka gore ba go tlala ba yi ba tikrayele tsa go ja ku dimitšaneng. (Mat. 14:15; Joh. 6:​4, 5) Jeso ne a ka maka ying mara?

JESO O MAKA MOHLOLO GORE A BA NEYE DIKGWA

3. King so Jeso a se butsiyeng mapostola yage gore ma se makele mogoba? (Lebelela le sethombhe sa ka .)

³ Jeso o butsiye mapostola yage gore: “Ba sa tloge; lune ba neyeneng tsa go ja.” (Mat. 14:16) Ne di šupetsa di ka sa kgonege ka  taba la gore ke mo go na le gana hala ga 5 000 ya banna. Fote mo re bala le basadi le bana, ne go ka fo ba go na le 15 000 ya batho ba gore ne ba nyaka tsa go ja. (Mat. 14:21) Andreya o yye a re: “Mošomanyana ke yewa, o tshwere dikgwa kapheta ya tsona le dihlapi ka dipedi. Mara di ka maka ying tsotso mo o lebelele batho ba go tlala so?” (Joh. 6:9) Dikgwa tsa gore ne di makiwwe ka mabelethoro ne go le tsa go ja tsa gore batho ne ba tlwayele go di ja, fote dihlapi tsone tse dinyana di ka fo makega gore ne ba di tšhediye letswayi ke mokane ba di womisa. Mara tso mošomanyana yene ne a di tshwere ne di ka sa kgone go fepa moririmane wowa wa batho!

4. King so re ka se tšhutang ga Johane 6:​11-13? (Lebelela le dithombhe.)

⁴ Jeso ne a nyaka go šupetsa batho bala gore o ba kwela go baba, byalo o yye a ba kgopela gore ba dule fase ka megoba hala ga gore go na le mabyang. (Mar. 6:​39, 40; bala Johane 6:​11-13.) Re bala gore Jeso o yye a leboga Papage ka taba la sekgwa le dihlapi. Mo a maka ka mokgonone, ke mo a šupetsa gore Modimo ke yene a ba Neyyeng tsa go ja tsone fote ne a di leboga. Di gabutši ka matla gore re latelele mošupetso wa Jeso ka go rapela mo re soko ja, le mo re ka fo ba re le ntoši kela re na le ba bangwana. Ke mokane Jeso o butsiye malata yage gore ma neye batho bala tsa go ja, batho bala ba ja go segela ba kgotsofala. Ke mo go na le tsa go ja tsa gore ne di šele tsa gore Jeso ne a sa nyake ba di lahla. Byalo, o ba butsiye gore ba di kgobaketse gore ba thogo di berekisa ka nthago. Jeso o re beyele mošupetso wa gabutši mo di tla ga taba ya go berekisa gabutši tso re nang natso. Mo nkare ke wene mmelegi, o ka berekisa taba yowa go tšhutisa bana bago gore ke ntaba di le gabutši  go rapela mo o soko bane o ja, go kwela ba bangwana, le go sa konane ka tso ba nang natso, go fo tshwana le Jeso.

5. Batho ne ba nyaka go maka ying ka nthago ga gore ba bone dilo tsa go makatsa tso Jeso a di makiyeng, mara Jeso o yye a maka ying?

⁵ Ka mokgo Jeso ne a tšhutisa ka gona le mehlolo yo a yi makiyeng di makiye gore batho ba šale ba yahlamme. Ke mo ba di tšiba gore Moše o hlayye gore Modimo ne a nyoko romela moporofeta ye mogolo, byalo ba ka fo ba ba naganne gore Jeso ne go le yene moporofeta yene. (Dot. 18:​15-18) Ne ba ka fo ba ba nagana gore Jeso go ka ba wa go lawola wa gabutši, fote ne a ka kgona go neya batho ka mokana ga bona ba Israyele tsa go ja. Byalo batho ne ba nyoko “tshwara [Jeso] gore ba mo make kgoši.” (Joh. 6:​14, 15) Hala Jeso a f’lo dumela, ne a nyoko ba a kenakena tsa dipolotiki tsa Majuda ya gore ne ma lawola ke Maroma. Nje o yye a dumela? Dho. Re bala gore Jeso o yye a ‘a fo nyamalala a ya thabeng.’ Le mo nkare ba bangwana ne ba mo hlohletsela gore a kenakene tsa dipolotiki, o yye a fo di teyisa ka moya. Re tšhuta se sengwana gage!

6. Re ka wo yekisela ka mokgo mang mošupetso wa Jeso? (Lebelela le sethombhe.)

⁶ Re ya di tšiba gore batho ba ka sa re kgopele gore re make mehlolo gore go be le tsa go ja, gore re yalafe ba gore a ba titsose kela gore re be magoši ya bona. Mara ba ka fo re kgopela gore re kenakene tsa dipolotiki ka gore re vowute gore re thogo šupetsa gore re yema le motho wa gore ba nagana gore o nyoko lawola gabutši.  Mara, mošupetso wa Jeso wo napa wo beya dilo lekgwaying. O yye a gana go kenakena tsa dipolotiki, fote ka nthago o yitseri: “Mmušo waka a yi wa lefase lowa.” (Joh. 17:14; 18:36) Ka gore ke rune Makreste, di nyaka re nagana ka mokgo Jeso ne a nagana ka gona re boye re latelele mošupetso wage. Re yema le Mmušo wone, ra bolabola ka wona ra boya ra wo rapelela. (Mat. 6:10) Tla re boyeleneng ga taba yela ya mo Jeso a maka mohlolo gore go be le dikgwa ke mokane re bone gore king se sengwana so re ka se tšhutang.

“TSO MALOFO MA RELANG TSONA”

7. Jeso le mapostola ba makiye ying? (Johane 6:​16-20)

⁷ Ka nthago ga gore Jeso a fepe mogoba, o yye a re malata yage ma tloge hone polekeng gore ma boyele Kaperenawume ka sekepe ke mokane yene a kalama thaba, tsotsone dya maka gore mogoba wo šitege go mo maka kgoši. (Bala Johane 6:​16-20.) Mo mapostola ma kene wa le ku lewatleng, go yye gwa ba le sedingwane sa gore se makiye gore go be le maphoto ya magolo. Jeso o yye a nyarela a sepela gedimo ga meetši. Ke mokane o yye a botsa Petro gore le yene a sepele gedimo ga meetši. (Mat. 14:​22-31) Mo Jeso a fetsa go kalama sekepe sone, moya wo yye wa sa sa tšutla. Malata yage ma yye ma re: “Ka nnete ke wene Morwayi wa Modimo.” a (Mat. 14:33) Mara a maa di bona gore mohlolo wowa le wa gore Jeso ne a šele a wo makele mogoba yi sipidisana byang. Mareka o hlayye le gore: “[Mapostola] ma bonne mehlolo yo Jeso a yi makiyeng ka malofo yala, le gana byalo lowa ke mo ma sa kwisisi dilo tso a kgonang go di maka.” (Mar. 6:​50-52) Eya, ma šitegiye go kwisisa matšhika ya Jehova a ma neyyeng Jeso gore a thogo maka mehlolo. Ka nthago ga mone, Jeso o yye a bolabola ka mohlolo wa mo a maka gore go be le dikgwa ke mokane a ma tšhutisa se sengwana fote.

8-9. Ke ntaba mogoba wo yye wa nyakela Jeso? (Johane 6:​26, 27)

⁸ Mogoba wa gore Jeso ne a wo neyye tsa go ja ne wo nyaka go fo tlatsa mpa le go kgotsofatsa tso ne wo di nabela. Byang mara? Ka letšatši la go latela, ba yye ba di bona gore Jeso le malata yage ke mo ba sipidiye. Dikepe tse dingwana di yye dya segela Thibheriyase, byalo mogoba wo yye wa di kalama ke mokane wa ya Kapernawume gore wo thogo kraya Jeso. (Joh. 6:​22-24) Nje ba makiye ka mokgonone gore ba thogo kwa tse dingwana ka Mmušo wa Modimo? He-e. Ne ba fo nagana gore ba nyoko kraya tsa go ja. Re di tšibela kaye tsotsone?

⁹ Bona so mogoba wo se makiyeng mo wo kraya Jeso thina le Kapernawume. Jeso o ba butsiye gore tso ne ba di yetsisa mahlong ne go le go fo kraya tsa go ja. O hlayye gore ba “jile dikgwa ba kgora” ka “tsa go ja tsa gore di ya bola.” O ba kgopele gore di nyaka ba berekele “tsa go ja tsa gore di nyoko fo dula di le gona go ya go yye.” (Bala Johane 6:​26, 27.) Jeso o hlayye gore Papage ne a nyoko ba neya tsa go ja tsa go tshwana le tsone. Mo batho bala ba kwa gore go na le tsa go ja tsa gore di nyoko maka gore ba be le lephelo la go ya go yye, di ka fo makega gore ne ba makele! Ke tsa go ja tsa mošaga mang tsa gore di ka mokgonone, fote ne ba ka di kraya byang?

10. Ne di nyaka gore batho ba make ying gore ba kraye “lephelo la go ya go yye”?

¹⁰ Di šupetsa nkare Majuda ne ma nagana gore ne di nyaka ma make tso Jeso a di makiyeng kela dilo tsa gore di ka maka gore ma kraye tsa go ja tsone. Ma ka fo ba ma yye ma nagana ka “mmereko” wa Molawo wa Moše. Mara, Jeso o ma butsiye gore: “Mmereko wowa wa Modimo ke wona wo šupetsang gore le dumela ga ye a mo rommeng.” (Joh. 6:​28, 29) Ne di nyaka ma be le tumelo ga Jeso gore ma thogo kraya “lephelo  la go ya go yye.” Gabutšibutši, Jeso ne a šele a bolabodiye ka taba yowa. (Joh. 3:​16-18, 36) Ne a sa nyoko bolabola ka lephelo la go ya go yye fote.—Joh. 17:3.

11. Majuda ma šupetsiye byang gore ne ma fo tinyakela tsa go ja? (Pisalema 78:​24, 25)

¹¹ Majuda yane a sanka ma yamogela tso Jeso ne a di tšhutisa ka ‘mmereko wa nyuwane wa Modimo.’ Ma mmutsisiye gore: “Ke mošupetso wofeng wo o wo makang, re nyaka go wo bona gore re thogo go tshepa?” (Joh. 6:30) Ba hlayye gore batho ka dinako tsa Moše ba yye ba kraya manna gore ba thogo ja, ne go le tsa go ja tsa letšatši le lengwana le le lengwana. (Neh. 9:15; bala Pisalema 78:​24, 25.) Di fo ba lekgwaying gore ne ba fo tinyakela tsa go ja. Fote mo Jeso a bolabola ka “sekgwa sa go tšwa legedimong,” sa gore ne se sa tshwane le manna ka taba la gore ne se ka maka gore ba kraye lephelo la go ya go yye, a baa mmutsisa gore ne a rela gore king. (Joh. 6:32) Ke mo ba fo nyaka tso ne ba di gayela gore ba thogo phela, a sanka ba theetsela mo Jeso a liketsa go ba tšhutisa gore ba ka kraya lephelo la go ya go yye ka mokgo mang. Rune re ka tšhuta ying ga taba yowa?

TSO DI NYAKANG RE DI TSEYELA GEDIMO

12. Jeso o šupetsiye ka mokgo mang gore king tsa gore di nyaka di tseyediwe gedimo?

¹² Se sengwana sa gore di nyaka re se tseyele gedimo sa go tšwa ga Johane tema 6 ke sowa. Go theetsela Modimo le go ba le senghana sa gabutši naye di nyaka re go tseyele gedimo ka matla. O sa lebale gore Jeso o yye a bolabola ka taba yonone nakwela a sa yi kene mo Sathane a mo liketsa. (Mat. 4:​3, 4) Fote nakwela a Tšhomayela a le Thabeng, o yye a tšhutisa gore di gabutši ka matla gore re be le senghananghana le Modimo. (Mat. 5:3) Byalo, re ka tiputsisa gore, ‘Nje ka mokgo ke phelang ka gona go šupetsa gore senghana sa ka le Modimo ke se tseyela hlogong go phala go nyoko fo tikgotsofatsa ka tso ke di nabelang?’

13. (a) Ke ntaba re ko ba re sa sinyi mo re jabolela tsa go ja? (b) Pawulo o re pasopisa ka ying? (1 Makorente 10:​6, 7, 11)

¹³ Phela a re sinyi mo re rapelela dilo tso re di gayelang re boya re di jabolela. (Luk. 11:3) Bhayibele yi re di gabutši gore motho a “ji a boye a nwe fote a jabodisi ke mmereko wage,” tsotsone “di tšwa ga letsogo la Modimo wa mannete.” (Mmo. 2:24; 8:15; Jak. 1:17) Mara di nyaka re ntshe maahlo dikwakweng gore re sa tikraye re yetisa mahlong tso re di nyakang go phala tso tsa Modimo. Pawulo wa lepostola o šihlele taba yowa hala a bolabola le Makreste ya gore ne ma sa phela mo go šele go nyoko fela dinako tsa Sejuda. O bolabodiye ka mošupetso wa gore a yi wa gabutši wa Maisrayele nakwela ma le mašahleng, gana hone go kena le tso ma di makiyeng thina le Thaba ya Sinayi. O pasopisiye Makreste gore ma ‘sa nabele dilo tsa gore di ka ma kwaletsa, go tshwana nawo.’ (Bala 1 Makorente 10:​6, 7, 11.) Jehova ne a makiye mohlolo gore a thogo neya Maisrayele yane tsa go ja. Mara ka taba la gore ne ma kwana le tsa go ja ka matla, di yye dya ma “kwaletsa” kela dya sa ma gelepe ka selo. (Dip. 11:​4-6, 31-34) Hala ma rapela senamane sa gholdi, Maisrayele ma šupetsiye gore ma tseyela gedimo tsa go ja, tsa go nwa le go tijabodisa go feta go tseyela gedimo taba ya go theetsela Jehova. (Ek. 32:​4-6) Pawulo o bolabodiye ka mošupetso wowa gore a thogo pasopisa Makreste ya gore ne ma phela mo go šele go nyoko fela ka Jesusalema le ditempele ka 70 C.E. Le rune re phela thina ka matla le nako ya gore lefase lowa go fele ka lona, byalo di nyaka re tseyele gedimo tso Pawulo a di hlayyeng.

14. Bhayibele yi re king ka tsa go ja lefaseng la nyuwane?

¹⁴ Nakwela Jeso a re botsa gore re rapelele “tsa go ja tsa rune tsa lekgono,” o re tšhutisiye le gore re rapelele gore tso Modimo a di nyakang di makege “legedimong le lefaseng.” (Mat. 6: 9-11) O nagana gore lefase le ko ba le le ka mokgo mang ka nako yonone? Bhayibele yi šupetsa gore ga tso Modimo a nyakang di makega ho lefaseng, go kena le tsa go ja tsa go jabodisa. Jesaya 25:​6-8 yi hlaya gore go nyoko ba le tsa go ja tsa go tlala tsa go natefa ka matla gore di thogo jabodisa batho mo go lawola Mmušo wa Modimo. Pisalema 72:16 yi porofitiye gore: “Go nyoko ba le mabele ya go tlala mo lefaseng; ma nyoko tlala ka matla le gedimo ga dithaba.” Nje o fela o lora o yapega tsa go ja tsa gore o kwana natso kela o liketsa tse dingwana tsa gore a o soko di maka? Go tokegela ga tsone, o ka fo jabodisa ke tso o di bunang ga medhriva ya gore o nyoko ba o yi gašiye. (Jes. 65:​21, 22) Fote o ka sa di jabolele o le ntoši.

15. Bo ba gore ba ko ba ba tsusiwwe ga bo ba hlokofeleng ba nyoko tšhuta ying? (Johane 6:35)

¹⁵ Bala Johane 6:35. Nagana fote ka batho bala ba gore ba jile dikgwa le dihlapi tsa gore Jeso o ba neyye tsona. Mo go šele go tsusiwa bo ba hlokofeleng, o ka fo gahlana le ba bangwana ba bona. Le mo nkare a sanka ba šupetsa gore ba na le tumelo ku botala, ba ka fo tsusiwa. (Joh. 5:​28, 29) Mara di nyoko nyaka gore ba tšhute tso ne di rela ke mantsu ya Jeso ya gore: “Ke nna sekgwa sa lephelo. Ye mongwana le ye mongwana ye a nšalago nthago, a ka sa sa kwa tlala.” Fote di ko nyaka gore ba be le tumelo ga sehlabelo sa Jeso, ba dumele gore Jeso o yye a maka sehlabelo ka lephelo lage ka taba la bona. Ka nako yonone, bo ba gore ba ko ba ba tsusiwwe ga bo ba hlokofeleng le bana ba gore ba nyoko belegiwa ga lefase la nyuwane, ba nyoko tšhuta nnete ka Jehova le tso a di nyakang. Di nyoko jabodisa stereka go gelepa go ba tšhutisa ka dilo tsowa tsa gore di šiya motho a yahlamme! Di nyoko jabodisa stereka go maka tsotsone go phala go ja sekgwa sa mannete. Eya, go ko ba go bolabodiwa ka dilo tsa go re gelepa gore re tlalele ga tso tsa Modimo.

16. Re nyoko tšhuta ying ga hlogotaba ya go latela?

¹⁶ Re bolabodiye ka sekopa sa tso di hlayang ke Johane tema 6, mara ne go na le tsa go tlala tsa gore Jeso ne a nyoko bolabola ka tsona ka “lephelo la go ya go yye.” Majuda ya gore Jeso ne a bolabola nawo ne di nyaka ma ro napa ma theetsela tso Jeso ne a di hlaya, le rune di nyaka re make ka mokgonone. Re nyoko ya mahlong re bolabola ka Johane tema 6 ya hlogotaba ya go latela.